المساعد الشخصي الرقمي

مشاهدة النسخة كاملة : استغفر الله العظيم


الغرور
09-02-2009, 02:36 AM
مر علينا في هالسنه ست آيات !
توقف المطر وموت الحيوانات وموت الطيور وزياده الأسعار وانهيار الأسهم وخسوف القمر ومانزل بلاء إلا بذنب http://vb.eqla3.com/images/smilies/frown.gif
~ السؤال \ متى بنصحى ؟
ليه قلوبنا قاسيه لدرجه إننا نعرف إن القمر ما يخسف إلا
لغضب الله .. ونجي بكل برود ناخذ للخسوف صور تذكاريه ..!
إلى متى واحنا نقوم ونقعد وأكبر همومنا ماتتعدى هالدنيا ؟
ندعي حب الله ! وحب رسوله ! وحب دينه ! وش سوينا !
~ وش قدمنا لديننا ؟
إذا جاء الإسلام يوم القيامه على هيئه رجل عشان يعلن من اللي عزه ومن اللي أذله
بنكون مع أي صف ؟ http://vb.eqla3.com/images/smilies/frown.gif
تدرون إن الإسلام بيمر علينا واحد واحد .. وبيقول هذا نصرني وهذا أذلني ..
تدرون إنه لما يوقف عند عمر بن الخطاب رضي الله عنه وأرضاه بياخذ بيده وبيرفعها وبيقول : كنت غريباً حتى أسلم هذا ! http://vb.eqla3.com/images/smilies/frown.gifhttp://vb.eqla3.com/images/smilies/004.gif
خلونا لو مره وحده نستغل وقتنا وطاقاتنا بشي خارج نطاق اهتماماتنا الدنيويه !
' دعونا نري الله منا مايحب ' http://vb.eqla3.com/images/smilies/004.gif
ونطلقها لأجله في كل مكان نستطيع الوصول إليه :

حملة استغفار
ماراح تكلفنا شي ونتايجها ...

* راحه البال وانشراح الصدر وطمأنينه القلب والمتاع الحسن في
{اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتَاعاً حَسَناً} [هود: 3].
* قوة الجسم وصحه البدن والسلامة من الآفات والأمراض في
{اسْتَغْفِرُوا رَبَّكُمْ ثُمَّ تُوبُوا إِلَيْهِ يُرْسِلِ السَّمَاءَ عَلَيْكُمْ مِدْرَاراً وَيَزِدْكُمْ قُوَّةً إِلَى قُوَّتِكُمْ} [هود: 52].
*دفع الكوارث والسلامة من الحوادث والأمن من الفتن والمحن في
{وَمَا كَانَ اللَّهُ لِيُعَذِّبَهُمْ وَأَنْتَ فِيهِمْ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ} [لأنفال:33].
*الغيث المدرار والذرية الطيبه والولد الصالح والمال الحلال والرزق الواسع في
{اسْتَغْفِرُوا رَبَّكُمْ إِنَّهُ كَانَ غَفَّاراً * يُرْسِلِ السَّمَاءَ عَلَيْكُمْ مِدْرَاراً * وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً} [نوح :10ـ12].
* تكفير السيئات وزياده الحسنات ورفع الدرجات في
{وَقُولُوا حِطَّةٌ نَغْفِرْ لَكُمْ خَطَايَاكُمْ وَسَنَزِيدُ الْمُحْسِنِينَ} [البقرة: 58].


مرت عليكم هالآيات .. قريتوها !
أكيد قريناها.. بس ما اسشعرناها للآن !
وش نبي أكثر من كذا !! ..
لا لحظة فيه شي بعد !

