المساعد الشخصي الرقمي

مشاهدة النسخة كاملة : تعلوا نفرق بين الكلام ا لبدوي.. والحضري(الحجازي) اهل المدينة


سوما
30-12-2008, 04:09 PM
السلام عليكم ورحمة الله
كيف حالكم يااعضاء^^...طبعا موضوعي هو نفرق بين الكلام البدوي والحضري<<اش تقول هذي اذبحها....يعني انااعرف انو نحنا زي بعض ^^بس في كلام حضري انتوا ماتعرفوا كيف اش قاعدين يقولوا^^بس المهم نبدأ:
البدوي الحضري
سلام عليكم ورحمة الله.......السيلام عليكم ورحمة الله
وينك أو وينكِ ............فينك اوفينك
كيف حالك اوحالكِ....كيف حالك ياواد اويابنت
.................................................. ....................................
وش تقوولين....ايش تقولي....(على فكرة هما مايقولوا نون)الحضر
اش.....ايش
مثلا....مسلا
وجع...وتجع<<<انا قصدي في النطق يتقلوا الكلاااام
قيم قيم الله يهدديتج ويصلحج...قوم قوم الله يهديك ويصلحك
ياابوي روق......ياواد روق المنكا
ابوي امي او يومى يوبى ....بابا وماما
كيل...كول
قل..كول اوقول يعني مايقولوا (ق) يقولوا (ك)او يعض الاحيان يقولوا(ق)
اقلك...اكولك
برا....اندور
وجهك.....وشك
وجه...وش
واااااااااه وي ...واه واه وي وي ياندامه
مااحيبك او مااحبك.....اكرهك اواكرهيك
واه والله..............واه من جد (بعضهم يقولوا هيييييه او يقولوا والله)
ماابي.....ماابغى
شكرا اومشكور........شكرن أو...والله شكرن
يوووووه.....اوف
كشخه.....ايش الحلوة هدي او احلى
هذا هذي هذول....هدي هدا وهدول
أنت او انتاي....انتا او انتي
.................................................. ................
الحيونات
عوري للذكور....حتى الحضر يقولها ..اما الانثى يقولون انها بسه
بطه ...بطه نفس الشي
دجاج....دوجاج او ديك
عصفور...صوص<<تعرفوا يعني ايش صوص يقولها لبزران الدوجاج هذا هو
زرافه (يفخموا الراء).....زرافة(يرققوها)في كل شي (ر)يرققوها
الباقي زي بعض حتى الحضر برضوا

.................................................. ..................
خضروات,,,خضروات نفس الشي بس بعض الحضر يقولوا يعني يفخموا الضاد كأنها (ز)
والفواكه...فاكه او فواكه عادي برضوا
عيش....خبز او نفس الشي
فاراوله...فروله
برتقال...برتقال اوبرتكان<<<< زي ماقلتوا
يوستفندي...افندي
ذرة...ذورة<<في النطق يقولوا درة
رز...روز
بدنجان...بيدنجان<<في النطق بيدنجان ولكنها تكتب بدنجان
شوكلاطه اوشوكلايين او شوكلاااه اوشوكلت...شوكلاته او شوكلااااه اوشوكلت
.................................................. ...............
ريح او قيم اوروح ذاكر....روووح زاكر
والله اليوم جاي...نفس الشي
حلفي زين....احلفي نفس الشي
زين....طيب
وين....فين
بكره....بكره نفس الشي
السبت....السبت (نفس الشي)
الاحد...برضوا نفس الشي
الاثنين...الاتنين
الثلاثاء...تلوت
الاربعاء...ربوع
خميس...نفس الشي خميس
الجمعة...برضوا نفس الشي جمعة

.................................................. .........
واحد...واحد(نفس الشي)

اثنين...اتنين

ثلاثه...تلاته

اربيع...اربعه

خمس..خمسه

ست..سته

سبع..سبعه

ثمان...تمنيه

تسع...تسعه


عشر...عشرة

.................................................. .....
اتمنى انو موضوعي اعجبكم
وتقبلوا مروري اختكم سووسوو:SnipeR (69):

yama-chun
30-12-2008, 05:46 PM
شكــــــرا اختي سوسو على الموضوع ..

