المساعد الشخصي الرقمي

مشاهدة النسخة كاملة : نحن والدراما الاسيويه ما ذا عن : الكوريين والدراما العربيه؟؟؟


dala3
23-05-2009, 08:42 AM
السلام عليكم
:Onion_hi1:
بما اننا محبي الدراما الاسيويه مجتمعين في هالمنتدى الرائع:love_2:

((وبما انى اول مره اكتب موضوع هنا:SnipeR (68): صصصص لااحد يسمعنى:shutup: ))

كنت قاعده افكر في فكره اشغلت تفكيري وما قدرت امنع نفسي عن عدم كتابتها ومناقشة ارائكم فيها

بسبب متابعة الدراما الاسيويه و عشقنا لها صار عندنا ثقافه يابانيه وكوريه :SnipeR (16):

صرنا نعرف عاداتهم, طريقة اكلهم , ايش الاشياء اللي يحبونها
اغلب الكلمات المهمه في لغاتهم نحفظها ونرددها
صرتي اذا شفتي صديقتك بالجامعه قلتي لها اوهايوا وتودعينها بسيونارا
بعد ما كانت هاي وباي اللي ودعناها
واذا صقع كتفك بوحده بالغلط صرنا نقول ميانيه

واذا بتشكرينها قلتي لها كومساميدا او اريجاتوا كوزايماس:SnipeR (69):

صرنا حركات وكشخه واهم شي اذا شفنا عيون ممططه يحكي em033 نقدر نعرف هل هو كورى والا ياباني والا صيني والا تايوانى بعد ما كان كل اللي عيونهم ممططه اسمهم صيني ((:SnipeR (68): سوري عالعيون الممططه بس ما ادري كيف اعبر ))

بعد المقدمه الطويله العريضه هذي ((اللي ادري انها مااااصله ومالها داعي :SnipeR (66): ))

باقولكم قصه صارت معي
الصيف الماضي رحت ادرس اللغه في معهد في بريطانيا , بعد ما دخلت الصف
كان معي بالقروب 3 كوريات واثنين كوريين ومن اليابان بنت ورجال (( واااااااااي تشققت من الوناسه:Onion_cawaii:
ما اقدر اتحمل شي اكثر من طاقتي ))
<<< طبعا الاخت ما صدقت الكلاس يخلص عشان تنخلهم وتسولف معهم طبعا عطونى الوسام الذهبي في الدراما وخاصه الكوريين :love_1:

و اكتشفت اني تابعت دراما وافلام هم ماقد شافوها , قلت لهم اسماء ممثلين هم ما يعرفونهم اصلا
clap
في وحده من الكوريات ما كانت تتكلم معي بحريه اول الوقت وما كنت اعرف ليش

لكن الصدمه انى بعد ما رجعت البلد لقيتها مرسله لي ايميل تقول انا كنت مرره مفتشله منك لانك تعرفين عنى بلادي اشياء وانا ما اعرف ولا شي عن بلدك:SnipeR (37):

ووحده ثانيه ارسلت تسالنى من وين اقدر الاقي دراما سعوديه او عربيه عشان نفسي اتعرف على ثقافتكم (( ذي بصراحه ورطتني:SnipeR (35):))

ومن وقتها وانا افكر بالموضوع

الدراما اليابانيه والكوريه ما كنا بنفكر نشوفها او نتابعها لو ما كانوا هم انفسهم ترجموها للانجليزيه
وبما انها مترجمه عالاقل واحد حاول يحملها ويجرب يشوفها
اتحدى واحد تابع هالمسلسلات وما يعرف يقول لي شي عن عاداتهم
مثل ايش هي وجبتهم الرئيسيه ايش هو فطورهم
التقاليد والاعراف الدينيه حقتهم
الاشياء اللي يسوونها وقت ما يموت لهم ميت
واشياء ثانيه مثل طبيعة مجتمعهم و طريقة معيشتهم ......الخ
(( الشي اللي تفاجات منه انه حتى هم عندهم الشباب اللي يلعبون عالبنات الى ان تحمل ويتركها وكيف انه هالشي غير مقبول عندهم :SnipeR (13): ))

ولو فكرتو فيها من جهتهم شوي باسالكم ؟؟

كم كوري او ياباني يعرف ان الوجبه الرئيسيه عن الخليج هي الكبسه ؟؟؟
كم واحد يعرف عاداتنا في التبني ؟؟
او في الزواج ؟؟ او عند الوفاة ؟؟
كم واحد يعرف كيف نصلي ؟؟ واننا ما ننحنى ونسجد لغير الله ؟؟

اعتقد ان هالشي مو بس من ناحيه ثقافيه فقط الفائده بتكون كبيره من كل النواحي
يكفي ان الاعلام يشوه سمعه العرب والمسلمين

تخيلوا الشي الوحيد اللي كانو يعرفونه قالولي انتم في بلدكم تلبسون الشادو (( اللي هو الحجاب حق افغانستان )) ؟؟؟

لذلك يا حبايبي لازم احنا نتلحلح شوي ونترجم المسلسلات العربيه للانجليزيه حتى لو كانت مجرد ملفات ترجمه بدون لصق
لازم نحاول ننشر ثقافتنا زي ما هم قاعدين ينشرونها لنا
قلت مارح اظلم العرب قبل ما اكتب هالموضوع فبحثت و حاولت ادور مسلسلات عربيه مترجمه للانجليزيه لكنى للاسف مالقيت شيء للتحميل :SnipeR (25):


بصراحه افكر بعمل مدونه باللغه الانجليزيه للتعريف بالمسلسلات العربيه حتى لوكانت على شكل تقرير مبدايا لتحديد المسلسلات المناسبه للترجمه
ااااااااااااسفه جدا عالاطاله (( ماتحسين انك طولتيها وهي قصيره :SnipeR (12):))

اتمنى اسمع ارائكم بهالخصوص لان فعلا الفكره داخله بمزاجي بقوه
لاني احس احنا العرب قاعدين نتعلم اي ثقافه تجينا ونندمج معها بداية من الامريكي للهندي والمكسيكي والكوري واليابانى والتايوانى والصيني والتركي ما ادري وش بيجينا عقب ذا كله

لكن ما اتوقع ولا واحد منهم تاثر بالثقافه العربيه ايا كانت خليجيه او مصريه او سوريه ... الخ

بالتاكيد استقبل الانتقادات بصدر رحب (( اول نقد بيكون تكفين من زين مسلسلاتنا اللي بتعجب الكوريين :SnipeR (80): صح لكن لو دورنا شوي بنلاقي اشياء حلوه خصوصا من المسلسلات القديمه شوي لا ن الجديده اغلبها ضرب وهواش ))

اسفه عالاطالة .. وشكرا

salaaaaaaaaaaaaaaaaaaaaaaaaaambye1

ERI
23-05-2009, 03:47 PM
هاااااي دالا
ياحليلهم الاسيوين مايدرون ان احنا نعرفهم اكثر من نفسهم خخخخخخخخخخ
ومثل ماقلتي اول كنا بس نشوف عيون ممطوطو نقول صيني خخخخخخخخ
الحين خواتي اذا شافوا عيون ممطوطة يقولون صيني او ياباني او كوري
بس انا اعرفهم كان يابانين او صينين او كورين خخخخخخخخخ
وانا مثلج قبل مااعرف الاسيوين كنت احسب حياتهم فوضة وكلها لعب
كل احسب انهم كلهم متوحشين ويغتصبون النساء
وأول ماتعرفت على فرقة يابانية ماكنت احبهم
لأن مثل ماقلت كنت احسبهم كل مع حريم وهالخرابيط
بس تالي ياحليلهم حبيييييييييييتهم
وادمنت عليهم ومااقدر اعيش من غيرهم خخخخخخخخخ
وعلى الدراما الخليجية مثل ماقلتي هالايام كلها مالها داعي
كل هواش ومشاكل ومخدرات ووحدة فقيرة متعذبة مع زوجها
اما الدرامات اللي قبل حلويييييييييييييييييين خاصة "أبي وأمي مع التحية"
وفي قناة كويتية تترجم المسلسلات للانجليزية
شكرا على الموضوع

ملاك البشر
23-05-2009, 03:48 PM
احبببببببببببببببببببببببببببببببببببببببك يا دلع

وااااااااااااااااه فديتك بس انتي ومواضيعك من جد مبدععععععععععه واي مساعده رح اقدمها لك بس يا ريت بعد 7/5 لما اخلص امتحانات

يمكن الكوريين يعرفون عننا ويتزوجونا<<< انطمي بس
:SnipeR (69):

JnOoOoN
23-05-2009, 03:50 PM
omg
نترجم الدراما العربية ؟!!!!!!!!!!!!!!!!!

