المساعد الشخصي الرقمي

مشاهدة النسخة كاملة : بسً استهتآإرْ << الليً مخه/ـآ بزرْ لآإ أشوفهمْ دآإخليــنْ ~


Ḿĭşş şђĭяŁέy•◦
21-07-2009, 01:03 PM
رسآلةْ وصلتنيً بالإيميلْ





وربيً أعجبتنيً وبشكلً كبيرْ وأثرتً فينيً




فيآإليتْ الرآإقينْ والليً تفكيرهمْ كبيرْ




يقرأونـه لأنــهْ يستحقً القرآإءةْ




أمآإ الأطفآإلً والليً مخهمْ علىً قدهمْ





يآإليتْ مآإيدخلوآإ هنآإ لأنهْ موْ لهمْ أبداً


ـــــــــــــــــــــــ





سعودية 23 سنة تكتب قمة المنطق


السلام عليكم ورحمة الله وبركاته


حياكم الله



هذا أول موضوع لي في هذا المنتدى

ومتفائلة أنه يتثبت ويلاقي صدى حلو

لأني عارفة رقي العقليات اللي بأحاورها


أنا لي شهرين أقرأ في هذا المنتدى

وبصراحة حاسة إني بين صديقاتي

أبهرني تعاونكم

وأهنيكم على المشرفات


ندخل في الموضوع.. وراح أتكلم بعفوية وتلقائية

لأن الكلام اللي يطلع من القلب مباشرة يدخل القلب



أنا بنوتة عمري 23

تغيبت عن مجتمعنا السعودي 8 سنوات

ورجعت له من شهرين


بصراحة تفاجأت وانصدمت من التغيرات اللي حاصلة

في المجتمع بكل فئاته وطبقاته .. في النوادي الرياضية..في الأسواق..والأهم في الجامعات والمدارس..وفي المنتديات والمدونات


تمنيت أني ألقى المجتمع تطور للأمام..أو تقدم للأفضل

لكني للأسف لقيت النقيض

رجوع خطوااات للخلف..من جميع النواحي

قد يكون كلامي فيه غلظة شوي

بس يقول لك المثل

يا بخت من بكاني وبكى الناس علي

ولا من ضحكني وضحك الناس علي


تساؤلات كثيرة أرددها بيني وبين نفسي وما ألقى لها أي جواب

وأنا متأكدة أنها تتردد على كل رزين وعاقل شرواكم


هل لما زادت رفاهية الحياة يزداد تخلفنا؟؟

هل لما تطورالعلم وتسهلت الطرق له يزداد جهلنا؟؟


ليه صرنا مجتمع سطحي

لاهم ولا رؤية ولا رسالة ولا هدف من الحياة


التفكير والتركيز على المنظر والمظهر


فيه كاريكاتير أول ما شفته زعلت

لكن ألحين حسيت إنه أبلغ من كتب ممكن نكتبها

الكاريكاتير يمثل شعوب العالم

فمثل الشعب السعودي

بكرتونات مزينة وإذا فتحتيها لقيتيها فاضية

وهذا واقع البنات اليوم مظهر ومنظر

ولو تقولين لها 1 ×1 كم؟

تنحت

لو تقولين لها وش آخر كتاب قريتيه؟

قالت هااااه

"بغض النظر عن الروايات التافهة اللي طايحين فيها هالفترة"


-----------

لو نص هوس المظاهر هذا كان على عقولنا لكنـّـا أنجح الشعوب

لأنه ببساطة كل شيء متوفر عندنا
لا ناقصنا مال ولا قدرات عقلية

------------------

الأجانب فلوسهم رايحة على تعليم عيالهم وتثقيفهم وصحتهم

تلقين راتب الأب والأم ضئيل ومستحملين شظف العيش عشان يرسلون ولدهم برى يدرس شهادة عليها القيمة
بينما عندنا يستحملون الديون والأقساط عشان تسوي زواج كله إسراف وتبذير وآخرته الناس طالعة منتقدة
وإلا ديون وأقساط عشان تقول صيفنا برى شهر كامل


والله أعرف وحدة شخصيا تقول السفر بالنسبة لي عذاب لأننا إذا سافرنا

طول السفر طقاق أنا وزوجي وأنا أحرسه لا تناظر وهو يحرسني لا تناظرين ..قلت طيب خلوا سفركم لبلدان محافظة أو لا تسافرون حطوا فلوسكم في البيت تغيير ديكورات وأثاث

عصصصبت قالت خيييير سلايفي لين سولفوا أصير بينهم ما سافرت

وإلا إذا سولفوا صديقاتي إلا أنا ما سافرت وش بيقولون عني


!!!!!!!


مافيه تعليق

-----------------------

أنا لما جيت بعد هذي المدة توظفت في بنك

ولاحظت إنه إذا جت العميلة أم ساعة ألماس فخمة وشنطة قوتشي الكل يتبادر لخدمتها
وإذا جت العميلة اللي مظهرها ما فيه بهرجة.. تستجدي الموظفات يجون يساعدونها
والمضحك في الوضع إني ألاقي العميلة البسيطة ما شاء الله حسابها شي وشويات..وهذي أم البهرجة حسابها بالسالب(عليها قروض وسيارات تقسيط)..وعنوانها يا إما شقة وإلا أجار

مو انتقادي على القرض ولا على السكن انتقادي
هو إنك مكلفة نفسك بالديون والقروض عشان شويتين نظرة إعجاب من الناس
بس ما ألومك لكن ألوم المجتمع اللي صار سطحي..يحكم عليك بموديل جزمتك


----------------

أول تصنيفنا للمجتمع كان

جامعية

مثقفة

عاقلة

متربية

قليلة أدب

دينة

بنت ما ربوها أهلها

يعني كان مقياسنا

الدين والتعليم والتربية



أما ألحين

صار تقسيمنا للمجتمع

لو كلاس

هاي كلاس

بنت ستايل

بنت قروية

فعلا تصنيف متخلف رجعي سطحي

يعني رجعنا للجاهلية

وإحنا ألحين ننادي بالعولمة والعالمية والتطور والتحضر

الحضارة تبدأ بالعقول

-------------------
من جد من كثر ما أنا منهارة من هالوضع والله مو عارفة وش أكتب


أروح لنادي رياضي ألاقي ملابس يستحي إبليس يلبسها

طبعا هذا غير الاسترتشات اللي لما تتمدد يطلع البنطلون شفاف..شيء يجيب الغثيان.. المشكلة نتدرب في كلاسات كلها مرايا يعني ماتستائين من منظرك!!!!!

المشكلة إن زمان كان هذا الشيء

نكرة + قلة تربية + قلة دين


أما ألحين

عادي وكنه العيد

-------------
من أسبوعين اتصلت وحدة سعودية على فوزية الدريع قالت أنا معلمة كلمت واحد وحبيته وقال..و..و..وكملت تفاصيل حماقتها .. اللي من جد فشيلة على القنوات ينقال أنه هذي سعودية

قالت لها الدكتورة

"..وش هالخداج معلمة وهذا عقلج.. أي جيل بتخرجين لنا..وين مخج..وين تربيتج "

الخداج: هو الجنين في بطن أمه إذا تعدى الشهر الخامس

يعني تعدينا مرحلة أنهم رجعوا للمراهقة.. هم رجعوا لما دون ذلك
-----------------------------

أخذت اللغة على يد أمريكية..عاشت في أمريكا 10 سنوات من زواجها و3 سنوات في السعودية..

لأنها متزوجة سعودي

تقول أنا توقعت السعودية بتسهل علي تربية عيالي لكن اكتشفت العكس

برى لما يشوفون غلط أقول لهم هم كفار ينبسطون شوي وآخرتها النار

بس إحنا مسلمين ننحرم شوي وبنتمتع فورإيفر في الجنة

تقول وكانوا مقتنعين والأمور تمام

أما هنا لما يسألوني عن أشياء غلط يشوفوها في الفيصلية"والله كلامها نصا" أتلعثم وما ألاقي حجة مقنعة طبعا هم يعرفون كيف يحاورون عيالهم ما تقول له إلا كلام مقنع ومنطقي شوفي مخ عيالهم ومخ عيالنا


نرجع لها تقول صرت أقول لهم

"there are good muslims & bad muslims"

----------------------------------

فيه صرح رائع في عالم المنتديات اسمه مملكة المرأة

99% من مواضيعه عن المظاهروالشكل

هل عالم المرأة في قطعتين الملابس اللي تلبسها؟؟
لا وكل مالها تتقلص هذي القطعتين

وين ثقافة المرأة؟ وين أساليب الحوار؟؟ وين القضايا الدينية اللي تخص المرآة؟؟

------------------------

يا كثر ما نسمع

ماتوقعت الزواج كذا ؟

انصدمت بالحياة اليومية في الزواج؟

ما قدرت أفهم زوجي.....


عارفين ليه لأن منتدياتنا النسائية

ثقافتها


"بسررررعة بنات وين ألقى بانتي أحمر ..عشاني بألبس في الحفلة لوو ويست"


وإلا



"مين أفضل مركز ينظف لي البكيني بالليزر؟؟"


صارت البكيني منطقة عادي تطلع؟

تتقلبين على السرير بمنظر مقزز ومقرف.. وبدون ولا نقطة حياء؟؟

والله لو أمك اللي بتشيل لك بالليزر كان استحيتي

وين الحياء؟؟

مات؟؟

وإلا نخنقه عشان ما يسيطر على تصرفاتنا؟؟

وإلا اللي كان ماسك البنات شدة الأهالي؟؟ لما خفت شفنا الهوايل؟؟

وإلا الدين انحصر في صيام 30 يوم في السنة و5 صلوات في اليوم بس؟


كلها 8 سنوات تفاجأت وانصدمت

وما أدري متى أقدر أستوعب هذي التغيرات

اللي أتمنى تتعدل للأفضل ولا أحتاج أستوعبها



أتمنى أنها تكون نزوة وقريب تتلاشى وتصير ذكرى أليمة في الماضي ونقول كنا وكان

أتمنى يصير الخطأ شيء عيب ما نتفاخر به ونعتبره مقياس على مدى حضارتنا

--------------------------

ليه صرنا نستحي من الدين ومن العادات

"أنا أتكلم عن العادات الصح مو المتخلفة"

تجي كوافيرا تقول لو ما عندك تحفظ على الإكستينشن أعمليها

!!

صارت المسألة تحفظ؟

صار اللعن أمر قابل للنقاش والتحفظ؟

صار الوصل ينصح به في المنتدى على مسمع من مايزيد عن خمس مية بنت

وياليت وحده ردت وقالت حراااام

من واقعنا الكوافيرات أغلبهم نصرانيات عقيدتها المسيح ابن الله

بس الشرهة علينا إحنا يا أمة لا إله إلا الله

لو ما كانت شايفة جرأتنا وتمردنا على الدين ما قالت كذا

هل كان التوصيل قبل عيني عينك يكتب في بروشور الصالون؟؟ جنب السشوار والتسريحة..


لو أقدم لك كريم وأقول لك لو ما عندك تحفظ على السرطان جربيه تراه يبيض

وش ردة فعلك؟

فيه ردة فعل غير إنك ترمينه علي..وتنبهين قرايبك منه .. وتحذرين البنات في المنتديات

---------------------------
وحفلات التخرج وحفلات النجاح والدي جيهات والزواجات
كلها معازف وأنواع التفنن موسيقى وعود وأورج
وإلى آخر الليل وإلى الثلث الأخير.. وعادي .. ما فيه اللي يقول للغلطان تراك تماديت بالغلط
آخر الليل إذا ربي تفضل علينا ونزل لسمانا الدنيا
هل من داعي؟ هل من مستغفر؟ هل من تائب؟
عذرا يا رب إحنا مشغولين مع محمد عبده وأحلام
دوروا الدنيا بكل أبعادها
هل فيه ملك ينزل لك كل ليلة ويقول لك " تبين شي؟ "
أتفه ملوك الدنيا تلقين عنده 10 سكرتارية وبينك وبينه 10 أبواب
والدخول عليه بموعد إن كان يتنزل يقابلك من الأساس
أعجبتني عبارة لداعية مصري قال:
" ربنا ينزل كل يوم ينادي حد عايز حاقة.. وإحنا مشغولين عنه.."
----------------------

تجيك الوحدة تشتكي وقريتها هنا في المملكة

تقول ياربي أنا كنت أكلم واحد وحبيته

ولما تزوجت ما حبيت زوجي وتحملت قلة حبي له وبعد كذا اكتشفت إنه يكلم وحده وانهارت أعصابي

طيب.. وين الغريب في الموضوع

يعني قمة الخبث والخيانة

خنتي أهلك وربك وتبين واحد طاهر.. نظيف... قلبه عذري

مافي حياته إلا أنتي

وأنتي في حياتك عشرة قبله

عجب

!!!


--------------------------------

هذا غير الصور الشخصية وعبارات وصورالتوقيعات اللي كلها إيحاءات سيئة وسخيفة

وفيديوهات التوقيعات هذي لها نصيب الأسد في السوء


إحنا أرقى من كذا

أبصم بالعشرة أن كل قارئات موضوعي هذا متعلمات.. جامعيات.. أو في طريقهم للجامعة

ليه أحط صورة فاتنة لو مر عليها ولد حركت غرايزة

لا تقولين هذا سيكشن خاص بالمرأة

أتوقع كلنا سعوديين وأعرف الناس بشبابنا

قولي هنا ريحة حرمة وشوفي ردة فعلهم


وحتى؟أغلب العضوات يكتبون في أقسام أخرى والتوقيع والصورة ثابتة

لا تقولين هو لو يبي يشوف شاف

ما عليك منه عنده رب يحاسبه..بس لا تكونين سبب

يجي الشخص يوم القيامة تعرض عليه أعماله السيئة

أنتي كذبتي

أنتي أظهرتي مفاتنك لرجل

أنتي أخرتي الصلاة في اليوم الفلاني

أنت..

أنت..

أنت زنيت

يقول يا ربي ما زنيت

يقول له لكنك ساعدت أحدهم على الزنا

وكان عليك مثل وزره

والآية صريحة وحمدلله إننا عرب نفهمها بدون مترجم:

" ليحملوا أوزارهم كاملة يوم القيامة ومن أوزار الذين يضلونهم بغير علم ألا ساء ما يزرون"



يتبعْ

Ḿĭşş şђĭяŁέy•◦
21-07-2009, 01:04 PM
هذا إهداء للبنات اللي يدخـّـلون الشباب للأسواق في أيام العوايل لما يمنعهم السكيورتي

هو بيدخل ويرقم وتبدأ علاقة أنتي السبب فيها


وهذا إهداء للي تدل على مواقع سيئة


وهذا إهداء للي ترسل رقم واحد لزميلتها


الواحد يالله يستحمل ذنوبه.. يروح يشيل ذنوب الناس


والرسول صلى الله عليه وسلم يقول

" أيما داع دعا إلى ضلالة فاتبع فإن عليه مثل أوزار من اتبعه من غير أن ينقص من أوزارهم شيء وأيما داع دعا إلى هدى فاتبع فله مثل أجورهم من غير أن ينقص من أجورهم شيء "

أخرجه مسلم

--------------------------

والموسيقى اللي صارت زي السلام عليكم
أصلا صارت هي التحية والافتتاحية في المواضيع

في المنتدى سيكشنات مخصصة للأغاني

!!
وكأن الأغاني عادي مثلها مثل تبادل الأخبار وأسعار الأسهم

أفتح مواضيع هنا في مملكة المرأة

إلا مقطع الصوت تلقائيا شغال أورج

يعني بالقوة؟

ما دخلت سيكشن الأغاني..بس برضو مضطرة أسمعها؟

وهذا تجاوز للحدود والحريات

والمفروض يكون أحد شروط كتابة المواضيع منع هذا الشيء

لو بأنزل طبخة في وسط موضوعي

قلتوا: خير؟ غلطانه الأخت في العنوان


وبالنسبة للبنات اللي ينزلون زفاتهم الموسيقية

كم وحدة مرت على الموضوع من الأعضاء وسمعتها

+

كم وحدة مرت على الموضوع من الزوار وسمعتها

+

كم وحدة بحثت في قوقل وطلع لها موضوعك

+

كم وحدة أعجبتها الزفة وحطتها في زواجها اللي بتحضره 400 مدعوة


وعداد المعاصي شغال في ظهرك

وياطول الحساب

----------------------

زميلاتي في ثانوي لما شفتهم

من كثر ذهولي

صرت أشك في نفسي

يعني لو وحده تغيرت تزعلين ويضيق صدرك عليها

لكن لما 6 كلهم تغيروا

وش ردة فعلك إلا العجب



لا.. وأمر الحواجب هذا أمر عجيب

ما أدري هل نزلت بعدي فتوى جديدة بجواز النتف؟

نتف وتاتوو .. والضحكة شاقة فمها.. وكأن شيئا لم يكن

لو أقولها الله يلعنك بتزعل

لكن رب العالمين يمسـّـيها ويصبـّـحها على لعنة

إتز أوكي عندها


وإلا تجيك أم 14 سنة توها داخلة عالم النتف"عالم اللعن" أسفل حاجبها كله أخضر


فعلا.. صرنا على قول المصريين

نضحك على خيبتنا

-----------------------------

أما حكاية العبايات هذي يعني من جد كارثة

أقابل ربي في الصلاة محجبة

وأقابل الشباب في السوق بالعيون اللي فيها كيلو مكياج والغرة المنسدلة

أي تناقض هذا؟

أي ديانة هذي؟

أي أخلاق؟

عبايات وإلا فساتين؟


القضية اجتاحت حتى الأمهات

حريم كبار والله الشعر اللي فوق أذنها بدى يغزوه الشيب وتقول لي

تعرفين غرز الكروشيه بأحطه في عبايتي

يعني خافي الله في هالشيبات
جده والله العظيم

وش بقيتي لبناتك المراهقات
إذا أنتي بتزينين عبايتك بورد كروشيه
ماألومهم لو طلعوا من غير عبايات

------------------------

عشت في المجتمع الإماراتي حول سنة ونص

أحنا عارفين إن أهالينا محافظين أكثر منهم

وبلدنا محافظة أكثر

وموادنا الدينية في المدارس والجامعات أكثر


بس شوفوا حياتهم وتفكيرهم

كل بنت لها خطوط حمراء

هي حاطتها ومقتنعة فيها وفخورة بها

هناك المحجبة ترفع راسها بحجابها ومحد قدها

وعندنا هنا اللي عبايتها ساترة ناقص تدخل في الجدار من الحياء

تخاف يقولون عنها متخلفة

ياإنها مسوية كابوس هذي الكلمة للبنات

تذبح أمها وأبوها بس لا أحد يهمس بكلمة متخلفة

هناك تلقين البنت تقرأ كتب عليها القيمة
مثل
"ذا سيكرت - نساء من الزهرة- أسعد امرأة في العالم- سلسلة شوربة الدجاج..."
هنا تلقين في يدها رواية للهابطين اللي خسارة أكتب اسمهم هنا

-------------------------
نقطة إضافية
البلوتوثات والهوايل اللي فيها
العين تزني وزناها النظر
لو أقول لك شوفي فيلم إباحي قلتي لا حرام
طيب وهذا
ليس إلا اقتباس لأقذر ما في الفيلم
!!
رسايل الجوال والنكت الجريئة
والله لو أقول لوحدة قولي الكلمة السوقية الشوارعية هذي بلسانك
قالت مستحيل بس لما تنكتب كرسالة جوال تصير كلمة عادية
لا ومضحكة بعد..تسمعين الضحكات الرنانة ..
ما أدري هل القذارة صارت تضحك؟؟
والله لو ولدك وإلا أخوك قالها
كان صرختي: عيب عليك ترى بأحرقك بالنار عشان تتأدب
----------------------------
قبل أي فعل تقدمين عليه
لا تحكمين إيمانك لأن يمكن إيمانك ضعيف في هذي الفترة أو يمكن لا سمح الله أنه ما فيه إيمان في هالفترة
إحنا عارفين عقيدتنا تقول الإيمان يزيد بالطاعات وينقص بالمعاصي

ولا تحكمين قلبك لأنه ممكن قلبك يكون قاسي في هالمرحلة
حكمي عقلك لأن العقل هو نفسه ما يتغير


قولي هل لو كنت مريضة لا سمح الله بأسوي هذا الشيء
إذا الجواب إيه
أقدمي معناها إنه حلال وخير ولا تستحين منه إذا قابلتي ربك

وإذا الجواب لا
معناها تراك تجاوزتي حد مع ربك.. وبيكسر هالشيء عينك أنك تقابلينه وأنتي مسويته..

أي عمل قولي هل لو سويته بيكسر عيني مع ربي لو بأقول يارب اشفني وإلا يارب عطني


--------------------------------------
دعوة عملاقة أبعثها من هالمكان الراقي

حملة أتمنى نبدأها ونكون قدها ونوصلها ونسمعها الجميع

كفى..استهتارا

كفى ..تراجعا

كفى ..تنازلا


قومنا حملة لا للكوافيرات الغاليات ونجحت

وقومنا حملة السعودية للسعوديين فقط ولقت صداها


شدوا الهمة وساعدوني

أثروا الموضوع بردودكم الهادفة


ياصاحبة الدين..أضيفي كلمة تشهد لك يوم القيامة..مو الدين في غرفتك تصلينوتصومين وإذا شفتي الغلط غمضتي عيونك وسكتي عنه..هذا اسمه شيطان أخرس



ياصاحبة العقل الرزين..أدلي بدلوك.. نورينا بآرائك الهدافة



ياصاحبة الثقافة..ساهمي في تثقيفنا



هذا اللي جرأ بنات الغلط على المجاهرة..وهو إن صوت أهل الدين والعقل والرزانة واطي

علوا أصواتكم خلونا نسمعها ونسمّـع غيرنا

-----------

نبي وحدة تكون شجاعة وسباقة للخير

أكتبي هنا أنا غيرت صورتي الشخصية أو توقيعي

يله عشان تشجعين غيرك ويحذو حذوك

وتأخذين أجره

----------

نبي وحدة شجاعة نبيلة تقول أنا مسحت موسيقى كنت منزلتها في موضوعي

أو زفة نزلتها للبنات

-------------------------

نبي وحده شخصيتها قوية تقول أنا مسحت صور شهيرات هوليود من موضوعي لأن ملابسهم عارية

نقدر ننزل صور بتضليل خفيف يكسر جرأة الأفخاذ والصدور اللي طالعة

---------------------------------
خلوا شعارنا

الرجوع عن الخطأ خير من التمادي فيه

--------------------------



حقوق الطبع غير محفوظة

أنشروا في المنتديات والمدونات والإيميلات

خلونا نرتقي بمجتمعنا

خلي لك بصمة في الحياة

-------------------------

يارب هذا أقل ما يمكن أسويه

بس أتمنى أنك تعذرني به

أنا وكل من خطت حروفها هنا إنكارا للواقع المرير

محاولة بسيطة للتصحيح.. تقبلها مننا يارب

-------------------------
لا تقولين المجتمع كبير ومتنوع وصعب أصلحه
المجتمع هو
أنا وأختي وأنتي واختك وهذي العضوة واختها وبنات خالاتنا وبنات عماتنا


والسلام عليكم



أترياكم

-------

مخرج


أصـدر المولـى بــيـانه . . . أيــن أنـتِي يـافــلانــه

إفــتحـوا ديـوانـها ولــ . . . تــنـظروا في كـل خـانه

موقــف صعـب رهـيب ... أسـأل الـله الإعانــــة

حيـــن أدنو من إلهي ... دون ستـر أو بطانـــة

يحاكيني جهارا ... كيف أديـت الأمـــــــــانة

حــيــنهــا تشـعر مـثـلي . . . أنهـا حقـا جَبَـانـه

كـم قـضـيت الـعـمـر هــدراً . . . بيـن غـيٍّ ومَـجَـانــه

يـا لـقـلـب الـسـوء أرخى . . . لــلـهـوى الــعَاتِـي عَـنَانَه

فــي متـاهـات الـمـعاصي . . . يــخـسر الــقلبُ رهــانَه


مـن يـجـيـب الله عنـي؟! . . . مــن سـيـعـطـيـنـي لــسـانـه


لـحـظـة مــن هـولـها لا . . . يـملــك الــعـقل اتــزانــه

ضــاع مفـتـاح الــنــهـى . . . واخــتَّـل مـيــزان الــرزانه




ــــــــــــــــــــــ


أحييهآإ علىً هالتفكييرْ المنطقيً


ومنْ الآنْ يآإليتْ كلنآإ نطلقً حملةْ



كفىً استهتآإراً



شوفوآإ يآإنآإسً ايشً الليً جآإنآإ



غبآإر + زلآإزل



وهذآإ كلــهْ غضبً منْ ربً العآإلمينْ


فإلىً متىً ؟؟


وأعترفً بأنيً أمسً وضعتْ موضوعْ فيــهْ موسيقىً


وسوفً أطلبً منْ المشرفينْ حذفــهْ



وتذكروآ



( منْ تركْ شيئاً للهْ عوضــهْ اللهْ بأحسنْ منــه )

دموع تبتسم
21-07-2009, 02:59 PM
السلام وعليكم .. ~

اهلينḾĭşş şђĭяŁέy ..


اهنيك أختي على الموضوع الرائع .. و صدقتي في كل كلمه نقلتيهاا ..~


ربي يسلم هل اليدين .. ويعطيك الف عافيه ..


و تمنى أن الموضوع يتثبت لان يستاهل التثبيت .. ولكـ مني تقيم يالغلا:SnipeR (69):


وربي لا يحرمنا منك يالغلا ..


وتقبلي مروري ..{ .. دموع تبتسم ..~


احترامي لمقامك الكريم :nice:

K&J girl
21-07-2009, 03:09 PM
لي عوده لهذا الموضوع الرائع

ZRH
21-07-2009, 03:11 PM
موضوع جداً رائع و هادف يا Ḿĭşş şђĭяŁέy تسلم هالانامل :Onion_hmmm:
الصحيح و الله .. الزمن تغير و تفكير الناس تغير معاه
الحين يعتبروا الجاهلة الي ما كملت دراستها أفضل من المتعلمة و الجامعية
الناس في هالزمن تهمهم المظاهر وبس
مشكورة مرة ثانية حبيبتي :SnipeR (96):Ḿĭşş şђĭяŁέy

Ĵℓқớộż
21-07-2009, 03:18 PM
ليـ عودهـ :icon26:

K&J girl
21-07-2009, 03:23 PM
بسم الله الرحمن الرحيم

بصراحه الموضوع يستحق التثبيت

لأنه في هذا الوقت نحتاج لهذه المواضيع

فقد راينا التمادي فكل مكان

من اسواق ومدارس وجامعات ووو..

ولكن نسأل الله أن يهدي المسلمين اجمعين

لانه لا نعلم متى يأتي هادم اللذات متى ستكون الساعه

ولكن الله هو العليم

والله يمهل ولا يهمل

وكل انسان يخطأ ولكن عليه ان يصحح خطاه قبل فوات الاوان

وخير الخطاؤون التوابون

أشكرك اختي على طرحك لهذا الموضوع الرائع واتمنى ان تعم فائدته الجميع

وننتظر كل جديد منك اختي :nice:

تقبلي مروري اختك

K&J girl ^^

Ĵℓқớộż
21-07-2009, 03:31 PM
مس شيرلي موضع في قمة الروعهـ

والجمآال مآقصرت الي كتبت الموضوع

ومآقصرتي انتي على النقل مشكورهـ

وياليت المآضي يرجع وتصير الوحده اذا سوت غلط تستحي مو مثل الحين نغلط

ولا همها في آحد اعوذ بالله آنا مرع كنت في منتدى اسمه دلع بنآآت وفتحت قسم

جمآال المرءة وتفآجئت من موضوع مكتوب فيهـ علاج لسوآد الركب وهو قليلي من السجود !!!!

ودخلت الموضوع لقيته قد ردوآ عليهآ وقآلوا لهآ حرام و قفلوا الموضوع وحذفوا العضوهـ

والله احسهآ مااستحت احسه عآدي عندهآ اعوذ بالله

مس شيرلي اريقآتو ياعسل :icon26:

Ḿĭşş şђĭяŁέy•◦
22-07-2009, 12:12 AM
ليً عودةْ للتعليق ْ:icon26:

غسق
23-07-2009, 02:12 AM
لي عودة إن شاء الله

luchia
23-07-2009, 02:38 AM
وصلني هالايميل من فترة برده

و عجبني جداً ^^


و رغم انه ليس لي علاقة به ، لكنه نال على إعجابي

تسلمين عزيزتي

في إنتظار جديدكِ

تحيتي


لووشي

:icon26:

нάηόσ ««
23-07-2009, 04:14 AM
Ḿĭşş şђĭяŁέy•◦ (http://www.an-dr.com/vb/member.php?u=31647)

آلسسسلآـآآم عليڪم ~


آصږآحـہ لآٺعليق عـ/ مۆضۆعڪ ,,


آللي شۆي عليـہ ڪلمة ږآئع مڤيد


آصږآحـہ ڪل ڪلمـہ ۆڪل حږڤ \\


صحيح ,,


‘إخٺي لۆ آٺڪلم من آليۆم لـ بۆڪږه ~


مږآآح آقدږ آۆصل آعجآبي بـ مۆضۆعڪ


مآآ أقدږ أقۆۆۆل غيږږږ


قۆآآج آللـہ ۆيعطيڪ آلعآڤيـہ


ۆٺسلم هـ/ آلآيآدي آللي حطٺ آلمۆضۆع

:SnipeR (69):

NiooL
23-07-2009, 04:36 AM
السلام عليكم ورحمة الله وبركاته

شخبااارج حيااتي
Ḿĭşş şђĭяŁέy•◦ (http://www.an-dr.com/vb/member.php?u=31647)


مشكووره عالموضووع الرااائع والهادف
ووانشالله الكل يستفيييد منه
والصراحه موضوع نال اعجااابي
ودووم في عالمواضيع الحلوه

وتقبي مرووري ^^


Ja

Chachi
23-07-2009, 05:15 AM
أهليـن إختي

أهنيـك عـ نقلك لـ الموضوع, وأهني كآتبتهـ عليهـ ..

من جـد كل كلمة فييـه صحييـح , بس من رآيي مآ نقدر نغيير مجتمعنـآ لأن هذآ الوآقع

وحنآ سآكتين ورآضين فيه !؟ وبرضو لمآ نقول بنغيرهـ المجتمع نفسسهـ مآ يسآآعد !

إريقآتـو حبوهـ مرهـ ثآنيهـ عـ النقل ^^

جـآنـآ ,

:SnipeR (69):

عنز البدو
23-07-2009, 05:53 AM
هل فيه ملك ينزل لك كل ليلة ويقول لك " تبين شي؟ "
أتفه ملوك الدنيا تلقين عنده 10 سكرتارية وبينك وبينه 10 أبواب
والدخول عليه بموعد إن كان يتنزل يقابلك من الأساس
أعجبتني عبارة لداعية مصري قال:
" ربنا ينزل كل يوم ينادي حد عايز حاقة.. وإحنا مشغولين عنه.."
-
من جد بعـد هالجملـه كاملـه هز قلبي وربي T__T
عيـوني وربي دمعت .. صـدق شي حقيقي في هالوقت القلييييل و القلييل يقابلون الله بشرشف صلاه و سجاده أو قران بيده على الأقل رافع إيده طالب المغفره و الرحمـه ..!

غيـر كذا و الآدهـى و الأعظم لو وحـده في مجلس حريم قالت "الحمـد للـه تعودت أقوم بالليـل اقابل ربي " وش مصير وجيـه إلي حولهـأ ؟ وحـده عيونهـآ ناطه شبرين و الثانيـه ساااكتـه تطالع فيهـا و الثـآلثه ما غير تقول ماشاء اللـه !!

صــدق ما شـآء اللـه .. بس والله غريب تطلـع هالكلمـه .. المفـروض هالشي يكون عاادي جدآ .. أقلهـا عشـر دقائق واللـه ما تسوى شي بيمـر الوقت و إنتـي متطمـنه و منشرح صدرك لدرجـه تحسين براحه تحسين تقدرين ترجعيـن تناميـن و اللـه حافظك بين يدينـه ..

فعلا.. صرنا على قول المصريين

نضحك على خيبتنا
-
صــادق والله .. آجـل > مين أفضل مركز ينظف لي البكيني بالليزر؟؟ <

وجـع يوجـع العـدو >_<" .. باللـه أسألهـا إذا تقدر تقول هالكلام في وجه حمولتها تقدر ؟!

طيب في وجه آمهـآ تقدر ! .. إذا كان عندها شي عادي ربي يستر عليهـا .. و للأسف -___-"


عبايات وإلا فساتين؟
-
إلآ قصـدك مزهـريه متحـركه bleh..!

آقـرب شي عجيب شفته قبل آآسبـوع رحت للسوق لقيت بنت عبايتهـا من تحت متغطي كله ورود الي اسمها دوار الشمس بس مصغره :D و من الاكمـأم ×_×" لو آحلف كآنهـآ لعبت بحديقه بيتهم و جت دايركت للسوق .. -__-"

هنا تلقين في يدها رواية للهابطين اللي خسارة أكتب اسمهم هنا
-
قـد قريت روايـه صجـوا راسي فيها بنات خالاتي -_-"
المشكلـه شوهت صوره السعوديين .. لآنهـآ على قولـه إلي كاتبتهـآ روايه أبطالهـا سعودييـن ! يعني البنت تتمايل ع الولد و لآ تقعد جنبه بالسرير عساس الي تحبـه مريض ولآ تروح لمـه تقوله أحبك و تصيح قدامـه ليش ما تفهمني ؟!

بصـرآآحـه في نص الروايـه إستسخفـت نفسي و قفلتهـآ و حطيت إكس كبير ع الروايات -_-" ..

يعنـي تخيلوا أجنبي ما يدري وش هي الاسلام و عادات العرب الأصيلـه و طاح في إيده كتاب زي كـذآ .. بيقول ما فيـه فرق بينـكم و بيننـأ صـح ؟!

يعنـي التفكـير زيهـم زينـا الي يحـدهم العادات و التقاليـد حقتهم ..!

وإذا شفتي الغلط غمضتي عيونك وسكتي عنه..هذا اسمه شيطان أخرس
-
تذكرت شي من قريت هالكـلام ..

في مدرستي قد سووّ محـاضره عن السكوت عن الحق أو شي زي كذا بنت رفعت إيدها و قالت " إستاذه أنا أوول كل ما شفت بنت في السوق أو بالمنتزه إني اخذها ع الجنب و اكلمها برواق بس والله من كثر ما يتمادون خلاص بطلت تقول والله لدرجه تخلي الناس كلهم يدري عنا تطيح سب بي و بأهلي الي معلميني اللقافـه ! شوي و ترفع إيديها بس شكل الي حادها برستيجها ! "بالله أي برستيج إلي مخليك و أنتي طايحه صراخ و نياح بس علشان نصح في العبـايه !!

ما قصـرت الإستـاذه قالت كلام طويـل خذت مده المحاضـره الباقيـه كلـه عساس تبعد هالفكره :icon26:

و اللـي تقـول علشان ما تسود الركب قليلي من الصلآة ..
-
إلآ أستـغفر اللـّـه ><" .. يا رب وش بيصير وجههـا يوم القيامـه إذا ماكفرت آو تابت !

و إذا كانت مزحـه منهـا ما أقـول إلآ ( ربنا لا تؤاخذنا بما فعل السفهاء منا .. )

واللـه الدين ما يمـزح فيـه .. أذكر يوم كنت في ثاني متوسط فيـه درس بالحديث إلي اذكره كان صحابي جالس مع مجموعه اعتقد انهم كانوا منافقيـن واحد منهم قال مزحه عن الدين تخيلي الصحابي ما قال ولآ كلمه بس ضحك و سكت بدون تعليق بعدين مدري شصار النبي صلى الله عليه وسلم قال له انك كفرت الصحابي قام يترجا الرسول على انه بس ضحك ما كان قصده شي و مع هذا الرسول كان مصر ..

إن شاء الله ربي رحمـه و غفر لـه .. ترآآه صحابي اخيـر منهـا آجل كيف هـذي البنت أعوذ بالله ؟!

-> دورت الحديث و ما لقيتـه في النت .. مدري يمكن البحث غلط ><"

~..

بنت عمرها 23 سنه كتبت آشيـآء ما يقولهـا شخص دبل دبلات عمرها إلآ القليل .. عقليه رائعـه ربي يحميهـآ ولآ يضرها
اللـَّـه يجزاها على قد نيتهـا الصافيـه .. جد جد جد مافيـه كلمات توصف هالموضوع من كلام من قصص من عبارات تخويف من جُمـل تشجيع :icon26:


مس شـيرلـي :icon26:

يجـزاك ربي الخيـر ع النقـل .. جد تسلميـن يا قمـوؤره :SnipeR (87):
سآعتيـن <- و آتوقـع زياده بعد :D من قرايـه و كتابـه رد ما راحت هباءً منثورآـى <- على ما أذكر كذا تنقال http://cdn.maktoob.com/m002/alfrasha/imagesNew/smilies/0104.gif

حسـيت دخلـت جوؤءآ و بقـووه و آنـآأكتب blushing .. السموحـه ع الأنفعال بس البنت أسلوبها يخلي الواحد يفتح الي بقلبه blushing:icon26:

<- و إن دخلت جوؤآ بعـد ما حد يردني :D

واللـّـه تعلمـت كثيـر ^^


همسـه قويـه :D

إن كان فيه غلطات إملآئيـه أبلعوها تراي مواصله و الحين خمس الفجـر :cry_4:

" لك http://cdn.maktoob.com/m002/alfrasha/imagesNew/smilies/084.gif"

devid
23-07-2009, 06:02 AM
لي بااك
بعد القراءه

Mr_Misery
23-07-2009, 06:42 AM
وأعترفً بأنيً أمسً وضعتْ موضوعْ فيــهْ موسيقىً


وسوفً أطلبً منْ المشرفينْ حذفــهْ


تم حذف ما حملته من ذاك الموضوع اختي مس شيرلي ^^

و جزاك الله خير على نقل شيء مفيد ^__^

و الله يجزي الاخت كاتبة الموضوع و يجزيك كل خير ^^

młŞҢŎ0ő
23-07-2009, 07:44 AM
...

فعلا كلام عين العقل

الحين السعوديه ما صارت تهتم الا بالمظاهر

الا المشكله الكبرى ما فيه احد يوجهم بطريقه سليمه

يمكن الهيئه بس اسفه اني راح اقول هالكلام بس كلامي صحيح

الهيئه تستخدم اسلوب اجباري المفروض الهيئه هي اكثر جماع تعرف الاساليب الصحيحه

تقدر تستخدم معاهم اساليب لطيفه محادثه تبين ان هذا عيب يعني مثلا يقولون عن عاقب هذا اللي يسوونه

ويقولون هذا الشي راجعلك مو لنا ... بس مو شي غصب ... انا الحين ما صرت ابي اطلع من البيت كله عشان هاذولا الشباب

اللي كل واحد فيهم يخوف اكثر من الثاني يعني ما فيه احد يلومنا اذا حطينا صور اجانب او شباب من شرق اسيا

لاننا عارفين انهم محترمين اكثر من شباب السعودي ... ولا عاد البنات كل وحده ماسكه جوالها فالسوق تنتظر احد يرقمها

هتى لو كانت مو ذاك الزود بشكلها اهم شي عند الشباب انها بنت ...وبعدين حتى بالمدارس اللي تكون محافظه عدروسها يسمونه دافوره يعني انا ابي افهم وش العيب انك تكونين دافوره على الاقل يكون عندك مستقبل

مو مثل العربجيات اللي اهم شي اني اكون عربجه اكسب احترام البنات يعني تلقين بنت عندها عقل بتقول وش ذا الشاذه

ولا الظاهر اللي ملازمه بنات المتوسط والثنوي الاعجاب يعني ياللاهي يكون ولد احسن من انها بنت تعجب ببنت
يعني يخط كبير شذوذ يتجيك البنت بثالث وهذي اصغر منها وباخر يوم تبكي وش ليش تبكين فلانه بتروح وش اسوي


والمزعج ان الدوله ما تساعد يعني ما تعود الصغار على اشياء تفتح مخه بعني مثلا مثل اليابانيين والكوريين وباقي دول العالم

يبيعون المانجا اللي كثير من سكان دول العالم كبار مراهقين صغار يستفيدون منها على عكس السعوديين

فالسعوديه مستحيل تلقين المانجا وهذا يعني ان نفس اليد اللي تتحكم بالشعب السعودي ما تهتم بالشعب

فمثل اليابانيين اشهر دوله بالعالم من صناعاتها وغيره وغيره يعني وش ينقص الشعب السعودي ينقصهم يد ولا رجل

حتى المستشفيات بالسعوديه اغلب الدكاتره فيها مو سعوديين يكونون اردنيين او مصريين او سواريه واغلبهم ماخذ الجنسيه السعوديه

اللي ابي اقوله

خلو العالم يعرفون ان فيه دوله عربيه اسمها المملكه العربيه السعوديه >>>تحمست بزياده

ادرسو اخترهو فكرو الناس تحسب ان التفكير تضييع للوقت بالعكس شي يفيدكوم ويفيد دولتكم

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~

واسفه اذا طولت عليكم :Onion_hello:

ماكي كون
23-07-2009, 08:51 AM
ما أدري هل نزلت بعدي فتوى جديدة بجواز النتف؟

في هذي صدقتي بنات صغار مال مدارس xd

بي وحده شخصيتها قوية تقول أنا مسحت صور شهيرات هوليود من موضوعي لأن ملابسهم عارية

اعترف انا كنت أفكر أحط صوورة بس لمن قريت الموضوع غيرن رايي ^ ____ @


احيي الخت كاتبه الموضووع عقل و دين و ثقافة الله يكثر من أمثالها و أتمنى أصادق وحده مثلها ..
و احيي اختي شيرلي على هذا النقل الرائع . . .

و أول مرة أقرا موضوع لين نهاية و ما أحس بالملل . . .


تحيتي ..

attomy
23-07-2009, 09:13 AM
/

.

.

.





السسلآإمُ عليكمً يآ مبدع ـهً .. /


وربي صصدقتي ..

من زمــآن وأنا ودي أتكلم بهالموضوعً ..

..

وشآإغــل بالــي كثيير ..

كل كلمهً أرووع من الثآنيهً ..

وأشيــآء فع ــلآ وللأسسف ..

صصآيررهـ ومسستمررهـ بشكل مفجع بمجتمع ـنـآ ..

حتــى النصيح ــهً صـآروآ يتهآونون فييهآً ..

لمـآ أقوول لأحد لآبد من النصيحهً لآننـآ كلنآ لبع ـضنـآ ..

يقولون لــي / كلن همهً نفسسهً ..

هــذي تعتبرر أنآنييهً بكل مع ــنى الكلمهً ..

ديننـآ مااحثنآ على الأنانيهً أبداً ..

ومثل مآ الشخص اللي أمــآمك

محتـآج نصيحتك

أنت بيووم من الأيآم راح تحتآج لنصيحهً منهً ..

..

ديننآ الأسلآمي حثنآ على التع ـآون ..

وأننـآ نكون يد وحدهـً ..

كمـآ كآنوآ الصصحآبهً رضوآن الله علييهمً ..

..

كثيير اشيآء غاافليين عننهآ كثيير من الناااس ..

..

عجبباً يآ أمهً محممد صصلى الله عليهً وسسلم ..

..

أقتبآسي هنــآ /



أكتبي هنا أنا غيرت صورتي الشخصية أو توقيعي

يله عشان تشجعين غيرك ويحذو حذوك

وتأخذين أجره


..

هـ أنـآ غييرتِ صوورتي الشخصيهً وتووقيعي ..

وأعتررف أني كنت حآطهً صورهـ بنت ..

..

ياررب يتووب عـلي ومآ أرجع احطهم ..

بأذن الوآحــد الآحــد ..

..

يالله مع ــنـآ يآصصآحبآت العقوول الوآعييهً ..

..

قال تع ـآلي : ( لآ يغير الله ما بقووم حتى يغييروا ما بأنفسسهم )

..

فلنغيير مآ بأنفسسنآ من الآن ..

ليمتن الله عليينآ بالتووبهً ..

والررجووع لطريق الهـدى والنور ..

ليغيير مآ بنـآ ..

ولكن نغيير مآ نحن بهً أولآ ..

وكل منـآ قآدر على تغيير نفسهً وتغير كل مآ يحيط به ..

..

[ مس شيرلي ] .. /

ابدعتي يآ رآئعهً ..

أعجبتني جرآئتك .. والتي من المفروض

أن تكوون بكل شآب وشآبهً مسسلميين ..

..

جزآك ربي الفرردوس ع هالنقل اللي كلنآ محتآجيين لهً ..

لعل الله يجعلهً سبب في تووبهً أغلبنـآ ..

وتنوير غافلينـآ ..

دمتِ ودآم خييرركِ ..



.

.

.

/

بنت الاحساس
23-07-2009, 09:16 AM
عيش دنياك الاجل اخرتك

ولا تعش دنياك الاجل دنياك

Rody Fruity
23-07-2009, 09:40 AM
السلام عليكم ورحمة الله وبركاته ..

الله يعطيكِ العآفية مس شيرلي على هذا الموضوع ^_^

والله هذي البنت الي كاتبة الموضوع .. والله بنت .. مدري ايش اقول

من جد كلامها حلو ومقنع ورائع بمعني الكلمة ..

واللله موضوع يستآهل التثبيت .. ولك تقييم يا احلى مس شيرلي ^_^

: ران تشان

*KoYaMa*
23-07-2009, 02:04 PM
بسم الله الرحمن الرحيم

السلام عليكم ورحمة الله وبركاته ..

عشت في المجتمع الإماراتي حول سنة ونص

أحنا عارفين إن أهالينا محافظين أكثر منهم

وبلدنا محافظة أكثر

وموادنا الدينية في المدارس والجامعات أكثر


بس شوفوا حياتهم وتفكيرهم

كل بنت لها خطوط حمراء

هي حاطتها ومقتنعة فيها وفخورة بها

هناك المحجبة ترفع راسها بحجابها ومحد قدها

وعندنا هنا اللي عبايتها ساترة ناقص تدخل في الجدار من الحياء

تخاف يقولون عنها متخلفة

ياإنها مسوية كابوس هذي الكلمة للبنات

تذبح أمها وأبوها بس لا أحد يهمس بكلمة متخلفة

هناك تلقين البنت تقرأ كتب عليها القيمة
مثل
"ذا سيكرت - نساء من الزهرة- أسعد امرأة في العالم- سلسلة شوربة الدجاج..."
هنا تلقين في يدها رواية للهابطين اللي خسارة أكتب اسمهم هنا

أناا أإيدها بهذا الشأن بس في بعض الإماراتيات هم أخس من كل غلي كتبته منهم من يطلع شعره كامل وما ستر أبد

السمووحة يا الإماراتيات بس الصرآحة في مجتمعنا شيء هالمظاهر وما أنكر إني في يوم كنت أريد أكون مثلهن بس تربية أمي لي منعتني من هذا وللحين أنا ممتنة لأمي

أنا إماراتية وأعترف إنه في مجتمعنا شيء بعض من هذي المظاهر... يعني ولآ مجتمع أحسن من الثاني كل المجتمعات صآر لها غزو فكري وأنا الصرآحة منزلة موضوع أغآني والرجآآء مسحه

وتسلمي لي مس شيرلي الكلام الي نشرتيه لنا زاد من همتي بالتثبت بتربية أمي لي وتربية أمهاتنا كلنا لنا

BREEEEZE GIRL
23-07-2009, 02:44 PM
وعليكم السلام ،،

طبعآ // كلام منطقي 100% فالمجتمع الخليجي عامة
أصبح معدله ينزل شيئآ فشيئآ ..!
أين الحياء ؟؟ أين الثقافة ؟؟
صار لو عطيتيهم معلومة مفيدة قالوا قديمه !!
أو لو نصحتيهم قلتي لهم حرام تسوون كذا ما يصلح
قالت لك مالك شغل فيني أنا حرة !!
وشوفو كيف زي ماقالت الاخت طايحين في الروايات التافه
الي مالها مغزى من القصة او هدف معين سوى الفساد!!
تتحجب بالمدرسه عشان الأبلات وبرا عبايتها حالتها حاله
وشوفو عاد كم واحد شافها وهي تاخذ الذنوب وفرحانه
(( من عصي ربه وهو يضحك ،، دخل النار وهو يبكي ))
كم أحب هذا المثل ينطبق تمامآ على المجتمع الحالي !!
و لو قلتي لها دامك فاضية أذكري الله أقري قرآن تقلك بعدين
طيب وانتي وش يضمنلك أنك بتعيشين بكرة ؟؟ يمكن تموتين
و تقوم قيامتك ووقتها ربي إرجعون ربي إرجعون !!!
واللي لاحضته مثلآ أنصحها تسمع الكلام وبكرة أحصلها
عادت الذنب مرة ثانية هذا يسمى لا مبالاة ووحده ما تلبس
عباية ساترة تقول أخاف صديقاتي يتطنزون علي لو مالبست
وحده ساترة بيحبوني أكثر !!
ألا تعلمين بأن هذا رضي الناس بسخط الله !!! وطبعآ كلكم تعرفون
وش جزائها // سخط الله + الناس !!
الحين أستغرب تخاف من بنت وما تخاف من خالقها سبحانه وتعالى !!!!!
و و . .و أصبح المجتمع غريب الأطوار أصبح مجتمع يعمه الفساد والجهل
واللهي يعمه الجهل !! بصراحه أشياء يخجل الواحد أن يكتبها طبعآ الكاتبه
سردت حقيقة هذا المجتمع وكيف أنه يزداد سوءً يوماً بعد يوم .. بدل من أن
يتحسن !
يانااس الى متى هذه الغفلة إتقو الله !!
قال تعالى في سورة البقرة //
{فَإِن لَّمْ تَفْعَلُواْ وَلَن تَفْعَلُواْ فَاتَّقُواْ النَّارَ الَّتِي وَقُودُهَا النَّاسُ وَالْحِجَارَةُ أُعِدَّتْ لِلْكَافِرِينَ}

والآن ألم يأن الوقت للتوبة لا تقول بكرة وش دراك يمكن بكرة تطلع الشمس
من مغربها ويقفل باب التوبة !! فسارعو بالتوبة وخلي عنكم هالجهل
ترا الدنيا فاااااانية !!!
نسأل الله لنا ولكم المغفرة ان شاء الله
تقبلي مروري أختي العزيزه =)
Natsu Chan http://www.an-dr.com/vb/images/icons/subforum_old.gif

мıšš ¢яαzч
24-07-2009, 12:10 AM
تسلميــــــن يالغلا موضوعــكـ منجد
رووووعـــــــهـ
وربي اثـــر فيني منجد صاادقــهـ احس مادري شلوون
مثل وحده اعرفها قالت {واعوذ بالله من ماقالته }
قالت لاتلبسين عبايه على الرأس فشيله :SnipeR (26):
وقسما انقـهرررت منها وش تحس به
ايه والله المجتمع السعوودي في دمااار
خصوصا اذا طلعو برى يقهرووني
كأنهم يقولون خلاص دام احنا برى
بنغيير عاداتنا وتقاليدنا ..؟؟!
حمد الله بس
تسلميـــــــــن اختي على الموضووع
يعطيـــــــكـ العاافيــــــــــهـ

lost in love
24-07-2009, 01:06 AM
الله يجزاكي خيـر " مس شيـرلي "


ليآ باك ان شاء الله

:)

ورود النار
24-07-2009, 01:45 AM
جزاك الله الف خيرر
بجد كلامها واقعي 1000 % وللااسف ان البنات والشباب هالايام ينحدرون للااسفل
سواء في للبس او الاخلاق وخصوصا في الاسواق من عبايات البنات الى استايل الشباب الى ترقيم البنات للشباب وبشكل وقح امام الناس جميعا كانما يفعلونه هو الصحيح وان الناس اللي يناظرون لهم هم اللي مخطأين انقلب حال هالناس جداً الواحد او الوحده تفتخر انها تجاهر بالمعصيه ولاتفتخر انها تجاهر بالدعوه الحسنه والادب والحياء
يعطيك الف عاافيه وتقبلي مروري وشكري ومداخلتي

فيونكه
24-07-2009, 07:01 AM
اشكرررك اختي على الموضووع الرائع انا قريته من فتره واعجبني البنت ماشاء الله عليها تفكيرها كبييير ومنطقي مو انها عااشت براا السعوديه فرطت بحجابها واخلاقها ومبادئها الله يثبتنا ويثبيتها يارب

واكبر فييك خطوتك واعترافك بالذنب وحذف موضوعك والحمدلله اللي دلك طريق الحق والصوااب احنا محتاجين حملات مو حمله المجتمع صاار في انحداار مستمر اللحين السووق ندره تلقين احد لابس عبايه على الراس نادر تلقين احد مايلبس قصير او بنطلون صديقتي تحكي لي امس رايحه لحفله تقوول البنااات كلهم على الركبه او نص الفخذ الى هذه الدرجه وصل اللبس انا توقعت اني في كوريا او اليابان مع ذلك مايزااال في الناااس خييير والله يهدينا ويثبتنا بناااات دايم اسالوا الله الثبااات انا بنااات كانوا معي في المدرسه واعرفهم
في حفله قريبا راحت بنت عمي تقوول لي ان كلهم لابسين قصير على الركبه واذا جلسوا طلع الفخذ البناات اعرفهم واعرف اهلهم بنااات تحفيظ قرااان حراااام والله حرااام اللي يصير الله يعفو عنا

يبدو انني اكثرت من الكلام ولكن الموضوع يشجع على الرد

I am Naina
24-07-2009, 04:11 PM
موضوووع في قمة الروعه وفي الصميم هي تقول تغير في الثمان سنوات
لا انا احس انه تغير في الاربع سنوات الاخيره
يارب سترك يارب ادم عينا نعمة الاسلام واصلح شباب وبنات المسلمين وطهر بلادنا من عقول المنافقين
واعنا على طاعتك وحسن عبادتك
تسلم يديك على الموضوع القيم وتسلم يدين اللي كتبته يارب يجزيك الخير

ンルツク
24-07-2009, 06:48 PM
لي باااك للموضوع

β ό β ό
24-07-2009, 08:49 PM
السلام عليكم ورحمة الله وبركاته

طرح رآئع جــداً بمعنى الكلمة

أشكر ألاخت الكاتبة لهذا الموضوع والاخت الناقلة له :icon26:

وانا كنت احتاجه لاني في حيرة من أمري

السبب : إني رحت للـ الريـاض علشان الاسواق الي عندهم :devilidea_1: .. ودخلت رأيت العجب بعينة

الفتـاة المحجبة عندهم زي القروية جاية من البر .. !!

مع العلم أنها قد تكون اجمل واحلى واغنى واكشخ منهن كمان لكن سـاترته لأمر من الله ,,

تجيك الوحدة لابسة عبات مخسرة وضويقة ماتقدر تحرك وإلا الي لابسة عبات كتافية تقززين منها والا الي

جايبه الطرحة الشفافة ومطيحتها على وجهها وععع قاها الئرف :Onion_hot1:

وخصوصا في الفيصلية والمملكة xDD

وشابفة نفسها ولا إيش .. الي يشوفها يجهلها يقول عندها كنز مارد من هالكرستال الي بعباتها وشنطتها ونعالها وساعتها

ولو تروحين معها لمحل تسمعين صوت الدلع والعنج .. عاد نصيحة شوفيها بالحمام تقولين ضفدع استغفر الله ..

وين النعومة :XD_1: ؟؟؟

بس والله فيه بنات شفتهم في المول فسم والله بغيت اروح احب راسهن .. ستر من الراس للساس

رافعه راسها .. ولا وحدة من الفوق تقدر تنزل قدرها .. قدرها مرفوع للناس الي عندهم عقول .. والافضل الله رافع قدرهاا عنده ..:icon26::icon26::icon26:

او الاولاد .. اقول الخكاري .. او ما أدري شو اسميه .. الشعر أطول من شعري :Onion_cry:

ولابس تي شيرت رودي مع عنابي .. وبنطلون شورت تقريباً فوق الركبة ومحلق شعر جسمه الله يقرفه .. لابس طوق شعر( توكه ) .. < سارقة من اخته :XD_1:

ويمشي بالمول ولا توم كروز أو برآد بيت على غفله

وكأنه ماشي على السجاد الاحمر والايبود بإذنه يرن أغاني :XD_1:
وإلا ذاك الي مستشور شعرة يمكن جالس عليه يوم,.. ويوديه يمن وشمال .. كانك شايفه اعلان عن زيت شعر هندي خخخخخخخخ

قلت لأمي ياحظهم عايشين حياتهم .. وطول الطريق اكررها .. قالت كيف عابشين حياتهم

والله تخلف بعينه قال الله سبانه وتعالى جل جلاله :{ وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ ... }

سبحانك ربي :icon26: .. ومشكورة يايمه .. الله يخليك لي :SnipeR (72):

بناات الدنيا مو دايمه لحد ..

والموت دايما قريب منا .. توقعي تموتي بأي لحظة .. :XD_1:

الله يعطينا حسن الخاتمة يارب


اللهم اغفر لنا ماززلنا به ,, وارحمنا برحمتك

:icon26:

تحيتي لك

بوبو تشان

sed222
24-07-2009, 10:38 PM
فيرست .. موضوع جداُ جذبني
سكند .. موضوع قوي جداُ وكلام لي فيه يصير عن جد
ثرث ... سبب كل هذا قلت وعي ديني
فورث .. الله يعين جميع على ما بتلى هذا مجتمع سعودي
والله كريم

آشكركم .. أول موضوع أره يتحدث بشفافية قوية وأشكر كاتبته
لتنويه عن مواضيع تم سكوت عنها والتي لو سكت عنها لزدادت سوء حالها
إلى أسوء ..

آسأل مولى أن يوفقنا أنا وياكم .. وسلام روحمة الله وبركاته

klarens
24-07-2009, 11:22 PM
وربي هاكلام صح مليووووووووون بالميه

من جد المجتمع الخليجي راح فيها الله يخلف علينا بس

والبنات ماعاد في راسهم الا قلة الحيا والاعجاب وحركات وسوالف والله تشيب الراس

الي يسمعها يقول مستحيل يكون في وحده مسلمه زي كيذا

والا يوم اروح لجده

والله اني رحت الاسواق الي من جد تقولين مانتي عايشه مع بنات يقولون لا اله الا الله

البنات يلحقون الاولاد عيني عينك وكاشفات وجيههم وحاطين مكياج اظن لو عروس ما حطت كيذا

لا بعد العبايه الي شوي وتتشقق من كثر ماهي ضيقه

والله والله والله شفت وحده ماسكه لعبة باربي كبييييييره وحاضنتها وهي تمشي بالسوق اتوقع انها بالجامعه من شكلها لاحول ولاقوة الا بالله
يعني بالله وش تبي باهالحركه؟؟؟؟

والا الصالونات شي ثاني الحواجب تنتف عاااااااااادي ولا كان الله لعن النامصات

والله اني شفت وحده صديقتي نتفت حواجبها قلت لها حرررررررررررررررررررررام الله راح يلعنك
تقول عااد بكيفي

والسالفه مو سالفة تقاليد وعادات لكنها سالفة دين يااعالم ديييييييييييييييييييييييييييييييييين
اتقو الله في نفسكم
((قو انفسكم واهليكم نار وقودها الناس والحجاره))
يا امـــــــــــــــــــــــــــــــــــــة مــحــــــــمــــــــد
اهكذا امركم النبي عليه الصلاة والسلام
اهكذا كان امله فيكم؟؟؟؟؟؟؟؟؟!!!!!!!!!!!!!!!!!!
تخيلو لو ان الحبيب كان حيا معنا هل كنتم ستفعلون ما تفعلون؟؟؟؟؟
اتقو الله وخافوه ترى جهنم ماترحم نار نار نار تحرق الناس


عندكم اليابان كمثال بسيط لقيت عندهم بالدرامات انه فيها تربيه

وتشجيع على الحياة وقصص تعتبرين منها
صارو الأجانب محترمين اكثر مننا
يعني شي يفيدك مو مثل الي عندنا استغفر الله
ماغير قصص منحطه وهذي تكلمت على ذي وذي تكلمت على ذيك



والله ما عدت ابي افتح التلفزيون من الي اشوفه فيه

من قنوات الاغاني الي فاسخه الحيا مررررررررررررررررررررررررررررررررررررررره

لكن ما اقول الا الله يهدهم بس وحسبي الله على الي كان السبب

يغطيك الف عافيه على الموضوع وانا معك..

Matsuri San
25-07-2009, 03:57 AM
السلام عليكم ..

حايرة والله شنو اقول .. واحنا بهذي الحالة وهذي المواقف المخزية .. اللي ماتحدث بالمجتمع السعودي بس .. وانما بكل البلدان الاسلامية .. صار الدين والقيم مجرد هيكل بلا روح ..

وا سفاه على خيبتنا .. نسينا الاخلااق .. والتفتنا لاشياء تودينا لداهية !!

وإلا الدين انحصر في صيام 30 يوم في السنة و5 صلوات في اليوم بس؟

ياريت هيج وبس .. حتى الصلوات صارت معدومة او شبه معدومة .. مجرد ايماءات تؤدى .. حتى بس اقول انه صليت .. والصيام كذلك .. تشوفين الواحد بنهار رمضان شايل في ايده سيكارة وهو بكبر جدي مايستحي من ربه ولا نفسه !!

والله بنفسي نبدي من جديد .. من هنا من هالمنتدى ..