ودمدتي بود ^^





سلامي:
yama-chun

( لوتي فروتي )
25-06-2009, 04:56 AM
احم ...احم مين دا الي يتكلم علينا :cool::cool::cool:


سووسوو !! اهلين ياامورة

موضوعك حلو وفعلا اغلب كلامنا ننطقو كدا بس احسك بالغتي في بعض الاشياء >>> برا


طيب نبدا >>> ام اللقافه خخخ


زي الخضروات مانقولها خزروات !!

ومو كلنا نفخم الراء بعضهم بس يفخموها

والعيش نقولو عيش مو خبز

ومانقول على بوكره بكيره :XD_1: نقول بوكره

والبرتقال نقولو برتقال او برتوكان :)

والبسه الانثى بسه والذكر عوري صح ايش الغريب فيه اهل الحجاز كلهم يقولو كدا

ونقول ع الجزمه تليك :SnipeR (43):

والفواكه فواكه او فاكهه

بس مافهمت انتي ايش قلتي على شوربه معى عيش خخخ

والبدنجان بدنجان

والذره صح انا اقولها دورة بس لما اكتبها ذره ^ ^

واهم شي نهاية كلامنا مانحط حرف النون ولا الجيم ولا السين ولا الشين

واتوقع انتو كلامكم زينا صح ^ ^

وثانكس ع الموضوع حبيبتي وسويلنا موضوع عن كلام اهل جده :SnipeR (43):

:SnipeR (69):

Safi Naz
25-06-2009, 05:55 AM
وتجع
اول مرة اسمع بيها .. في الأغلب ما ينقال وجع ينقاال بلى ^^

عصفور...صوص
هادي جديدة صراحة ..

من متى ينقال على العصفورة صوص .. انتي تعرفي ايش الصوص ..؟؟

عيش....خبز
العيش هوا العيش .. في كل اللهجتيين يقولو عيش

برتقال...برتقالي
البرتقال نقولو برتكان برتكال .. و كمان برتقال .. بس برتقالي ماسمعت بيها ><

ذرة...زورة او دورة
ادا بدك على الكلماات .. الدرة اسمها حبش .. ><

بوكره....بكيره
بكراا عادي نقولها .. كماان انتي لا تزوديها ..

اما الجزمة .. كندرة
و الفستااان .. كرته

بس معضم الكلمااات دي حقت اهل الحجاااز القديمين .. زي جداتنا و جداننا ..

يعني في كلماات تجي ماتلقيها على اللي قدنا ><

..

على فكرة .. كل اهل الحجاز لهم لهجة وحدة .. بس طريقة النطق تختلف ..

اللي يتمجغ زيادة و اللي يكون مرررة بطييء ..

بس انتي مباالغة في حاجات و حاجات تانية ماجبتيها ابدن و هيا اللي فيها الإختلاف ><

With MY Love:|
Safi Naz

( لوتي فروتي )
25-06-2009, 06:03 AM
ههههههههههه سافي بشويش ع البنت

بالنسبه لوجع هيا كتبها وتجع مافي حاجه اسمها وتجع بس اتوقع سوسو غلطت في الكلمه بس احنا نقول وجع او عمى او بلى

والعصفور انقلب صوص توي انتبه خخخخ

اصلا احنا مانقول صوص نقول كتكوت

انتي تقولي ع الذره حبش زي بابا بس انا اقول دره

وبوكره = بكرا بس مطينا الكلمة :SnipeR (43):

والفستان كرته !!! اتوقعت انو الروب كرته

المهمو سوري سوسو بس حبينا نصحح بعض الاشياء ان شاء الله ماتكوني زعلتي :)

Safi Naz
25-06-2009, 06:09 AM
^
Up

ههههههههههههههههه وي يا حياتي انتي .. وحشتيني مرررة

ايوة صح .. او صوصة ..

لا تعرفي الدرة انا اقلها درة عادي .. بس المشوية منها اقوولها حبش <<عشان تفرق يعني ><

هههههههههههههه ايوة قلتيلي ..

