المساعد الشخصي الرقمي

مشاهدة النسخة كاملة : عدنـان و لينا وقصة كوميدية مختلفة


عدنـان
20-03-2008, 02:08 PM
السلام عليكم و رحمة الله و بركاتة .....

القصة :

البدااااااااااااية


*******


(عدنان) : شفيك يالينا معصبه؟

(لينا) : مدري ياخوك أحس اني بنخطف زي كل مره .

(عدنان) : يهبووون سميرة وعلام وكل جنود القلعه.

(لينا) : مانيب مرتاحه احس اني قبسه وشكلهم بيخطفوني.

(عدنان) : اللي يقرب منك بتوطاه هنيا وادوووس على خشته.

(لينا) : يابعد قلبي ياعدنان... انا اشهد انك ذيب.

(عدنان) : كح كح تسلمين.. المهم وين عبسي؟؟

(لينا) : مدري يمكن يصيد ضفادع عشان الغداء.

(عدنان) : وع الله يقرفه ذا الشين... المشكله انه خويي ولازم اتحمل بلاويه.

(لينا) : يمه يمه .. اسمع صوووت طيارة سميرة يااااويلي!!

(عدنان) : لاتخافين وقفي وراااي واللي يقول عن نفسه رجال يقرب منك.




**سميرة مع الجنود نزلو من الطياره**

**سميرة تتكلم بالمايك من بعيد**




(سميرة) : سلم نفسك ياعدنان ولاترز وجهك.

(عدنان) : اقول تلايطي بس ولايكثر وارجعي من محل ماجيتي.

(سميرة) : انزح وراك... وخلنا نخطف لينا براحتنا.

(عدنان) : يخطفك جني يالساااااحره.. اللي يرشها بالميه ارشه بالدم.

(سميرة) : اقول لاتتميلح وتسوي نفسك مصري اوكي!

(عدنان) : لينا ماتبيكم ولا تبي عيشتكم.. لينا خطيبتي وانا متكفل بكل مصاريفها.
(سميرة) : الله واكبر على المصاريف؟ كلها فستان واحد وطق لونه من كثر الغسيل.


(عدنان) <<<< طاح وجهه .

(لينا) :أانتي عاوزه ايه؟ انا موش هينا انا خرجت بره.

(سميرة) : اقول انطمي انتي الثانيه لاتسوين نفسك مصريه وتلعبين علي... ترى حركاتكم هذي معروفه.

(عدنان) : ماعاش اللي يقول حق لينا انطمي... شكلي بشوتك باند من الجزيره.




**صارت معركة قوية بين عدنان والجنود**

**في البداية عدنان صفقهم وبعد شوي طاح في الارض وتوطو بطنه**

**الجنود خطفو لينا في الطياره وانطلقو الى القلعة**




(عبسي) : عدنان لماذا انت نايم؟ شفيك؟؟

(عدنان) : اي.. اح.. ضلوعي متكسرة والركب تتصافق.

(عبسي) : لماذا؟ ماذا حدث؟

(عدنان) : اقول انطم بس... سميرة والجنود كانو هنا وتمردغوني وخذو لينا للقلعه.

(عبسي) : افا ياذا العلم؟ لماذا لم تناديني عشان اسوي فزعه؟

(عدنان) : وانا وش عرفني في اي جحر انت؟ طوول يومك تحووس ورى هالضبان والضفادع اقرفتنا في عيشتنا ياشيخ.

(عبسي) : طيب ماذا سنفعل الحين؟

(عدنان) : ابيك تراقب الميناء اذا شفت سفينة القبطان نامق علمني عشان نطمر فيها.

(عبسي) : حسنا ياسيدي <<<< ماسكه معه الفصحى .



**بعد ساعتين مرت السفينه**



(عبسي) : عدناااان وصلت السفينه هيااا بنا.

(عدنان) : اسمع خلنا نتوزى في المخزن حق السفينة واذا وصلنا للقلعه ننطلق ورى لينا.



**وصلت السفينة الى القلعة**



(عدنان) : انا بروح ادور لينا.. وانت وش بتسوي؟

(عبسي) : انا بفتح اللاب توب واشيك على ايملاتي لين ترجعون <<<< وش حقه جاي؟؟
(عدنان) : انتبه لاحد يشوفك وتوهقنا!! ترى كلها ساعه نسحب لينا ونعود ديرتنا.

(عبسي) : لاتخاف اذا حد شافني بقولهم انا برب في المنتدى.