.
.
.

لي بآآآآكـ~
بروح اريح دوبي رجعت وارجع ارد على موضوعك
هعـ

*تعديل*

لأ الحين من جد OMG

مو معقوله اول مرة اكتشف إني حجزت في موضوع وماعدلته !!!!!!!!!!!!!!!!!
>>> مصدومه من نفسها
هونتوني غوميننآسآيي والله آسفه

جيت برد على الموضوع بس حسيت إني قريته من قبل
وإلا اشوف حجزي الغبي هذا
تهئ

آسفه والله

ايوااا

ليش مانترجم دراماتنا العربيه ؟!!

تقدرون تسمونها درامات هذي ؟!
هذي مسخره مو عمل درامي

ليش الشباب العربي كلهم انجذبوا للأفلام الامريكيه والدرامات الآسيوية
وفي الفتره الآخيره صاروا قليل جدا الي يتابعون درامات عربيه
وحتى لما نتابعها نقعد ننتقد ونتمصخر عليها بدل مانستمتع بها زي الاعمال الاجنبيه

الدرامات العربيه لا تحكي الواقع بــ أمانه
ولا هي اصلا واقعيه
أي نعم يمكن قصه الدراما اصلا واقعيه والمشاكل الي فيها هي مشاكل مجتمعنا
>>> مو دايما .. احيانا يجيبون مشاكل مادري من فين اخترعوها !!

بس مايناقشونها بأمانه .. ولا يمثلونها بأمانه
التمثيل نشوفه كأنه تمثيل فعلا .. والمفروض إن التمثيل تشوفينه كأنك تشوفين احداث واقعيه

وصراحه
ماعندي استعداد اصدّر مثل هذي الاعمال للعالم
بالصريح ... اخجل من ذلك !!

وقسم بالله شيء يعور القلب لما الواحد يحس إنه يخجل يوري انتاجه للعالم
بس الدرامات عندنا مستواها واطي بشكل فضيع

ولا أعمم
عندنا الكاتبة وداد الكواري
جميع قصصها واقعيه ومؤثره .. ويتم تمثيلها وإنتاجها بواقعيه ايضا !!

اما بقيه الدرامات ...
لا اقول إن الدرامات الاجنبيه لا تخلوا من المبالغه واحيانا اخرى التبسط بشدة

ولكن كل دراماتهم لو لاحظتوا ... للشباب
ابطالها شباب وشابات .. والبقيه من الكبار يأخذون الادوار الجانبيه والمساعده
بينما نحن .......
عندنا نجوم الشاشه الكبار مستحلين البطولات
والشباب مجرد مساعدين في مغامرات عاطفيه صغيره على جانبي الاحداث

آآآآآآآآهـ~ كتبت كثير عن الدرامات العربيه
بس ماعليه .. جلد الذات ينفع احيانا

عموما
الفكره نفسها رائعة
بجد رائعة

تتخيلون لو قدرنا نصدّر انتاجات العالم العربي للعالم وصاروا الناس من مختلف البلدان يتابعونها
يعرفون عاداتنا وتقاليدنا .. ويصححون كثير من المفاهيم الخاطئة عننا

مع إن المسلسلات العربيه هذي الي الحين لو صدرناها بتشوه الصوره اكثر

بنطلع مجتمعات ماتهتم إلا بالفلوس والورث والشركات
طول الوقت بالماكياج والسيارات والطلعات
قلوبنا قاسيه ومشاكل على طول

وإلى آخره

بس اتمنى بجد
لو يوم من الأيام .. نحصل دراما عربيه .. جديره بالترجمه
صدقوني أنا اول وحده بتحصلوني رافعه يدي عشان اشترك في التوقيت أو الترجمه أو الانتاج

مشكوره على طرح الموضوع
لا عدمناااك

أنيييدرة
24-05-2009, 02:28 AM
السلام عليكم
صادقة يا حلوة:SnipeR (37):
بس مافيه دراما حلوة ممكن تترجم لهم لو ترجمتي من الموجود اللحين أكيد بياخذون فكرة سيئة جدا عن العرب
لأن الموجود كله ما يجيب إلا السلبيات نادر جدا لو جابو الايجابيات .

S7oOorh
24-05-2009, 04:17 AM
وعليكم آلسلآإم ورحمة آلله وبركآإته ..

إسم آلله عليك ..

موضوعك فنتك وفكرآإ جونآإن ..

بس رآإيي من رآإي أنيييدرة

يآإختي مآإفي مسلسل خليجي سنع ..

وإن كآإن فيه فـ هو يتكلم عن آلأشيآإء آلسلبيه بـ مجتمعنآإ .. وهم بـ كذآإ رآإح يفكرون إن آلمجتمع آلخليجي كذآإ

كل زوج يمد إيده على زوجته

كل بنت لهآإ بوي فريند وقلة حيآإ

ذي مدري وش تسوي وذآإ مدري مع مين طآإلع

يعني لو بنترجم يبي لنآإ وقت نختآإر مسلسل صآإحي مع إني مآإتوقع إن في مسلسل يتكلم عن وآإقعنآإ من آلنآإحيه آلإيجآإبيه

إلآإ إن كآإن نخرج لنآإ فلم ولآإ شي *_^ << برآإ تكفين

وسوري على آلإطآإله .. بس أهنيك ومن قلب على هآلفكره

dala3
24-05-2009, 08:11 AM
ERI :cool_1:ايه صدقتي القناه الكويتيه تعرض بعض المسلسلات مترجمه وبرضوه في بعض الافلام المصريه تنعرض مترجمه والقناه السعوديه الثانيه تعرض المسلسلات مدبلجه انجليزي بس بعد مافي شي عالنت
ملاك البشر دخلت راسي اخر جمله:love_1:
الله يهديك حمستيني زياده :Onion_yeh:

JnOoOoN باين عليك اثار الصدمه ماتنلامين :SnipeR (33):
بس انتظر اسمع رايك قريب :SnipeR (22):

انيييدره , S7OoOrh صدقتوا مافي دراما خليجيه حلوه تستاهل في الوقت الحالي
يعنى من جد يرفعون الضغط يصارخون عاللي يسوى واللي ما يسوى
لكن حتى لو في مسلسلات قديمه حلوه المسلسلات الكويتيه القديمه كثييييره وحلوه ومافيها مثل استهبال الحين
و اذكر في مسلسلات زمان كان فيه قصه في تراجيديا بس المشكله ما اذكر اسماء المسلسلات hmmm
مثل كان في مسلسل سعودي (( كانوا عائله غنيه زوجة العم تتخلص من ولد اخوه اليتيم في الشارع وتمثل عليهم انه انخطف او ضاع منها في السوق شي زي كذا وياخذون ناس هالولد ويربونه ويوم يكبر يشتغل في نفس الشركه مع عمه ويخطب بنت عمه ويتزوجها وهو ما يدري انها تقربه وكانت الجده – اسمهان توفيق – تمثل انها مشلوله على زوجة ولدها وتطلب من زوج حفيدتها يدور على ولدهم المفقود ..... كان مسلسل جدا رائع يشبه قصص الدرامات الكوريه )):please_1:
بعد كان فيه مسلسل ثانى حلو مثل فيه محمد العيسى مع زينب العسكري وكان محمد رجل مباحث ويقبضون على مجرمين وعصابات المخدرات وكان هذا من اقوى المسلسلات في ذيك الفتره اظن اسمه الوهم
في بعد مسلسل كويتي حلو كان كله مباحث وشرطه
وفي اكثر بعد لو نعمل رفريش لذاكرتنا اكيد بنلقى حاجات حلوه :cool_1:

عالعموم مشكورين على ردودكم وانتظر اراء ثانيه:SnipeR (37):
salaaaaaaaaaaaaaaaaaaaaaaaaaaaaaaaam bye1

Red cherry
25-05-2009, 08:40 PM
صرآآآآآحه فكرة روووعه ..
صح أغلب المسلسلات يجيبون سلبيات العرب بس في النهاية مايعدلونها ؟؟!! ..
أحس الفكرة حلوة ..:SnipeR (37):...

dala3
26-05-2009, 03:24 AM
مشكوره Red Cherry سعدت برايك


:SnipeR (69):
salaaaaaaaaaaaaaaaaaaaam

GIRL-XXD
12-09-2009, 11:23 PM
واللهي من جد الفكرة مرة خطيرة

لو احنا نترجم درامات عربية

وننشرها بمواقع اجنبية

كدا الاسيوين وكمان الغرب يعرفو عادتنا

صح انو اكثر الدرامات دحين مهي مرة كويسة

بس لازم يكون في دراما مررة حلوة

صراحة لو ترجمنا يمكن يحبونا زي ما حبينا اليابان وكوريا و الخـ ...

من جد مرررة حبيت الفكرة ^_^

وان شاء الله احد يترجم الدراما حقتنا

بس في دراما كويسة

بس حاليا ما في شي ببالي ^^

NouR.FaYe
12-09-2009, 11:55 PM
يا سبحان الله

والله من فتره كنت افكر بنفس المووضوع وبنفس الفكره >> صدقناج لا تحلفين :SnipeR (16):

الموضوع محتاج له دراسه دقيقه

المسلسل العربي غالبا موجه للعرب فقط ، يعني هدفه ابراز مشاكل المجتمع المخفيه

لو الاجنبي سواء غربي ولا آسيوي شاف مسلسلاتنا و شاف هالكم من السلبيات

بيعتبرها ظاهره معممه على كل الشعوب العربيه ومايدري انه مجرد غيض من فيض

بينما هدف الآسيوي هو عرض قصه محبكه والتباهي بالاخراج

والممثلين ، رغم ان مجتمعاتهم فيها مشاكل أكثر مشاكلنا ،

لكن مايركزون على هالمشكلات كثرنا

محتاجين بالأساس على قروب اعلامي ،

يسوون مسلسلات أو برامج موجه لغير العرب ،

يظهرون فيها ميزاتنا وثقافتنا بصوره حسنه

اعتقد افضل شيء ممكن نترجمه ونعرضه للعالم هي اعلانات زين ،

لانه يعبر الجانب الايجابي للتفكير العربي

وبعد في بالي مسرحية ينانوه الفريج للمخرج عبدالعزيز مسلم ،

حلوه فكرته ، اهم شي في النهايه يبين ان مب كل العرب ارهابيين ^^!

أسجل متابعتي وتشجيعي لموضوعج أختي دلع

:)

xxSush!xx
13-09-2009, 12:07 AM
والله موضوع حلو .. احنا بصراحه حبيناهم وحبينا نعرف عنهم زيادة لانو مسلسلاتهم
تعرض جميع نواحي الحياه عندهم السلبية والايجابية .. عشان كدا
اما بالله احنا ايش نوريهم ؟؟ كلها هم ونكد وغم .. ومافيها غير النواحي السلبية
يعني بالله شر النفوس مثلا .. لو شافوا ايش راح ياخدو فكره عننا ؟؟
انو احنا سحره وكل واحد يطعن في ظهر التاني
والله ياريت بس يكون في مسلسل ايجابي وفي اشياء هادفه اكيد محا نتردد في ترجمتو !!
بس للاسف مافي !!
شكرا على الموضوع ولا تحرمينا من ابداعك

dlo3ah
13-09-2009, 12:13 AM
واااااااااااااااااااو جد موضووووع حماااااس مراااااااا عجبني
صدق حنا نعرف بالكوريين اكثر منهم خخخخخخخخ << فيس فاتح فمه خخخ

وربي كنت بسبقك بذا الموضووع بس شفتك نزلتيه
بخصوص المسلسلات مافي مرااا حلوو
احس انهم سخيفيييييييين مرااا
بس فيه مسلسل دمعة عمر مراااااااااا خقاق لو اشوفه 10000000 مرا ما اطفش منه
وفيه مجاديف الامل بعد خقااق يهبل رومنسيتهم خطيره مو ماااسخه
هم مسلسلات سعوديه
هع واذا تبو حق الفشخره والحركاات ذي انا عياال عز
عندكم مسلسل هوامير الصحرا
اكيد بيحاسبو ان الكل مثلهم هاع
وصح فيه المسلسلات السوريه كثيررر حلوه
ومافيها مبالغه ابد قصص روعه

بس لو جينا عند الكوريين واليابانيين ولااااا مسلسل خليجي او عربي حلووووووووو مثل قصصهم
وربي من بعد ماسرت اتابع الكوريين واليابانيين والتايوانيين سررررررررت اقوول تفووووو
ع المسلسلات الخليجيه
جد الوحده كنها رايحه عرس وهي ببيتها

ووووه طولت عليكم سوووري بس من زود الحمااس
وانا من مؤيدين فكرتك
تحياتي يالغلا


:SnipeR (69)::SnipeR (69):

- wOw -
13-09-2009, 12:26 AM
فعلاً أنآ كنت بتكلم مع نفسي على هالموضوع بعد ما شوفت قناة كوريا تي في
لآحظت إنهم لما يجيبو عن شيء عربي يحطو صحاري وجمآآل ودقة مررة غبية اتحدى
إذا ما كانو ماخذينها من أفآم زي علاء الدين ولا سندباد

أمآ لما يجيبوآ على كوريا يجيبوآ التطور والفله ،حشى صدقوا نفسهم دحين هما لما
يعرفونا على كوريا ليش يجيبوا موسيقى البوب أصل الموسيقى عندهم هي اليانك قوآم
انا مقهورة لأني في مرة سمعت في برنامج كوري مستضيفين واحد مصري وحاطين أغنية شنكوتي
يالله خلصت الأغاني العربية الي فيها لحن وصوت وإحساس !!!!

ولآ إذا أتعلموا شي عن العرب فأول شيء حيروحوا له هوالرقص الشرقي وحتى هذا يسوه
بطريقة غبية عمري ماشفت أجنبية ترقص مصري زي الناس ، والله مدري بس أحس صورتنا مرة غلط عندهم ~_~". .

وبالنسبة لترجمة الدراما العربية والله ياريت ، اصلا هالنقطة كان لازم تصير من زمان

ذكرتيني بمسلسل أغاني الشتاء الي هوآ اشهر مسلسل كوري ، الشهرة هذي ماجات من فرآغ
عملوآ حركة قوية في موقع الدرآمآ ، حطوا حلقات المسلسل مترجم على كل اللغات مآ عليك غير تحمل
أي نعم جودة منخفضة بس والله العالم كولها أتفرجت وحبت المسلسل و حبت كوريا ♥.