حديث كلما تذكرته انشرح صدري حتى لو أنا في أتعس حالاتي :
' من لزم الإستغفار جعل الله له من كل هم فرجاً
ومن كل ضيقٍ مخرجاً ورزقه من حيث لا يحتسب ' http://vb.eqla3.com/images/smilies/004.gif

مره قالت لي أستاذه- الله يوفقها وين ماراحت- إذا نسيتي شي من اللي ذاكرتيه
اقلبي الورقه واستغفري وبتذكرينه بإذن الله !
ماصدقت لين جربتها بنفسي .. وعلى فكره تراي جربتها مو في شي نسيته
لا http://vb.eqla3.com/images/smilies/Looking_anim.gif
جربتها في شي ما أعرفه أصلاً ولا مر علي .. وطرت علي إجابه إقتنعت إني أحطها
بالمكان الفاضي
و'شي أحسن من لا شي' http://vb.eqla3.com/images/smilies/10111.gif
العجيب إني طلعت من القاعه وسألت البنات عن السؤال وطلعت الإجابه اللي حطيتها هي بالضبط الجواب المطلوب ! http://vb.eqla3.com/images/smilies/Looking_anim.gif http://vb.eqla3.com/images/smilies/n/sm1.gif
تتوقعون بس هذي نتايج الإستغفار .. لا





شخص أعرفه على صراع دائم مع ' معدته ' http://vb.eqla3.com/images/smilies/frown.gif
يقول إذا صالت خلاص مالي إلى المستشفى وإبرتين مسكن ..
يقول مره كان عندي اجتماع مهم خلصت أشغالي ويوم جيت أنام بدت معدتي تلمح ..
وشوي شوي الألم يزيد .. يقول جلست أستغفر بفراشي لين ....... غفيت و ما حسيت إلا والمنبه يدق على وقت الاجتماع صحيت وأنا مابي إلا العافيه http://vb.eqla3.com/images/smilies/004.gif
يعني يقدر الواحد يستغفر بنيه الشفاء أو بنيه طلب الرزق أو بنيه الذريه الصالحه أو بنيه المغفره ..
ومع كل اللي قلته استغفارنا بحد ذاته حسنات تثقل ميزاننا إذا وضع الميزان ..
بيجي يوم نتمنى إن رصيدنا يزيد حسنه .. حسنه وحده بس يرجح بها الميزان http://vb.eqla3.com/images/smilies/frown.gif
يومها بنتذكر إننا فوتنا على أنفسنا حديث عظيم وفرصه أعظم لثروة من الحسنات ..
عن عبادة بن الصامت رضي الله عنه قال :
سمعت رسول الله صلى الله عليه وسلم يقول :
' من استغفر للمؤمنين والمؤمنات ، كتب الله له بكل مؤمن ومؤمنة حسنة '
رواه الطبراني وحسنه الألباني في صحيح الجامع

متخيلين ! http://vb.eqla3.com/images/smilies/icon120.gif
بدعاء بسيط كم كسبنا من حسنه !
كم مليون تتوقعون ! يارب رحمتك http://vb.eqla3.com/images/smilies/frown.gifhttp://vb.eqla3.com/images/smilies/004.gif
وهنا مقاله رائعه لـ محمد إبراهيم الحمد فصل فيها فضل الإستغفار وأوقاته وصيغه http://vb.eqla3.com/images/smilies/004.gif

كود:
http://www.kalemat.org/sections.php?so=va&aid=229 (http://www.kalemat.org/sections.php?so=va&aid=229)



لا تخلون لإبليس فرصه ..خلونا نشد الهمه ..
استعيذوا بالله من الشيطان الرجيم ومدو لي يديكم ..
نبي ننشر هالحمله على قد مانقدر ..
نبي يشترك فيها الكاتب والمصمم والمصور ..
كلنا هدفنا واحد ..
نبي ربي يغفر لنا ويرضى عنا ..
ياربي لو ما نحصل منها إلا رضاك يكفينا http://vb.eqla3.com/images/smilies/frown.gifhttp://vb.eqla3.com/images/smilies/004.gif


مستعدين ؟
أنا كتبت هالكلام وأنا واثقه إن فيه غيري بيكتبه بطريقه أفضل ! وأشمل ! وأقوى !
مع إني تعمدت أخليه بلهجتنا المتعارف عليها لأن ودي يوصل كلامي لشريحه يحبون يقرونها كذا http://vb.eqla3.com/images/smilies/060.gif
فلا تتوانون .. اكتبوه بطريقتكم وانشروه في كل مكان تقدرون توصلون له ..
منتديات .. مدونات .. ايميلات .. مدارس .. محاضرات .. جامعات ..
شدوا الهمه ..
وتذكروا إن كل حرف تكتبونه بيصير لكم دخل لا محدود من الحسنات http://vb.eqla3.com/images/smilies/icon120.gif
شي ندري عنه وشي عمرنا ماراح نتخيله http://vb.eqla3.com/images/smilies/icon120.gif http://vb.eqla3.com/images/smilies/004.gif


سويت شعار بسيط للحمله تلقونه في توقيعي
http://farm4.static.flickr.com/3205/2929547227_774b06039e.jpg?v=0
وتصميم بسيط يصلح يكون أفيتار http://vb.eqla3.com/images/smilies/060.gif
http://farm4.static.flickr.com/3269/2929547223_b6d95d01fc.jpg?v=0





واثقه بإذن الله إن هالحمله بيصير لها صدى كبير ..كبير http://vb.eqla3.com/images/smilies/icon120.gifhttp://vb.eqla3.com/images/smilies/004.gifhttp://vb.eqla3.com/images/smilies/004.gif
وبيسمع بها القريب والبعيد ..
واثقه من إبداعكم وطيبة قلوبكم ..
وبإننا مهما تمردنا ومهما أذنبنا فينا نبته طيبه بس تنتظر أحد يسقيها عشان تثمرhttp://vb.eqla3.com/images/smilies/rose.gif
وتؤتي أُكلها ضعفين http://vb.eqla3.com/images/smilies/004.gif



هي كلمه وحده ' استغفر الله ' خلوها بكلامكم مكان النقطه والفاصله http://vb.eqla3.com/images/smilies/119.gifhttp://vb.eqla3.com/images/smilies/rose.gif
دمتم بود http://vb.eqla3.com/images/smilies/rose.gif






* * * *

هذا موضوعها وهذي حملتها

هااا قولوا لي شرايكم وش حسيتوا فيه؟

ماحسيتوا بأن عندنا كنز احنا مو شايفينه

ابتدوا وخلوا الاستغفار لزيم لألسنتكم

وشوفا الخير كيف بيجيكم

http://vb.eqla3.com/images/smilies/004.gifولاتنسون ساعدوا بنشر هالحمله


اللهم اغفر لي ولوالدي وللمؤمنين والمؤمنات وللمسلمين والمسلمات الأحياء منهم والأموات


اللهم إني أستغفرك وأتوب إليك

أستغفر الله الذي لا إله إلا هو وأتوب إليه

عطر
11-02-2009, 07:09 PM
استغفر الله واتوب اليه

استغفر الله واتوب اليه

استغفر الله واتوب اليه

استغفر الله واتوب اليه


:: اللهم اجعل لي من كل ضيق مخرجا ومن كل هم فرجا وارزقني من حيث لا احتسب ::

جزاك الله عنا كل خير حملة مباركة

؛

K&J girl
12-02-2009, 09:09 AM
استغفر الله عدد خلقه ومداد كلماته اللهم أغفر لي وللمؤمنين و المؤمنات الأحياء منهم والأموات
ومشكوووره أختي على الموضوع الأكثر من رائع
وجعله الله في ميزان حسناتك
وجمعنا في جنات نعيمه بأذن الله
بالتوفيق أختي

barooo
21-02-2009, 08:40 PM
أهلاً اختي ^^

الله يجزاكِ ألف خير على الموضوع الخطير والرائع ... وجزاها الله ألف ألف ألف خير كاتبة الموضوع

فعلاً عندنا كنز عظيم وفي كثير مو شايفينه

الله يجعل كل حرف في موازين حسناتكم يااااااااااااااارب

أستغفر الله العظيم عدد ماكان وعدد مايكون وعدد الهمزات والسكون

أستغفر الله العلي العظيم وأتوب إليه

أختك: بارووو^^"