المساعد الشخصي الرقمي

مشاهدة النسخة كاملة : اشهر جمل الاباء والامهات في مصر


نكزاوا
05-03-2008, 06:20 PM
الســــــــــلام عليــــــــــــــكم


شحالكم اعضاء انيدرا

من غير لف ودوران نخش في الموضوع








أشهر جمل بيقولوها الأب و الأم في مصر





* ابوك دايما كان بيطلع الاول على الفصل .




* والله ما انت فالح .. وادي دقني أهه .




* هو طول النهار قدام الزفت الكمبيوتر مش ممكن كده .




* ما تلزقش في التلفزيون كده .. نظرك هيضيع .




* يا ابني محدش هينفعك .




* قصة الغريق الكاذب اللي كل مره يقول الحقوني ... لحد


ما غرق بجد .




* ربنا يرزقك بعيل يوريك اللي ورتهوني .




* امشى جاتك مشش فى ركبك.




* ما تطلعش على الملايه النظيفه و رجليك متوسخه كده .




*أوعا حد يضحك عليك ويقولك جرب السيجارة دي.



* ايه الا مبالاه و الاستهتار اللي انت عايش فيهم دول .




* قوم اقرا لك كلمتين ينفعوك .




* وطي المدعوق ده شويه .




* انت فاكرنا نايمين على ودانا ؟




* ما تلبسش القميص على اللحم زي العيال الصايعه .




* بلاش أكل بره .




*ياريتك تحفظ دروسك زى مانت حافظ الاغانى.




* عيـــب ... لازم تحترم اللي أكبر منك .




* لو شفت خناقه ما لكش دعوة بيها .




* لازم تأكل سلطه .




* اوعى تكدب عليا كده تاني مرره .




* اوعى حد غريب يديلك حاجه تاكلها و تشربها و تاخدها منه .




* يا ابني حرام عليك الى بتعمله فينا ده.




* بلاش لعب في الشارع .




* ما تعليش صوتك .




* وانت فاكر احنا مستنيين منك حاجه .




* المسلسل مش هينفعك ...قوم .




* ما تقعدش قدام المروحه وانت مستحمي .




* كفايه رغي في التليفونات .




* بلاش وقفة الشبابيك و البلكونات .




* كل على مهلك .. وامضغ كويس ... وما تكلش وانت واقف .. وكل من قدامك ما تحفش .




* اطفي التلفزيون وقوم ذاكر . أو اطفي التلفزيون و خش اوضتك .




* ربنا يهديك ربنا يهديك ... وأحيانا .. انك لا تهدي من أحببت .




* صليت العصر ؟!




* ما تمشيش حافي في السقعة دي




* ما فيش مذاكرة على المزيكا وازاى.. بتذاكر و البتاع ده شغال جنبك .




* افرد ظهرك .




* ماتكلش فى ضوفرك.




* كنت فين لحد دلوقتى يا صايع.




* انا مش عارف انته طالع لمين.




* ما تتأخرش بعد المدرسه و تقعد تصيع مع أصحابك .




* بص كويس و انت بتعدي الشارع .




* ومالها الكتب بتاعة الوزاره ؟!




* اللي بيشيل قربه مخرومة بتخر عليه لوحده ..




* لو مش فاهم حاجه ارفع ايدك و قول للأستاذ مش فاهم .. متتكسفش .




* يأبنى المذاكره مابتخلص .




* ما تردش عليا .




* مش عايز اسمع صوت



طبعا كنت بكتب حقوق طبع محفوظة لنكزاوا 2008 بس للامانة مسروق من الايميل

katren
05-03-2008, 06:29 PM
http://www.an-dr.com/images/itar/Ashretah_tazyen/images/New%20Folder/a%20(19).gif

هههههههههههههههههه

احنا الدكتورات عندنا من أشهل جملهم ::

لما تغلطي في مسألة أو جواب

( في عينك !!! )

أنا أحس كأنها صاروخ كبير في وجهي

هههههههههههههههههه

بس والله حبايب ولكنتهم لزيزة

كاتي ^^

http://www.an-dr.com/images/itar/Ashretah_tazyen/images/New%20Folder/a%20(11).gif

•كــلي غ ــموض•
05-03-2008, 06:32 PM
* ما تلبسش القميص على اللحم زي العيال الصايعه .
ههههههههــ.. بس أظن نفس الجمل في كل مكان تقر يباًً إلي تختلف اللغة واالأسلوب ...



تسلم يدج أختيهــ على الموضوع الناااااايس

So_Do.Girl
05-03-2008, 06:39 PM
لوووووووووووووووووول.. الله يرج ابليسك يا نكزاوا فطست ضحك XD


* ما تلبسش القميص على اللحم زي العيال الصايعه .

لوووووووووووووول.. غريبة هذي ما قد سمعت فيها
بس معناها واضح ^ ^


تشكرات دير ^__^

xtina
06-03-2008, 12:08 AM
* ابوك دايما كان بيطلع الاول على الفصل .
ههههههههههههههههههههههــــاي هالجمله مشهوره مره وتلقينهم الي يقولوها نصهم ساقطين

* ما تلزقش في التلفزيون كده .. نظرك هيضيع
24 اسمع هالجمله من امي
هههههههههههههههههههههه من جد موضوعك تحفه تسلمين قلبي

نكزاوا
08-03-2008, 09:15 PM
اريجــــــــــــاتواا ع المرور

^_^

ميمي اليابانية
11-03-2008, 04:44 PM
مشكوووووووووووووووورة على الموضوع الحلو