لا ياشيخة .. الكرته هوا الفستان .. حتى دامين ما تسمعيهم يقولو كرتت الهنوود ..

بعض الناس يقولو الكرته لفستاان ام العرووسة هداك الأبيض ادا عرفتييه

و بعضهم عادي يقولوو كرته للفستاان بكل شكل ><

( لوتي فروتي )
25-06-2009, 07:12 AM
^
Up

ههههههههههههههههه وي يا حياتي انتي .. وحشتيني مرررة

ايوة صح .. او صوصة ..

لا تعرفي الدرة انا اقلها درة عادي .. بس المشوية منها اقوولها حبش <<عشان تفرق يعني ><

هههههههههههههه ايوة قلتيلي ..

لا ياشيخة .. الكرته هوا الفستان .. حتى دامين ما تسمعيهم يقولو كرتت الهنوود ..

بعض الناس يقولو الكرته لفستاان ام العرووسة هداك الأبيض ادا عرفتييه

و بعضهم عادي يقولوو كرته للفستاان بكل شكل ><





ياقلبي وانتي كمان وحشتيييني ^ ^

انا بقولك خلينا نسمي الذره لما تكون نيه ذرة ولما تنحط في البخار دره ولما تنشوي حبش ولما يحطو عليها ملح زره :evil_lol: >>> امزح

وبابا يقول ع الجزمه كندره شكلهم اهل الطايف لغتهم زي اهل مكه

والكرته عشان مايقولوها عندنا كتير ماعرفت انها فستان حسبت انها روب بس ايش قصدك حق ام العروسه قصدك اللي في الزفه المدنيه ولا عندكم شي تاني hmmm

بينو
29-06-2009, 02:05 PM
وااااااااااااااااااااااااااااااااااااااااااااااااا و


كثييييييييييييير كلاااااااااااااااااام توني أعرف ان في السعوديه بعض من هاي اللهجات

و بصلراحه يبيها نتعلمها و نحفظها ودي مره بس و أتكلم بطلاقه مثل ها الكلام

نحن نقول للجزمه

نعال أو جوتي هع

و بكرا نقول باجر

في كثييير كلام مفهوم و حلوووو

لوتي و سافي لا تحولون الموضوع لدردشه هع >>> انتي شو دخلج

السحليه و طلع منج الكثييير >> ما أشك و الله

يسلمووو يا سحليتي على اللغه الجميله

تحياتي لج

..) بــ كويس ــوزو (..
30-06-2009, 01:27 AM
البدوي الحضري
ونعم
سلام عليكم ورحمة الله.......السيلام عليكم ورحمة الله
وعليكم السلام
وينك أو وينكِ ............فينك اوفينك
قصدك اهل نجد
كيف حالك اوحالكِ..
او حالتس هخ هخ ((نجد))
..كيف حالك ياواد اويابنت
.................................................. ....................................
وش تقوولين....ايش تقولي....(على فكرة هما مايقولوا نون)الحضر
اش...
ويش ((نجد))
..ايش

مثلا....مسلا
وجع...وتجع
قيم قيم الله يهدديتج ويصلحج..
قم قم الله يهديت ويصلحتس((نجد
.قوم قوم الله يهديك ويصلحك
ياابوي روق...
يا اخي روق ((نجد
...ياواد روق المنكا
ابوي امي او يومى يوبى ..
يبه -يمه
..بابا وماما
كيل..
كل
.كول
قل..كول اوقول يعني مايقولوا (ق) يقولوا (ك)او يعض الاحيان يقولوا(ق)
اقلك..
اقولك
.اكولك
برا..
اذلف
..اندور
وجهك.....وشك
وجه...وش
واااااااااه وي
وش ذي...!!
...واه واه وي وي ياندامه
مااحيبك او مااحبك..
من زينك - يا شينك -سماجه - ما اوطنك - وكرهك
...اكرهك اواكرهيك
واه والله.........
قل قسم بالله << القصبي هخ هخ
.....واه من جد (بعضهم يقولوا هيييييه او يقولوا والله)
ماابي..
ما بغى
...ماابغى
شكرا اومشكور......
تسلم
..شكرن أو...والله شكرن
يوووووه.....اوف
كشخه..
حلى
...ايش الحلوة هدي او احلى
هذا هذي هذول...
.هدي هدا وهدول
<<<خخخخخخخخخخخخخخخخ وين النقط
أنت او انتاي.
انتِ
...انتا او انتي
.................................................. ................
الحيونات
واه بسه..
قطوه
..وي عوري(مثلا لو شافوا بيسه رجال مو انثى يقولوا عوري)
بط بط...
نقول بطه
.بطه
دجاج....دوجاج او ديك
عصفور...صوص
زررررافه (يفخموا الراء)....
انتِ تقصدين اهل نجد موب البدو
.زرافة(يرققوها)في كل شي (ر)يرققوها
الباقي زي بعض

