المساعد الشخصي الرقمي

مشاهدة النسخة كاملة : اتعس يوم في حياتي


Evil Angel
05-07-2009, 07:26 PM
السلام عليكم ورحمة الله وبركاته

أولا بغيت أنبهكم ترى الموضوع مؤثر وااايد وأنا اكتبه احس عمري بصيح

والحين بدأنا

كانت أيام المدارس من سنة وعلى نهايتها .... يعني حررررررر:Onion_hot1:

النت في البيت مقطوع وصار له أسبوع ..... بس أحلى شي بهذا اليوم

إختي(هـ) حصلت على شهادة تقدير وهدية مالية كونها وحدة من أفضل ممرضات الإمارات

كانت طلعتها الصبح وكان المفروض أخوي يسير لها بعدين زيصور لحظة استلامها للشهادة

بس ..........

أنا وأختي (ف) راجعين من المدرسة بعد يووووم ممل :deprest_1:
لقينا على الباب أخوي (ع) ينتظرنا ...... غريبة ما من عوايده

جاء وقال النت رد يشتغل فرحنا بس كان وجهه عابس مادريت ليش

المهم دخلنا البيت وكان هادي ..... رحنا على طول للغرفة إلي فيها الكمبيوتر<<<<<أيامها ما كان عندي لاب

شفت إختي (ش) قاعدة على الكمبيوتر بس حزينة لفت علينا وقالت : خالتي (ر) توفت........hohoho
كانت هذي الخالة الوحيدة الي تحبنا قد عيالها بصراحة منيت اني ما سمت شو قالت:Onion_bomb:

وإنه امي طاحت ريلاتها ما قدرت تشلها
بس أبوي شلها وراحوا على طول يسافرون<<<<< أمي جنسيتها هندية فهي سافرت الهند حق إختها

الكل عرف عن السالفة ما عدا إختي (هـ) ..... كيف نخبرها وهذا أحلى يوم ف حياتها

أخوي (أ) الي كان المفروض يروح ليها قاعد في البيت يصيح

راح أخوي (ح) مع ولد خالتي الثانية (ع) اييبوها من دبي

اهي كانت تقول لهم كيف كرموها ومن حظر الحفل وكل شي بس هم ساكتين يسمعوا قرآن

سألتهم ليش تسمعوا قرآن شو فيكم بس ماردوا عليها لين ما وصلنا البيت

دلتنا الهدايا والشهادة وكانت مستانسة

أنا ما قدرت أشوفها رحت عنها قامت إختي (ش) عطتها ماء وقالت لها قعدي

بعدين خبرتها طاحت تصيح وتقول: ليش ما خبرتوني من زمان ليش؟ ..... وأنا الي كنت فرحانة ليش؟

بعد يوم اتصلت امي من الهند وقالت انها ماتت وهي مبتسمة ...... كانت سمرة وستوت بييييضة

من بعدها ما قمنا نصيح لأن ربي خذها وهي مستانسة ليش نصيح....

هذا كان يومي بس عرفت كيف أتحمل نفسي ..... وأنا الحين من اتفه الناس

اضحك على اي سبب لأن الحياة قصيرة لازم اعيشها بحلاوتها حتى ولو كانت مرة

الحين أبغي ردووود

ومع السلامة

o.7ro0of.o
05-07-2009, 07:48 PM
الله يرحمها ويغمد روحها الجنة ...

وعظم الله اجرج

والله مادري شاقول انا ماعرف اتكلم في مثل هالمواقف..
بس كل الي اقدر اقوله الله يصبركم ويصبر اهلهااا وان شاء الله
الكل يكون خاتمته طيبه مثل خالتج ..كفاية هي ماتت وهي مبتسمه ان شاء
هالشي الكل يتمناهاااا وابتسامتها دليل ع خيرها في الدنيااا

والله يصبر جميع المسلمين على فراق مواتهم

نوووكووو
05-07-2009, 08:30 PM
ايفل الله يرحمها ويسكنها فسيح جناته والبركه فيكم وفي عيالها ...

وان شاء الله تكون من اهل الجنه ...

وشدي حيلك انتي واولادها علشان تحققو اللي هي تتمناه
ولا تنسين هم السابقون ونحن الاحقون.

وتبين الصراحه اختي ايفل والله الموت ارحم من هالدنيا اللي كلها مصالح

بالله اختي وش تبين احلي من كذا ماتت وهي مبتسمه ومرتاحه

صح انك لازم تحزنين .
بس صدقيني بدل البكا ادعولها بالفردوس الاعلى
وادعوا بحسن الخاتمه مثل خالتك -الله يغمد روحها الجنه.

محبتك : نوووكووو

Evil Angel
05-07-2009, 08:37 PM
ثاااانكس o.7ro0of.o و نوووكووو
بس لا تخافوا علي أنا قوية <<<<<<<< اسمي ايفل آنجل يعني شريرة بقوة

وان شاء الله بنسوى كل الي تتمناه

NoNa-N
09-07-2009, 08:52 PM
لا حول و لا قوة الا بالله
الله يرحمها و جعلها في الجنة ان شاء الله
من و صفك لها ... الحمد لله على كل حال
و الله يعينكم على ما اصابكم
و عظم الله اجرك
اختك: نونااا

Mr_Misery
10-07-2009, 09:06 AM
شفت إختي (ش) قاعدة على الكمبيوتر بس حزينة لفت علينا وقالت : خالتي (ر) توفت........

الله يغفر لها و يرحمها و يرحم كل موتى المسلمين ، و صبركم الله على فراقها ^^


الكل عرف عن السالفة ما عدا إختي (هـ) ..... كيف نخبرها وهذا أحلى يوم ف حياتها

موقف صعب جدا ، ما احسدكم عليه

هذا كان يومي بس عرفت كيف أتحمل نفسي ..... وأنا الحين من اتفه الناس

اضحك على اي سبب لأن الحياة قصيرة لازم اعيشها بحلاوتها حتى ولو كانت مرة


حلوة الجملة ، تكاد تصلح لتوقيع .. الحياة قصيرة ، عيشها بحلاوتها حتى لو كانت مرة ^^

CLODIA
10-07-2009, 11:04 AM
انا لله وانا اليه راجعون

أختي .... أدعي و سندعو جميعنا للفقيدة بالمغفرة فلن يفيدها بكاءنا ونحيبنا ..... اللهم اغفر لها ذنبها و نقها من الخطايا كما تنقي الثوب الأبيض من الدنس ... وخفف عنها عذاب القبر و ضمته ...

اللهم اغفر لها وأرحمها واسكنها في فسيج جناتك ..

اللهم الهم ذويها الصبر والسلوان http://www.swalif.net/softs/images/smilies/frown.gif

احسن الله عزائك أختي Evil Angel .. وجميعنا ماشين بنفس الطريق ونسأل الله حسن الخاتمه ...


لك مني اجمل تحية

м i я α c l ε «●
03-02-2010, 08:27 PM
شـكــ وبارك الله فيك ـــرا لك ... لك مني أجمل تحية .