تسلمين حبيبتي .. اثر بي كثير هالموضوع ..

بالتوفيق ~

devid
25-07-2009, 05:35 AM
Baack

مس شارلي
كلااامك كله صح
والناس هالايام ما صارو يهتمون غير بالموضه وبس
الا من رحم ربي
الله يعطيكِ العافيه

Diane
25-07-2009, 01:43 PM
الله يعطيك العافيه مسي انا قريته قبل فتره او بمعنى اصح اختي قرته لي بس ما قريته بتمعن الا الحين http://www.s7am.com/vb/images/smilies/a/sweatingbullets.gif
هو الناس تغيرت الزمن ما يتغير احنا اللي نتغير بس الحمد لله انه في ناس ما زالوا محافظين ومتمسكين والله يبعدنا عن كل ما يغضبه ان شاء الله
الله يجزاك بالجنه يا بعدي على الموضوع الجميل:nice:
سلامونhttp://www.s7am.com/vb/images/smilies/a/icon82.gif

C U T E ♀ P A T I O N
25-07-2009, 04:28 PM
برب مايكفي الوقت لتعليق:Onion_hedeic:

C U T E ♀ P A T I O N
25-07-2009, 04:30 PM
بآك

بصرآح ـة موضوع حلو:love_1:

انا قريتو م قبل بس كآن وضوعوآ غير:Onion_nice:

صرآح ـة صار مجتمعنآ غير :Onion_what_1:

سآر هاي كلـآس لو كلـآس :Onion_hedeic:

قروي كوشخآ:Onion_what4:

صآر عنصرية اكتر:nocom_1:
اتغير سآرت الدنيآ تآيهة:cool_1:

ماهي تاب
25-07-2009, 05:03 PM
لي عودة :):)

لين
26-07-2009, 02:40 AM
كل كلمة قلتيها صح × صح
المفروووووووض لمى يتغير الزمن ماتتغير القلوب
في امان الله

:SnipeR (37):

M!SS "MeShO
26-07-2009, 08:19 AM
اللهم يامثبت القلوب ثبت قلبي على دينك

هاذا آخر الزمااان ((القابض على دينه كالقابض على الجمر))

موضوع على الجرح
لامس الواقع

الله يعطيك العااافيه على الموضوع

noo3'a
26-07-2009, 08:39 AM
وااااااااااااو موووضع الصرااااااحه يستحق التفكيييير في مجتمعنا هالاياااااام صاااااير فيه تخلف واشيااااء كثيييره اتعب وانا اقووولها هذا واحناا مسلميين ومجتمعنا كذاا ياااااازييين ايااااااام اول بس اللي الواااحد يمنى يرجع لهاا لو يووم بس ولاااااازم نغيير من اطبااعنا اشوي ونغير قلووبنا وونحااافظ على ديناالاسلامي ونبتعد عن عاادااات الغرب السيئه ..... الصرااااحه في اشياااء كثييره ودي اقوولهاا بس الوقت مااايسااااعد تسلمييييييييييييييين فدييييييتج عالموضوووع الحلللللو والمفييييد في نفس الوقت خلييتيينا نطلع اللي فقلوووبنا اشوي ومشكوووووره يااااقلبي عالموضووع اللي اتعب وانا اقوول انه واااااو :love_1:

ميمي تشآن
26-07-2009, 07:17 PM
في منتدى من آلمنتديآت صآرو آلبنآت ينزلون مشتريآتهم وآلاسعآر

وفي وحده قآلت

آنآ عندي آني آلبس شنطه بـ 100 ريآل آرحم من آني آلبس مآركه تقليد هههه مع آني ولا مره سويتهآ


آلخلاصه ...

آنهآ مستحيل تلبسه شنطه مو مآركه من آلي بــ 7000 و 6000

حتى لو كآنت آلتقليد طبق آلاصل

ولا آلي تحط صور جزمهآ وآلجزمه آلوحده بـ 500 يورو

يعني آلحين ننزل مستوآنآ لمستوى آلجزم !!

لو آلله سآلنآ يوم آلقيآمه وين ودينآ فلوسنآ

بنقوله على جزمه .. بس مو آي جزمه .. هذي شآنيل !!

وآيش يعني شآنيل !! محد عطآهآ قيمتهآ آلا هآلمجتمع

لو نفكر آننآ نتصدق بربع آلمبلغ آلي نصرفه في آلسوق

كم جآئع بنشبعه في هآلعآلم

كآن مآبقى فقير ولا محتآج

وفوق هآلصرف وهآلبذخ

تلقونآ آحنآ وبكل فخر ... آكثر آلنآس في آلسوق


ومع خسآرة آلاسهم

تلقونآ على آلمطآعم طوآبير طوآبير

وآلمكتبآت .. فآضيه

بس يآجمآعه مآعليكم من آلنآس

آي وحده تجلس تطآلع هذي مآركه وهذي مو مآركه لا تعيرونهآ آهتمآم لانو آلي آقصى تفكيرهآ بآلهشكل

مآيحتآج نرضيه

وآكره شي بآلحيآه

آننآ نقدم رضى آلملخوق على رضآ آلخآلق....

خلك آيزي يآعزيزي وعيش مبسوط ومرتآح وبدون معآصي ولا تكلف :)


ومره ثآنكس على آلموضوع آلخطيرر ..

an-dr-girl
26-07-2009, 10:05 PM
موضوع اكثر من رائع

ومن جد انا اويد كل الكلام

وللامااااااام

αηgєℓ єує'ѕ }
26-07-2009, 10:48 PM
اختي موضوعج اكثر من رااائع و وواقعي بشكل كبيييييييير ~..
هو السبب الرئيسي لهذا التخلف ظعف الايمان والواازع الديني ~..
يعني بعصر الرسول كاان كلاامهم فصيح بشكل كبير يهالهم الي عمرهم 13 يسوون 50 شااعر عربي فصيح بزمناا هذا ~..
وكل ما قل الايماان زاد عندناا التخلف العقلي ~..
واكبر مثاال الي يبون يغيرون جنسهم ~..
حتى قالو بيي زمن المسلمين يتمكسكوون بدينهم كنهم مااسكين جمره ~..
بس ما نقول الاا ياارب اهدناا وارحمنااا ~..

Ḿĭşş şђĭяŁέy•◦
27-07-2009, 02:50 PM
السلام وعليكم .. ~

اهلينḾĭşş şђĭяŁέy ..


اهنيك أختي على الموضوع الرائع .. و صدقتي في كل كلمه نقلتيهاا ..~


ربي يسلم هل اليدين .. ويعطيك الف عافيه ..


و تمنى أن الموضوع يتثبت لان يستاهل التثبيت .. ولكـ مني تقيم يالغلا:SnipeR (69):


وربي لا يحرمنا منك يالغلا ..


وتقبلي مروري ..{ .. دموع تبتسم ..~


احترامي لمقامك الكريم :nice:


جزآإكْ اللهْ ألفً خييرْ

مروركْ اسعدنيً جداً

وأشكركْ عالتقييمْ والتعليـقً :icon26:

IMPOSSIBLE DREAMS
30-07-2009, 10:31 PM
السلام عليكم ورحمة الله وبركاته

من جد اختي موضوعك مهم ويستحق التثبيت
ويبيله همه عاليه عشان الواحد يقدر ينفذه
ويبيله ان الواحد يحكم عقله
ويقول لنفسه انا مصيري ميت و الدنيا فانيه
ماراح آخذ منها خير .. ماينفعك الا حسناتك و رحمة ربك

الله رحيم .. بس بعد الله شديد العقاب فلا تغضب ربك
عشان ترضي عباده ..

بس فيه ناس الله يهديهم يهدون الحيل
فمثلا عندك انا من زمان وانا احاول اترك الاغاني او الميوزك
وتمر علي فترات توصل للأشهر و انا تاركتها بس ..
اختي الله يهديها تشغل الميوزك عندي و نغمة جوالها فيها ميوزك
وانا اعود و ازود .. يا اختي انا ابي اترك الميوزك نهائيا
وانت مو معطيتني فرصه اعيش يوم واحد بدونها
والمشكله ان انا كنت مدمنة ميوزك اقوم وانوم و آكل و اشرب عليها
يعني صعب علي تركها فلا تزيدين الطين بله
وهي بكل بساطه تقول عايدي انا وش مصويه طالعه مع شباب انا بس
اسمع ميوزك ماصويت شي قوي ..
الله يهديها و جميع المسلمين ..
لا و الا تعالي تفرجي علينا اذا فتحت معها موضوع التزين اذا جينا نروح للسوق
هوشه و لوشه .. اتعبتني هالبنت ما تسمع النصيحه و لا تتقبل الا رأيها
يالله الشكوى على الله .. لا حول و لا قوه الا بالله

معليش اختي طـــــــــــــــــــــووولــــــــت عليك بس وش اصوي من حرة فيني
جزيت خيرا على النقل المفيد ..
جعله الله في ميزان حسناتك ..

و السلام عليكم ورحمة الله وبركاته