.................................................. ..................
خضروات..
.خزراوات...(مايقولوا (ذ)يقولوا(د)او(ز)
تو شالين النقط الحين حطوها هخ هخ
والفواكه..
الفاكه
.فاكه
عيش....خبز
فاراوله...فروله
برتقال...برتقالي
يوستفندي...افندي
ذرة...زورة او دورة<<ههههههه
ريز..
رز هخ هخ
.روز
بدنجان...بيدنجان
شوكلاطه..
هههههههههههه ذا من زمان عهد جدي جدتي
الحين شوكلا
.شوكلاته
شوربه معى عيش...
شوربه وخبز هخ هخ
..شووروا
.................................................. ...............
ريح او قيم اوروح ذاكر.
رح - قم -ذاكر
...روووح زاكر
والله اليوم جاي...والله اليوم جييه
حلفي زين.
احلفي طيب
...احلفي
زين....طيب
كلهم هخ هخ
وين...
ووووووووووين
.فين
بوكره..
ويين بوكره ندرس المدود
بكره
..بكيره
السبت....السبت (نفس الشي)
الاحد...برضوا نفس الشي
الاثنين...الاتنين
الثلاثاء...تلوت
الاربعاء...ربوع
خميس...نفس الشي خميس
الجمعة...برضوا نفس الشي جمعة

.................................................. .........
واحد...واحد(نفس الشي)

اثنين...اتنين

ثلاثه...تلاته

اربيع...
اربعه
اربعه

خمس.
خمسه
.خمسه

ست.
سته
.سته

سبع.
ه
.سبعه

ثمان..
ثمانيه
.تمنيه

تسع..
ه
.تسعه


عشر..
ه
.عشرة

تقبل مروري اخوك النجدي

بوزو

وتقبلي تعديلي هخ هخ

سلااااااام

angel_wings
30-06-2009, 12:50 PM
هههههههههههههه
مشكوره على الموضوع المفيد
ههههه
تقبلي مروري:SnipeR (69):

سوما
07-07-2009, 01:04 AM
احم ...احم مين دا الي يتكلم علينا :cool::cool::cool:
ايش ااه فييي هههههههههههههههه


سووسوو !! اهلين ياامورة

موضوعك حلو وفعلا اغلب كلامنا ننطقو كدا بس احسك بالغتي في بعض الاشياء >>> برا
واه طب انا حضريه على فكرة واتكلم كدا بعض الاحيان !!!

طيب نبدا >>> ام اللقافه خخخ
ههههههههه لالا عادي

زي الخضروات مانقولها خزروات !!
لالا انتوا شكلكم مافهمتوا من زي الهنود يعني مفخمه حرف ز

ومو كلنا نفخم الراء بعضهم بس يفخموها
يعني قصدك على البدو ؟؟ ترى الحضر بعض الاحيان !!
والعيش نقولو عيش مو خبز
واه يابنت ههههههههه نحنا نقول خبز او مشريش ماتعرفي ياوويلي

ومانقول على بوكره بكيره :xd_1: نقول بوكره
البدوووو يقولوا بيكره نحنا نقول بو كره ايش فييكي

والبرتقال نقولو برتقال او برتوكان :)
طيب انا ايش قلت انتي قصدك على البدوو ولا الحضرر

والبسه الانثى بسه والذكر عوري صح ايش الغريب فيه اهل الحجاز كلهم يقولو كدا
طيب !!

