ااهليين حبيبي .
كيفك ياعمري و و اخبارك ؟
قلبي يشرفني ردك المتواضع هـــنا
ولك مني الف شكر يا الغالية ~

مساء السعادة حبيبي وجدان
وجدانتي ممكن تعمليلي من بعد اذنك قلبي بنر لهذا الموضوع
هنـــاا

اهلين قلبي وجدان ..
يارب دووم قلبي تكوني بخير , امم انا بخير و الله الحمد لله واموري تمام التمام ولله الحمد
امم والله مرة فلا و حركات صعبة رغم ان التعب وربي مبهدلنا بس والله كلها ايام قليلة و ينتهي العيد فخلينا نلحق علية و بعدين نتفاهم مع التعب ولوازمة

امم ماشاء الله انتي من المدينة
تعرفي مدري لية دايما اتوقعك من اهل جدة مع اني اتوقع انك رة قلتيلي انك من المدينة
امم المدينة ماشاء الله اخذت كفايتها في رمضان , احس مرة كانت ممتلية بلمعتمرين و الزوار بديك الفترة
اما عن جدة ماشاء الله طول السنة زحمة وربي ومااعرف متي الواحد يروحلها على رواق و يطلع ويوصل لللمكان اللي بغاة بكل يسر
وربي تعرفي لمن نريد نروح للبحر نعمل حسابنا ساعة و نصف علان الطريق و الزحمة
اقول ياربي ايش يبغو فيها ياربي ترا وربي زحمة و كمان حر ورطوبة
دي السنة مارحت لبحرنا الي في جدة بسبب الزحمة بس رحت لينبع ولاهل يبنبع وربي ناس رواق وغير الاجواء جدا حلوة خصوص بلمة و الجمعة
الحمد لله العيد عيد عندنا رغم اقولك وربي لمننرجع للبيت و ننام من كتر التعب ما بنحس بانفسنا و الدنيا مشقلبة عندنا شقلبة مو طبيعية
يعني مثل خفافي الليل نقوم الساعة 2 بليل تقريبا و نطلع من الفجر و مانرجع الا العصر او قبل المغرب وننااااام نوم شراني كاننا مانمنا من قبل لدرجة بس اعطينا نص ساعة علشان نستحم و نصلي وبعدها ماتسمعي حس ولا نفس في البيت .. الله المستعان يارب

الله يسلمك ويسلم خاطرك حبيبي ويارب تنبسطي كمان و كمان حبيبتي يارب
تسلميلي ياعمري ربي يسعدك , وربي انتي ما بتقصري بنوب ياقلبي ربي يسعدك يارب
و الله المنتدى حالة خامل الان فمافي شي حاليا وراح انتظر للاسبوع الثاني من شان فعاليات الاعضاء ويارب يكون في حماس و كذا ويارب يكون المنتدى خامل خمول مؤقت يارب
لانة جدا محبط انك ترتبي و تجهزي و كل شي بنهايا مافي مشاركات ولا في حماس
وحتي اصحاب الفعاليات راح يحبطو , ربي يسهلها يارب وان شاء الله يرجع معدل نشاط المنتدى يرتفع على الاقل للنشاط الي كان فية الصيفية , يعني على الاقل قبل شهرين بضبط
انتي عارفة ياوجدان كان العام رمضان شعلة نشاط و حتي الاعضاء الكبار و الصغار كانو مشعلين المنتدى بشعلة غير طبيعية بتواجدهم ونشاطهم مثل جيو وماين وميسري و جولي وناو وناس كتير خسرناهم
و العيد كمان كان شي غير طبيعي ياوجدان من النشاط لدرجة كنت انبسط بتفاعلهم مع الفعاليات البسيطة و الدردشات الحاصلة في المواضيع , توصل المشاركات في اليوم الواحد 900 مشاركة و المشاهدات 3000 يعني تخيلي الحماس كيف كان
اخخخخخ ياوجدان بس لا تذكريني ولا تخليني اقولك كيف كان النشاط لانك بجد بجد راح تحزني

نحن فينا الخير ان شاء الله و الاعضاء كمان , بس في شي ناقص موفاهمتو لاننا بحس اننا ما بنقصر وربي وبنحاول قدر الامكان ننشط بلكلام والجوائز و الحماس بس في شي مخلي الاعضاء خاملين
يلا يلا الله يسهلها يارب
شكلي اتكلمت كتير ياوجدان , لا موكلي هو فعلا اتكلمت كتير .. المرة الجاية بارسل الرسايل على ثلاث اجزاء علشان لا يغمي عليك

اهلين حبيبتي
والله بخير الحمد لله وانتي ايش مسوي
كيف العيد معكي
والله حلو هذا السنه بس المدينة مافيها ناس هدوووووووووو مره
مو زي العام الكل في جده ودبي ^^"""""""

ي حياتي تسلمي ي قلبي
سويت البنرات وحطيتها جالس اشوف ايش عندي شغل
انتي كيف شغل المنتدي معكي الله يعينك على الضغط

وجدانتي الوسيمة اشتقتلك قلبو كيفك و شو اخبارك بشريني؟
كيف العيد و اجواءة ؟
يارب يكون عيد سعيد و كلة فرح يارب
شفت اسمك الجميل فقلت فرصة اني اسلم عليك واطمن علي اخبارك ؟
اتمني لك اوقات جميلة مثلك ياعسل باذن الله