**عدنان وصل الى غرفة لينا ويكلمها من ورى الشباك.






(عدنان) : حياتي ليونه وحشتيني.
(لينا) : هلا والله... ولكمووووووووو نورت الأمل.. شخبارك؟ شخبار الوالده؟

(عدنان) : يسلمووووووووو... كلنا بخير ومشتاقين لك.

(لينا) : تشتاق لكم العافية .

(عدنان) : وانتي شلونتس؟ وش علومتس؟

(لينا) : يووووه انا طفشانه مررره وكل شوي يطقوني.

(عدنان) : ولايهمك اوريهم... على فكره ترى عبسي جاء معي ويسلم عليك.

(لينا) : وينه الشين؟؟ شخباره؟ عساه طيب؟

(عدنان) : ابشرك بخير ونعمة... والرجال يحترينا عند السفينه.

(لينا) : طيب يالله انقذني بسرعه وراك تحب السواليف؟

(عدنان) : ابعدي شوي تراني بضرب القزازه براسي واكسرها.



** تم انقاذ لينا وانطلقو الى السفينه**



(عدنان) : عبسي يالله سرينااااااا.

(عبسي) :ولكموووووووو نورت الأمل هلا وغلا.

(لينا) : ياشباب ترى سميرة تركض ورانا بالمشعاب.. بسرعه نبغا نهرب في السفينه.

(عبسي) : المصيبة ان القبطان نامق نايم مع وجهه.

(عدنان) : دق عليه جوااال وخله يصحى ماعاد فيه وقت.



**اتصــــــال**



(نامق) : الووو.. مين معي؟

(عبسي) : نامق تكفى ترى تكفى تهز رجال.

(نامق) : ابشر بعزك... امر وش بغيت؟

(عبسي) : قم شغل السفينه وخذنا معك نبغا نهرب من سميرة.

(نامق) :ياويل حظي لاتقول سميرة ترى اخق من طاريها.

(عبسي) : اقول بلا هذره اخلص علينا نبغا نفرك من هنا.

(نامق) : اوكي تعال السفينة وماعليك انا بتصرف.



**ركبو السفينة ونامق نزل عشان يتكلم مع سميرة**



(سميرة) : وينهم؟ وين خبيتهم؟؟ اعترف؟

(نامق) : ياويل حالي.. عليك عيون ماهيب صاحيه.

(سميرة) : اقول تلايط بس.. وين لينا؟؟

(نامق) : سميرة مستعد اعطيك لينا لكن عطيني قلبك تراني خقيت واللي كان كان.

(سميرة) : هاهاهاها ضحكتني... قلبي وش تبي فيه؟

(نامق) : اويلااااه على قلبك.. ابيك تكونين حبيبتي وتاخذين رقمي ونسولف تالي الليل مثل هالمراهقين.

(سميرة) : ياولد استح على وجهك ترى جوالي سوى <<<< يعني افهمها واشحن .

(نامق) : كل بطاقات السوى تفداااااك بس خليني اسكن قلبك لو ليله وحده كح.

(سميرة) <<<< تناظر في جزمتها ينقالها مستحيه .

(نامق) : وش فيك تناظرين جزمتك؟ ناويه تضربيني صح؟

(سميرة) : لا شدعوه... بس كنت افكر في جوال الدمعه يقولون فيه بلوتوث وحركات.

(نامق) : شركة نوكيا بكبرها ماتغلى عليك ياقلبي.

(سميرة) : يؤيؤ لهدرجه تحبني؟؟



**عدنان طل براسه من السفينه**



(عدنان) : ماخلصتو انتو؟؟ ياخي رقمها وفكنا... نبي نمشي.

(سميرة) : تمشي في عينك.. انا بروح معكم لووول.

(نامق) : تفضلي ياقلبي ادخلي برجلك اليمين.

(لينا) : يمه يمه.. سميرة بتروح معنا؟؟ انا خايفه تضربني.

(عدنان) : لا تخافين... نامق روضها خلاص.

(عبسي) : كفوو نامق.. الحين نقدر نعيش مرتاحين .

الأمانة ( منقول )

الترتيب و التلوين من عدنــــان

Miss jojo
20-03-2008, 03:38 PM
http://www.hawahome.com/vb/nupload/50317_1201255795.gif


مساء ||| صباح


الورد وألوانهـ


عن جد نقل خطير ورائع ..

والاروع التنسيق ياعدنان ..