ونقول ع الجزمه تليك :sniper (43):
ههههههههههه ونقول شيبشب
والفواكه فواكه او فاكهه
طيب
بس مافهمت انتي ايش قلتي على شوربه معى عيش خخخ
ا هذي الشروبه ياحبيبتي لونها برتقالي طيب طحطي عليها عيش اومدري خبز اسمر نسميها بالحضري شوورو
والبدنجان بدنجان
طيب
والذره صح انا اقولها دورة بس لما اكتبها ذره ^ ^
ايوة بس يعني انا قصدي النطق وليس الكتابه
واهم شي نهاية كلامنا مانحط حرف النون ولا الجيم ولا السين ولا الشين

واتوقع انتو كلامكم زينا صح ^ ^
ايوة صح كلامك وكمان نحنا اخواان كمان ^^
وثانكس ع الموضوع حبيبتي وسويلنا موضوع عن كلام اهل جده :sniper (43):

:sniper (69):هههههههههه عفوا حبيبتي هههههههههه ترى اهل جدة بالدلع كلل شي بالدلع

it is m!Ne
07-07-2009, 11:00 AM
×

هههههههههههههههههههههههههههههههههههههههههههههـ

لا هوا صح في بعض الكلام نتكلمو كدا .. ! بس برضو احس في أشيااء مباالغ فيهااا مررررررا

يس وربي عجبني الموضوع مررررررررررا .. !


×

Rody Fruity
07-07-2009, 11:46 AM
ســلآم =)

هههه .. مين دآ الي بيترق علينآ هـآ !!

اولا وآخرا آنا حجازية .. ولهجة اهل جدة ومكة ما تختلف كتيير مرة >.<

يعني زي كدا

جدة - مكة

زاكري = داكري

زرة = درة

.. وكدا وكدا

وحآبة اعلق على بعض الآشيااء ^^

وجع...وتجع
لآ هآدي غريبة مررة .. احنا نقول وجع في شكلك ^^
وي عوري(مثلا لو شافوا بيسه رجال مو انثى يقولوا عوري)
لآ دي ما نقولها ."
خضروات...خزراوات...(مايقولوا (ذ)يقولوا(د)او(ز)
لآ ما نقولهااش .. خضروات عادي ^^
برتقال...برتقالي
لآلآ ايش برتقالي دي .. نقول برتقال او برتكان
شوربه معى عيش.....شووروا

دي مررة مني عارفتها ...



شكرآ سوسو على الموضوع ..

وفي اشياء احب اقولها .. ( وشك _ يآ وآآآد _ اندور ) ^^

ran chan

سوما
07-07-2009, 03:12 PM
ياااااااااااااادباااااااااااااااب كلللللللللللللللللللللكم ههههههه خلاص حانحذف الزين ولا تزعلوا خلااااااااص انا كمان حاتكلم زيكم وووووووووووه انقتلت ضرربوني اييي اوووو طييب لاتقوولها دحين اعدل ااخ ياراااسي

- wOw -
07-07-2009, 03:40 PM
خخخخخخخخخـ عن نفسي دايماً افصل بين لهجة الحضر والحجازيين
يعني الحجازيين ما يتكملوا كلمات انجليزي قد الحضر يعني هيا الكونديشن وأخوآتهآ بس
اما الحضر يعتمدوا على المصطلحات الإنجليزي بكثرة .
. مثلاً النقانق او السجق ما يقولوا لها غير هوت دوغ
وافتكرت أحنا في الحجاز نقول ( كرع ) xD .. هما يقولوا ( اتجشا ) <~~~ الله يقرفك ياشيخة هع هع xD
وكمان في فرق الحضر يقولوا : قُولتلها ، وديتلها ، قُلتلو ،وديتلو <~~ اتكي على كل حرف بالنطق
البدو يقولوا : قِلتلها ، وَديتِلَهَا ، قِلتله ، وديتله
الحجازيين يقولوا : قلت لِها ، وديت لِها ، قلت لهُ ، وديت لهُ
هوا في فرق في الهجات بس ماتحضرني المصطلحات دحين

