المساعد الشخصي الرقمي

مشاهدة النسخة كاملة : X*XHana Yori Dango تقرير عنX*X


ضحكتي ماركهـ
25-07-2008, 12:29 PM
السلام عليكم ورحمه الله وبركاته

أحم أول موضوع لي أنا الي كاتبتهـ هع أهيء أستحي :red_smile:
بما إني توني أدري اليوم عن القسم ... وقمت أفرتس في هالعيون ساعة إلين دخلن في مخي ويالله طلعتهن...
مار للحين ماستوعبت مع إني شاركت فيه
قلت ماهنا إلا حل .. إني أنزل موضوع ... تسود أقتنع :shiny:
المهم موضوعنا ياحلوين عن مسلسل درامي ... هالحين بتسئلوني وش دخله بالإنمي ترا والله اللي يسألني هالسؤال والله للفعه بالنعله ... :39:
له دخل بالإنمي ... لإنه هو بالأصل أنمي بس بعد سنوات سوو له مسلسل حقيقي يعني فيه أوادم صدزيين مهوب قلم وورقه وكمبيوتر وخرابيط
http://www.bnat-20.com/upload/upfiles/P1117621.jpg (http://www.bnat-20.com/upload/)
الإنمي أنتهت حلقاته في عام 1997م ... وفي نهاية عام 2005 بدوا يزينون مسلسل درامي له ... صراحتن أنا ماشفت الإنمي بس المسلسل الدرامي يهبــــــــل ... ويا نااااس تطنزوا علي علشاني أشوف مسلسل ياباني .. بس هع طاحت وجيهم خلتهم يناظرونه غصبن عن خششهم وجااازلهم ... وأنا ما عندي إلا 5 حلقات وشوفها كلها وقاموا يمعطون شوشتي حسبي الله على بليسهم .. يبون الباقي
والمسلسل كله له تسع حلقات فقط بس مدة الحلقة الوحدة حول 46 دقيقة ...
أما عن أسم المسلسل ..........
أسم المسلسل بالياباني : 花より男子 وينطق Hana Yori Dango
<--- أنا ما كلم ناس يرطنون ويكتبون عربي وعنقليزي بس .. أبعدوا عني بس أحح
أسم المسلسل بالعتقليزي والعربي : Boys Over Flowers - أولاد على الزهور ..
.
.

