المساعد الشخصي الرقمي

مشاهدة النسخة كاملة : My~ M e m o r i e s


mystery_m
31-08-2009, 11:34 AM
آڷڛڷآم عڷيگمـ ▫▪




▫▪₪▪▫

على درب المجامل و المنافق الا يا كثر ناس قد مشوا به و أنا رجلي على الطيب اتخطى و هي ما هي على الطيب امغصوبة
▫▪₪▪▫




من هنـِـِـِآا .. سوف أبــــدأ ..حــيــــــاتي بيــن الســطور ..!

mystery_m
31-08-2009, 12:25 PM
عنـــــي

الإسم المستعار :
Mystery _m
اسمــي :
مريوم ^^
العمــر:
16
الهوايات

كتابة الشعر و الخواطر ..التصوير ..النت ..السينما ..السفر ..الخيول و الهجـن

أحب:

البــر , السهــر , الليــل ,المرتفعـات , الشتا

أكره :

انه حد يدخل في اشياء ماله حق انه يدخل فيها ..الإستفزاز ..امم وايد اشياا هع

بين عائلتي :

أنا أصـغرهم أخر العنقود يعني على اخر دلع والكل الطلبات لازم اتكون ملبايه هع و مصدر ازعاج في البيت

IN My sCho_ol
ايي الصبح معصبة مالي مزاج ومتأخره ع الطابور دايما ..الوكيلة ههه اسوي اي شي اي شغب بس عشان اسيرلها ..اكره شي في المدرسه انه فيها كاميرات يعني طلعة برع الصف مأأشي طبعا انا و الشلة اكثر ناس من يراقبون بالكاميرات ..في الصف مسويه جو ضحك و سوالف و علوم ههه بس دخيلكم الا حصة العربي عمري ما رفعت صبعي اجاوب كله رقاد ع الدرج

بــرجي:

الجــوزاء


صفــاتي :

رايقة ..مسولفجيه ..مزاجيه ..يقولون اني خقاقه و مغروره >>بس ما اشوف هالشي فيه

الطفــولة :

أيام ليتها ترجع ..كنت مشاغبة جدا ..دايما اتضارب ويا عيال الييران هههه ..حارقة المطبخ ويا ولد اخوي ويت المطافي و اكشنات هههههههههههههههههههههه

أحب اسمع :
الشعــر الي في حكــمة وجاد >>مال حب وخرابيط ما يعيبني ههه ..وأحب اسمع لميــحد حمــد ..وفرقة SS501 .. و أفريل

mystery_m
31-08-2009, 08:29 PM
اليــوم

انا راقده و أختــي ياايه توعيني عشان قرب الآذان و الفطور

انا :ZZzZZzzZ
اختي : مريوووم قوووووومي بسج ارقااااااد عنبوو من متى راقده
أنا: يووووووووه
أختي : يلااااا قوميي
أنـا : اففف انزين بقووم بس عقب خمس دقايق
أختي : لا خمس دقاايق ولا هم يحزنون ما بتفرق >>سارت بندت المكيف
أنــا : افف انا كم مره قايلة يوم اتشوفوني راقده لا توعوني هااااااااااااااااااااااااااا

عاد انا ماداني حد يوعيني من ارقاادي :strongsad: وخاصةً اختي اذا يت توعيني ازعاااااااج هع

وسرت توضيت و صليت و يلست وياهم ع الفطور

mystery_m
02-09-2009, 12:57 AM
آلسلآم عليڪم ۈرحمـِۃ آللـِﮧ ۈبرڪآته

Today :tuesday
Date:1_9_2009

اليــوم وايــد ملل وماااعرف شوووو اسوي:strongsad:

يلست اسولف وياا صقيقة الطفولة :nice:

http://up4.m5zn.com/9bjndthcm6y53q1w0kvpz47xgs82rf/2009/9/3/09/6lcenx5dy.bmp (http://games.m5zn.com)



..
عقب يت شواخ بنت اختي ام لسااااان طويل

شواخ : خالووه
اناا: هااااااا
شوااخ: شو تسوين انتي قومي بسج منى متى يالسه >>تقصد من متى وانا ع هالااب هع
انا : وانتي شو لج ع كيييفي
شواخ : لاا ع كيفي انا
انا : انزين خلاص ع كيفج
شواخ : خالوه حطيلي الرسوم مال المعز >> تقصد shun the sheep
أنا : شواخ بعدين بحطلج احين مب متفيجه
شواخ : افف منج يا خالوه قلت لج حطيلي الرسووم
أنا : انزين لحظظظظظه بحط لج
شواخ : ألحيييين
ويلسنا نعاند وهي تعاند يلين ما صدعت لي راسي وحطيت الها :evil_lol: ويلست مندمجه ويااها ههههههه

و هاااااي صورتها

http://up4.m5zn.com/9bjndthcm6y53q1w0kvpz47xgs82rf/2009/9/3/09/thumb_iaus61e59.jpg

الله يحفظها ^^

mystery_m
02-09-2009, 09:40 AM
افففففففففففف يالله مب ياايني ارقااد يا يومياتي العزيزة

شو اسوي الساعه 9:12AM

من السااااعه 5 الفير وانا اتجلب ع الشبرية احاول ارقد ومب ياايني ارقااااااد

محد عندي في البييييييت خواتي في الكلية و اخواني رقود ><

ما احب التلفزيون >>>مافي شي حلوو كله يمثلون >>ههه يعني شو تبينهم يسون

النت مللللللل مافيه شي الا من هالمنتدى وهالفيس بك و المسن

اطلع>>وين تبين تتطلعيين لاااااه خلج في البيت احسلج بعد ملل هههههههه

ابا اسير السينما ابا اطالع فلم Drag me to hell قبل لا يخلص عرضه بس منو بيسير وياايه الفلم رعب واخاف هههههههه وبعدين هاييج الفلبينه ما تخليني ادش فلم رعب خايفه ع مشاعري الشيخه حافظه شكلي من كثر ما اروح لهسينما كله تقولي اندر 18 مادري شو خصها الا تباني اتضارب ويااها بس اخر شي ادش هااااع >>الحين شو ياب سالفة السينما وهاي مالت التكت

وهااااااا اخويه كله يقص عليه اقووله ودني السووق يقوولي بعدين في الويك اند ايي الويك اند يقوولي ماعرف اشووووووو >>جذاااااااااب >> لا تصدقينه هااا ههههههههههههه


مللل مللل مللللل مللللل مللللل مللللل ملل ملل ملل ملللللللللللل



اقوولج انتي سيري ارقدي ابركلج بدال هالهذربه الي مالها معنى >>اكلم نفسي >>مينونه هااااااااااااااااااااااع

اقوولج يا يومياتي العزيزة انا بخلييج الحيين بسير اسوي شي ممتع هااااااااااع

mystery_m
03-09-2009, 03:23 AM
اليــوم : الأربعا
التاريخ:2_9_2009
الساعة :3:14 am

المود :متضايقة

عشان انا مضايقة يا يومياتي العزيزة قلت بحطلج خاطره كاتبتنها من زمان


بس يا دنيا والله تعبنا



يكفي جروح يكفي آلام



ما يمر يوم الا وزعلنا



كل يوم عتاب وتجريح وملام



بس يا دنيا والله زهقنا



نعاني من غدرالأصحاب



نعاني من بعد الأحباب



قفلت في وجوهنا كل الأبواب



وصارت الحياة كلها اكتئاب



بس يا دنيا والله ملينا



ملينا ضلم


ملينا زعل


ملينا جروح



بس يادنيا ارحمينا



ليت الحزن يروح



ليتني اقدر ابوح


تكفيني جروح الروح



يكفي يادنيا والله قرفنا


قرفنا من عيشة البشر



ناس طبعهم الغدر


قلوبهم اقسى من الحجر


ااه ياويلي من ضلم البشر


بس يكفي يا دنيا تعبنا


=(

F.T
06-09-2009, 06:16 PM
:SnipeR (37):
ابا اسير السينما ابا اطالع فلم Drag me to hell قبل لا يخلص عرضه بس منو بيسير وياايه الفلم رعب واخاف هههههههه وبعدين هاييج الفلبينه ما تخليني ادش فلم رعب خايفه ع مشاعري الشيخه حافظه شكلي من كثر ما اروح لهسينما كله تقولي اندر 18 مادري شو خصها الا تباني اتضارب ويااها بس اخر شي ادش هااااع >>الحين شو ياب سالفة السينما وهاي مالت التكت



هههههه هاي الفلبينه دايما في ويهج ،، آآخ منها ،، تمينا انرمسها واااايد>>> بس آخر شي خذتلج بطاقه مالت فلم غير الرعب وعقبها دخلتج ويانا الرعب:SnipeR (37)::SnipeR (37): لا شيء مستحيل وياياه هع هع :SnipeR (37):


اليـــــــــــــــــــــــــــــــــــــــــــــــ ــــــوم 6\8
رديت من الكليه الساعه 4
لقيت مريوم يالسه حزينه على الكنبه في الصاله ،، وكشتها نااطره ،، والحوااايب متقرفصه ولابتوووبي عندها<< هذا اللي يخلي شي عندج >>:SnipeR (26):

هاكله عشان بدت في مشروووع ترجمة ،، بس انصدمت عقب ماخلصت ان المسلسل حد نزله قبل هي ماتنزله بكم من ساعه

مسكيييييييييييييينه خيتو




:SnipeR (58):

mystery_m
06-09-2009, 10:43 PM
هههههه هاي الفلبينه دايما في ويهج ،، آآخ منها ،، تمينا انرمسها واااايد>>> بس آخر شي خذتلج بطاقه مالت فلم غير الرعب وعقبها دخلتج ويانا الرعبhttp://www.an-dr.com/vb/images/smilies/unint/sniper%20(37).gifhttp://www.an-dr.com/vb/images/smilies/unint/sniper%20(37).gif لا شيء مستحيل وياياه هع هع http://www.an-dr.com/vb/images/smilies/unint/sniper%20(37).gif



ههههههه:evil_lol::evil_lol: ,, هالانساانة مادري ليش كارهتني :SnipeR (2):,,ما تبا ادخلني بكل الطرق ولا بعد يابتلي المدير و المدير ما عنده خلاف:SnipeR (66): الا هي معانده وانا اعند عنها:SnipeR (88): لو بس ماكان الفلم على وشك انه يبدأ :SnipeR (6):كنت طفشتها وخليتها تلعن اليوم الي اشتغلت فييه في هالسينما هههههههههه>>لا حرامbleh ,, بس نجت من شري هااااع:D ,,خليها تسويها مره ثانيه انا براويها أنا محد يقولي لاااااااء هع:SnipeR (34):



اليـــــــــــــــــــــــــــــــــــــــــــــــ ـــــوم 6\8
رديت من الكليه الساعه 4
لقيت مريوم يالسه حزينه على الكنبه في الصاله ،، وكشتها نااطره ،، والحوااايب متقرفصه ولابتوووبي عندها<< هذا اللي يخلي شي عندج >>http://www.an-dr.com/vb/images/smilies/unint/sniper%20(26).gif

هاكله عشان بدت في مشروووع ترجمة ،، بس انصدمت عقب ماخلصت ان المسلسل حد نزله قبل هي ماتنزله بكم من ساعه
مسكيييييييييييييينه خيتو


يييه ذكرتيني والله انها سالفه تقهر:frown3qg: ,,اسميني اتضيجت و امسحت كل الي سويته:SnipeR (40): يلا معلش ههههه ما يسوى عليه :SnipeR (19):

mystery_m
08-09-2009, 12:58 AM
اهلا يا يومياتي العزيزة

اليوم :الثلاثا
التاريخ:8_9_2008


اليوم متعب جداً رحت المـــول ودخلت محل محل ما عيبني شي غير الــshoes
اشتريتلي كم من شوووز

http://up4.m5zn.com/9bjndthcm6y53q1w0kvpz47xgs82rf/2009/9/7/01/6xxnj6mw3.jpg (http://games.m5zn.com)

وايد احب الشوزاات


اففف بس نحاااسه دورت لي سوع ما لفيت ولا ساااعه حللوه :strongsad:

واستوالي موقف محررررررج بسبب ولد اخووووي الي ما يخلي حد الا يطنز علييييييييه ههههههه

شااف حاطه وااااايد بلشر وما دري شوو مسويه ابعمرها :SnipeR (54):
المهم شافها امبارك جان يقووول وبصوت عالي جدام الجمع الغفير >>بسم الله هههاي طاعوا هااااااي شوو مسويه ابعمرهاااا امييييييه خوفتينا وهي اطالعه بنظره وانا ماسكه ضحكتي و قلتلها :SnipeR (68):السموحه منج الشيخة ما عليه اعذرييه يااهل

سحبت بروك ورحنا مكان ثاني

انا :بروووووووووووووووووك busted_red
مبارك: هااااااااااااااااا
انا: اشحقه تقوولها جيي هاااا ؟
مبارك:هههههااااي زيغتني والله انها زيغتني ما شفتيها شو امسويه ابعمرها >>يالس يطنز ويضحك:SnipeR (99):
انا: وانت اشووه تباها فضختنا جدام النااااااس برايها اتزيغ لعمرها
مبارك: ههههههههههه :SnipeR (99):
انا :الحين بوديك عند امك لا تي وياايه مره ثانية ما تخلي حد ابحااله انته :SnipeR (3):

ها الولد من يسير امكان و يشوف شي مب عايبنه ما يخلي شي افخاطره يقوول الي يباه وما عليه من حد >>الله يستر وهو صغير جيي مادري شو بيسوي يوم يكبر:SnipeR (13):

http://up4.m5zn.com/9bjndthcm6y53q1w0kvpz47xgs82rf/2009/9/7/01/uqcm66u2n.jpg (http://games.m5zn.com)

هاي صورته الي منسدح عدال اخووه

mystery_m
08-09-2009, 10:04 AM
اليوم يا يومياتي العزيزة حبيت انزل قصيدة امم ما تعتبر قصيده لانها مب موزونة بما فيه الكافية هع


لــي عــزة نــفس مــاتــرضـى بــسواة الــردية
ولا اخـــاوي اهــل الــغدر يــلــي اغــدروبــي
وابــعد عـــن ســود الــنوايا والـناس الــرديـه
خســوا ذول الــي حــاولــوا تــدنيس ثــوبـي
وخســوا انــي بكــلامـهـم اكــون ضـــحيــه
نـــعالــي اشـــرف مــنهـم ولــو مــادروربي
يــا نـفس يــلي تسـولف بالهرج الكذوبــي
تـوبي لله وتــوبي مــن ضـلم الناس البريـه
ما يـغــير الـهرج ضحــكة الويــهه الـرحـوبي
مهــمـا حـــاولــوا ذولــا الـناس العــصــيــه
يــا كــثر مــن مـدحنـي ومــن بـين عيوبـي
وتــرا اكــبر عــيوبــي انــي بــنتٍ قــويـــه
اتحــدى مــن تحداني ولا ارضى بالغلوبـي
ومــا يــنزل راســي دام الــروح بــي حــيه

,,و سلامتكم :SnipeR (69):

Mr_Misery
09-09-2009, 05:30 AM
اففف بس نحاااسه دورت لي سوع ما لفيت ولا ساااعه حللوه :strongsad:

واستوالي موقف محررررررج بسبب ولد اخووووي الي ما يخلي حد الا يطنز علييييييييه ههههههه

شااف حاطه وااااايد بلشر وما دري شوو مسويه ابعمرها http://www.an-dr.com/vb/images/smilies/unint/SnipeR%20%2854%29.gif
المهم شافها امبارك جان يقووول وبصوت عالي جدام الجمع الغفير >>بسم الله هههاي طاعوا هااااااي شوو مسويه ابعمرهاااا امييييييه خوفتينا وهي اطالعه بنظره وانا ماسكه ضحكتي و قلتلها http://www.an-dr.com/vb/images/smilies/unint/SnipeR%20%2868%29.gifالسموحه منج الشيخة ما عليه اعذرييه يااهل

سحبت بروك ورحنا مكان ثاني

انا :بروووووووووووووووووك busted_red
مبارك: هااااااااااااااااا
انا: اشحقه تقوولها جيي هاااا ؟
مبارك:هههههااااي زيغتني والله انها زيغتني ما شفتيها شو امسويه ابعمرها >>يالس يطنز ويضحكhttp://www.an-dr.com/vb/images/smilies/unint/SnipeR%20%2899%29.gif
انا: وانت اشووه تباها فضختنا جدام النااااااس برايها اتزيغ لعمرها
مبارك: ههههههههههه http://www.an-dr.com/vb/images/smilies/unint/SnipeR%20%2899%29.gif
انا :الحين بوديك عند امك لا تي وياايه مره ثانية ما تخلي حد ابحااله انته http://www.an-dr.com/vb/images/smilies/unint/SnipeR%20%283%29.gif

ها الولد من يسير امكان و يشوف شي مب عايبنه ما يخلي شي افخاطره يقوول الي يباه وما عليه من حد >>الله يستر وهو صغير جيي مادري شو بيسوي يوم يكبرhttp://www.an-dr.com/vb/images/smilies/unint/SnipeR%20%2813%29.gif

http://up4.m5zn.com/9bjndthcm6y53q1w0kvpz47xgs82rf/2009/9/7/01/uqcm66u2n.jpg (http://games.m5zn.com/)

هاي صورته الي منسدح عدال اخووه

ههههههههه

ضحكت على ولد أخوك هذا و موقفه ، فعلاً هذا أحلى و أسوأ ما في الصغار بنفس الوقت . لكن لأكون صادق ، أنا أدرس بكلية مختلطة و فعلاً أشوف بنات يحطون على وجوههم هذه البودرة البيضاء بطريقة تخليهم مثل ممثلات مسرح الكابوكي الياباني

http://t1.gstatic.com/images?q=tbn:MKxhnUhIRXhdAM:http://www.ialink.tv/e_news/6-01-05/images/21_Shochiku_Grand_Kabuki.jpg

أعترف هذا ممكن يكون وقح شوي ، لكن فعلا شكلهن يكون مضحك و الواحد يستحي ينبههم و ما يريد يعلق أو يضحك عليهن بنفس الوقت . الزبدة ، أظن أنه ولد اخوك طبيعي 100% ، فقط لما يكبر بيتعلم متى يفتح فمه و متى يقفله :nice:

ربي يحفظه لكم و لأخوك ^_^

Mr_Misery
09-09-2009, 05:36 AM
لــي عــزة نــفس مــاتــرضـى بــسواة الــردية
ولا اخـــاوي اهــل الــغدر يــلــي اغــدروبــي
وابــعد عـــن ســود الــنوايا والـناس الــرديـه
خســوا ذول الــي حــاولــوا تــدنيس ثــوبـي
وخســوا انــي بكــلامـهـم اكــون ضـــحيــه
نـــعالــي اشـــرف مــنهـم ولــو مــادروربي
يــا نـفس يــلي تسـولف بالهرج الكذوبــي
تـوبي لله وتــوبي مــن ضـلم الناس البريـه
ما يـغــير الـهرج ضحــكة الويــهه الـرحـوبي
مهــمـا حـــاولــوا ذولــا الـناس العــصــيــه
يــا كــثر مــن مـدحنـي ومــن بـين عيوبـي
وتــرا اكــبر عــيوبــي انــي بــنتٍ قــويـــه
اتحــدى مــن تحداني ولا ارضى بالغلوبـي
ومــا يــنزل راســي دام الــروح بــي حــيه



كلمات جميلة بالفعل ^_^

و الوزن مش سيء لهذيك الدرجة حسب ما فهمت من قراءة الكلمات ، اعتقد انه هذه القصيدة بعد ما تنتهي منها تستاهل تنطرح في موضوع مستقل بهذا القسم عشان تحصلي عليها تعليقات أكثر :nice:

أعتقد أنك موهوبة مع الشعر ، فأتمنى لك التوفيق في نظم المزيد و المزيد ^_^

mystery_m
12-09-2009, 12:26 AM
Mr_Misery

يا هلا اخوي منور ..~


ههههههههه

ضحكت على ولد أخوك هذا و موقفه ، فعلاً هذا أحلى و أسوأ ما في الصغار بنفس الوقت . لكن لأكون صادق ، أنا أدرس بكلية مختلطة و فعلاً أشوف بنات يحطون على وجوههم هذه البودرة البيضاء بطريقة تخليهم مثل ممثلات مسرح الكابوكي الياباني

http://t1.gstatic.com/images?q=tbn:MKxhnUhIRXhdAM:http://www.ialink.tv/e_news/6-01-05/images/21_Shochiku_Grand_Kabuki.jpg



هههههه صدقت مثل ممثلات المسرح الكابوكي خخخ و البلشر يخليهم مثل المهرجين هههههه >>بس لاه :devilsmile_1:




الزبدة ، أظن أنه ولد اخوك طبيعي 100% ، فقط لما يكبر بيتعلم متى يفتح فمه و متى يقفله :nice:
ربي يحفظه لكم و لأخوك ^_^


ان شا لله يعقل يوم يكبر ,,و يصبرني علييه لانه الحيييين مطفرني :Onion_engry2: ,و عجزت اسوي شي يخلييه يروح بيتهم :deprest_1:ههههههههههههههه




كلمات جميلة بالفعل ^_^

و الوزن مش سيء لهذيك الدرجة حسب ما فهمت من قراءة الكلمات ، اعتقد انه هذه القصيدة بعد ما تنتهي منها تستاهل تنطرح في موضوع مستقل بهذا القسم عشان تحصلي عليها تعليقات أكثر :nice:

أعتقد أنك موهوبة مع الشعر ، فأتمنى لك التوفيق في نظم المزيد و المزيد ^_^




تعليقك الأجمل اخوي:nice:
كنت ناوية احطها في موضوع مستقل بس ترددت لانه في الناس قالولي انها مب موزونه بشكل صحيح :strongsad:

F.T
12-09-2009, 12:40 AM
ههههههههههههههه ضحكتيني مريوم بسالفة برووكــ

هذا الولد ابليس نسوا يحبسوونه في رمضان


اغبى موقف سوااه كان الصبح من ايام الدوامات ،، كان الولد ساير الروضة >> أول مانزل من الباص شرد من معلمته وخلاها تربع وراه حوول الروضة كلها << الله يعينها

بس اقوول الله يعييين امه
:SnipeR (79):

mystery_m
12-09-2009, 12:47 AM
ههههههههههههههههههههههههههههه:evil_lol::evil_lol:

الا نسيتي الثنائي ماله ,حمود ولد عمه هههههه اذا اتحدوا فعلى الدنيا السلام

هيبَـہْ صمَـتْ ῟
12-09-2009, 01:49 AM
السلام عليكم ورحمة الله وبركاته ......

أنا اليوم بشارك مريووم الدبه في يومياتها >>>>هع كيفي هههههه

المهم ...

بخبركم عن أيام المدرسه والله ذكريات حلوه ومااتتعوض موول ويليت الأيام هاي ترد >>>>

المهييييييييييييييييم سمعووو

كنا انا ومريوم يوم ماتعيبنا الحصه نشرد عنها ومانرد ألا في أخرها ..هههه ويوم تسألنا المعلمه وين كنتو
مريوم تدرد تقول :انا كنت عند الوكيله ..وانا وياها >>انمشي الجذب زين مب مره مرتين خخخخ

وندس تحت الدري ألا المشكله كيمرات الوكيبه تتبعنا ..>>>>حشى الحارس الشخصي ههههههه
والمخبأالسري مالنا تحت الدري .....>>>>والله حاله خخخ


هيييه لا أنسى مريوم كانت دووم تتضارب ويا معلمة الحاسوووب ههههههههههههههه>>>>ماعندها شغل ألا هيه هههههه... وكل ماتشوفنا انا ومريوم ويا بعض تهزبنا ومادري شوه تسمينا نسيت والله خخخخخ


:SnipeR (69)::SnipeR (69):

mystery_m
12-09-2009, 02:21 AM
هيبَـہْ صمَـتْ ῟

هلا و غلا ,,بلي تخاويني في السراء و الضرااااء في المدرسه هههه ,,منورة المدونة ^_*

سلمكم الله هاااي ميثوه ساالفتها ساالفه

ماااا كنت احبهااااااا يعني مب ما كنت احبهاا يعني ما كنت احب اعطي و آخذ ويااها واايد detective2>>والله هي السبب هي الي كانت تنرفزني وتتعمد هالشي هههههههههههههههههههههههههههههههههههه:evil_lol::evi l_lol:

كيف استوت ربيعتي ؟!:SnipeR (99):

مره من المراات الي مرت عليه في المدرسة كان البريك الثاني وانا طالعة من الكلاس وميثووة كانت يالسه برع جي شوي قريب من الكلاس هي وشلتها

كاانت معصبتني:SnipeR (7): في الكلاس و نبهتهاا انها ما تكلمني خير شر في هاذاك اليوم ههههههههههههههههههههههه

عاد ميثوه قاالت لي شي ما اذكر خلتني اعصصصصب معني كنت معصبه هي زادت الطين بللله جان اقوللها
حوووووه انتي سكتي عني ولا تراااااني بيي اوطي (ادوس) في بطنج انزيييييييييييييييييين:SnipeR (88):

ميثا : يلااااا تعااااااااااالي جااااااااان تروميييييييييييين
انا : انزين ثواني >>تتحديني يعني :SnipeR (55):
انا : بشوووور تعالي يوديها خليني اراويها عشاان تتلعم ما تقوول هالرمسة مره ثاااانيه :SnipeR (40):
بشور : هههه اوكيك >>سارت مسكتها :SnipeR (33):

وانا عاااااد ما صدقت رحت و دست في بطنها :SnipeR (43):بشووور ربيعتي هلكاااانه من الضحك:SnipeR (99): ,,واناااا الاا اراوييييييييج ياا ميثوه اتضيجيبي هاااه شوو عبالج بسكت لج مره مرتيين عااد مب دووم :icon28:,,ميثا:واللللللللللله تووووووووووبه دخيييييلج خووزي عني والله توووووبه اييييي بطنيييي :icon1366:>>المشكلة كانت تضحك ,,طبعا المدرسه كلها شهدت هاالموقف وكانت اشهر حادثه من بطولتي والضحية ميثا:SnipeR (99):
هههههههههههههههههه وانعااد الموقف مره ثانيه بس كاان في وسط المدرسه يعني الي يبا يتفرج حياه الله عاد نحااسه كانت ابلة الدين موجوده وكانت تشهد هالموقف:SnipeR (25):


الأبلة من بعيييييد


الأبلة : مررررررررررريمbusted_red
انا : هاا ابلة شو استوى >>استغبى
الابلة : شو استوى ,,ياماما ليش ادوسين ع بطن البنت الله يهديج بس يا مريم انتي تسوين هالسوايا ما توقعت
انا : ابلة تراها هاااي ما ينفع وياها التطنيش كله اتلعوزني وتنرفزني وهي اصلا تباني اتضاارب وياها هههههههههه
ميثا :لا ابلة والله ما سوييت شي هيي السبب >>يا عيني ع البرائه
انا : هيه انا السبب خبيل منييه و الدرب بتضارب ويااااج >>>ترا اصلا نحن كنا ما نتضارب نسوولف بس ابلة الدين الله يهديها حولتة الى موضوع جدي
الابلة : تنصح وتتلكم وتعطينا محاضره
انا : ان شا الله ابلة فالج طيب >>ابا خلص منها اصلا الموضوع ما يسوى عشان اتسوي هالسالفة الطويلة ههههههههههههههههههه

ومن عقب هالموقف ونحن ربع ..هيبة صمت بنت طيوبه وحبووبة ,,ما احب حد يطاول عليها يوم اتكون موجوده وياايه ,,لانه هي تسكت وما تاخذ حقها ,,وانا اخذلها حقها و زيادة:nice::nice:

F.T
12-09-2009, 02:38 AM
خبله
السنه هاي بتفتك منج الوكيله ،، لعوزتيها بسواالفج




الله يهديج هالسنه

هيبَـہْ صمَـتْ ῟
12-09-2009, 02:40 AM
فديتج والله ....:SnipeR (69):

mystery_m
12-09-2009, 02:46 AM
خبله
السنه هاي بتفتك منج الوكيله ،، لعوزتيها بسواالفج




الله يهديج هالسنه


وين بتفتك اذا هي و انا في المدرسة تتطمن عليه كل حصة و تتصل بالتلفون الي بالصف تتأكد من وجودي هههههههه
يا حليلها والله اسميني لعوتها تلعويز هههههههههههه >>بس هالوكيلةوالله انها تعيبني سوالف و علوم و اليلسة عندها حلوه

فديتج والله ....http://www.an-dr.com/vb/images/smilies/unint/SnipeR%20(69).gif


:SnipeR (16):طاعواا هااي تتفداني خخخ عقب كل هالسوايا الي سويتها لج خخخ

mystery_m
12-09-2009, 09:58 PM
اهلا يا يومياتي العزيزة

اليوم : السبت
التاريخ :12 _9_2009

من الساااعه 6 الصبح يلين الساعة 5 االعصر كنت راقده

المهم كان طايح مطر مادري وين و حضرتهم ضربوا فيه خياانه:SnipeR (14): وراحوا عني صوب المطر اهئ اهئ >>محد قالج ترقدين

ملعش الشتا قرب و بتشوفين المطر هاااع:D

انزين يا يومياتي العزيزة تعرفين انا ما عندي شي غير النت اسلي فيه وقتي

عاد ما عندي شي معين اسوييه في هالنت

يلست اسولف ويا اصدقائي الكوريين هاااااااع >>ونعم الأصدقاء:SnipeR (9):

http://up4.m5zn.com/9bjndthcm6y53q1w0kvpz47xgs82rf/2009/9/12/10/gsyfh1hdf.bmp (http://games.m5zn.com)

وعااااااااااد يت اختي الي هي F.T

عاد استلمتها

انا :اشحقققققققة اتسيرووون عني ولا ما تشلوني هاااااااااااااااااااااااااا

فطوم : ها هاهاها
انا : ضحكي ضحكي خاينيين
فطوم: والله محد قالج ترقديين هالكثر
انا : والله شو بيستوي عليج لو وعيتني ><
فطوم : هاهاها لاا انتي يعني بتنشين وبتخلين رقادج
انا : هي بنش اشوفكم مره ثانيه اتسيرون مكان بدون ما تقوليلي ولا تراني بشل سويج السيارة وبحطه تحت المخده :SnipeR (80):

وهاكزا مر اليوم وانا يووعانه ما فطرت الا شربت لي كوب فيمتو ما كنت متفيجه افطر ههههههههههه:SnipeR (99): ,,مب عايبني الفطور كنت ابا اندومي ههههه >>>اسمييه انه عيووزي هزبتني مهاازب بس عشاان ما فطرت هاااااع

وعقب قلت لفطوم قومي انسوي اختراااااع في المطبخ >>ابا اسوي معكرونه من اختراعي:SnipeR (52):
قالت يلا بنسير انسوي انا بعد خاطري في معكرونة ,,عاد كنت هاك الاسبوع في العربي سنتر دشيت وال مارت ولقيت جي مكان مكتوب food from the world جان سيدة اسير صوب الجابانيز فود وجان القى صوص مال المعكرونة قلت الا اجربه هههههه ^_*

mystery_m
15-09-2009, 10:11 PM
اليـــوم: الثــلاثـاء
التاريخ:15_9_2009


اليوم الصبح يلست اترجم الحلقة من الساعة 7 يلين8 الصبح بعدين رحت نمت لاني ما رقدت =)
ونشيت الساعة 5 العصر كنت كسلانه و عظامي تعورني وراسي مصدع يت الساعة 6:30 فطوور تاايم *__*
يلست شربتلي عصير وحسيت بالشبع بس كلت لي كم من لقمة عشان الوالدة ما تحتشر عليه هههههههه ><..!
وعقب كالعادة يلست اطالع شعبية الكرتون و يت الساعة 8:00 رحت اصلي العشا و التراويح و عقب رحت اكمل ترجمة الحلقة وخلصتها ..وهكذا مر يومي الممل :evil_lol::evil_lol:

سفــآحه
16-09-2009, 03:21 AM
خخخخخخ

حلو حلو P:

كله ترجمه ترجمهangry3 . . خخخخخ

انشــآءالله عقب ما بيكون ملل :evil_lol:

mystery_m
16-09-2009, 03:35 AM
هلا وغلا بالسفااحه

صديقني الصدوق ويلكم السااع منورة المدونة

missing u sarotee

هيه نسيت اعرفج يا يومياتي العزيزة بالسفاحه

هاذي elbest freind من ايام الطفولة و ع فكره يا يومياتي العزيزة عمرنا ما اختلفنا ولا صارت مشاكل امبينا عشان نحن نفهم بعض
واعتبرها such twinsy:SnipeR (69):

والله صارلي فتره ما شفتح هههه = S

وطبعا ايام المدرسه اذا هي بتغيب انا اغيب وياها و مرات انغيب بالصدفه و يتحسبونا متفقين ويستلمونا الإداره لانه محطمين الرقم القياسي في الغياب هههههههههههه ..ويوم تغيب واكون ابروحي احس بالملل و ابا اليوم يطوف ابسرعه ,, و اكشنات ايام المدارس انا وهي ما نخلي حد الا ونتمصخر عليه و خصووصا الأبلوات خخخخخخخخخخخخخخخخخخخخ

ساروه حبوبه وصديقتي الصدوقة و اعزها واايد و يلسه وياها حلوه >>والله يبالي ايلس وياج ونسوولف هاع

سفــآحه
16-09-2009, 03:43 AM
blushing












:SnipeR (87):









blush-anim-cl



خخخخ اخجــــل P:




يب يب لازم انغيب ويا بعض ولا ماشي فايده خخخخ . . . . . . :SnipeR (37):

ويعنــــي لازم آكشنات ويا مريوومه وميثــوه . . يعني يعني . . .

:SnipeR (74):you know what
i'am talking about hhhhhhhhhhhh

mystery_m
16-09-2009, 08:39 AM
you know what
i'am talking about hhhhhhhhhhhh


haha yeah i know what u mean
u dont have to explain ^__*
where are such eveil girls in hell school and ever day break the rules but without problems hahaha

mystery_m
16-09-2009, 08:48 AM
اليوم :الأربعاء
التاريخ :16_9_2009

مب ياايني ارقاد وماعرف شو اسوي و ملل
والحين الساعة :8:41ص

يلست ابدل في هالقنوات KBS & korea tv & NHK مليت ما لقيت شي ممتع اطالعه >>اصلا انتي ويهه تلفزيون خخخ
ورحت و شغلت الابتوب وكالعادة مثل ما تشوفين يا يومياتي العزيزة في الصورة :SnipeR (80):

http://up4.m5zn.com/9bjndthcm6y53q1w0kvpz47xgs82rf/2009/9/15/09/6lbwy3326.jpg (http://games.m5zn.com)

ما عندي شي ممتع اسوييه ><

انا اقول اروح ارقد ابركلي بدال هالملل و اصلا لازم اعدل ارقادي مادام المدارس قربت و عشان ما يزيد السواد تحت عيني هاهاها:evil_lol:

mystery_m
23-09-2009, 12:16 AM
Hii all

today :الثلاثاء
Date:22_9_2009

اليووم ممتع و فييه اكشنااات و حوادث ههههههه

الساعة 3 الظهر كنت راقدة يت اختي توعيني عشاان بنطلع
ونحن في السيارة كنا ع طريج دبي العابر

انا : نحن وين سايرين ؟!
اختي : بنشوف يمكن انسير حديقة الخور
انا : يوووؤ حديقة الخور ترااج قايلة بنسير موول الإمارات
اختي : يووو فكينا من المولاات ملييت منهم ,,بيون ويانا اختي الكبيرة واهلها >>تراها متزوجة
أنا: هيييه
عاد طلعنا من طريج دبي العابر و صلنا الخوانيج >>منطقة في دبي.عقب اتصلت اختي بأختي الثانيه و قالت الها انه نتريااها في مكان لانه بعدهم في طريج دبي العابر ,,نزلنا اريبيان سنتر نترياهم ..عاد انا سرت سيدة صوب المطاعم ابا دانكن دونتس بس للأسف مالقييه اهناك كان في طابق غير وانا ما اروم ادور جان اخذ لي عصير فرش

عقب طلعنا من العربي سنتر و سرنا الحديقة ..فرشوا الحصير و يلسوا عاد انا حرانه كان الجو شوي حار ..جان القى London diaryرحت خذيت ايس كريم وخذتلهم وياايه ..عقب الكل اختفى الي سار يتمشى مادري وين وانا مسطلة يالسة محلي ما تحركت جان احس بالملل ورحت اتمشى صوب البحر ومشغلة الــ mp3 ..اشووف جي شلة اغبيه هههه مادري شو كان اصولهم المهم شكلهم مب من الإمارات جي من الخلييج المهم اشوفهم يأشرون عليه و واحد اتقرب مادري شو يقوول عاد انا مب مسويه سالفة اسمع اغاني و بعده اشوفه يتكلم بطلت السماعات عشان اسمع شو كان يقوول ,,صدق ما عنده سالفه ,, جان يرن التلفون فطووم اختي داقتلي وحسها الي يسمع يقول انها ياايه نربع من مكان

فطوم :ألوو مريوم ,, حق اشوه كنتي متصلة
أنا : هاا وين انتي
فطوم : يااييين عندكم
انا : انزين خلاص برايج
وجان اشوفهم ومن بعييد ياايين بسيكل وانا اضحك عليييييهم كييف كان شكلهم تعبانين ها كله عسب هالسيكل لانه لازم يتحكمون ن فيه اربع وهم بس اثنين ههههههههه
جان يخلونه حق العايلة الكريمة ورحت انا و بنت اختي نأجر النا سيااكل ..لفينا الحديقة ابكبرها وتعبت بنت اختي جان اتخلي البشكارة اتي اتسوق وياايه لانه صار لازم ارده لانه خلص الوقت
عااد كان المكان ابعييد وانا احس بالتعب وجان اوقف اشوي فوق التلة لانه تلفون كان يرن بنت اختي كانت تسألني وصلت ولا لأ ,,وقت الي كنت اتكلم في التلفون خليت الخدامه تبادل ويايه هيه تتحكم بالسيكل وانا اسوق بدالها عاد انا ارمس في التلفووون ومب منتبهه كيف كانت تسووق الذكيه الا جان ما القى عمري اطيييير في الهوى و اطييييح ع رااسي في الأرض >>>>يالفششششلة:SnipeR (68):

وكانوا اجانب يركضون وانا طحت جدامهم ههههههه

جان اتيي وحده

الأجنبية : OMG,,R u fine ?:shocked7fl:
انا : طايحة ما اروم احرك جسمي ,,yeah i'm fine
يت اتساعدني تقومني لاني ما قدرت اتحرك
و الأجنبي يشوفوني اذا كنت اقدر امشي ولا لأ
الأجنبي : can you walking ?
انا: yup ,its okay , dont worry,thanx for help
هم : wellcome
الخدامه واقفه ع طرف و طالعني قلتلها يلا ما علييه خلج منيه انا بروح ارد السيكل ابروحي عن لا اطيحين من التل الثاني و اروح فيها

جان اشوف شلة الأغبيه الي كانوا صوب البحر
ويضحكون ><

واحد منهم يقولي سلاااااماااااات يااا معوده زيييييين ما تعروتي ويضحك
انااا : انتييييه ايييه اسكت عني احسلك و احلب ويهك >> كنت معصصبه:SnipeR (24):
هو : يمه قويه ,,آسفيين والله ,,يعني شو بتسوين
انا : لااااا انت شكلك ناوي ع عمرك ..روح احسلك لا تشوف شي ما شفته ..يلعن ابو الغبااء
هو : يييمه قويه .السموووحه منج

وطنشتهم ورحت


عاد اسوق السيكل وتعب لانه لازم حد ثاني يتحكم فيييه

جان اشوف خلييييفه >>واحد من الأهل

انا :خلييييفه
خليفه : هاااااا
انا : تعال سوق وياايه تعبت
خليفه: انتي نزلي بسوق عنج
انا: لااا لا خلني اصلا ما اروم امشي
خليفه : ليييش
انا : بشكارتكم نفدتني طيحتني من فوق التل
خليفه : خييبه سلامات ما تشوفين شر
انا : الشر ما اييك

جان انكمل باقي الدرب ما صدقت انه وصلنا لانه الدرب كااااااان طوييييييل ><

وعقب طلعنا من الحديقة ..قلت حق اختي توقف عند محطة ادنوك ,,جان اخذ لي دونات مال دانكن دونتس و علبه اندومي لقيتهم يسوونها و بعد خذت عصاير و اشياءات وايده للي في السيارة

وجي خلص اليوم وانا حاسه بالصدااااع في راسي :SnipeR (6):

mystery_m
23-09-2009, 07:38 PM
اليــــــــــــــوم

نشيت العصر وسيده يلست ع النت<< حشى هب شايفه خير >> ماصبر عنه

يلست وتميييييت يالسه وملا قمت لين ما اذن المغرب

صليت وكلت مكسرات < وجان يفرح بطني >>> شي دخل فيه


وعقب سرت العرقووووب ويا فطووم وتميت احكيلها قصص معيووده مليييون مرة

وبس

F.T
23-09-2009, 09:28 PM
وحلييييييييييييييييييييييييييييييييلها ،، تعرفين مريووم كان خااطري اشوووفج وانتي اطيحيييين ،، حراام رااحت عليه الضحكه والتطنييييييييييييز هاهاهاهاهاهاهاها ماعليه تعيشين واطيحين اكثر

هع

mystery_m
24-09-2009, 12:55 PM
وحلييييييييييييييييييييييييييييييييلها ،، تعرفين مريووم كان خااطري اشوووفج وانتي اطيحيييين ،، حراام رااحت عليه الضحكه والتطنييييييييييييز هاهاهاهاهاهاهاها ماعليه تعيشين واطيحين اكثر

هع


لاااااا زين انج ما شفتيني ههههههه ,,والا جااان مسكتيها عليه طول اليوم هاااااع

سفــآحه
24-09-2009, 01:02 PM
ههههههههههههههههههههههه

ســــــلآآمآآآت مريووومتــــي مـــآ تشووفين شر

ههههههههههههههههههههههههههههههههههههههههههههههههه

هههههههههههههههههههههههههههه


لو حد صور فيديو بيكون احلـــى


هههههههههههههههههههههههههه



والسمـــــوؤحه:SnipeR (69):

mystery_m
24-09-2009, 01:07 PM
هههههههههههههههه ..الله يسلمج

انتو بس تبون تضحكون عليه ..والله انها كانت طيييحه قويه خخخخ ,,بس الحمدالله ما استوابي شي

سفــآحه
24-09-2009, 01:09 PM
ههههههههههههههههههههههههههه


يعلها كانت فيني ولا فيــــج



ههههههههههههههههههههههههه


بس صدق الموقف يضحــــــك !




هههههههههههههه:SnipeR (101):

mystery_m
24-09-2009, 01:14 PM
يعلها كانت فيني ولا فيــــج



لا ان شالله


بس صدق الموقف يضحــــــك !



ههههه ,, هذا الي يخلي البشكارة اتسوق مره ثانية :evil_lol:

mystery_m
25-09-2009, 09:23 PM
اليوم :الجمعة
التاريخ : 25_9_2009

اليوم هو يوم التجمع العائلي :SnipeR (80):

يوو خواتي المتزوجات وعيالهم ونااسه يلست الاعب زايد و راشد و اليازية و ام لسانتين شواخ >>ع قولة شامبيه ههه

وطفرت ابزيوود الا اصوره وهوو مب طاايع

http://up4.m5zn.com/9bjndthcm6y53q1w0kvpz47xgs82rf/2009/9/25/09/xdipolruj.jpg (http://games.m5zn.com)

خخخخ

وعقب ما طفر وشبع طفره

قالي خالوووووو اففففف منج انا ساير عند باباه في الميلس كله اتصوريني eek4wd
http://up4.m5zn.com/9bjndthcm6y53q1w0kvpz47xgs82rf/2009/9/25/09/v9i4rkhx8.jpg (http://games.m5zn.com)


انا : زايد تعال انزين البس نعالك وسير
زيود : معصب فكيني angry3
انا : انزين تعال وبراويك قال شو فكيني

طنش وراح عند ابوه >>اكيد سار يشكيله الحال هههههههه

المهم خلصنا م زيود >>رحت اخوه رشوود

لقيته يالس ومبهت هههه

http://up4.m5zn.com/9bjndthcm6y53q1w0kvpz47xgs82rf/2009/9/25/10/s4sun3u8w.jpg (http://games.m5zn.com)

يلست الاعبه يلين ما تعب و استسلم للنوم:evil_lol:

عقب كملت على غلووي بس انا الي طفرت مب هيي هههه

وعقب

ياا سلطان اخويه

سلطان : انا كل ما ايي اشوفج مجابلة هالشاشه
انا : انزين شو تباني اسوي ملل
سلطان : ماشي شغل ..سيري اطبخي
انا : هييييه ماشي شغل اطبخ ,,حق اشووه حاطين خدم عشان انا اطبخ
وعاد اختي تبا تكمل عليه

انت بس شووف شوو حاطه في الديسك توب ,,ماشي شغل حاطه هالكوري عاشقتلي اياه

انااا : يييييييييه انتو ما عندكم سالفه غيري اليوم
اختي: ماعليه بتنحشرين وياه يوم القيامة
انا : عيل انتوا قبل كنت اطالعون مسلسلات مكسيكيه محد يقولكم شي .. ياغير انتوا اصلا ما عندكم سالفه الا تبون تصدعولي راسي
اختي : الهندي هاا ابرك من هالكوري مالت علييج ...مب لاقيه غير هالكوريين ياكلون لحوم البشر
انا : شو عبالج صينين هاييييييل
اختي : كلهم نفس الشي
أنا: لااا عااااااد مب كلهم نفس الشي
اختي الثانية : بوديج دراغون مارت بنشغلج عندهم جانج عاشقة هالآسيون
انا : عااادي مب مشكلة ما عندي اي خلاااف بسير خخخخخخ
هم : الرمسة انتي وياج ضايعه :strongsad:
انا : ههههههااي اصلا محد قالكم تضيعون وقتكم وياايه
هم : جيل فااسد
انا : يا حيه جيلكم الي يسمع كنتوا عيايز محشومين ما تشوفون شي الا كنتوا اطالعون هالهندي و المكسيكي يت علينا يعني :SnipeR (101):

وهكذا كان الوضع اليوم هههههههههههه

F.T
25-09-2009, 10:24 PM
غبيه صدق

مريوم الحين يااايتنج المدرسه ،، خفي شويه من يلسااتج >> عاد الحين اول ثنووي << ياااويل حااالج من الكتب هع هع هع

mystery_m
27-09-2009, 12:25 PM
غبيه صدق

مريوم الحين يااايتنج المدرسه ،، خفي شويه من يلسااتج >> عاد الحين اول ثنووي << ياااويل حااالج من الكتب هع هع هع


لا مابا اخف ههه :SnipeR (80):,,هي عطوني اليوم كتب اشكثرهن يا اووف :strongsad:

mystery_m
27-09-2009, 01:11 PM
اليوم: الأحد >> كم اكره ها اليوم لانه اول ايام الاسبوع
التاريخ :27_9_2009

اليوم رحت المدرسه ومصدعه لاني ما نمت >>ماعرفت ارقد طول الليل

اول ما دشيت بوابة المدرسه اسمع ابلة الرياضة حاشره الدنيا >>عسب الطابور

انا يايه متأخره شوي وعاد استلمتني من اول يوم ,,يالله روحي ع الطابور بسررعه ولا تتأخرين مره ثاينه ,,يعني ما اعرف شو اقول و شو ارد اولاً اول يوم ثانياً ماعرف وين صفي ثالثاً تنازعني من اول يوم ,,قلت افخاطري خلها تولي وطنشت ورحت الصف ولا كأنه حد يكلمني

يلست ادور اسمي فاللسته مالت الأسماء الي مرتب الجدول شكله مقتصدنا انا و شلتي لانه ولا اي فرد من الشلة وياايه >>راحت الشردات ><

دشيت لقيت مكاني المفضل محتل من قبل طالبه >> احسن محد قالح اتيين متأخر ,,قلت يالله ما علييه بسير ورا وامري لله

طلعت من الصف ورحت ع الطابور واسمع الأبلة تقولي يالله تحركي ليش متأخره انا عاد مالي مزاج ارد عليها >>ترا الصبح وانا دايما مالي مزاج لحد في وقت الطابور بس اكتفيت بالنظره حاده خخخخخ

والله هاي المدرسه الله يعيني منهم جانهم اول يوم جي >>والله افتقد الوكيله السابقة لمدرستي السابقه اهئ اهئ >>على آخر دلع كنت خخخخخخخ

وعقب الطابور رحنا نستلم الكتب وعقب رجعونا الطابور مره ثانيه لانه ارشاد للوقاية من الفايروس h1n1 >>ماعندهم سالفه لااه

عاد انا و baby face كنا يالسين نتمشى والأبلوات يزفونا بيلا ويلا ونحن خبر خير يالسين نطنز عليهم ههههههه

اليوم كان هادي و البنات الصف كلهم هاديات وانا كنت هادية جداً >> الهدوء قبل العاصفه هاي دفعتنا الشرر ابعيينه

وجان افرح لاني يلست ويا الشلة >>والله من زمان ما شفتهم ,,وبدوا المجرمين بتخطيطات شريرة ههههههههههه ,,وكل بنت حاطه ابلة فبالها عشان تنتقم منها >>الله يهديكم من اول يوم

المهم انا الحمدالله محد افبالي من الأبلوات لانه الصرااااااحه مب فاضيه الحد اي حد يقولي شي اطنشه هههههههه >>عاد كيف يكون فيس الابلة كيف منقهرة مني وانا على ابرد من الثلج خخخخخخ

وهيكا خلص اليوم ورديت الساعه 12الظهر لانه اول يوم وباجر بيكرفونا كراف وبيهلكونا يلين الساعه 4 ><..!

mystery_m
28-09-2009, 07:46 PM
اليوم : الإثنين
التاريخ : 28_9_2009
رحت المدرسة وما استوت اكشنات واايده اليوم لأن الكل كان مب راقدين هههه >>تعودا يرقدون الصبح
عاد انا كنت انتظر اليوم يخلص بفارغ الصبر اول 5 حصص مرن ابسلام و لكن الحصه السادسه و السابعه كنت احسب دقايق الساعه و اعد اصغر ثوانيها ,,خلاص قفلت مخي مب قادر يستوعب اني مور من الحصص الطويلة يلي مدتها 50 او 55 دقيقة
ابلة الأحياء كل ما اتثاوب اتشوفني هههه فحطتني افراسها كل شوي اطالعني اذا انا مصحصحه ولا رقدت خخخ
و الحصه السابعه كان علينا تاريخ >< ..! خلاص موول ما قادره افتح عيوني ,,والابلة منقهرة ليش هي تشرح وانا مب منتبه كل شوي توقفني عشان اقرى خخخخ
وعقب رديت البيت الساعه جي ثلاث قريب من الاربع >>مااعرف شو يسمونها خخخ

ما صدقت على طول انسدحت ع السرير خخخ عاد يت الوالدة

mother : بسم الله شو فيج ؟!
انا : بصوت خفيف تعبااااااااااااااانه
هي: شوو متعبنح ؟!
انا: توني يايه من المدرسة
هي : الحين يااايه ؟! الساعة 4
انا : هيه دوم يخلص دوامي هالوقت
هي : تغديتي
انا : مابا غدى ابا ارقد
,,
عقب يو خواتي
هم :حووووه شوووو بلااااج جي ميته
انا : يؤؤؤؤؤؤ
اختي: ههه اكيد اتضاربتي وياحد في المدرسة
انا : ما عندي سالفة انا اعطي هايييل ويهه
هي : عيل شو بلاج
انا : يووهوو توني راده من المدرسة انتوا شو بلاكم خلوووووووووووووني ارقد
ويلسوا يضحكون عليه و يطنزون عليه >< ..!

بس للأسف ما رقدت الا 10 دقايق ,,عشان ورايه تقارير و واجبات >>اوووف ..عقب يلست اصمم طوابع حق الكتب وبعدين استسلمت للنوم ع الكنبة الي في الصالة

10 دقايق و اسمع التلفون يررررن

انااااااا : اوووووووف منو المتفيج الي يتصل الحين ما اروم ارد التلفون بعييد وانا ما اقدر اتحرك
ويلس يرن يرن يرن التلفووون عصبت وشليته

آلوووو
انا: هاااا شو تبا
أخويه : ليش محد يرد ؟
انا : شو تبا
هوو : بلاج نشي كفخيني احسن
انا : يوهوو اذا ما تبا شي انا بسير ارقد
هوو : قولي للبشاكير يسون دلال قهوة وجاي و يطرشونه الميلس >>اكيد ربعه عنده
انا : اوووووف ,,انزييييييييين


ورحت ناديت الخدامه وكملت ارقادي هااع

~baby-faceّّ~
29-09-2009, 08:58 PM
اليوم: الأحد >> كم اكره ها اليوم لانه اول ايام الاسبوع
التاريخ :27_9_2009

اليوم رحت المدرسه ومصدعه لاني ما نمت >>ماعرفت ارقد طول الليل

اول ما دشيت بوابة المدرسه اسمع ابلة الرياضة حاشره الدنيا >>عسب الطابور

انا يايه متأخره شوي وعاد استلمتني من اول يوم ,,يالله روحي ع الطابور بسررعه ولا تتأخرين مره ثاينه ,,يعني ما اعرف شو اقول و شو ارد اولاً اول يوم ثانياً ماعرف وين صفي ثالثاً تنازعني من اول يوم ,,قلت افخاطري خلها تولي وطنشت ورحت الصف ولا كأنه حد يكلمني

يلست ادور اسمي فاللسته مالت الأسماء الي مرتب الجدول شكله مقتصدنا انا و شلتي لانه ولا اي فرد من الشلة وياايه >>راحت الشردات ><

دشيت لقيت مكاني المفضل محتل من قبل طالبه >> احسن محد قالح اتيين متأخر ,,قلت يالله ما علييه بسير ورا وامري لله

طلعت من الصف ورحت ع الطابور واسمع الأبلة تقولي يالله تحركي ليش متأخره انا عاد مالي مزاج ارد عليها >>ترا الصبح وانا دايما مالي مزاج لحد في وقت الطابور بس اكتفيت بالنظره حاده خخخخخ

والله هاي المدرسه الله يعيني منهم جانهم اول يوم جي >>والله افتقد الوكيله السابقة لمدرستي السابقه اهئ اهئ >>على آخر دلع كنت خخخخخخخ

وعقب الطابور رحنا نستلم الكتب وعقب رجعونا الطابور مره ثانيه لانه ارشاد للوقاية من الفايروس h1n1 >>ماعندهم سالفه لااه

عاد انا و baby face كنا يالسين نتمشى والأبلوات يزفونا بيلا ويلا ونحن خبر خير يالسين نطنز عليهم ههههههه

اليوم كان هادي و البنات الصف كلهم هاديات وانا كنت هادية جداً >> الهدوء قبل العاصفه هاي دفعتنا الشرر ابعيينه

وجان افرح لاني يلست ويا الشلة >>والله من زمان ما شفتهم ,,وبدوا المجرمين بتخطيطات شريرة ههههههههههه ,,وكل بنت حاطه ابلة فبالها عشان تنتقم منها >>الله يهديكم من اول يوم

المهم انا الحمدالله محد افبالي من الأبلوات لانه الصرااااااحه مب فاضيه الحد اي حد يقولي شي اطنشه هههههههه >>عاد كيف يكون فيس الابلة كيف منقهرة مني وانا على ابرد من الثلج خخخخخخ

وهيكا خلص اليوم ورديت الساعه 12الظهر لانه اول يوم وباجر بيكرفونا كراف وبيهلكونا يلين الساعه 4 ><..!

اوه ~ ذيج الايام الحلوه راحت ، أهئ أهئ

انا صراحتاً كنت اغلب الوقت سرحانه او راقده ، موش فاضيه للابله

وانا تعبت من الانفلونزا ، كل ما تدخل ابله ، تقول نفس المحاضره " شكلهن متفقات "

يله بحاول انش في الحصص اليايه " اراهن الغلا "

وصح~
مره حبيت المدونه
في سوالف ما قريتها ، " بقراها بعدين "

~baby-faceّّ~
29-09-2009, 09:06 PM
اليوم : الإثنين
التاريخ : 28_9_2009
رحت المدرسة وما استوت اكشنات واايده اليوم لأن الكل كان مب راقدين هههه >>تعودا يرقدون الصبح
عاد انا كنت انتظر اليوم يخلص بفارغ الصبر اول 5 حصص مرن ابسلام و لكن الحصه السادسه و السابعه كنت احسب دقايق الساعه و اعد اصغر ثوانيها ,,خلاص قفلت مخي مب قادر يستوعب اني مور من الحصص الطويلة يلي مدتها 50 او 55 دقيقة
ابلة الأحياء كل ما اتثاوب اتشوفني هههه فحطتني افراسها كل شوي اطالعني اذا انا مصحصحه ولا رقدت خخخ
و الحصه السابعه كان علينا تاريخ >< ..! خلاص موول ما قادره افتح عيوني ,,والابلة منقهرة ليش هي تشرح وانا مب منتبه كل شوي توقفني عشان اقرى خخخخ
وعقب رديت البيت الساعه جي ثلاث قريب من الاربع >>مااعرف شو يسمونها خخخ

ما صدقت على طول انسدحت ع السرير خخخ عاد يت الوالدة

mother : بسم الله شو فيج ؟!
انا : بصوت خفيف تعبااااااااااااااانه
هي: شوو متعبنح ؟!
انا: توني يايه من المدرسة
هي : الحين يااايه ؟! الساعة 4
انا : هيه دوم يخلص دوامي هالوقت
هي : تغديتي
انا : مابا غدى ابا ارقد
,,
عقب يو خواتي
هم :حووووه شوووو بلااااج جي ميته
انا : يؤؤؤؤؤؤ
اختي: ههه اكيد اتضاربتي وياحد في المدرسة
انا : ما عندي سالفة انا اعطي هايييل ويهه
هي : عيل شو بلاج
انا : يووهوو توني راده من المدرسة انتوا شو بلاكم خلوووووووووووووني ارقد
ويلسوا يضحكون عليه و يطنزون عليه >< ..!

بس للأسف ما رقدت الا 10 دقايق ,,عشان ورايه تقارير و واجبات >>اوووف ..عقب يلست اصمم طوابع حق الكتب وبعدين استسلمت للنوم ع الكنبة الي في الصالة

10 دقايق و اسمع التلفون يررررن

انااااااا : اوووووووف منو المتفيج الي يتصل الحين ما اروم ارد التلفون بعييد وانا ما اقدر اتحرك
ويلس يرن يرن يرن التلفووون عصبت وشليته

آلوووو
انا: هاااا شو تبا
أخويه : ليش محد يرد ؟
انا : شو تبا
هوو : بلاج نشي كفخيني احسن
انا : يوهوو اذا ما تبا شي انا بسير ارقد
هوو : قولي للبشاكير يسون دلال قهوة وجاي و يطرشونه الميلس >>اكيد ربعه عنده
انا : اوووووف ,,انزييييييييين


ورحت ناديت الخدامه وكملت ارقادي هااع



وحليلج ، انا رقدت لين من الساعة 4 لين 5
وراايه بــّلا ،، وواجبات " اللحين ما ارووم اطالع اي دراما ما عندي وقت ، ما عليج بدبر الوقت لو من تحت الارض خخ"

وانا اوصل البيت الساعة 3:00 " منو قدج المدرسة ورا بيتكم خخ "

وحالتج هاي تستوي معاي دووووم ، وخصوصا الصبح او اذا حد خلاني انش من الرقادة

" لي عودة عقب ما اخلص التقرير و " speech" او باجر^^"

mystery_m
29-09-2009, 10:03 PM
يا هلا و غلا baby face
منورة المدونة



اوه ~ ذيج الايام الحلوه راحت ، أهئ أهئ

انا صراحتاً كنت اغلب الوقت سرحانه او راقده ، موش فاضيه للابله

وانا تعبت من الانفلونزا ، كل ما تدخل ابله ، تقول نفس المحاضره " شكلهن متفقات "

يله بحاول انش في الحصص اليايه " اراهن الغلا "

وصح~
مره حبيت المدونه
في سوالف ما قريتها ، " بقراها بعدين "



وحليلج انتي ف ويهه الابلة ما ترومين ترقدين عدل ههه >>مب انا الي عاقيني بآخر الصف >>ماعليه بحتج بعدين هههه
الأبلوات يقولن كلام بدون تطبيق >>يمدحونه التطنيش


وحليلج ، انا رقدت لين من الساعة 4 لين 5
وراايه بــّلا ،، وواجبات " اللحين ما ارووم اطالع اي دراما ما عندي وقت ، ما عليج بدبر الوقت لو من تحت الارض خخ"

وانا اوصل البيت الساعة 3:00 " منو قدج المدرسة ورا بيتكم خخ "

وحالتج هاي تستوي معاي دووووم ، وخصوصا الصبح او اذا حد خلاني انش من الرقادة

" لي عودة عقب ما اخلص التقرير و " speech" او باجر^^"

و انا بعد ما عندي وقت اطالع بس انزل عندي اشكثرهن مادري متى بخلصهن هههه
كان الدريول متأخر ذاك الوقت هااع ,,بس الحين اوصل 3 ونص عاد انتي بيتكم قريب من المدرسة انا و حليلي بعييد هههه
يلا ان شا لله تخلصين تقريرج..انتي بس لو تشوفين تقريري بالمختصر المفيد وبدون زيادات هههههه

يلا سي يا باجر و اشوفج ارقدي في الكلاس خخخ اوني عاد انا ما ارقد ههههه

~baby-faceّّ~
30-09-2009, 09:12 PM
هلا و غلا baby face
منورة المدونة النور نورج حياتي ^^




وحليلج انتي ف ويهه الابلة ما ترومين ترقدين عدل ههه >>مب انا الي عاقيني بآخر الصف >>ماعليه بحتج بعدين هههه
الأبلوات يقولن كلام بدون تطبيق >>يمدحونه التطنيش
أهئ أهئ ابغي اغير من مكاني ، كل الحصص ابغي ارقد ، وما اروم ~

شفتي ابله الرياضيات اليوم ،، هههه ، ، انا سرحاانة بعييييد عنكم ،، والابلة اطرب ع السبورة
تبغيني انتبه كانت شوي وبتفرني / بتفلعني بالقلم خخ بس الحمدالله رديت لارض المواقع


.

.

.

ولا مايعيبج افتح كتاب الرياضيات ع الدرس الثالث ، " تصفح سريع" والقى بلااوي فيه
اثره الكتاب كان عند اختي واتعرف انـي ما احب ابله الرياضيات
وكاتبة الله يسلمج

" خلو الابلة اتخرط من صوبها"
وبعد

" الابلة تشرح كانها مخترعتهن ، هب جنها تقراه من الكتاب "

وبلاوي ثانية ،، وانتبهت له في الحصة ويوم كنت امسح ، انتبهت لي

وابغي اسير وراء ،، سيده في ويه الابلوات " شفتي ابلة الرياضة شو سويت ،،بي ، ما احبها"




و انا بعد ما عندي وقت اطالع بس انزل عندي اشكثرهن مادري متى بخلصهن هههه
كان الدريول متأخر ذاك الوقت هااع ,,بس الحين اوصل 3 ونص عاد انتي بيتكم قريب من المدرسة انا و حليلي بعييد هههه
يلا ان شا لله تخلصين تقريرج..انتي بس لو تشوفين تقريري بالمختصر المفيد وبدون زيادات هههههه

يلا سي يا باجر و اشوفج ارقدي في الكلاس خخخ اوني عاد انا ما ارقد ههههه

حتى انا ، بس بحاول اطالع او اترجم في الويكند


يااااااااااااااااااااااااااااااااااااااااااااااااا اااااااااااااااااااااااااااي

باجر اخر يوووووووم ،،،،،،،،،،،،،،،،، في الويكند ^^

mystery_m
03-10-2009, 09:37 PM
أهئ أهئ ابغي اغير من مكاني ، كل الحصص ابغي ارقد ، وما اروم ~

شفتي ابله الرياضيات اليوم ،، هههه ، ، انا سرحاانة بعييييد عنكم ،، والابلة اطرب ع السبورة
تبغيني انتبه كانت شوي وبتفرني / بتفلعني بالقلم خخ بس الحمدالله رديت لارض المواقع


.

.

.

ولا مايعيبج افتح كتاب الرياضيات ع الدرس الثالث ، " تصفح سريع" والقى بلااوي فيه
اثره الكتاب كان عند اختي واتعرف انـي ما احب ابله الرياضيات
وكاتبة الله يسلمج

" خلو الابلة اتخرط من صوبها"
وبعد

" الابلة تشرح كانها مخترعتهن ، هب جنها تقراه من الكتاب "

وبلاوي ثانية ،، وانتبهت له في الحصة ويوم كنت امسح ، انتبهت لي

وابغي اسير وراء ،، سيده في ويه الابلوات " شفتي ابلة الرياضة شو سويت ،،بي ، ما احبها"


هاي ابلة الرياضيات بس اشوفها ما ارتاح نفسياً و يوم اعرف انه علينا رياضيات انحبط ,,ما احب حصصها ولا اداني شرحها المعقد ,,وبس من اتشوفني نزلة راسي ع الدرج قااالت مريم رفعي رااسج و انتبهي تراا الدرس الي بشرحه ما بعيده >> انا اقول في خاطري سواء انتبهت لج ولا لأ انا ما بفهم عليج ابداً ,,اففف يجربون علينا ابلوات مبتدئات ,, وانتي و ابلة الرياضيات ماعرف شو سالفتكن هههههههه ,,شكلها حاطتنج افراسها خخخ ما اقول الا الله يعييييييينج منها ><

,,



باجر اخر يوووووووم ،،،،،،،،،،،،،،،،، في الويكند ^^


اففف ليش جي ما نتهنى في الويك اند ابسرعه خطف >< ,, باجر الله يعينا على ابلة الشر سموره و ازعاجها ع الطابور تراها قالت شعبة 1 الي هي نحن بتعاقبنا يوم الأحد اذا ما اشتغلنا عدل في الطابور ههه

mystery_m
03-10-2009, 10:05 PM
اليوم : السبت
التاريخ: 3_10_2009

اليوم طلعت ورحت uptown mirdif

http://up4.m5zn.com/9bjndthcm6y53q1w0kvpz47xgs82rf/2009/10/3/10/lq8txqzkk.jpg (http://games.m5zn.com)

http://up4.m5zn.com/9bjndthcm6y53q1w0kvpz47xgs82rf/2009/10/3/10/feldruq4g.jpg (http://games.m5zn.com)

هالمكان حلوو في الشتا ولا في الليل ,,لانه هو مثل المول المفتوح

عاد انا رحت الظهر لانه عندي موعد للبشرة في Vlcc كان خاطري اتمشى بس حر خخ


http://up4.m5zn.com/9bjndthcm6y53q1w0kvpz47xgs82rf/2009/10/3/11/7sq17mkd3.jpg (http://games.m5zn.com)



وعقب طلعنا من الاب تاون ورحنا مول سرت بيتزا هت انا و أختي



http://up4.m5zn.com/9bjndthcm6y53q1w0kvpz47xgs82rf/2009/10/3/11/7hdch5ujw.jpg (http://games.m5zn.com)



http://up4.m5zn.com/9bjndthcm6y53q1w0kvpz47xgs82rf/2009/10/3/11/39beg0z97.jpg (http://games.m5zn.com)


يم يم كانت الوجبة حلوه خخخ

وعقب سرت محل مال الإلكترونيات

خذيت كاميرا nikon koolpix و DVD وخطفت ع دايسو ماعرفت شو اشتري فيه اشياءات و احترت >>اصلا انا مابا شي فيه خخخ

و عقب يلست احتشر ع اختي العودة تعطيني بطاقة البنك مالتي عشان اسحب >> مشكله يوم اتكون البطاقه عندها ما تخليني اسحب ههه

انا : ابا البطاقة ابا اسحب
هي : ليش شو تبين تسحبين تراج اشتريتي بالفيزا كارد
انا : ما احب الفيزا احب ادفع كاش
هي : لا والله عن البطره الزايده
انا : شوو بطره زايده ابا البطاقة
هي : كم تبين تسحبين
انا : بس 1600
هي : انزين و اشوفج سحبي اكثر حطمتي الرقم القياسي في الأسراف هالشهر
انا اقول ف خاطري خلني ساكته احسن ما صدقت آخذ ابطاقه

ردينا ابسرعه لانه اليوم اليبت وعندي واجبات و مراجعات و لوعة جبد لازم اخلصها خخخ

~baby-faceّّ~
05-10-2009, 05:18 PM
اااه سريتي الاب تاون ~ ياحظ الاسبوع الماضي كنت بسيره
بس مت من الحّر ،، مستحيل اكمل اليوم هنا ، فقلت بيي المره اليايه بس بسير فليل ^_^

mystery_m
05-10-2009, 05:30 PM
اليوم : مادري نسييت خخخ
التاريخ:5_10_2009


اليوم كالعادة اسير المدرسة اجابل هالمس يلي كل يوم مطلعتني مخالفه ,, ورمستها يلي تنعاد كل يوم اذا ما اشتغلتي في الطابور انا رح اطلعج انا ولا كأني اسمع شي هههه


اليوم عقب البريك الثاني بغيت انطرد من حصة الأحياء ههههه >>وحليلي ما سويت شي ..السالفة انه الابلة تتحسبني متأخره من الحصه وهي ما تحب خير شر حد يتأخر عن حصتها .. انا اصلا ما سرت ابعييد في عن الكلاس لانه البريك الثاني صغير واذا رحت آخر المدرسه ادري اني ما بوصل الصف هههه ,, فأول ما رن الجرس تقريبا كنت واصلة الصف قبل ما اتي ابلة الأحياء وعقب يت ربيعتي تبا تاخذ عني كتاب الفيزياء >>كانت ناستنه وتبا تسلم من شر الأبلة خخخخ .. عاد وقتها الابلة وصلت الصف ,, وانا كنت طالعه وقلت لها بيي بس شكلها ما انتبهت لي ,,عطيت البنت الكتاب و عقب دخلت الصف و خلتني اوقف مع الجماعة المتأخرين ههه

انا : ابلة انا ما تأخرت وقبل ما ادشين الصف انا كنت موجودة وشفتيني بعد
هي ولا كأنها تسمع

سجلت الأسامي عشان تنقص من الدرجاات ولا توديهن عند الأخصائية المهم مادري شو تبا تسوي

يلست مكاني وانا معصبة و هي يالسه تلقي محاضره يلي كل يوم تنعاد

انا قاطعتها

ابلة قلت لج اني ما تأخرت اللهم عطيت اربيعتي الكتاب و رديت وكنت في الصف قبل لا ادشين وهاي ثاني مره اقولج
الأبلة : لا دشيتي عقبي
انا : شوفي ابلة انا كنت في الصف قبل لا ادشين وقلت لج انا بعطي البنت الكتاب وبرجع عاد سمعتيني ولا ما سمعتي انا ما اعرف يعني في فرق بين البنات الي ياايين من آخر المدرسة وانا الا كنت جدام الصف

الأبلة: خلاص رح امسح اسمج

وعقب ما رن جرس الحصه طلبت مني الابلة اني ما اروح الصف >>كنا في المختبر ,, وانا عاد اقول هاي شو تباني ؟!

انا : ها ابلة في اشوه بغيتني
الابلة : اليوم اسلوبج في الكلام ما عجبني وانتي طالبة مميزة عندي وما توقعت منج هالأسلوب
انا عاد مستغربة متى كلمتها في اسلوب مب زين
انا : ما عليه ابلة السموحه منج
الابلة : ان شا الله اشوف منج كل خير في الأيام اليايه
انا : ان شا الله

رديت الصف سألت ربيعتي اذا كان اسلوبي مع ابلة الاحياء مب زين ..قالت لي كنت اتكلمينها عادي بس كان باين انج كنتي معصبه
جان اقول اها ثرها جي السالفة >>شكلها تباني اضحك بالغصب وانا معصبة
وعقب هالحصه كان علينا فراغ النشاط كله طلع هههههههه

يلست انا و ~baby-faceّّ~ نسولف عن المسلسلات الكورية و اليابانية والانمي و هالسوالف
واشوف كل الي يالسين ويانا ساكتين وطالعونا بكل احتقار و لاعيه جبدهم ويلسنا نضحك عليهم ,, هم يقولولنا انتوا فاضين وماعندكم سوالف غير هالمسلسلات >>كيفنا انزين خخ ,, ورحنا بعييد عنهم قبل لا ننكفخ هههههههههههههههههه


ههههه,, اونهم ما يطالعون عقب كم من يوم بيون يقولولي عطينا مسلسلات ولا افلام نبا انطالع ملانين ههههه


وهكذا خلص يومي المدرسي ورديت البيت وانا تعباانه ابا ارقد ,,بس ما عندي وقت قلت بخلص هالواجبات و الإمتاحانات وتقارير وبرقد

mystery_m
05-10-2009, 06:56 PM
اااه سريتي الاب تاون ~ ياحظ الاسبوع الماضي كنت بسيره
بس مت من الحّر ،، مستحيل اكمل اليوم هنا ، فقلت بيي المره اليايه بس بسير فليل ^_^






هههه هي ما ينفع في الحر هاا ,,انا بعد يبالي اسير له الفليل وبتريا الشتا بتلقيني كل اسبوع مطيحه فييه هااع

mystery_m
07-10-2009, 07:15 PM
اليوم : الأربعاء
التاريخ: 7_10_2009


اليوم رحت المدرسة متأخر عشان نشيت من الرقاد متأخره و بعدين في نص الدرب وانا فسيارة اكتشفت اني ناسية كم من كتاب ورجعت البيت عشان اييبهم :SnipeR (101):

عقب وصلت صوب مدخل المدرسة لقيت الشرطة موقفة السيارة في ويهه ,,تمينا انهرن عشان ايي هالظابط ويشل السيارة بعييد>> هاي الشرطة مادري ليش دايماً تحرس هالمدرسه ,,يراقبون كل سيارة ادش و كل طالبة تنزل منها >>حشى جنا بنسوي جريمة

عاد نزلت وسرت صوب مدخل الطلاب لقيته امبند:strongsad: يعني لازم اسير من صوب مدخل الإدارة واخذلي كم من هزبة ع التأخير

دخلت بكل هدوء للإدارة عشان محد يحس خخخخ بس يوم طلعت جان اتشوفني الأخصائية :SnipeR (79):

الأخصائية : مشاالله ع التأخير تو الناااس
أنا : هههه ,, ابلة ما تأخرت وايد توها الا بادية الحصة الأولى
الأخصائية : يالله آخر مره القاج ياايه متأخر
انا : ما علييه >> ههه انا اصلا لازم اتأخر عشان ما احضر الطابور


دشيت الصف وكانت حصة الرياضيات ..و اشوف الكل يمتحن امتحان تحديد مستوى eek4wd

انا : ابلة شو هالحركاات مابا امتحن :SnipeR (76):
الأبلة : لا والله ! ماشي بتمتحنين الا هو تحديد مستوي
انا : ابلة انا اصلاً اقولج اياها من الحين ياايبه صفر وبكل جدار خخخ ..يعني مب لازم تمتحنيني
انا : لا بتمتحنين الإمتحان سهل بس ركزي شوي
انا : ابلة اكيد سهل بالنسبة لج لانج انتي الي مسوتنه

ويلست احاول على انها ما تخليني امتحن بس ما شي فايدة هههه .. احب اطفر بهاي الأبلة خخخخ :D

عاد استلمت ورقة الإمتحان الغبيه ههه ,, و ع كل سؤال ما عرفت احله اعلق والأبلة تضحك عليه و بنات يشاركوني في التعليقات ههههه .. الي يشوفنا ما قاعدين نمتحن يالسين في قهوة :SnipeR (93):

وحليت كل شي غلط ههههه ,, وسلمت ورقة الإمتحان ,, كل شوي اقول حق الأبلة ابا اطلع

تقولي لا ماشي طلعه يلين ما يأست مني وطلعتني انا و شلة بره الصف هههههه:SnipeR (54):
عاد اليوم كنت رايقة وما خليت ولا اي حصة تمر ابسلام الا وطفرت فيها المدرسات خخخ >> العاصفة بدأت :SnipeR (64):

هكذا مر اليوم وانتهى بكسل وتعب.. ياااا سلام باجر الخميس اخر يوم في الأسبوع >> افكر اني ما اداوم خخخ:SnipeR (53):

mystery_m
11-10-2009, 06:20 PM
اليوم : الأحد >> كم اكره هاليوم
التاريخ :11_10_2009
اليوم سلمكم الله ماعرف شو فيني ع المدرسات هههههه يلست اطفر ابهن
اول حصه عربي ,, طبعا رقاد ماعرف شو يسوون كله نحو اف نحو خخخخ


ثاني حصه احيد كانا علينا انجلش ملل ,,و مس ما تخليني اجاوب كل يوم نفس GRAMMAR و كل يوم السالفة تنعاد ,, وانا طفرت من هالإنجلش اكون حاله كل شي و سابقة المس وهي بعدها تشرح في هالقاعدة ,, وأنا اعاني دايما عدالي بنتين ما يفهمن اي شي في الأنجلش وكل شوي عطيني الأجوبة و لا غششينا يوم الأبلة توقفنا انجاوب ههههه >>فاضتلكن انا


الحصه الثالثه ههههههههههه هاي الحصه الضحك كان علينا كيميااء والأبلة حاطتني افبالها يعني على اي صغيرة وكبيرة تبا اطلعني برع الصف .. كنت ياايه من البريك الأول متأخره ع الحصة

وياايه الصف والأبتسامة شاقه الويهه وبكل برائة اقول للأبلة ادش الصف ولا لأ ,,قالت لي خلج عبرة لمن لا يعتبر وطلعي بره الصف وسيري عند الوكيلة ههههههههههههههههههههه ,,انا : هههه انزين ابلة احين بسير عند الوكيلة ,,بس للأسف لقيتها كانت جريبة من الصف يعني ما رحت لهااا هههه ,,

انا : ابلة تقولج ابلة الكيمياء اني اخذ الأذن منج عشان ادخل الصف لاني متأخره خخخ
هي: انزين وليش متأخره
ابلة : كنت ياايه من هنااك >> اشرلها ع المكان هااع
و الحين شوفوا الحل العحيب مالها >> قالت : ما يستوي تتدخلين الصف يبالج عقاب بسيط سيري قولي للأبلة توقفج كم من دقيقه ههههههههههههههههههههههههه >>انا وقتها ما سكة ضحكتي يعني كيف اقول للأبلة عاقبيني

دشيت الصف وانا منقجرة من الضحك ههههههههههههههههههههه

الأبلة : شوو بلاج وتضحك
انا : هههههههههههههههههههههههههههههههههههههههههههههههههه هههههههههههههههههههههههههههههههه
هي : يعني لهدرجة كانت زيارة الوكيلة تضحك !!
انا : هههههههههههههههههههههههههههه ابلة انا بوقف ورا انزين
هي : وليش ؟؟ خخخخ
انا : الوكيلة قالت لي ما يستوي ادش الصف بدون عقاب لازم اتوقفيني ههههههههههههه
الكل كان يضحك والأبلة بعد
الأبلة : لا برايج يلسي وهاي آخر مره

ويلست اطفر بها وكل شوي تقولي تراني صدق بوقفج :evil_lol::evil_lol:

وعقب كان علينا فراغ خذناها حواطة في المدرسة

وعقب حصة الرياضيات يااكرهي للحصة والي يدرسها

فجأه يلا فتحوا ع الواحب ,,

انا : ابلة اي واجب ,,ما عطيتينا واجب ليكون ملخبطة بالصف ثاني
هي : عطيتكم واجب وحليت وياكم كم من مسألة وقلت لكم تكملونه >>تتكلم بكل وقاحة
انا : لااه صدق يعني الكل ما سمع ,,ون احيدج قلتي ,,ثاني مره اذا بتعطيني واجب حددي اي مسائل على ما اعتقد في اكثر من تمرين في درس وااحد وفيه كتابين ><
هي : لاه يعني لازم احدد
انا : هيه لازم ما بحل اي شي انا وعقب بتين اتقوليلي مب حاله و تنقصيني في الدرجاات كالعادة ><
هي : اوكي ,,بحدد وبنشوف
انا : انزين بنشوف

وكل ما اتقول واجب اطالعني و اتعيد الجملة مرتين :evil_lol::evil_lol:,,وعقب سطلت يلست منزلة راسي

هي : مريم رفعي راسج ويلسي زين
انا : مابا ,,,ما كنت مركزه وعقب استوعبت,, جان اقول اقصد اوكي ههه
الأبلة : اطالعني وتضحك خخخخ

ومرن حصص وحصص وملل ورا ملل

وجي خلص اليوم المدرسي

~baby-faceّّ~
11-10-2009, 08:25 PM
اليوم : الأحد >> كم اكره هاليوم
التاريخ :11_10_2009
اليوم سلمكم الله ماعرف شو فيني ع المدرسات هههههه يلست اطفر ابهن
اول حصه عربي ,, طبعا رقاد ماعرف شو يسوون كله نحو اف نحو خخخخ


ثاني حصه احيد كانا علينا انجلش ملل ,,و مس ما تخليني اجاوب كل يوم نفس grammar و كل يوم السالفة تنعاد ,, وانا طفرت من هالإنجلش اكون حاله كل شي و سابقة المس وهي بعدها تشرح في هالقاعدة ,, وأنا اعاني دايما عدالي بنتين ما يفهمن اي شي في الأنجلش وكل شوي عطيني الأجوبة و لا غششينا يوم الأبلة توقفنا انجاوب ههههه >>فاضتلكن انا


الحصه الثالثه ههههههههههه هاي الحصه الضحك كان علينا كيميااء والأبلة حاطتني افبالها يعني على اي صغيرة وكبيرة تبا اطلعني برع الصف .. كنت ياايه من البريك الأول متأخره ع الحصة

وياايه الصف والأبتسامة شاقه الويهه وبكل برائة اقول للأبلة ادش الصف ولا لأ ,,قالت لي خلج عبرة لمن لا يعتبر وطلعي بره الصف وسيري عند الوكيلة ههههههههههههههههههههه ,,انا : هههه انزين ابلة احين بسير عند الوكيلة ,,بس للأسف لقيتها كانت جريبة من الصف يعني ما رحت لهااا هههه ,,

انا : ابلة تقولج ابلة الكيمياء اني اخذ الأذن منج عشان ادخل الصف لاني متأخره خخخ
هي: انزين وليش متأخره
ابلة : كنت ياايه من هنااك >> اشرلها ع المكان هااع
و الحين شوفوا الحل العحيب مالها >> قالت : ما يستوي تتدخلين الصف يبالج عقاب بسيط سيري قولي للأبلة توقفج كم من دقيقه ههههههههههههههههههههههههه >>انا وقتها ما سكة ضحكتي يعني كيف اقول للأبلة عاقبيني

دشيت الصف وانا منقجرة من الضحك ههههههههههههههههههههه

الأبلة : شوو بلاج وتضحك
انا : هههههههههههههههههههههههههههههههههههههههههههههههههه هههههههههههههههههههههههههههههههه
هي : يعني لهدرجة كانت زيارة الوكيلة تضحك !!
انا : هههههههههههههههههههههههههههه ابلة انا بوقف ورا انزين
هي : وليش ؟؟ خخخخ
انا : الوكيلة قالت لي ما يستوي ادش الصف بدون عقاب لازم اتوقفيني ههههههههههههه
الكل كان يضحك والأبلة بعد
الأبلة : لا برايج يلسي وهاي آخر مره

ويلست اطفر بها وكل شوي تقولي تراني صدق بوقفج :evil_lol::evil_lol:

وعقب كان علينا فراغ خذناها حواطة في المدرسة

وعقب حصة الرياضيات يااكرهي للحصة والي يدرسها

فجأه يلا فتحوا ع الواحب ,,

انا : ابلة اي واجب ,,ما عطيتينا واجب ليكون ملخبطة بالصف ثاني
هي : عطيتكم واجب وحليت وياكم كم من مسألة وقلت لكم تكملونه >>تتكلم بكل وقاحة
انا : لااه صدق يعني الكل ما سمع ,,ون احيدج قلتي ,,ثاني مره اذا بتعطيني واجب حددي اي مسائل على ما اعتقد في اكثر من تمرين في درس وااحد وفيه كتابين ><
هي : لاه يعني لازم احدد
انا : هيه لازم ما بحل اي شي انا وعقب بتين اتقوليلي مب حاله و تنقصيني في الدرجاات كالعادة ><
هي : اوكي ,,بحدد وبنشوف
انا : انزين بنشوف

وكل ما اتقول واجب اطالعني و اتعيد الجملة مرتين :evil_lol::evil_lol:,,وعقب سطلت يلست منزلة راسي

هي : مريم رفعي راسج ويلسي زين
انا : مابا ,,,ما كنت مركزه وعقب استوعبت,, جان اقول اقصد اوكي ههه
الأبلة : اطالعني وتضحك خخخخ

ومرن حصص وحصص وملل ورا ملل

وجي خلص اليوم المدرسي





ههههههههههه احيده هذا اليوم كان طمااااشه << السموحه الذاكره سعتها 0.7 بس


واانا ابلت الرياضيات ماااااااااحبها

اكرهااااااااااا تعقدبي تشرح المسائل وجنها مخترعتنهن مب يايبتنهن من الكتاب خخخ

mystery_m
12-10-2009, 05:15 PM
ههههههههههه احيده هذا اليوم كان طمااااشه << السموحه الذاكره سعتها 0.7 بس


واانا ابلت الرياضيات ماااااااااحبها

اكرهااااااااااا تعقدبي تشرح المسائل وجنها مخترعتنهن مب يايبتنهن من الكتاب خخخ



ابلة الرياضيات هااي لو يغيرونها يكون احسن بواايد ,,معقدة بالجميع ههه

mystery_m
12-10-2009, 05:42 PM
اليوم: الأثنين
التاريخ:12_10_2009

اليوم اول حصه كان علينا رياضة >< ,, وكنت اقول ياليييتني ما حضرت الحصه الأولى وييت متأخر

انا اقولكم شو استوى اليوم

الأبلة : يا عاااااااشر واحد بسرعه توجهوا للملاعب الخارجية
انا : ابلة شوو ملاعب خارجية :SnipeR (26): حر وشمس وبعدها الحصة الأولى تبينا انسطل من الحين ,,على أقل نسير الصالة الرياضية
الينية : انا عايزة كده

يعني شغلة نذالة وبس

في الملعب

الأبلة: عندكم 20 دقيقة تركضون حوالين هالثلاث ملاااعب

الكل يتأفف وماله مزاج للحصة و الابلة يالسه وبس تتأمر علينا

اليوم كان حرر ومشمس

انا عقب ما لفيت ع الثلاث ملاعب سطلت ,,ومعصبة واي حد يكلمني ارد عليه بعشر هههه

عاد الأبلة ما سدها الركض ع الثلاث ملاعب هااي ,,زادت علينا تمارين الايروبكس

عاد انا الحييين عصبت ع الآخر

جان اقوول : ابلة عطيني شي واحد يستحق العب رياضة عشانه الحين هااا ,, الشمس ولا هالملاعب ولاا انتي
الأبلة عصبت كان الود ودها ترميني من سور المدسة

عاد شكلها وهي معصبة كان يضحك والكل كان يضحك عليها

وهي اطالعني بالتظره >>معناتها حسابج عندي خخخ

عقب قالت سوي تمارين كذااااا

جان اقوللها ابلة عيني ما اقدر ابطلها في الشمس انزين وهالتمرين انا ما بسويه في هالحر
الأبلة: التمرين ما بياخذ الا 4 دقايق
انا : 4 دقاايق هاااا ,, لا ابلة ما نروم انتي واقفه ع الظل ونحن مخلتنا نشتغل في جحيم

عاد الأبلة الحين جن جنونها

الأبلة : انتوا اسوأ دفعه مرت عليه هالسنه و اردئ صف وأنتو بمنتهى الوقاحة
بنت من الصف : مشكورة ابلة كله من طيبج ولا مب من شي
وبنت ثانية : لااا عاد ابلة نحن ما نروم نتعذب ونربع في هالشمس ,,ع الأقل نلعب في الصالة الرياضية
انا : أبلة ,,ويت اربيعتي وحطت ايدها ع حلجي عشان ما اتكلم هههههه

ويلست الأبلة تهزئ فينا وتعطينا امحاضره اشطولها

وعقااباً النا زادت علينا التمارين وخلتنا نلعب وقت اضافي وعقاب سبشل الي اسوي pushup خخخخخخخخخخخ

وجي مر اليوم واحس بتعب شدييييييييد و نايمة طول الحصص ,,الا الحصة الأخيره خذناها شردة و حواطة وحوالين المدرسة

عقب رديت البيت وانا ميته من التعب

~baby-faceّّ~
12-10-2009, 05:52 PM
اليوم: الأثنين
التاريخ:12_10_2009

اليوم اول حصه كان علينا رياضة >< ,, وكنت اقول ياليييتني ما حضرت الحصه الأولى وييت متأخر

انا اقولكم شو استوى اليوم

الأبلة : يا عاااااااشر واحد بسرعه توجهوا للملاعب الخارجية
انا : ابلة شوو ملاعب خارجية :sniper (26): حر وشمس وبعدها الحصة الأولى تبينا انسطل من الحين ,,على أقل نسير الصالة الرياضية
الينية : انا عايزة كده

يعني شغلة نذالة وبس

في الملعب

الأبلة: عندكم 20 دقيقة تركضون حوالين هالثلاث ملاااعب

الكل يتأفف وماله مزاج للحصة و الابلة يالسه وبس تتأمر علينا

اليوم كان حرر ومشمس

انا عقب ما لفيت ع الثلاث ملاعب سطلت ,,ومعصبة واي حد يكلمني ارد عليه بعشر هههه

عاد الأبلة ما سدها الركض ع الثلاث ملاعب هااي ,,زادت علينا تمارين الايروبكس

عاد انا الحييين عصبت ع الآخر

جان اقوول : ابلة عطيني شي واحد يستحق العب رياضة عشانه الحين هااا ,, الشمس ولا هالملاعب ولاا انتي
الأبلة عصبت كان الود ودها ترميني من سور المدسة

عاد شكلها وهي معصبة كان يضحك والكل كان يضحك عليها

وهي اطالعني بالتظره >>معناتها حسابج عندي خخخ

عقب قالت سوي تمارين كذااااا

جان اقوللها ابلة عيني ما اقدر ابطلها في الشمس انزين وهالتمرين انا ما بسويه في هالحر
الأبلة: التمرين ما بياخذ الا 4 دقايق
انا : 4 دقاايق هاااا ,, لا ابلة ما نروم انتي واقفه ع الظل ونحن مخلتنا نشتغل في جحيم

عاد الأبلة الحين جن جنونها

الأبلة : انتوا اسوأ دفعه مرت عليه هالسنه و اردئ صف وأنتو بمنتهى الوقاحة
بنت من الصف : مشكورة ابلة كله من طيبج ولا مب من شي
وبنت ثانية : لااا عاد ابلة نحن ما نروم نتعذب ونربع في هالشمس ,,ع الأقل نلعب في الصالة الرياضية
انا : أبلة ,,ويت اربيعتي وحطت ايدها ع حلجي عشان ما اتكلم هههههه

ويلست الأبلة تهزئ فينا وتعطينا امحاضره اشطولها

وعقااباً النا زادت علينا التمارين وخلتنا نلعب وقت اضافي وعقاب سبشل الي اسوي pushup خخخخخخخخخخخ

وجي مر اليوم واحس بتعب شدييييييييد و نايمة طول الحصص ,,الا الحصة الأخيره خذناها شردة و حواطة وحوالين المدرسة

عقب رديت البيت وانا ميته من التعب



ههههههههههههههههههههههههههه الحمدالله اني غبت بس هيه علينا الاربعاااااااااااااااااا


اغيب ؟! اشراايج ؟!!~



الله يعينج ويليتني شردت معاج ^_*

mystery_m
12-10-2009, 07:43 PM
هههههههههههههههه

انا بتأخر يوم الاربعا و لا بغيب بالمره ,, وما انصجج تلعبين رياضة ويا هالأبلة ,,هذا زين ما ارتكبت جريمة قتل فيها اليوم بس مسكت اعصابي هههههه >>اونه :p

maas
12-10-2009, 10:04 PM
بس يا دنيا والله تعبنا



يكفي جروح يكفي آلام



ما يمر يوم الا وزعلنا



كل يوم عتاب وتجريح وملام



بس يا دنيا والله زهقنا



نعاني من غدرالأصحاب



نعاني من بعد الأحباب



قفلت في وجوهنا كل الأبواب



وصارت الحياة كلها اكتئاب



بس يا دنيا والله ملينا



ملينا ضلم


ملينا زعل


ملينا جروح



بس يادنيا ارحمينا



ليت الحزن يروح



ليتني اقدر ابوح


تكفيني جروح الروح



يكفي يادنيا والله قرفنا


قرفنا من عيشة البشر



ناس طبعهم الغدر


قلوبهم اقسى من الحجر


ااه ياويلي من ضلم البشر


بس يكفي يا دنيا تعبنا


=([/QUOTE]


شعر جيد و مشكووورة :icon30:

mystery_m
13-10-2009, 07:01 PM
شعر جيد و مشكووورة


تسلم اخوي ع متابعة المدونة =)

F.T
13-10-2009, 10:46 PM
هههه الله يرحم ايامج يا أبله سمرمر << لاتحطيين دووبج في دوبها ،، اسميج مابتسلمين هههه

mystery_m
15-10-2009, 04:15 PM
هههه الله يرحم ايامج يا أبله سمرمر << لاتحطيين دووبج في دوبها ،، اسميج مابتسلمين هههه


انا ما اعرف ليش احب اعاند فيها و اغيضها ههههههههه ..استانس عليها اشوفها معصبة وانا ابرد من الثلج >>نذالة

mystery_m
15-10-2009, 05:23 PM
اليوم : الخمــيس >> أحب هاليوم خخخ
التاريخ :15_10_2009

اليوم سلمكم الله,, سرت المدرسة >> انزين شو اليديد خخخخ

انزين بس هالمره ما تأخرت ع الطابور >>غريبه ههههههه

الحصه الأولى كان علينا عربي >> افف ارف ع الصبح ..اكثر حصه ارقد فيها و اكثر ابلة تمللبي
الحصه الثانية اممم شو كان علينا ..على ما اعتقد علينا فيزيااء ,,ههههههههههه يا ويل حالي يبت 1 من 10 في الإمتحان بس لأني نسيت اسوي التحويل >>يلا ما علييه خيرها ابغيرها

عقب هالحصتين بريييييييييييك تـــــايم

شو استوى في هالبريك >>بلاج فقدتي الذاكره

امممممممممممممممممم ..هيه تذكرت ضاع نص الوقت وانا امشي من مختبر الفيزياء يليييين الصف عشان احط هالكتب و عقب لين ادور هالشلة المختفية خخخخ.. لقيتهم متفرقيين شليت كم من وحده منهم و رحت اتمشى وياا شلة Baby face وبنت عمها هااع

عاد يلين ما حددنا مكان الي بنيلس فيه رن الجرس ويلا على الحصة الثالثه ><

سوينا طااف ولا كأنه الجرس يرن

عقب طلعت سمورة >> يا فرحة ما اكتملت

من بعييييييييييد تصارخ : يلا ع الصفوف بدءت الحصة الثالثة
انا : مـــــــابا >>> بصوت تقريبا شبه خفيف خخخ
بس سمعتني سمورة >>حشا مب أذن
هي : ايييييه ..هجييلك انا جاية
انا : وااااااابوي هاي كيف سمعتني يلاااا شررررردة بنات

وشردنا وهي ما وصلت النا خخخ

وصلت عند الممر مال الصفوف ..اشوف المس مال الأنجلش تمشي بأسرع ما عندها وتقولي : you have One minute to reach the second floor and go to the english club if you late i going to kick yoy out of the class

me: OMg teacher i'm even didn't reach the class to bring my books
teacher: is not my problem
وجان اربع للصف ابسرررررعة و ادور هالكتب مال الانجلش و أركض و عقب رديت من نص الدرب عشان ايييبب الأسايمنت الي عطتنا اياه .. وعقب طررررررررررررت للطابق الثانيي زين اني ما طحت ع ويهي وانا اصعد الدري خخخخخخخخخخخخخ

وبعدين وصلت الصف وكان باحي على الون منت مالتها 6 ثواني >>>>زين اني وصلت

وبعدين مرت حصه ورا حصه يلين ما يا البريك الثاني >>وجان استانس

بس بعد قصروا من وقت الفسحة ,,على ما كنت اكلم ابلة الكيمياء و دق سوالف وياها و اسيرر للإدارة عشان تعطينا اشياءات من هناك رن الجرس

واسوف سمرمر واقفة في الممر واشر عليها واضحك ويا Babyface بس المشكلة شا فتني و قفت اطالعني وهي محرجة ,,جان اشوف ربيعتي تمشي عدالها جان اغير اشارة ايدي و اشر ع ربيعتي واضحك خخخ >>بس عشان ابرر نفسي عن ما اتيني و تعطيني محاظره اشطولها ههههههههههههههههههههههههههههههههههه

و الحصة السادسة رياضيات افففف يا كرهي للحصة والي يدرسها

الابلة واقفة عند بااب الصف

تقولي : بسرعه يا مريم دايماً هالتأخير
ابلة : شو تبيني اسوي اطير يعني خخخ

وجان اذكر اني لازم اخذ الجدول من عند ابلة الكيميااا اوووووووووووف

جان اقول الأبلة بطلع

هي : ليش تطلعين
انا : بسير اييت الجدول نسيت اخذه
هي : لا ماشي طلعه في حصتي
انا : ابلة عاد بسرعه بطير مابتأخر الا بسير الإدارة
هي: عندج الحصة السابعة استأذني من معلمج وطلعي
انا : ابلة مب مشكلة عندي الحين ولا الحصه السابعة بس الأبلة الحين بتروح و ين بلقاها الحصة السابعة
هي : خلاص ابسررعه ولا تتأخرين >>ما بغت

جان اسير الأدارة

كان الوكيلة و ابلة ما عرفها و ابلة الكيميا

انا : أحـــــــم >> يعني ما شي غير هالكلمة
ابلة كيميا : ها مريم
انا : وين الجدول
هي : تريي بعدنا ما خلصناها بطرشه الكم بعدين
انا : ماعلييييييه

يلست اتمشى في الدرب و اتكلم ويا الشلة المشتلة >>دومهم مشردين بره الصفووف خخخ

وصلت الصف حصة الرياضيات ملل وكل يوم اتعيد واتزيد يلين ما حفظنا الدرس احسن منها

فقررنا انا و الشلة الي في الصف انه نسوي خدمة سليييييني هههههههههههههههههههههههههههههههههههههههههههههههه


مثلا: ورقة مكتوب فيها نكته ولا اي شي يضحك وتمر ع كل بنات الصف خخخخخخخخخخخخخخخخخخخ

عاد الأبلة شاكه في الموضوع كل شوي اتشوف بنت تضحك خخخ

وجاطه عينها عليه كل ما اتكلم ,, اطالعني و انذار اول ورا ثاني ورا ثالث ويلين ما خلصت الحصه وانا اخذ انذارات >>كيفي انزيييييييين ههههههههههه

والحصة الأخيرة
انجلش الحمدالله ان الحصه في الصف مب في النادي خخخ ,, تيجر شكلها تعبانه ما خلتنا انسوي شي الا انحل wraiting ماشي اسخف منه طوول الحصه هههههههههههههههههههه


وهكذا رديت البيت و يت ام لسانتين بنت اختي ادق علية بااب الغرفة وبدى الأزعااااااااااج >> ما خلتني ارقد عشان السهرة خخخخخخخخ

سفــآحه
15-10-2009, 09:46 PM
ههههههههههههههههههههههههههه

ابله سموره هااااي ماعرف كيف سمعتنا ونحن نرمس في آخر الفسحه :shutup:

هههههه

من بعييييييييييد تصارخ : يلا ع الصفوف بدءت الحصة الثالثة
انا : مـــــــابا >>> بصوت تقريبا شبه خفيف خخخ
بس سمعتني سمورة >>حشا مب أذن
هي : ايييييه ..هجييلك انا جاية
انا : وااااااابوي هاي كيف سمعتني يلاااا شررررردة بنات


هههههههههه عقب قلتي لالا ما كنت اكلمج ابله


يلييييتني كنت في صفج . . . صفنا ميّت الكل راقــــد وفي سابع نومه . .

بس جماعة الايمو اللي في آخر الصف هم اللي ييرسلون لي مسجااات في الحصص هههههههههه

الله يعييينـــج مريومه على أبله سمووره . .

قالت لي : انتي من المدام؟؟
قلت لها لاء . . ليش؟؟
قالت : همّا اللي بيحطو بكلتهم على وشهم

ههههههههه

وهييك :SnipeR (58):


مريوم اسميييج ونااسه والله السنه اليايه لازم اكون في صفـــج:evil_lol:

mystery_m
16-10-2009, 12:05 AM
ههههههههههههههههههههههههههه

ابله سموره هااااي ماعرف كيف سمعتنا ونحن نرمس في آخر الفسحه :shutup:

هههههه

من بعييييييييييد تصارخ : يلا ع الصفوف بدءت الحصة الثالثة
انا : مـــــــابا >>> بصوت تقريبا شبه خفيف خخخ
بس سمعتني سمورة >>حشا مب أذن
هي : ايييييه ..هجييلك انا جاية
انا : وااااااابوي هاي كيف سمعتني يلاااا شررررردة بنات


هههههههههه عقب قلتي لالا ما كنت اكلمج ابله


يلييييتني كنت في صفج . . . صفنا ميّت الكل راقــــد وفي سابع نومه . .

بس جماعة الايمو اللي في آخر الصف هم اللي ييرسلون لي مسجااات في الحصص هههههههههه

الله يعييينـــج مريومه على أبله سمووره . .

قالت لي : انتي من المدام؟؟
قلت لها لاء . . ليش؟؟
قالت : همّا اللي بيحطو بكلتهم على وشهم

ههههههههه

وهييك http://www.an-dr.com/vb/images/smilies/unint/sniper%20(58).gif


مريوم اسميييج ونااسه والله السنه اليايه لازم اكون في صفـــج:evil_lol:


ههههههههههههه من المدام مره وحدة >> بس عاد


خخخخخ السنة اليااية انا بكون علمي بدشيين؟! >> تراج مترددة

انا مب مال ادبي ما انفع خير شر هههههههههههه

و تراه انا و سمورة مره نتضارب ومره انكون ربع هههههههههههه

انتوا شعبة 4 ما عرف عنكم شي منعزلين ع الباقييييييييين و هادييين .. زين اني مب في ضفكم ولا جان رقدت
وبعدين انا احس ابلواتكم هاديات و جديات أما ابلواتنا شريات و فرفوشات خخخخخخخخخخخخ

mystery_m
17-10-2009, 02:27 PM
اليوم : الجمعة
التاريخ :16_10_2009


امس قرورا الأهل انهم يطلعون و قالوا بيسيرون القصبااء >> ما احب هالمكان بس سرت اضيع وقت



http://up.arab-x.com/Oct09/OXL71553.jpg (http://up.arab-x.com/)

هاي اختي وهي تسووق

انا: ماابااااااااا القصبا ابا اسير السينمااا ولا الاب تاون ولا مول الإمارت
اختي : ماشي سيرة سينمات ولا مولات ولا هم يحزنون
انا : مابا قلت ابا السينما
اختي : نزلي ابروحج السينما
انا : يؤؤ عيل مابا

وعقب يلست اخبل بـ اف تي زين انها ما فرتني من الجامه ع الشاااااارع خخخخخخخخخخخخخخ


والحين وصلنا للمكان الي يسمونة القصباا


ركبنا القارب وكان الجو حلووو


http://file14.9q9q.net/local/thumbnail/73435161/600x600.jpg






صورت هالصورة بالفون ,, كنت ناسية اشل الكام >> فاتتني لقطات وايدة


انزين عقب سرنا لهذاك الشي الدويري الكبيير >> ماتعرف اسمه خخخخخخخ

يا سلاااااام كان وناسه وكل الي عدالي متروعييييين وانا ع آخر هباااااالة كان الود ودي انط بس قلت يمكن اموت >> لا بعد يمكن



http://up.arab-x.com/Oct09/uTa71554.jpg (http://up.arab-x.com/)

هذا صورة سعيد ولد اخوووي ميت من الخووف امبند عيونة ومتمسك في الكرسي وكل شوي يسكتني لاني كنت مسوية ازعااج

وبعدين يلست اتضارب ويا اف تي تبا تاخذ مكاني جان اهوس ع فص اسمة push to talkخخخ هذا لو استوى شي يظغطون علييييييه

انا كل شوي اظغط بس عشاان اخبل الموظفيييييين ههههههههههههههههه


وعقب سرنا لــ Dancing water المياه الراقصه خخخخخخخخخخخخخ


(http://</p><p>)
http://www.youtube.com/watch?v=22do6LcjAFA

صورت فيديو بالفون
كان خاطري ادش صوب هالنوافير هاااااع


وعقب اتجهنا لمطعم كل اكلة سبايسي


http://file14.9q9q.net/img/82411313/minue.jpg (http://file14.9q9q.net/preview/82411313/minue.jpg.html)




هذه اف تي اونها تشوف المنيو خخخخخخخخخ


http://file14.9q9q.net/img/98237449/resturan.jpg (http://file14.9q9q.net/preview/98237449/resturan.jpg.html)

هالأكل ما انصحكم اتجربونة لانه صدق سباااايسي وانا ما كلت شي خخخخخخخ



http://file14.9q9q.net/img/69174641/----.jpg (http://file14.9q9q.net/preview/69174641/----.jpg.html)

وعقب سرت خذت لي مووكا

وعقب ردييييت البيييييت و سييييييدة ع النت خخخخخخ

mystery_m
21-10-2009, 08:30 PM
اليوم : الاربعا
التاريخ :21_10_2009

الصبح وانا راقدة في سبات عميق البشكارة ياايه توعيني وتخرب عليه رقاددييي >< ,, طبعا اول كلمة اقولها الصبح عساج حريج يا المدرسة خخخخخخ


الحصة الأولى : امتحان انجلش الملل ..خلصت الإمتحان و رحت اتصل عشان اخلي حد اييبلي الكاميرا لاني نسيت اييبها حق تجربة الكيميا


الحصة الثانية : عربي ..حمدالله ما درسنا شي الأبلة اشفقت ع حالنا وما عطتنا درس


الحصة الثالثة : انجلش وبعد ما عطتنا درس يلسنا انسوي الريبورت


البـريك : سرنا المختبر عشان انسوي تجربة الكيميا ..زين ما حرقنا المختبر لانه كنا نلعب بالمركبات و الاشياءات الغريبة الي هناك خخ ..عقب سرنا اندور ابلة الرياضيات عشان نستأذن منها عشان نتأخر من حصتها


الحصة الثالثة :كنت ياايه متأخر للحصة .. الكل يطالعني ويقول مريم الاخصائية تباج .. انا اقول هاي شو تبا .. المهم سرت عندها وكانوا مختارين بعض طلبة من المدرسة لرحلة سفر >> ونااسه خخ

الحصة الرابعة : دين ولا دارية عن شي اطالع الابلة وسرحانه خخخخخخ


الحصة الخامسة : كان علينا رياضيات ..ومدحت الأبلة بكلمتين ويلست فرحانة طول الحصة و راضية عليه هههههه
البريك الثاني : نحوط في آخر المدرسة خخ


الحصة السادسة : كان علينا كيميا طبعا ياايه متأخر و الابلة ماسكة لستة المتأخرين وتسجل اسامينا وكنا واقفين عند الباب نتريا قرار الابلة اطلعنا ولا ادخلنا الصف و وقتها الوكيلة كانت ماره وشافتنا ,,شو تسوون واقفين انا : ماشي ابلة يالسين ندخل هههههههههههههههههه... وبعدين الصف كامل كان معصب ع ابلة الكيميا لانه خلتنا انذاكر وحدة كاملة و كتابين ع اساس انه امتحان تحريري ..بس عقب غيرت رايها و قالت انه امتحان شفوي يعني من كل الي ذاكرته امتحن سؤالين ويبت 4 من 5 خخخ .. ولانها رائدة صفنا في شكاوي من بعض الوشايات الأبلوات >< .. فقررت انها تغير مكاني و تشلني بعيد عن بيبي فيس اهئ اهئ .. بس انا عاند و اصريت اني ما اتحرك من مكان وما اروح المكان الي هي اختارته ,, ورجعتني لمكاني السابق الي هو عند اليدار >> اصلا هم مغيرين مكاني عشان ما اتساند ع اليدار و ارقد ههههههه ..بس رجعوني له يلا اتز اوكي .. آخر الحصة جان انازع الابلة قلت لها : ابلة انتي الحين غيرتي مكاني ومادري ع اي اسااس بس اذا يت شكوى مره ثانية ع اساس اني ارقد ترا انا ما بغير مكاني موووووووووول :@ .. وخططت اني ارجع بيبي فيس مره ثانيه عدالي هههههه >>ماشي فايدة الي اباه بيصير


الحصة السابعة : جيولوجيا اخف حصة ما فيها شرح وايد ولا تركيز و الابلة طيبة وحبوبه ..بس اليوم استنذلت وطلعتني امتحن شفوي انا مييييح مب حافظه شي

انا : ابلة مابا امتحن يا ابلة ترا قلت لج مب حافظه شي
هي : لا تعالي السؤال سهل بتعرفين اتجاوبين علييه
انا : بشووف
قريت السؤاليين ولا عرفت اجاوب ولا على اي سؤال .. استعنت ببنات الصف كلهم كانوا يساعدوني في الإجابة وعينني عينك الغش و الأبلة واقفة >>بس هي ولا داريه عن شي تسألني و اجاوب بللي يأشرولي عليه ولا الي اسمعه و آخرتها خذيتلي 10 من 10ههههههه

وعقب اتفقت ويا Babyface انه نغيب باجر لانه يوم الخميس يومي المفضل للغياب خخخخخ .. اصلا الجدول ممل وكل المواد ادبيه >> يعني رقاد وانا اكره المواد الادبية فقررت أرحم عمري واغيب خخخخخ

~baby-faceّّ~
21-10-2009, 09:01 PM
هههههههههههههههههههههههههههه

حطي الصور بعدين

وان ساء الله يايه عدلج يوم الاحد لانني بااااااااااااااجر غااااااااااااااااايبة


واااي اكتشفت ان الاشياء اللي اسويهن لااازم اسويهن اخر العام مو اوله

واااااي خواتي هزبني وقالن شوها اللعب من اول العام

فقلت لازم احترم وامشي ع الصراط المستقيم ^_^ لا احصل على درجاات


وياااي يبت 5 من 5 في الكيمياء

بس ليش اتضيقت مني ×_× قصدي انا تضيقت منها ×_× بسبت الامتحاااان

mystery_m
22-10-2009, 04:16 PM
حطي الصور بعدين


متعايزة اييب الكاميرا و اطلع الصور ههههههه



واااي اكتشفت ان الاشياء اللي اسويهن لااازم اسويهن اخر العام مو اوله

واااااي خواتي هزبني وقالن شوها اللعب من اول العام

فقلت لازم احترم وامشي ع الصراط المستقيم ^_^ لا احصل على درجاات




يحليلج والله .. انا ع حسب المود متى ما بصطلب بصطلب خخخخخخخخ



وياااي يبت 5 من 5 في الكيمياء





انا يبت اربع لاني بس نسيت اقول كلمة وحده خخخخخ

بس ليش اتضيقت مني ×_× قصدي انا تضيقت منها ×_× بسبت الامتحاااان

تسأليني ولا اتجاوبين خخخ .. هالحركه الي سوتها الابلة اسمها نذالة ولو الإدارة عرفت يا ويل حالها لانه الإدارة مسوية جدول محدد للإمتحان التحريرية ..و ممنوع الظغط ع الطلبة لانه بروحنا مظغوطين هههههه ,, بس عشان نحن طيبين ما خبرنا عليها الإدارة >> ههههههههههههههه يا عيني ع الطيبة


بس يالله ما عليه سوت خير راجعنا قبل لا تتراكم علينا المواد الثانية >> اصلا وحليلنا دايماً انراجع لعيون هالتقويم المستمر يعني ماكلين الكتاب أكل خخخخخخخ

mystery_m
22-10-2009, 04:39 PM
اليوم : الخميس >> احب هاليوم
التاريخ: 22_10_2009

ما دوامت اليوم مالي مزاج هههههههه

الساعة 11 و نص امي يت اتوعيني اتقولي من متى رااقدة >>>> انا ما اصدق اغيب اصلا بس عشان ارقد

نشيت من ارقادي وسرت سويتلي نسكافييه وشغلت المودم و ع النت


يلست اتفرفر من موقع لموقع .. يلين ما حسيت بالملل ويلست انزل افلام خخخ

وعقب طبييت النت لانه بطييئ بسبت التورنت

سرت استهيل وصور عمري >> ماشي شغل

جان احس بالملل وتذكرت انه ساروه ربيعتي غايبة من يومين وقلت اتصللها اوعيها و اشوف شو احوالها

يلسنا انسولف و انسولف ههههه

عقب يت الساعة 3 الكل ياي من المدرسة

اتصلت صيقيقتي

هي : هلا والله
انا : يا اهلين وسهليين
هي : اشحالج ؟
انا : اكييد مرتاحه مب مداومة
هي : يا الخايسه اشخقة تغيبين بدون ما تخبريني .. الصف بدونج مب حلوو و المدرسة كانت شبه فاضية بدونج
انا : ههههههههههههه يعني لهدرجة افتقديني وحليلج
هي : شوو الكل غايب شكلكن متفقات
انا : لا ما اتفقت وياحد الا ...
ويلسنا انسولف و نسولف وما خلصت السوالف هههههههه


وعقب رديت للنت ويلست احوط فيييه

و فجأه اسمع حد يقولي

شو ما تبين اتسلميين

انا : اويييييييييييه رااااااااااااااااااااااااشد واي اخي العزيز اشتقت لك
راشد : ههههه .. اعرف
انا : اوييه رشود وايد ضعفت و طولت و عضلت حشى شو سووبك الجيش
راشد : هلكوني هلااك
انا : شو بلاها ريلك
راشد : والله منهم من كثر التدريبات الي يعطونا اياها
انا : والله انك كنت في عز قبل ما تسير الجيش .. يلا كافح يلبين ما توصل لرتبة الي تباها

وعقب سار يسلم ع الكل وسار يرقد >> شكله بياخذه رقااد طول اليوم

والله البيت من دونه راشد اخوي ما يسوى هو اقرب أخو لي >> ما بخليه يسير هالجيش يشلونه وما يردونه الا فجأه eek4wd ههههههههههههههههههههههههه >>ع كيفج هوو

mystery_m
25-10-2009, 05:24 PM
اليوم : السبت
التاريخ:24_10_2009


سرنا السينما بس قبل الناس ما تتجتمع يعتي الساعة كانت تقريبا 11 ولا 12 المهم
http://up4.m5zn.com/9bjndthcm6y53q1w0kvpz47xgs82rf/2009/10/25/05/4wdmwiisq.jpg (http://www.tobikat.com)


هذه الباركنات >>ما عندج سالفة اتصورين الباركنات خخخ

والله اول مره اتكون الباركنات فاضية اول مره خخخ >>حلوو الواحد يوم يسير المول الصبح قبل الناس ما اتي ههه

وعقب دشينا الفيستفال سيتي

http://up4.m5zn.com/9bjndthcm6y53q1w0kvpz47xgs82rf/2009/10/25/05/12rgo7k5e.jpg (http://www.tobikat.com)


و على طوول سرنا Grand cinema
http://up4.m5zn.com/9bjndthcm6y53q1w0kvpz47xgs82rf/2009/10/25/06/0dzmdb1a9.jpg

بس ماشي ولا فلم اباه بيتعرض في الوقت الي اباه كان خاطري اطلع The Final Destination كانوا يعرضونه 3D بس للأسف كان عرضة اخر الليل واول النهار >>مادري منو بيطالع

فخذينا تكت لفلم سمذر

http://up4.m5zn.com/9bjndthcm6y53q1w0kvpz47xgs82rf/2009/10/25/06/q66ugmvxx.jpg (http://www.tobikat.com)

وبعدين خذينا لفة ع المول يلين ما يبدأ عرض الفلم

http://up4.m5zn.com/9bjndthcm6y53q1w0kvpz47xgs82rf/2009/10/25/06/de7h6u5qq.jpg (http://www.tobikat.com)

http://up4.m5zn.com/9bjndthcm6y53q1w0kvpz47xgs82rf/2009/10/25/06/s27jouvg8.jpg (http://www.tobikat.com)

وعقب اختي عذبتني كل شوي ادش محل لي محل وساعة يليين ما تشتري جان اشرد عنها واسير محلي المفضل

http://up4.m5zn.com/9bjndthcm6y53q1w0kvpz47xgs82rf/2009/10/25/06/uz4pa92kt.jpg (http://www.tobikat.com)

افف ما نزلوا شي يديد

http://up4.m5zn.com/9bjndthcm6y53q1w0kvpz47xgs82rf/2009/10/25/06/cnucz29gy.jpg (http://www.tobikat.com)

بس اعشق الشووز وما خليت شي الا و اشتريته هخخخخخ


الحييين يلا موفي تاااااايم ع السينما

http://up4.m5zn.com/9bjndthcm6y53q1w0kvpz47xgs82rf/2009/10/25/06/m84llz21h.jpg (http://www.tobikat.com)


http://up4.m5zn.com/9bjndthcm6y53q1w0kvpz47xgs82rf/2009/10/25/06/rixe22083.jpg (http://www.tobikat.com)

http://up4.m5zn.com/9bjndthcm6y53q1w0kvpz47xgs82rf/2009/10/25/06/6dan87elv.jpg (http://www.tobikat.com)

كان الفلم حلوو وممتع ومضحك شوي


وعقب طلعنا من السينماا

ويلسنا انحوط في المحلات ما خليت محل الا ودشيته

وعقب يلااااا باك تو هوم وراجعت امتحاني السخيف

F.T
25-10-2009, 10:31 PM
حلاته المول وهو فاضي << كله حقنا (^^

كان هذاك اليوم حلوو (^^

ان شاء الله كل مرة جيه نطلع ___<<< صح مريوم :P << خخخخ


بس الفلم ماكان لهاك الزوود كوميدي ،، !!

طافتنا افلام الرعب كلهن فليل


:SnipeR (37)::SnipeR (37)::SnipeR (37): والى الامام في المدونه

ماشاء الله نااااايس:SnipeR (37)::SnipeR (37):