ومن جهة المسلسلات الي تنفع تترجم ترى عادي إحنا نشوفهآ مو شي
بس بالنسبة لهم شيء جديد ، يعني نفس حكايتهم هما ماهم مقدرين
دراماتاهم والممثلين الي عندهم لدرجة أنهم مايعرفوآ بعضهم نفس الشيء عندنا مو شافينهم شي.

وعادي إذا مسلسلات شايفينها ثقيلة في أفلام زي
آسف على الإزعاج ، تيمور وشفيقة ، الشبح ، عن العشق والهوى ، رمضان مبروك ~~آلخخخخخخخ
وفيلم سكر بنآت اللبناني أتوقع له ترجمة إنقلش .

بالنسبة للدرآمآت
أنآ برشح زمن العآر كأول مثال على روعة الدراما العربية هالمسلسل قمة في الإبدآع
صحيح إنو قصتو تسم البدن بس همآ موضحين إنو كل الي قاعد يصير غلط والممثلين
أبدعوآ في التمثيل بمعنى الكلمة و غير كذا حلوووووين يعني لآبقة الخقة عليهم ><
ممكن كمان مسلسل من مسلسلات يسرا بتطرح قضاية إنسانية وإنتاج وإخرآج ممتاز
وفي مسلسلات حآتم علي كل مسلسل أحلى من التاني أختارولكم وآحد
إيوة صح فيلموآ الأستعراضي الجديد حق سيلينآ ينفع .

أممممممـ فكاهة ممكن فريج و 37 ْ ومدري ايش كمان

بس دي أمثلة إنو في عندنا مسلسلات وأفلام حلوة

وبيآآني أوني إذا طولت ^^""

كومآآآآآآوهــ على الموضوع الإيبودآآآآآهـ متل صآآحبتو ^^


غسق
13-09-2009, 12:42 AM
دلع

ماشاء الله على المخ :evil_lol: ، فكرة روعة

على سالفة الكورين تلقينها في اللي عايشين بره إنهم مايعرفون عنهم كثير
بس اللي في كوريا ماأتوقع كثير
بس سؤال البنت في الصميم
فعلاً ترى نظرتهم لنا صحراء وجمل ونفط من تحتك :D
حتى شفت في دراما يابانية جايبين واحد كأنه عربي ، جاهل مايعرف حتى ماكينة البيع :57_asmilies-com:

بس اش اللي ممكن يترجم لهم ؟
المسلسلات العربية طويلة وهذا الشيء راح يملل اللي تعودوا على القصر
بعدين اش المسلسل اللي ممكن يوجه لهم ؟ مشاكل وضرب ومخدرات !
ماأدري بس إذا في برنامج عربي أعتقد أفضل من فكرة مسلسل - إذا فيه -

أهنئكم على الفكرة مجرد التفكير فيها رائع

متابعة ^^

SҚY
13-09-2009, 01:46 AM
السلام عليكم ..

موضوع رائع جدا ,, قد فكرت :

ليه حنا نتعلم منهم و هم ما يتعلمون منا ؟؟

بس على طوول جا فباالي : بعذرهم من زين مسلسلاتنا :m!ss (43):
فكرتك مره حلوة ,, انك تنشإين مدونه بالانجليزي ,, و ترسلينها لصاحباتك الكوريات << ياااحظك :m!ss (49):
و تدلينهم عليها ,, و مثل ما قالتي ,, فيه القناة الثانية تجيب عن ثقافتنا و برااامج و مسلسلات مدبلجة ,,

و لاننسى الامريكان والاوربيين الي شوهوا سمعتنا الله يجعلم كلهم بالنار ,, و اتمنى السلبيات الي نشروها عنا

ماوصلوها لسى :m!ss (7): ,,

تقبلي مروري ’’

دُمْتِي ,’

●ω.ή●
13-09-2009, 04:08 AM
بااااك:nice:

فكرتك خطيرهـ دخلت مزاااجي لووول
بس اذا تبي تترجمي لهم لاتختاري مسلسلات خليجيه لان كلهن سلبيات وبعد مايظهروا العادات الصحيحه ولا تنسين ان العادات تختلف من منطقه لمنطقه في السعوديه فما بالك بدول العربيه عشاان كذا ترجمي لهم برامج دينيه حلوهـ عشان يفهموا ديننا بشكل صحيح او فلم وثاائقي عن السعوديه لأنه راح يبين لهم اشياء كثيره واقعيه مو مثل مسلسلاتنااا صوروا ان مجتمعنا مررررررررررررررررعب لووووول او مسلسلات تاريخيه وخاصه السوريه تجنن ^^
وبالتوفيق

ŠάηỹόǾόяħ™‏
13-09-2009, 04:56 AM
; وْؤ قسًسٍٍم من زمـأإن وأإنـآ كنت أإفكر أإن أحً’ـنـأ نموت بالكوريين http://www.3rblions.com/vb/images/icons/devil%20%282%29.gif

ونتـأإبع مسًسٍلسًسلـأإتهم وهم ولـأإ دروا عن هوىأإ دـأرنـا ومـأإ فكروا يتـأإبعوا لنا شًشي ..

بسًسٍ فكرتك بـ أإنشًشِـأإء المدونة روْؤعة ورـأإح تكون حركة حلوة وأإن شًشِـأإء الله كل الـأإجـأنب

يعًٍ’ـرفون عـأإدـأتنـا وأإيجـأإبيأإتنـأ "وطبعًٍِ’ــآ كل ثقـأإفة ولهـأإ سلبيـأإتهـأ "

وْؤ بالنسًسٍبة للـ مسًٍسلسًسٍلـأإت القـأإبلة للترجمة :~

جًٍ’ـد مـأإفي كثير من زين مسًسٍلسًسٍلـأإتنـ~ـأإ أصلـأإ وقٍسًسٍم أإني كرهت المسٍسلسلات العربية من بعًٍ’ـد الكورية http://www.an-dr.com/vb/images/icons/icon26.gif

بسًسٍ فيه كم وـأإحد في بـأإلي [ بـأإب الحـأإرة , مجـأإديف الـأإمل , 37 ْ , الفرية]

وفيـ~ـة مسًسٍلسًسٍلـأإت أإبد مـأإتصًًصٍلح >جـأإ في بـأإلي خوـأإطر 5 وْؤ السًسـأإكنـأت في قلوبنـأإ http://forum.foshyat.com/images/icons/23.gif

وْؤ أإحًٍ’ـسًسٍ لو يكونو الممثلين حًٍ’ـلوين أإفضل .. :D وْؤ بدوْن مكيـأإج مبـأإلغ فيه !!

#

JnOoOoN
13-09-2009, 05:56 AM
عدلت حجزي في الصفحه الأولى

اكرر أسفي

>>> تخبي وجهها من التكفيخ

الحنونه2
13-09-2009, 07:19 AM
يعطيك العافيه حبيبتي على الموضوع...مره حلو
صح ...ليش ما نترجم مسلسلاتنا للانجليزي؟؟؟؟
فيه اشياء كثيييييييييييره حلوه
التاريخيه..
الزير سالم ..صدق وعده..ربيع قرطبه<<<خلي الكوريات واليابانيات يفصلون على تيم حسن
افلام تاريخيه
الرساله ..عمر المختار؛<<هاذولي مترجمين انجليزي
وخاصه انها تتكلم عن المسلمين وعن اخلاقهم وشجاعتهم...اكيد بعد ما يشوفونها راح يسلمون
والدراميه...
اشواك ناعمه..ام البنات ...اصابع الزمن (مسلسل جداوي قديم). ابله نوره.....زمن العار ..ليالي الصالحيه ..بيت جدي..باب الحاره ..افصول الاربعه..عشتار <<عاد هذا المسلسل احس الكوريين سرقو الفكره منا لان عشتار انتج قبل 200باوند من الجمال
واذا قصدك حب
فيه ..سهر الليالي ...فول الصين العظيم (وخاصه ان فيه الصين)..حب البنات.كده رضا..هيك تجوزنا ..اهل الغرام..رسائل الحب والحرب..سيرت حب..كبريه..ونزار قباني....وغييييييره كثيييير