--( القصــــــــــــة )--
/
\
/
وه وه وه على القصة مليوون بالمية بيجوزلكن يالبنات .:love:.. فيه رومتنطك وش يطلع عند روميو وجوليت :sm199:.. بس مناب متكلمة عن الرومنطك لإنه يعتبر مخرب للي يبي يشوف المسلسل
المهم أبقولكم قصة بشكل مهوب مخرب .... يعني اللي أبقوله هالحين يعتبر ولااااا حبة فتات خبز بالنسبه لروعة القصة ..
بطلة المسلسل أسمها تسوكوشي ماكينو .... هي بنت تدرس في الثانويه في مدرسة أغنياء في اليابان والمشكلة إنها بنت منتفه من الفقر وش مدخلها لهلمدرسه ما دري ( شوفوا المسلسل وتعرفون )
المهم ماكينو تعودت على أولاد الجخ يعني الأغنياء .. يعني اللي وحده تروح للافيجاس علشان تشتري ميدالية جوال ماهنا إلا وحده منها... ( بإختصار الفلوس تكب كب عليهم لدرجة مايدرون وش يزينون بها )
صراحتن مدرستهم تخليك فاقن خشتك طول الوقت والله الله على السعابيل اللي بتنزل ... يعني سيارات كشخة والأماس وهالخرابيط الزينه اللي لاتعد ولا تحصى
وماكينو كبنت فقيرة أكيد إنها بتنطحن من القهر والغيرة ... بس تعودت على المدرسة لمدة سنتين ... وتعودت على كل شي يصير فيها ..
وهي البنت الوحيدة في المدرسة تجي للمدرسة وترجع للبيت برجليها
ودايما ماكينو تسأل نفسها بالله ذولا وشوله يجون للمدرسة .. وهي صادزة ....
نبدا بالأهم في القصة ... في المدرسة عندهم قانون ... وهو إذا طالب فتح دولابه ولقى بطاقة حمرا ومكتوب عليها F4 ... يعني هالطلاب بيشوت إلين يشبع من قبل جميع الطلاب .... يعني يهبلون به إلين يطلع الشيب في راسه
وهالقانون مسوينه أربعه من أغنى الأغنياء في المدرسة هالأربعة لما سجلوا في المدرسة دفعوا أبوانهم فلوس كثيره علشان يكون لأولادهم الحرية بالتحكم بالمدرسة كلها سواء بالمدرسين والطلاب وكلش !
ويسمون هالأولاد بالزهور الأربعة وتختصر F4
في الحلقة الأولى طالب لقى في دولابه البطاقة الحمرا وهي تعتبر إعلان الحرب من الـF4 .. وطبعاً كل طلاب المدرسة طلعوا من فصولهم في وسط الحصص علشان يهبلون بالولد لما أكتشفوا إنه أخذها
تدرون ليش أخذ البطاقة الحمرا لإنه كان ياااااكل برتقالة وطاااااارت قطرة زعنونه ودخلت في وسط عين واحد من أغنى الأغنياء
والأخ مستر أغنى الأغنياء أسمه دوميوجي عطاه البطاقة الحمرا علشان تسذا .... ( وديييييييي أشووووته )
المهم ماكينو تكره هالمدرسه كره مهوب طبيعي بسبب هالـF4 ... ودها تشوتهم بس وش تسوي ذولا مب إي أولاد ... ودايما كلما تضايقت منهم تطلع كل حرتها في درج طوارئ المدرسه يعني زي إنها تصارخ وتزاعق زي تقول الحميييير !!!<-- كل ذا قهر
وديماً يسمعها واحد من الـF4 بس مايسوي لها شي ...حبيييييب أسمه روي ...
بعدين ماكينو صادقت وحده جديدة في المدرسة ... وصديقتها في وقت الغدا راحت تودي العصير بس ..............
صقعت بواحد من الـF4 وهو الماااصل دوميوجي ياثقل طينته ... طبعاً صديقتها تتنافض من الروعة
ومستر دوميوجي قالها تراني بردان إن جاني مرض ولا شي .. وش بيصير لإقتصاد اليابان .. هيه إنتي يالدبشه تعرفين من أنا ؟!!
والمسيكينه طول الوقت تقول ( قومنيه ) يعني آسفه ... أبدفع غسيل ثيابك أبي أسوي اللي تبيه بس تكفى أنقلع عني
المهم ماكينو ماتحملت المشهد اللي قدمها وكبنت حبيبه وتحب الناس ... قالت بصوت عالي وهي خااايفه : توقف !! ... والله يرحم والديك خلاص ... أعذرها هي ماقصدت هالشي
المهم الجني الأرقط دوميوجي طلع من الغرفة بكل هدوء ....
و آييييييي ... وفي الثاني فتحت ماكينو دولابها ولقت البطاقة الحمرا ..... المسكينه

والحماااااااااااره التسلبة صديقتها اللي هي السبه بكل هذا دلت ماتقعد معها
بعد ماهبلوبها في اليوم الأول ... يجي يوم الثاني والملعون دوميوجي قايلن لثلاثة طلاب يعتدون على البنيه ><!!
وودوها لمعمل المدرسة ..بس وهه الحمد لله كان فيه واحد من الـF4 وهو أحبب شخص بينهم وأسمه روي وطبعاً قلعهم قبل مايبدون بالجريمة المروعه ....
والبنت تصيييييح وشكرته ... وقالها لا تشكريني أنا بس أكره هالأشياء
ومن هنا ماكينو تعجب بروي ...
ويوم من الأيام ماكينو وهي تتغدى في المدرسة ... ( بعض اليابانين يحطون أكلهم في صندوق خاص بالأكل المهم الصندوق حق ماكينو عطت أياه أمها وهو صندوق فخم وغالي ... )
وكان في هذا اليوم مسوية لها أمها جمبري يهبلللل شكله طعم ... المهم هالأكلة مفضلة لماكينو بس الجمبري اللي مسويته أمها من النوع الكبير يعني الغالي... وتعرفون حالتهم الإقتصادية فقرا بس أمها وأبوها يحبونها بدرجه إنهم يضحون بالأشياء المفضله لهم علشانها وهالكلام بعد ينطبق على أخوها الصغير
وماكينو مادرت عن الجمبري إلا لما فتحت صتدوق الغدا حقها ... وأستانست به بشكل فظييع ... ويجيها ذاك أبو فلافل مستر دوميوجي ... وقال مجرد فقيره تبي تصير مثلنا ... وأخذ صندوق الأكل حقها ... وطرقعععععععع على الأرض ...
ودعس الجمبري بجزمته ( دعسه جني ).... وراح ينادي أصدقاه بكل برووده وقال : يالله أبروح للسوق أشتريلي جزمتي توسخت ( <-- من الحره )
وماكينو الضعيفة قامت تلقط النعمه ... وشافت الجمبري وفكرت بأمها وبأبوها وشلون يحبونها ....
وقالت : هيييييه ! أنت أصبر ! ...
وقال : هاه , قلتي شي ...؟
قالت : أنا والله ماعرف إن كنت ولد غني ولا لا ...
وعلت صوتها وهي معصبه وقالت : أنت مجرد إنسان فاااشل ماجبت ولا فلس من تعبك !!....
ورفعت كمومها ....
وقالت : لا تكن غارقاً جداً بالفلوس !!!
وطرقععععععععععع مع خشته <-- مجديتن فيييييه .. ياااهي بردت حرتي
هااااااااااااااع ونااااااااسه عططته بوكس محترم خلاه يدبج في الأرض ...
وقالت : أنا أعلن الحرب ... تعال في إي وقت وفي إي مكان علشان أشوتك
ياترا ماهي العقبات التي ستوجهها ماكينو من دوميوجي هل ستنتهي الحرب بينهم ... وماذا عن روي هل هو معجب بها أم لا ؟؟؟؟ ....
الكثييييييييييييييييييييييييييييييييييييير من الأشيااااااااااااااااااااااء التي لا تتوقعونها أبداً ولا تفكرون بها في بداية القصة
ولكن الأحداث ستنقلب رأساً على عقب ..........<--- يازين العربي الفصيح حقي
--( الشخصيـــــــــــــات )--
/
\
/
ماكينو
شرحت دورها في القصة مهوب لازم أعيد <---- زووله
دوميوجي تسوكاسا
زعيم الـF4 والحاكم المطلق في المدرسة وهو أبن رئيس دوميوجي العالمي المشهور ... تربى تحت رعاية أبويه القاسيان اللذان لايعرفان الحنان أو الحب ..
ولغته اليابانية ضعيفه مع أنه ياباني خخخخ
!! أثـره يلعب من وراي لكن هين أنـا أوريـه ويقـولـي بعد إنـه مـايحب غيـري ..
.. حسافة ضاعت سنيني لكن ماراح تقدرين تاخذينه مني <----= داخله جو مع القصة ..
.. إيــه كل أخبـاره عنـدي يغني ويمثل وحبيب الملايين برجـه العـذراء وله أخت وحده ..
.. من مواليــد 1983 بـ شهـر أغسطس يوم 30 يعنــي عمــره 23..
.. ولادته ومسقط رأسه طـوكيــو - اليـابـان طـوولـه 173 وزنــه 58 فصيلة دمه A ..
.. ممثل ومغني وفرقته اسمها " Arashi " :sm130:وراقص وبالمسرح وبالتصوير الفوتوغرافي ..
وهذي صوره لفرقه أراشي:
http://www.bnat-20.com/upload/upfiles/UpT17759.jpg (http://www.bnat-20.com/upload/)

هانازاوا روي
هو وريث لشركة ضخمة في اليابان .. من صفاته إنه هادئ ومايتكلم كثير وغااامض ...
ميماسكا أكيرا
يحب يصادق الحريم المتزوجات اللي يصرون أكبر منه بعشر سنوات ... وبعد الأبو نفس الشي وهو رئيس للمجتمع سراً
نيشيكادو سوجيرو
ورث من عائلته طريقة تزين الشاهي ... وهو ولد لعوب ويحب الحريم
وكثييييييير شخصيات بس إني فيني ... المهم ذكرت لكم أهم الشخصيات اللي بالمسلسل
ياهم خوقااااااق اكيرا ودميجي وعارض الأزياء <<وه بس:cupidarrow:


وووبس قضينا ... إن شاء الله جازلكم الموضوع ... وأعذروني على ثقالة الدم
إذا عندكم سوعال عن المسلسل أسئلوا ماتستحوش والي عندها واحد خااقه عليه تقوول ماتستحيش هع
والي عندها الحلقات مترجمه بالعربي تحطها عشان الباقي يستفيدووون هع
والي عنده اي معلومه يسدحها هنا عشان تستفيد

SoSo Chan
25-07-2008, 06:25 PM
^_^ الموضوع الرسمي لاخبار ومناقشات دراماHana Yori Dango^_^ (http://www.an-dr.com/vb/showthread.php?t=8770)