بالنسبة للهجة البدوية اشوف الفكآهة ماهي حلوة إلا بيهآ ^^

أسيرة الدمعة أمآ انا نفسي ازبط اللهجة الإماراتية .. كنت أتابع فريج عشان اتعلمهآ
بس لحدت دحين ما احس نفسي بلبل فيها ×_×"

سوسو موضوع حلوووو زي صاحبتووو تسلم إيدينك يااعسسسسسسسل ^_*

سوما
07-07-2009, 07:49 PM
شكرا^^ياواو تي على مرورك ^^الله لايحرمني منك ولا من ردودك^^قولي اميييين^^

( لوتي فروتي )
11-07-2009, 10:57 PM
خخخخخخخخ هاي سوسو بس رجعت عشان ارد عليكي :SnipeR (5):






موضوعك حلو وفعلا اغلب كلامنا ننطقو كدا بس احسك بالغتي في بعض الاشياء >>> برا
واه طب انا حضريه على فكرة واتكلم كدا بعض الاحيان !!!

حتى انا حضريه بس برضو انتي بالغتي في بعض الكلمات او انك كتبتيها غلط bleh



زي الخضروات مانقولها خزروات !!
لالا انتوا شكلكم مافهمتوا من زي الهنود يعني مفخمه حرف ز

والله انا ماادري انتي ايش قصدك بالضبط بس ع العموم لو في ولد حيدلع قدامي ويقول خزروات حارفسو برة المجره :evil_lol:

ومو كلنا نفخم الراء بعضهم بس يفخموها
يعني قصدك على البدو ؟؟ ترى الحضر بعض الاحيان !!

شايفتني بدويه :XD_1::SnipeR (88): :SnipeR (14):
والعيش نقولو عيش مو خبز
واه يابنت ههههههههه نحنا نقول خبز او مشريش ماتعرفي ياوويلي

!!!! اول مره اسمع انو الحضر يقولو خبز انا اعرفانو البدو هما الي يقولوها hmmm

ومانقول على بوكره بكيره :xd_1: نقول بوكره
البدوووو يقولوا بيكره نحنا نقول بو كره ايش فييكي


بس يابنت لاتبالغي البدو مايقولو بيكره اصلا من فين جات دي دي جاية من برة القاموس :evil_lol:

واحنا نقول بوكره في النطق والكتابه بكره

والبرتقال نقولو برتقال او برتوكان :)
طيب انا ايش قلت انتي قصدك على البدوو ولا الحضرر

قصدي ع الحضر بس حتى البدو يقولو برتقال



ونقول ع الجزمه تليك :sniper (43):
ههههههههههه ونقول شيبشب

تليك اوشبشب اوزنوبه اوكندره على حسب نوع الجزمه :evil_lol:

بس مافهمت انتي ايش قلتي على شوربه معى عيش خخخ
ا هذي الشروبه ياحبيبتي لونها برتقالي طيب طحطي عليها عيش اومدري خبز اسمر نسميها بالحضري شوورو

هدي مره مااعرفها اصلاحتى ماناكلها :SnipeR (5):

والذره صح انا اقولها دورة بس لما اكتبها ذره ^ ^
ايوة بس يعني انا قصدي النطق وليس الكتابه
النطق دوره بس لما تجي تكتبيها في المنتدى مثلا ماينفع تكتبيها دوره لانو محد يعرف انو قصدك ذره فلازم تكتبيها ذره بس دا مو معناه اني في الحقيقه تنطقيها ذره >>> اتحدى لو فهمتي شي :evil_lol:
واهم شي نهاية كلامنا مانحط حرف النون ولا الجيم ولا السين ولا الشين

واتوقع انتو كلامكم زينا صح ^ ^
ايوة صح كلامك وكمان نحنا اخواان كمان ^^

يس ^ ^


هههههههههه عفوا حبيبتي هههههههههه ترى اهل جدة بالدلع كلل شي بالدلع

بس لازم موضوع عن اهل جده مدامك منهم خلينا نتعرف على كلامهم اكتر مع اني اعرف اغلب كلامهم ^ ^

maas
13-07-2009, 08:57 AM
مشكوووووووووووور

سوما
13-07-2009, 09:10 AM
عفوا:nice:

سوما
13-07-2009, 09:44 AM
خخخخخخخخ هاي سوسو بس رجعت عشان ارد عليكيhttp://www.an-dr.com/vb/images/smilies/unint/SnipeR%20(5).gif
و..ا هلين يالوتي مرةثانيه^^
موضوعك حلو وفعلا اغلب كلامنا ننطقو كدا بس احسك بالغتي في بعض الاشياء >>> برا شكرا كلو كم ذوقك :nice:طيب مو حرام اني ماعرف ليش غلط كل الناس يغلطوا يلاورني بأيش غلط
حتى انا حضريه بس برضو انتي بالغتي في بعض الكلمات او انك كتبتيها غلط bleh
ايمكن كتبتها غلط !!!

زي الخضروات مانقولها خزروات !!
والله انا ماادري انتي ايش قصدك بالضبط بس ع العموم لو في ولد حيدلع قدامي ويقول خزروات حارفسو برة المجره :evil_lol:
هههههههههههههه ههههههههه

ومو كلنا نفخم الراء بعضهم بس يفخموها
شايفتني بدويه :XD_1:http://www.an-dr.com/vb/images/smilies/unint/SnipeR%20(88).gif http://www.an-dr.com/vb/images/smilies/unint/SnipeR%20(14).gif
هههههههههههههههههههههههههههههههههه
والعيش نقولو عيش مو خبز
!!!! اول مره اسمع انو الحضر يقولو خبز انا اعرفانو البدو هما الي يقولوها hmmm
طيب خلاص نحنا نقوول عيييييش

ومانقول على بوكره بكيره :xd_1: نقول بوكره
بس يابنت لاتبالغي البدو مايقولو بيكره اصلا من فين جات دي دي جاية من برة القاموس :evil_lol:
بالنطق واااا....هههههههه من المريخ جات ههههههههه

واحنا نقول بوكره في النطق والكتابه بكره
ايوة هذا هو قصدي ممتازة
والبرتقال نقولو برتقال او برتوكان :)
قصدي ع الحضر بس حتى البدو يقولو برتقال
مممم ايوة البدو الراقين بس<<<الي هم ازواجهم حضر ههههههههههههه <<يلاعلقي على هذا الكلام الجديد
ونقول ع الجزمه تليك :sniper (43):
تليك اوشبشب اوزنوبه اوكندره على حسب نوع الجزمه :evil_lol:
هههههههههههههههه
بس مافهمت انتي ايش قلتي على شوربه معى عيش خخخ
هدي مره مااعرفها اصلاحتى ماناكلها http://www.an-dr.com/vb/images/smilies/unint/SnipeR%20(5).gif
مممم طيب جربيها مرة طعمه تحطي اول شي عيش اسمر بعدين الشروبه البرتقاليه ياااسلاااااااااام تعيش في الاحلااااام <<إغراء

والذره صح انا اقولها دورة بس لما اكتبها ذره ^ ^
النطق دوره بس لما تجي تكتبيها في المنتدى مثلا ماينفع تكتبيها دوره لانو محد يعرف انو قصدك ذره فلازم تكتبيها ذره بس دا مو معناه اني في الحقيقه تنطقيها ذره >>> اتحدى لو فهمتي شي :evil_lol:
الا فهمتك طبعا قلتي اني اكتبها زي ماهيا ذرة بس اكتب في النطق دورة صح<<امووت انا في الشاااطر
واهم شي نهاية كلامنا مانحط حرف النون ولا الجيم ولا السين ولا الشين
ايوة انا بس قصدي في النطق ^^
واتوقع انتو كلامكم زينا صح ^ ^ يس ^ ^

^^
بس لازم موضوع عن اهل جده مدامك منهم خلينا نتعرف على كلامهم اكتر مع اني اعرف اغلب كلامهم ^ ^
ههههههههههههه طيب حاتمووتي من الضحك ^^

نملهـ متحنيهـ
18-07-2009, 05:48 AM
مشكوووووووووووووووووووووووووووووووووووووووورة

وما قصرتي على هدا الموضوع الحلو :nice: