المساعد الشخصي الرقمي

مشاهدة النسخة كاملة : يصلي بالمسيد وحاط في صدره صليب


خطيبة كامي
17-04-2009, 01:27 PM
أعتقد أن الأتراك لازم يشكرون القناة اللي طلعتهم على العالم العربي، والسوريين اللي دبلجوا مسلسلاتهم ويكونون ممتنين لهم، لين ما يأفل نجمهم مثل ما أفل نجم المكسيكان ومسلسلاتهم.

مطربات العرب متعلمات إجيبن ممثلين تركيين في فيديو كليباتهن والهدف واضح، مرة مهند وأحين أسمر وباكر ما أدري منو. هذا غير الإعلانات، مرة عطر عشان مهند ولميس، ومرة وعايين وأدوات ألكترونية يروج لهن مهند، ومرة أثاث يعلن عنه يحيى والبقية تأتي طبعاً حسب الجمهور إذا حب البطل والبطلة ولا ما حبهم.

على أيام قوم لميس القناة اللي أقصدها استضافتهم في برنامج من برامجها، الدهشة كانت مبينة على وجوه الممثلين، وكأني بهم يقولون: "يا سبحان الله في بلادنا محد عاطنا وجه وهنيه الناس خاطر عليهم يحطوننا فوق روسهم".

شفت اليوم الفيديو كليب الأخير مال سوبر ستار العرب والأسمر، اللي في المسلسل يصلي في المسيد وحاط في صدره صليب، وخلال تصوير الفيديو كليب يقولون إنه يوم سمع الأذان قطع التصوير وقال بسير أصلي، مما خلا معجباته ومعجبينه يحبونه أكثر لأنه طلع راعي صلاة ويعرف ربه حتى لو كان قاعد يصور فيديو كليب ويسوي حركات رومانسية ويا المطربة اللي يصور وياها الفيديو. اللي عجبني في السالفة أنه حول الفيديو كليب إلى فيديو توعية، ينصح في نهايته الرجاجيل بأنهم يعاملون حريمهم مثل ما أسمر يعامل الحريم.

ردات الفعل عرفتها من التعليقات في اليوتيوب وين شفت الفيديو كليب، بين رفض وقبول تنوعت الآراء، اللي يسب واللي يمدح واللي يقول المطربة ما تستاهل تصور ويا الأسمر، واللي يقول أن ما في مثل الرجل العربي في الرجولة. والأسمر ما يدري بهذا كله وما يدري أنه مسوي ضجة كبيرة من يوم ظهر في المسلسل، اللي على قولة أبويه ما تم شي ما سووه فيه، رومانسية على دراما على آكشن على جريمة على قصص اجتماعية على سيرة ذاتية على كوميدية.


بقلم لطيفة الحاج - العين

NoNi ShUn
17-04-2009, 10:01 PM
يسلموووو ع الموضوع و صراحة انا مش مهتمة في الاسمر و لا المسلسلات بس سمعت انو امه عراقية
على كل حال شكرا اخي ع الموضوع و تقبل مروري

مـــــاكينو
21-04-2009, 12:09 AM
انا ماأدري يصلي بالمسجد وحاط صليب
بصراحه انا كمان مو مقتنعه انه مسلم ...لو مسلم ليش يحط صليب
احس بس دعايه ..مأدري
انا ماأهتم بالأتراك لا تركي ولا مهند
وعلى العموم الأتراك يكرهوا العالم العربي