وتقبل خالص تحياتي

مودتـــــــي..

http://www.hawahome.com/vb/nupload/50317_1201256116.gif

So_Do.Girl
20-03-2008, 06:06 PM
ههههههههههههههههههه
الله يرج ابليس فطست ضحك كااااااااااااااك XD
(عبسي) : نامق تكفى ترى تكفى تهز رجال.
أول مرة أدري أنهم عندهم (تكفى) لووووووووووووول XD

مشكور أخوي على النقل والتنسيق الحلوين ^___^

japanese heart
20-03-2008, 06:36 PM
http://www.al-wed.com/pic-vb/128.gif
السلام عليكم ^^

هههههههه حلوه والله ضحكتني>-<

مشكور عدنان على التنسيق الجميل والموضوع ...

يعطيك العافيه

تقبــــــــــ :) ــــــــل مروري

عدنـان
21-03-2008, 10:16 PM
http://www.hawahome.com/vb/nupload/50317_1201255795.gif



مساء ||| صباح


الورد وألوانهـ


عن جد نقل خطير ورائع ..

والاروع التنسيق ياعدنان ..


وتقبل خالص تحياتي

مودتـــــــي..


http://www.hawahome.com/vb/nupload/50317_1201256116.gif


شكرا" على الرد و المرور ......

شهادة أعتز بها :SnipeR (37): ....

:SnipeR (69): :SnipeR (69): :SnipeR (69): :SnipeR (69):

دمتي بود ......

عدنــــــان

عدنـان
21-03-2008, 10:20 PM
ههههههههههههههههههه

الله يرج ابليس فطست ضحك كااااااااااااااك XD

أول مرة أدري أنهم عندهم (تكفى) لووووووووووووول XD

مشكور أخوي على النقل والتنسيق الحلوين ^___^




شكرا" على الرد و المرور .....

أهم شيْ أنه الموضوع أعجبك ٍ ......

:SnipeR (69): :SnipeR (69): :SnipeR (69): :SnipeR (69):
دمتي بود ......

عدنـــــــــان

عدنـان
21-03-2008, 10:24 PM
http://www.al-wed.com/pic-vb/128.gif

السلام عليكم ^^

هههههههه حلوه والله ضحكتني>-<

مشكور عدنان على التنسيق الجميل والموضوع ...

يعطيك العافيه

تقبــــــــــ :) ــــــــل مروري



الله يسلمكٍ أختي ....

دوم الفرح غلى قلبك ياربــــــــــ .....

و شكرا" على الرد و المرور ......

:SnipeR (69): :SnipeR (69): :SnipeR (69): :SnipeR (69):

دمتي بود ......

عدنــــــــــان

حنين الروح
31-03-2008, 08:33 PM
وعليكم السلام ورحمة الله وبركاته

هههههههه وربي فطست من الضحك

مشكووووووور عدنااان

الله لا يحرمنا من مواضيعك الحلوه

يعطيك العافيه

تقبل مرووري(دورساف)

عدنـان
01-04-2008, 12:47 AM
وعليكم السلام ورحمة الله وبركاته



هههههههه وربي فطست من الضحك

مشكووووووور عدنااان

الله لا يحرمنا من مواضيعك الحلوه

يعطيك العافيه

تقبل مرووري(دورساف)

دوم على قلبكٍ أنشاءالله :SnipeR (37): ....

و مواضيعكٍ هي الأحلى , ليست مواضيعي:SnipeR (37):


و الله يعافيكٍ ....

:SnipeR (69): :SnipeR (69): :SnipeR (69): :SnipeR (69): :SnipeR (69):

м є r α Ł
05-04-2008, 04:20 PM
لووووووووووووول الله الله اي ده

يا عيني على القصة جووووونان

وعبسي واللغه طالع شيئ ماسكه معه الفصحى

يسلمو اناملك عدوووون ويسلمو على التنسيق الكوووووول

عدنـان
05-04-2008, 05:06 PM
لووووووووووووول الله الله اي ده


يا عيني على القصة جووووونان

وعبسي واللغه طالع شيئ ماسكه معه الفصحى


يسلمو اناملك عدوووون ويسلمو على التنسيق الكوووووول


الله يسلمكٍ ......

و شكرا" على الرد و المرور ...

دمتي بود ...

:SnipeR (69): :SnipeR (69): :SnipeR (69): :SnipeR (69): :SnipeR (69):
عدنـــــــــــــان

Death-Note
06-04-2008, 04:02 AM
ههههههههههههههههههههه[
يسلموو ع القصه الرائع
ويعطيك الف الف الف عافيه
على المجهود الجميل

عدنـان
06-04-2008, 04:43 AM
ههههههههههههههههههههه[
يسلموو ع القصه الرائع
ويعطيك الف الف الف عافيه
على المجهود الجميل

الله يسلمك ٍ ....

ويعطيكٍ الصحة و العافية ....

شكرا" على الرد و المرور ......

دمتي بود ...

عدنـــــــــــــان