المساعد الشخصي الرقمي

مشاهدة النسخة كاملة : صواريخ في الدواير الرسمية..!!


خطيبة كامي
17-04-2009, 01:36 PM
من ضمن الظواهر اللي صارت منتشرة في بلادنا… مب بس بلادنا حتى الدول الخليجية والعربية إنهم قاموا يقلدون تقليد أعمى (وبشكل مبالغ فيه) في أشكال العبيه والشيل وتزيينها اللي بين فترة وثانية ظاهريلنا بموديل يديد… حشى ما صارت عبية… صواريخ….!!!

العباية والشيلة اللي هي رمز للحشمة والوقار والإلتزام صارت تتنافس عليها البنات والحريم من مختلف الأعمار في تزيينها بشكل مبالغ فيه.. وبصراحة اكثر ما صارت حشمة… صارت مجرد (فلكلور) وعرض أجسام بفساتين سهرة لونها أسود..!!
يوم اسير محلات العبية راسي يدور علي من اشكال العبية والشيل اللي اشوفهن… حتى انه كل فترة يظهرولنا اسم يديد للعباية… اول شئ ظهرولنا بالعباية الفراشة… وعقبها الطاووس… وعقبها مادري شو بعد من الأسامي… ولين الحينه… صدقوني اشكالهن تخرع… ماصارت فراشة … صارت غراب …!! وأما الشيلة هاي بروحها قصة ثانية..!!

ماعليه بقول إذا الوحده تسير حفلة عرس حريمية بنعذرها… بس صارن حتى في الدواير الرسمية.. في الدوام ويوم يراجعن المستشفيات والبلدية ودائرة الإقتصاد وغيرها من الدواير… مب بس الدواير الرسمية..حتى في الجمعية… مب كأنها داشة تشتري أغراض للبيت.. كأنها داشة عرس.. لا حيا ولا مستحى… بالله عليكم شو تسمونه هذا…؟؟
ماختلفنا إن الله جميل يحب الجمال… وحلو إن الوحده تطلع بمظهر جميل مقبول بس مب ملفت ومبالغ فيه….الجمال اهم شئ مايكون على حساب الدين والحشمة… قال الله سبحانه وتعالى : (وليضربن بخمرهن على جيوبهن) العباية اصلا انوجدت للحرمة المسلمة عسب تغطي جمسها بحيث انه يكون حجاب شرعي صحيح.. مب تعرضه للجمهور الكريم…!!
في محل عبية وشيل في مركز من المراكز التسوق بصراحه عيبني وايد… حاط لوحة على باب المحل كاتب عليها انه يعتذر عن عدم تفصيل العباية المخصرة والمزركشة أقصد الصورايخ…

بقلم: منى داود

Ḿĭşş şђĭяŁέy•◦
17-04-2009, 07:34 PM
السلآم عليكم ورحمة الله وبركآته ~

أهنيك أخوي على هذآ الموضوع المهم جداً

خليهىآ على ربك

بعض العبآيآت يبغى لهآ عبآيآت فوقهآ تسترهآ

من اللي فيهآ

ولو لسى قبل كم يوم وصلتني رسآلة بريد

عبآية للبويآت

أشكآلهآ غريبة من جد

كأنهآ ثوب شبآب ومعهآ علآمآت مآفهمت ايش القصد منهآ

وإذآ البنت جت تشتكي : ليش هذآ يلآحقني

يآليت تشوف نفسهآ أول

للأسف الحين مآصآر في حيآء

كأنهآ لمآ تمشي بعباية مخصرة بالسوق تقول :

شوفوني يآعآلم

الله لآ يبلآنآ

والحمدلله على نعمة العقل

والله الأجآنب لعبوهآ عدل وكذبوآ على كثير منآ للأسف

جزآك الله خير خيو

لآ خلآ ولآ عدم

في أمآن الله

بريق الماس
18-04-2009, 02:49 PM
موضوعك جميل جداً

مه وللأسف في احد المحطات العربية ..

مستقبلين مصممة عبايات ..

مقدمة البرنامج كانت متحجبة حجاب الله بالخير

و مصممة العبايات كانت مو متحجبة أصــلاً

لما كانت تعرض عباية مخصرة كان فيها حزام عريض يلمع

قالت جملة ما أنساها " صحيح ان العباية للستر والحشمة بس حلو ان المراءة تظهر انوثتها "

صح مو غلط ان المراءة تظهر انوثتها ...لكن مو قدام الي يسوى واللي ما يسوى

الإســلام انعم علينا بنعمة الحجاب والستر ..

المفروض ان نشكره بحشمتنا

وعذراً طولت هذرة !

وشكراً :SnipeR (5):

KAME1582
22-05-2009, 11:19 AM
للأسف هاذي الضاهره طلعت وكل وحده تتنافس مع صديقتها تبي تكون عبايتها أحلى

خير العبايه للستر وليست للزينه بس ماأقول ألى الحمدلله على نعمه العقل

ومشكوووووووووووور أخوي ع طرح هالموضوع الذي يحتاج للنقاش