ومن كرهنا كرهناه
اجاجا فايتنج ...> ايش دخل
ا

مرسي على الموضوع
:evil_lol:

klarens
22-04-2009, 06:46 PM
ايه والله غثونــــــــــــــــــــــــــــــــــــــــــــــ ــــــــــا :Onion_hedeic:
مع التركيين الي يقول مهند والي يقول لميس عاد من حلاتهم وعع
تقولون انه ما في في العالم غيرهم وجع مالت بس
ياناس هذول عالم ما تستاهل
والله شايفينا مفاجيـــــــــــــــــــــــــــع
لأننا من صدق مفاجع اسغفر الله مو شايفين خير
والالفنانات مصخووووووووووووووووووووووووووووووووها بقوووووه
مطلعينا بشكل بالمررره سيئ ويسئ لسمعة الاسلام والمسلمين اولا واخرا
ورولا سعد يوم تلحق مهند وتطلع عليه وهو منسدح بالسرير سلامــــــــــــــــــــــــــــــــــــــــــــــ ــــــــــــــــــــــــات:angry1:
وش شايفينا ياعالم مافي حيا ..مافي دين يمنع هذا الشي؟؟
والقنوااات بعد ما قصرت وزادت الطين بله ماغير كل يوم مسلسل تركي جديد
..
لدرجة اني صرت لما اقتح منتديات اطلع الاعلانات يحطون صورة مهند ولميس
انا اقول الناس صارت كيذا لان مستوى الفن العربي هـــــــــــــــــــــــــــــــــــــــــــــــــ ــــــــــــــــــــــــــــابط بمعنى الكلمه
والناس ماصدقت تشوف شي جديد ومختلف واحسن ولو بالقليل
وهذا كله بسبب التخلف العربي الي خلا العرب يشوفون الخايس حلو من الهم الي يشوفونه عندهم
بالقنوات والمسلسلات
ما اقول غير حسبي الله ونعم الوكيل بالي كان السبب:cry_1:
ويسلمووو اخوي على الموضوع المهم جداً
وننتظر جديدك:happy_1:

رحيل الحنين
26-04-2009, 06:57 PM
صارحه هذا الزمن ما فيه عقووووووووووول



شكرا ع الموضوع الرائع

تحياتي

G H I D O ~
05-05-2009, 08:26 PM
غثونا في هالاتراك محد عطاهم جوهم غيرنا حنا يالعرب
هو حاطه اظن على شان البنت اللي يحبه وظيعها ومدري وش قصتهم
بس غبا يعني معقوله هالحركه كيف يرضون يدخل صليب للمسجد .... المشكله هناك مافيه مسيحين مسلمين ويهود بس
وفيه اظن بعد ممثل جا في مسلسل مدري وش اسمه بام بي سي اسمه الممثل محمد وحاط على يده نجمت اسرائيل
الااتراك مع احترامي لهم مااحب احارش احد <تخاف احد من تركيا الشقيقه تتهاوش معه
بس المهم نصهم مسلمين بالاسم ولا يدرون وشو الاسلام وشواذ اغلبهم
لما رحنا بالصيف لتركيا الشواذ عيني عينك يمشون بالشوار ووشسمه .... تقاهم بالي زاويه يسونها ماتعوق

Thanks ~

.: kawaii onna :.
11-05-2009, 01:38 PM
آزعجونا بالآتراكـ ~

صرت ما احب افتح T.V ~

بكل قناه القى مسلسل تركي خلااااااااااص هو فيه ايه << قلبت مصري خخخخ ~

لو بكل قناه يعرضون مسلسل كوري :love_1:
بعدين سؤال يطرح نفسهـ ~
مهند ايش فيه علشان الناااس تعشقه ~
استغفر الله اشقر وابيض وسخيف ~
واسمر بعد مو حلو مسوي فيها بطل وقوي !

تقبل مروري ~
كــــاواي ~
^_^

KAME1582
12-05-2009, 03:17 PM
الحمدلله ع العافيه

وشلون يصلي وحاط صليب هاذي ماتركب

وأنا عن نفسي أكره طاري الأتراك وماأحبهم أبد

ومسوين عليهم ضجه ماأدري على أيش

ومشكووووووووور

HARUNO-SAKURA
29-12-2010, 10:20 PM
لا حول ولا قوه الا بالله


اقووول لا يجي الدور على مدرستي وتتفجر