dr.hope
13-09-2009, 07:54 AM
بصراحة فكرة مرة روعة ولكن تحتاج اختيار كويس حتى لا تنقلب الفكرة علينا وياخدو فكرة سيئة عننا
بالنسبة للمسلسلات الخليجية مرة ما تنفع لانها كلها مبالغة يعني حتى لو القصة معقولة بيكون فيها مبالغة في الملابس والمكياج والديكور.. وهادا للأسف حيعطيهم فكرة انو كل المجتمع عايش بدي الطريقة وهادا حيخليهم يطمعوا فينا
وبالنسبة للأفلام المصرية بعضها فيها حركات مش ولا بد الواحد كمسلم يستحي منها
انا تعجبني المسلسلات السورية بالرغم انو قصصها بسيطة الا انها واقعية يعني الاخراج يحكي طريقة عيشهم
والأفضل المسلسلات الدينية والتاريخية اللي تتكلم عن أخلاقنا وعاداتنا
الظاهر كترت كلام .... الف شكر عالفكرة الرائعة

G i я ı a t
13-09-2009, 08:08 AM
وآآآع الفكرره جهنميـــه حدهآآآ :shiny:

بعدين يآآحظكــ مقآآبله لك كوآآريه .. وسوآآلف وحركتآآآت ... ونآآآســه ..

:SnipeR (13): نترجم خليجي

وآآآآآآآآآآآآآآع اصلاآآ مأأفيه شي صآآحي ..خصوصآآ ذا الخليجيآآآت بيروعــون ذوو الكوريآآت الضعيفآآت :D

من المكيآآج والخرآآبيط الي يرزونهآآآ في وجيهم crazy ... وأهم طبيعييــــن حدهم

وغيررره من الأشيآآء السلبيه في درآآمآآتنا..

يبغآآآلنآآآ تنقيــه وأختيآآر صآآحي ..عشآآن ما ينصدمــون فينآآ


ومشكــــــــــوووره قلبووو علي هيكــ موضوع شيق blushing

●ω.ή●
13-09-2009, 05:31 PM
تم فك الحجز ^^

Diane
13-09-2009, 09:09 PM
احم احم انا قريت موضوعك بس ما قريت التعليقات <- ما عنده وقتhttp://www.7ammil.com/upfiles/gbk47269.png (http://www.7ammil.com/)
بالنسبه لفكرتك الفكره رائعه جدا(ن) لكن المشكله في مسلسلاتنا
خلي حلوه ومو حلوه لكن ما تعكس عاداتنا ولا تقاليدنا مثلا(ن) اشوف
مسلسل سعودي الام تحكي اردني والبنت كويتي والثانيه بحريني
ويجي الاخو هو الوحيد سعودي هذا غير العباءه السعوديه مخلينا
كأننا نكشف وقت ووقت نتغطى وهذا لضرب مثال فقط
هنا المشكله كيف راح يتعرفون على عاداتنا ومسلسلاتنا
ما قاعده تعطي صوره صحوح يعني لما نشوف
مسلسل ياباني على الاقل يعكس لك عادات صح
صح لكن لو دورنا شوي بنلاقي اشياء حلوه خصوصا من المسلسلات القديمه
قصدك مثل خالتي قماشه وابي وامي مع التحيه http://www.3sl3.com/vb/images/smilies/1.gif:icon26:<- مغبرهhttp://www.7ammil.com/upfiles/gbk47269.png (http://www.7ammil.com/)
سلامونhttp://www.s7am.com/vb/images/smilies/a/icon82.gif

mystery_m
13-09-2009, 11:20 PM
هلا..~

شحالج ..؟ ان شا الله مرتاحة

والله صدق مافي دراما عربية زينة تترجم ,,بس فيه الرسوم الكارتوني مثل فريج و شعبية الكرتون و خوصة بوصة ,, و اظني ترجموهم ولا بيترجمونهم على قناة Dubai one

تسلمين خيتو ع الطرح الغاوي

yun hyu sarang
14-09-2009, 02:23 AM
يعطيك العافيه على الفكره الخطنطرية :SnipeR (37):

بصراحه مرررره عجبتني...... واذا على المسلسلات ارشح مسلسلات وداد الكواري كلها وخصوصا نعم ولا وفيه مسلسلات عربيه زي
على حافه الهاويه و صراع على الرمال و ليس سرابا

والافلام فيه بعضها مترجمه إنجليزي بس قديمه يعني افلام ابيض واسود

أسفه على الاطاله...:nice:

تحياتي

XXmoOOnXX
14-09-2009, 03:11 AM
thanks 4 your great idea

Lino Kumeko
14-09-2009, 10:52 AM
موضوعك مرررررررررررة حلو :love_2:
بس تدوير المسلسلات يبيلها تعب عن جد :ntrouble_1:
صحيح ان اغلب مسلسلاتنا راح تشوه الصورة اكثر مما هي مشوهة :deprest_2:
بس الحلو ان عندنا عدة انواع تسهل وجود الحلو من خليجي وسورس و مصري وغيرها

اوعدك اني راح اجتهد وادور وراح ارجع للموضوع بقائمة حلو ان شاء الله

صحيح لا تنسون افلام احمد حلمي وعبلة كامل هذول الاثنين امووووووووووت على تمثيلهم :Onion_cawaii:لأنه مررررررررة واقعي وما كانهم يمثلون وفي بعد منة شلبي وهند صبري تمثيلهم متقن.....

لي عودة ان شاء الله.

lady spoon
14-09-2009, 03:45 PM
ههههههههههههههههههه


ايه والله احس بدلع موطبيعي اذا قلدت اليابانين >>>>>خخخخخخخخخخخخخخخخ

مثل ماقلو ا السعوديه والكويت فيهم مسلسلات مترجمه بالا نجليزي

فكره مره جنان على الاقل ننشر ثقافتنا

•[ !Noon ]•
16-09-2009, 10:56 PM
دلع

.
.
.

اسمج سو كيوت الموضوع وايد حلو الصراحه نحنا دايمن جيه أقصد الإنسان بطبعه فضولي

الشي اللي متعود عليه يزهق منه بسرعه و يحب يطلع خارج إطار البيئه اللي يعيش فيها و يتعرف عالشغلات اللي

موجوده بره هاذي موجوده عند كل إنسان سبحان الله .... عاد ولعنا بالدراما الآسيويه ما جه من

فراغ ما شاء الله عليهم .... عليهم إنتاج و أسلوب و قصص خلت الترويج لها عمليه سهله و بيسيطه جدا ,

.
.
.

فكرتج حلوه أنا نعرفهم بالدراما العربيه بس لو تبين الصراحه شو من الدرامات اللي موجوده عالساحه

تخليج تفخرين بها !! الصراحه على أيام أول كانت شي مسلسلات تاريخيه و كويتيه إنتاجها قوي لكن للأسف ما ظنتي

صالحه أنها تترجم لأنها قديمه و ماراح تخليهم ينجذبون إلها أما اللي قاعد يصير حالين فيعتبر مصخره

و مهزله أولاً نص اللي موجودات بالدراما لو بتكلم عن الخليجيه مثلاً مب محجبات وهاي مب الفكره اللي حابين نروجها

عنا نحن كمجتمع إسلامي و محافظ بالعكس الحجاب شيء نفخر به و بصراحه اللي قاعدين يسووونه فِ

مسلسلات قمه في التصنع و كلها عادات دخيله و أصلن ما ظنتي في أكثر البيوت الخليجيه تصير هالمهزله فليش نعرفهم

بشىء مب صحيح كلياً شوفِ يمكن الدراما الوحيده اللي عجبتني هالسنه في رمضان أما البنات و بعد مب

كل الشغلات اللي فيه كانت بيرفكت لكن الحمدلله فيه هدف من الدراما و الأسلوب اللي انعرض فيه كان محترم و بعيد كل

البعد عن المصخره اللي تشوفينها في أغلب مسلسلات اليوم .... ممكن أأيد فكرتج في عرض برامج لنا مب

شرط تكون دراما أنا بصراحه مب من متابعين الإعلام العربي لضعفها للأسف :SnipeR (26):

.
.
.

ما أحاول أحبطج بس لو لقيتي فعلاً مسلسل يستاهل ادرسي الموضوع و ابتدي فيه و موفقهـ من الحين http://an-dr.com/vb/images/icons/HGHG.gif

LELO
18-09-2009, 02:45 AM
والله انا تابعت من فتره

بس ما قدرت انزل رد

بصراحة فكرتك رائعه وياليت هالشيء

لكن للاسف وبقولها بكل صراحة ان البعض ممكن بيعتقد

ان هالمسلسل حلو وعادي ومدري شو

خصوصا الي يحبون الخليجي فمن حماستهم بيروحون يترجمونه

" اقصد بعدين لما يصير فيه فرق تشتغل بالترجمة بالعكس >نظره مستقبلية :evil_lol: "

فهذت بينقلب علينا لان الي احنا نشوفه عادي هم بينصدمون منه

ويمكن بعد يكرهونا خخخخخخ >> ماينلامون انا لما اشوف مسلسلاتنا أكرهنا خخخ

ويأخذوا افكار سلبية

لكن لما ننتقي دراما صحيحة ومناسبة وما تتناول الا قصة ومو اسلوب حياة كامل

مثل الخليجية ...

ايوه فهذا ممتاز

أما الوقت الحالي انا اشوف مافيه اي مسلسل يستحق الصراحة

يعني حتى لو مثل باب الحارة احنا نشوفه الاحسن عندنا حاليا

هم ممكن يقولون واه eek3 مايسمحون للحرمة تطلع ولا كله بس تكرف بالبيت

ولا يمشون بخناجر << هذي بالذات يعني مو بسيط هالشيء

::

أما السوري فهو حلو وهو الارجح

أما المصري فيه وفيه يعني على حسب الي بنختار

أما الخليجي فلو مثل فريج صويلح << هذا اشجعه بقوة لاني يمثل

فكرة الحفاظ على التراث ^^

ممكن شيء كوميدي مثل أكاديمية المشاغبين << هل كان أسمة كذا الي بفنون ^^"

وفيه سعودي مثل مسلسلات عامر الحمود وربي دايم تبرز السعوديين بصورة حلوه

واحذر من طاش لانه كل اظهار سلبياتنا وتكراره بايخ وطفشنا ><"

المهم يعني الشغلة زي ماقلت يبي لها اختيار حذر جدآآآ وشخص

قادر على فهم ايش ممكن التصور الي بينطبع في ذهنهم عننا

تحيتي

dala3
20-12-2010, 11:51 PM
وااااااو من جد اسعدتنى ردودكم

اعتذر لاني انقطعت عن المنتدى فترة طويلة ولاشفت الردود

وقت ما نزلت الموضوع كنت متحمسة مرة للموضوع , لكن اللي رافع ضغطي انى كل مابحثت عن مسلسل حلو كفكرة ومضمون واخراج .... مالاقي اي روابط له على الانترنت ...مانى عارفه ليش hmmm


امثلة الدرامات اللي بحثت عنها :

مسلسلات عامر الحمود مثل العولمة وغيرها .. صراحه هي الوحيدة اللي فعلا تمثل المجتمع السعودي ( طبعا بدون سالفة وحدة مصرية واخته مغربيه والثالثة بحرينية بس الاخ هو السعودي :SnipeR (25):) , اذا جينا نتفرجها احنا نحسها ممله وبس كلام لكنها بصراحة تاخذ العادات والدين بعين الاعتبار ..

مثل مسلسل نوف ( صح البعض يقول ما ينفع عشان ان ميساء مغربي تعذب الطفله بس حتى عندهم في المسلسلات الكوريه زوجة الاب ما تحب بنته )
ومسلسل ليلى ( راقي وكلاس يمثل قصة البنت اللي انجبرت تتزوج واحد ما تبيه عشان تنقذ ابوها وتهتم ببنته المعاقه .. برضوه فكرته حلوة )

في مسلسل خليجي اسمه ظل الياسمين على ما اعتقد ( تبدا القصه بحي شعبي قديم والبنت تحب ولد جيرانهم وقصة حب بريئة يرميلها رساله من ورى الجدار ... الخ وبعد خمس حلقات يطلعون وهم كبار اظنها تتزوج احد ثاني ووووو سالفه طويله وحلوه )

قصة مسلسل ام البنات حلوة بس كاني سمعت انها مقتبسة من قصة يابانية

اعجبني الاقتراح حق مسلسلات يسرا اللي تعالج قضايا انسانية بس لسا ما بحثت عن روابط للحلقات

اتذكرت بعد مسلسلات حنان ترك بعد ما تحجبت ( اولاد الشوارع و البنت سارة المجنونة )) قصصها حلوه بس برضوه ما دورت روابطها

مره انعرض مسلسل سوري لامل عرفه على فنون كان كوميدي ولهجتها فيه ريفيه شوي تمثل البنت المحافظه وكل مره تشتغل خدامه في بيت شكل وتصير لها قصه فيه بس مافي اي روابط للحلقات

والمسلسل السوري عائلتى وانا مثل فيه دريد لحام كان قصته انه دبلوماسي وانشال من منصبه بس زوجته ما تقبلت الامر ولا تبغى تغير طريقة حياتها وكان كل مره يجيبلهم مشروع في البيت (تربية عصافير - فصفصة الثوم -.... وهكذا ) ومره الحرمة تتورط انها معزومة في زواج ولازم ما تغير برستيجها ف قصت الستارة وخيطتها فستان وكل يوم يتكلمون فيه عن شي كان كوميدي ورائع طبعا في اخر حلقتين تنحل ازمتهم ويرجعون لحالتهم الراقيه واحسن عن طريق بزنس تشتغل فيه الام .... بس طبعا مافي روابط عالنت

انا صراحه مالي خبره بالمسلسلات كثير ولا اتفرجها عالتلفزيون الاما ندر

ولو تفرجت شي معناته انه مو من القصص المعتاده والدارجة


في مسلسلات جديدة نزلت هالفتره الاخيرة وصارت قصصها احلى وارقى من المسلسلات القديمة اللي كلها ضرب وهواش ومخدرات ...الخ

ومن المسلسلات الجديدة عجبني اميمه في دار الايتام
في مسلسل لمريم الصالح ما ادري وش اسمه انعرض بام بي سي وقصته انها عجوز انسجنت وطلعت بعد 20 سنه وتدور عن ولدها

مسلسل هوامير الصحراء سمعت انه حلو وشفت منه لقطات من الحلقات صراحه مسلسل متعوب عليه بقووووه من ناحية الاخراج والديكورات بس ما ادري اذا ينفع يتترجم والا لا ..؟!

اما بالنسبة للافلام العربية ماني من متابعيها مره فما اقدر احدد

ااااااااااااااسفه من جد عالانقطاع

واتمنى ان اللي يلاقي روابط لاي مسلسل مقترح يفيدنا فيها


:love_1: اسعدنى جدا تفاعلكم مع الموضوع


:bye_1:salaaaaaaaaaaaaaaaaaaaaaaaam

ام قرون
21-12-2010, 10:39 PM
والله فكره حلوه بس حتى ولو يا قلبي احس الدرامات العربيه حقتنا بتشوه ام سمعتنا :mixed-smiles-275:
وياليتها تحكي الواقع كان قلنا اوكي هذا انتم ياللعرب وتحملو اخطائكم .... :mixed-smiles-147:
لكن من جد يخلون المرأه مظلومه مرررهمن ناحيه الضرب المتعدي عليها ومن ناحية ظلم الزوج للزوجه الثانيه
تشويه في تشويه معليش يعني مع احترامي :mixed-smiles-092:

فعشان كذا انا ارى اننا ما نقعد ننشر فأحسن خلي المستخبي مستخبي :mixed-smiles-060::mixed-smiles-060::mixed-smiles-060:

HFoo~.^
23-12-2010, 05:48 PM
..

كأنك كنت تقرأي أفكاري ياقدعه ! ......

جد في مسلسلات حلوه وجميله ..مو لازم تكون فيها حب وعلاقات رومنسيه ..مع أن في مسلسلات عربيه بدأت تشطح وصرنا لمن تاجي لقطه نقلب هههه وتطورنا والله


زي ما قلتي يا قلبي ..مسلسل " أميمه في دار الأيام " مرررررررره كان حلو ..وجداً فيه من المشاعر الأنسانيه الشيء الكثير

عندنا المسلسلات التاريخيه العربيه ..زي " خالد أبن الوليد " و" القعقاع أبن عمرو التميمي " غيرها ..صحيح أن فيها زيادات ..لكن تبقى قصص خالده وجميله ..ليه ما نبداء جد بهالقصص التاريخيه ....توصف بطولات العرب وسمعتهم الخالده !
أحس هالقصص التاريخيه بتعطي صوره حلوه عنا !

أما المسلسلات الأخرى ..كما قال البعض القديمه أحلى ما يكون فيها الطراخ والطريخ والأشياء إلي حنى نستحي منها ..

مسلسل " باب الحاره " على العكس حلو ..يبين حقيقه العرب من رجوله وشهامه ..يبين أنهم يغارون على حريمهم ..وأن الحرمه تستر نفسها وفي بيتها ..على العكس مسلسل رائع جداً

لو ندور بنلقى ...!

أنا معك يا قلبي :mixed-smiles-176:

Another Girl
23-12-2010, 08:16 PM
هالفكره داااااااايم في راسي :mixed-smiles-091:

مشكوره حوبي ^-^ -> لي باك

في امان الله

dala3
24-12-2010, 09:27 PM
ام قرون .... حلوه خلي المستخبي مخبي :SnipeR (99): اعجبتني
شاكرة مررورك :SnipeR (69):


HFOO ......
المسلسلات التاريخية فكره حلوه واايدها بقوه:SnipeR (37):
بس نفس الشي اتوقع مشكلة الروابط

سعدت برايك وشاكرة لك مرورك:SnipeR (69):

dala3
24-12-2010, 09:29 PM
هالفكره داااااااايم في راسي :mixed-smiles-091:

مشكوره حوبي ^-^ -> لي باك

في امان الله




مشكورة على مرورك حبيبتي

وانتظر عودتك

:bye_1:

Ms.Yamapi¬✿
24-12-2010, 10:16 PM
فكره جدا عجبتني ونفس ماقلتي دراماتنا هالايام كله ظرب وهواش وموت وظيقت صدر
"انا عندي نقطه بقولها"لا ترجمون الدرامات الي فيها اهانه للبنت انو هي تحت رحمة الرجل دايما على شان مايفهمون اننا احنا صدق كذا...انا اايدك على الفكره جداا و فكرة المدونه هذي جدا عجبتني وانا اشجعك على فعلها واي مساعده انا حاظره^^
ومشكوره على هالفكره الجهنميه ^^

Um Hind
24-12-2010, 10:42 PM
الفكــرة جدآ جدآ جدآ رآئعــه ..

بس مثل مآ قآلوآ ..

أنه الدرآمآت الخليجيه مب شي ..

بس لو كآنت الترجمه للمسلسلآت التآريخيه ..
اللي في كل سنه في رمضآن تنعرض ..

حلو ..
هذي الخطوه الاولى عشآن يشوفون أنجآزآت المسلمين ..
و تآريخهم و التقآلييد ..
و على الاقل ..
يعرفون اللغة العربيه الصحيحه ..
مب لغتنآ العآمييه ..


بس الفكره جدآ جييده ..
و حللوه ..

لو يعني قررتي تسوين مدونه خبرينآ ..
و ان شاء الله أنسآعدج ..

:mixed-smiles-315:

:mixed-smiles-015:

dala3
26-12-2010, 12:07 AM
يسلمو مس يامابي و ام هند

اكيد باحتاج مساعدتكم :SnipeR (68):

فلا تبخلون فيها


اهم شي الحين القى روابط للمسلسلات اللي ممكن تترجم

طبعا قاعدة ادور في محلات الفيديو والديفيدي عن حلقات المسلسلات

وان شا الله القى الدراما اللي تنفع

شاكرة لكم مروركم وتعاونكم

:bye_1: salaaaaaaaaaaaaaaaam

an-dr-girl
28-12-2010, 06:36 PM
فكره حلوه وانا يمكن اساعد في هذا النوع من الترجمه معك إذا كنتي مصمله تعلميني احاول قدر المستطاع اني اساعدك

.لانها فكره حلوه بس كيف ننشرها على مواقعهم >< المهم اذا كنتي مصمله ومهتمه في الموضوع رآسليني ع الخاص

aboalhashm
28-12-2010, 09:04 PM
سلام الله عليكم ورحمة الله وبراكاتة
والله اني متحمسة لكن باقول
حنا معك وحتى البحر
ايش علينا باالضبط
عاد الله يوفقك

sharefa
28-12-2010, 10:09 PM
يييسس صح:mixed-smiles-128:

sharefa
28-12-2010, 10:42 PM
ييب يالليت:mixed-smiles-288:

moroj love tvxq
29-12-2010, 11:54 PM
لاااااااااااااااااااااااااااااااااااااااااااااااا: cry_2:
:XD_1:خذيني معك اهئ اهئ ياااااااا
حظك ياشيخه اهئ اهئ وناااااااااااااااسه ونااااااااااااااااااااااسه ياااااثلاااااااااااااام

The Truth Promise
30-12-2010, 12:14 AM
سلام عليكم
والله حظش هع ...
اووه لو يعؤفون كيف نحنا نتابعهم حتى في الأخبار هع
بس عطيني ششي نقدر نترجمه مسلسل حلو ؟
اشوف الدراما العربيه ماتشرف ابداً و مش حلوهـ وكلها كره وحياه صعبه و ألم وقهر و فراق !!
والمضحك منها مايعرفون كثيير يعني معدوديين ؟؟!!

بس لو يترجمون المسلسلات التاريخيه والقديمه شي حلو احسن من الجديد بكثير

تقبلي مروري :mixed-smiles-318:

Tamiyeon
30-12-2010, 12:28 AM
وااااو فكره مرررره حلوووه
وانا معكم
ان احتجتو مساعده اي شي انني هونا
وان بتترجمون في المسلسلات السوريا اكثرها حلوه خصوصا القديمه
ودراما اهل الغرام مررره حلوووه <<طيب وش نسويلك :mixed-smiles-072:

جوري دوري
30-12-2010, 12:48 AM
فكرتك حلوة انك تسوي مدونة باللغة الانجليزية عشان تعرفيهم على الدراما العربية ...

وبعدين لو تعرفون القناة الثانية مالت السعودية, اطلع احيانا مسلسلات مترجمة بالانجليزي...

اشرايكم نحطه على اليوتوب...

بغض النظر اذا ماعجبكم, مو معناتها ان هذا بعد ما عجبهم ...

نختار كم مسلسل فكرته حلوة ونحطه عالانترنت ..

موضوعك جميل لانو يتكلم عن شي يخص الجيل العربي الجديد, يسلمووو

Lee min hoحبي
31-12-2010, 10:46 AM
أبي أروح لكورياوش السواة؟؟؟:mixed-smiles-055:
:mixed-smiles-162::mixed-smiles-119::mixed-smiles-247::mixed-smiles-183:واااااااااااااااااااااااااااا
واااااااااااااااااااااااااء
وش اسووووووووي أنيدرا؟؟؟:mixed-smiles-044::mixed-smiles-151::mixed-smiles-311::mixed-smiles-194:

Lee min hoحبي
31-12-2010, 10:51 AM
كوماوا
لطرحك الموضوع قلبوو
نبغى نسوي أشياء مغريه مررررره
ونشكل مجتمع واحدمتكامل علشان نلفت انظارهم
أتمنى الكوريين يجيهم زلزال ويجون عندناالله وناااااااسه وتكمل
ههههههههههههههههههه....صح؟؟؟:mixed-smiles-315::mixed-smiles-054:
وااااااااااااااااااااااااااااااااااااااااااااااااا اااءواااااااااااااااااااااااااااااااااااءواااااااا ااااااااااااااااااااااااء مرررررررررررررررررررره:mixed-smiles-176::mixed-smiles-272::mixed-smiles-283::mixed-smiles-155::mixed-smiles-304::mixed-smiles-075::mixed-smiles-107::mixed-smiles-219::mixed-smiles-118::mixed-smiles-251::mixed-smiles-043::mixed-smiles-240::mixed-smiles-208::mixed-smiles-011:

djk
31-12-2010, 11:36 AM
:mixed-smiles-240: وبعدين يعني عندي اني اشوف دراما يابانيه ولا اشوف عربيه كله صار بايخ ويمكن في دراما انعرضت برمضان هي سوريه اسمها وراء الشمس جد انها حلوه واللي ما حصل وشافها يشوف عنها تقرير لانها انسانيه وروعه

໓iงค_໓ຊ
31-12-2010, 11:37 AM
السلام عليكم

انا معك 100/100 بالكلام اللي قلتيه و حقيقة نحن العرب نتعرف على العديد من الثقافات لكن ثقافتنا نحن العرب لا تعرف لذلك انا معك ومع انشاء مدونة باللغة الانجليزية مع اني شوي ضدها

لاني نضن ان اذا اردنا التعريف بالثقافة العربية لازم اول شيء تكون اللغة هي العربية
لو نرجع بالذاكرة للوراء كانت اللغة الكورية و اليابانية و .........الخ شبه مستحيلة اننا نتعلمها لكن الأن نعرف اهم الكلمات عندهم لذلك انا نضن ان اللغة ايضا تلعب دور في حب الثقافة و مع ذلك فكرتك جميلة جدا

و نحن في الجزائر كانت توجد بعض المسلسلات و الافلام مترجمة باللغة الفرنسية لكن الأن المسلسلات الجديدة مش مترجمة اصلا شرق أسيا يدرسو الانجليزي و القليل اللي يعرف الفرنسي :mixed-smiles-135:

روني تشان
31-12-2010, 06:30 PM
السلام عليكم ورحمة الله وبركاته
فكرتك مره حيييلوووااا انهم يتعرفون على عادات وتقـآليد العرب
بس اي مسلسل ينآسب؟!
تحطون لهم مسلسلات الممثثلات حاطين ميك آب تقولين عنها رايحه لــزواج:mixed-smiles-274:
صعبه صعبه اصلاً راح يخترعون :mixed-smiles-157:
ايش جآب النعومه لدفاشه مع احترامي:mixed-smiles-018:
بس جد المسلسلات الخليجه كلها مكياج بـ مكياج :mixed-smiles-274:
مو جـآلسه احطمك بس اذا واصلتي ان شاءالله وقررتي ابتعدوا عن المسلسلات اللي فيها ممثلات حاطين لك مكياج فـــــــخم :mixed-smiles-221:

kagero
27-01-2011, 05:55 AM
هاهاهااااااااااا ضحكتيني يسلمووووو وانا كنت مره طفشانه
إسلوبك رائع
اما بالنسبه لي اكره المسلسلات العربيه خصوصا الخليجيهههه
وامقتهاواحسها فظايحححخح كلها سحر مخدرات........الخ
بس إذا ناويه [الزير سالم)
:mixed-smiles-258:
هاهااااااااااااااا
والله ماعندنا إلى هو :mixed-smiles-205:
تخيلي بعد بويز اوفر فلاورز الزير سالم العن بس ابو التناسق:mixed-smiles-237::mixed-smiles-226:
:mixed-smiles-226:

فـــرح
16-02-2011, 03:20 PM
سلام للجميع ^_^

بداية بمناسبه انه هذا اول اشتراك لي بينكم . .

فحابه اولاً اشكركم على أبداعاتكم المستمرة في المنتدى وخاصة في مجال البرمجة بالذات واقول اشكرك انيدرا على هالموقع المتميز . . . :mixed-smiles-300:

سبب دخولي للمنتدى هو تحمسي لفكرة الترجمة بشكل عام ولحماسي بهالفترة لتعلم لغات ويمكن في كثير زي الآن صايرين يتعلموا لغات سواء اجنبية عامة او كوري وياباني على وجه خاص . .

بخصوص فكرة الترجمة من العربي للغة ثانية سواء انجليزي او اي لغة " مافي شي مستحيل:mixed-smiles-001: " الفكرة ممكن تكبر ونصير نترجم للغات ثانية

صراااحة من زمان ودي انفذ فكرة من هالنوع طبعا كان عندي كثير افكار ومنها ترجمة اي شي عربي " مٌشرٍف وممتع وذات هدف سامي سواء افلام او مسلسلات أو برامج وثائقية او حتى اعلان بسيط بس له هدف " للغة اليابانية

يمكن انتي فكرتك للكوري اكثر لكن طالما الفكرة واحده والهدف واحد إن شاء الله ننجح في تحقيق هالشي ويكون بدال ماهو مجرد فكرة يكون واقع .

وانا مع الجميع إللي قالوا إن مسلسلاتنا وخاصة الخليجية للأسف ماتستحق تترجم فلا المضمون له هدف على الغاااالب ولا طريقة المكياج وتصوير الواقع صحيحة بالعكس في مبالغات ماله داعي ومكياج بعيد عن الواقع وووو . . .


عشان كذا أنا ودي اساعد لو بالإمكان اكون عضوه في فكرتك واساندك باللي اقدر عليه

أنا لغة انقلش مو قد كذا بصراحة:mixed-smiles-142: اقدر اقول انا احاول اقوي لغتي لآنها ضعيفة مررة لكن ممكن اساعدك في تنسيق الفيديوهات ولصق الترجمة والتصاميم على قدر امكانياتي . . .

لآني من جد اشجع على فكرررتك وبقووة

واحب اضيف شي جداا مهم صح يمكن مافي كثير اشياء مناسبه تترجم لأي لغة ثانية لكن

إن شاء الله وبكرة افتكروا كلامي لو انتشرت اشياء بسيطة ومميزة من العربية لآي لغة ثانية راح يجتهد الممثلون والآعلام بشكل عام في انتاج اشياء تستحق المشاهدة وبكذا نكون ساهمنا في توعية لأنتاجات مميزة . . .

عشان كذا اشجعك وبقوة على الفكرة وعطينا آخر التفاصيل حصلتي فيدوهات أواي شيء تترجم ممكن نطلب من ناس تساعدنا توفر مواد ذات جودة عالية من حيث الفيديوهات عشان تكون الترجمة مميزة .

ممكن نعطيك من افكارنا كذا مسلسل او فلم او برنامج تترجميهم وراح نساعدك في نشر الفكرة والفيديوهات بعد الترجمة ^_^