طيب ..
حأبدأ بناكاي ماساهيرو << هيرو - شان .. دلعه ^0^
كما تعرفين هو مرة إكويس في التحكم بجو الكلام بشكل ماهر ففي البداية كنت محسبة إن هذي موهبته بس طلع إن بجانب الموهبة كمان في تدريب.. فهو دائمًا قبل كل برنامج يقعد لوحده و يفكر بسير و الكلام إلي حينقال في البرنامج يعني يخطط و يدرس له .. في بداية سنواتهم كان دائمًا عنده دفتر و يكتب فيه ملاحظته و أشياء مهمة يتذكرها و كان يفكر كثييير جدًا في كيفية الحديث في البرامج حتى إنه صار مريض من كثر التفكير و التعب .. يعني هو وصل هنا من بعد جهد و تعب .. الكل يقول إنه القائد بس هو ما يعترف بذلك ما أدري ليش .. في البداية لم يشوف الواحد طريقة كلامه و حماسه مع الآخرين في الكلام فيظن إنه من جد كذا و إنه يتكلم كثير حتى في حياته الواقعية و عنده أصحاب كثار لكن هو في الواقع واحد هادئ و ما يتحدث كثير زي ما يفعل في التلفزيون و ما عنده أصحاب كثيييرين زي ما كنت أتوقع .. زمان في أيام المدرسة آخر سنة من الثانوية هو و كيمورا أحس مررررة كانوا قراب مع بعض كانوا أصحاب مررة .. كانوا دائمًا في ذاك الفترة يرجعوا سوى من المدرسة مع مدير أعمالهم و يروحوا للعمل مع بعض يعني كانوا يقظوا الكثير من الوقت مع بعض فكانوا قريبين جدًا حتى لم تشوفين فديواتهم من سنة 1988 إلى سنة 2003 فتحسين إن هذا الإثنين قريبين من بعض مرررة من طريقة كلامهم و معاملتهم لبعض لكن بعد سنة 2003 أحس إن صداقتهم قلت فحاليًا الآن نادرًا ما أشوفهم يتكلموا مع بعض ..هو كحديث برنامج يتكلموا لكن حديث تحسيه إن هذولا الإثنين قريبين لبعض فلا ، مو زي أول ، ما أدري إذا حصل شيء بينهم هذا فقط إحساسي .. و ناكاي و كيمورا هذا الثنائيان لهم تسميه معروفة لدى معجبي سماب وهو 2TOP (تو توب ) ، ناكاي عنده برامج كثيرة جدًا مقارنة بإلي شفته لدى الناس الآخرين فأحس إن وجود واحد زيه نادر جدًا فقدرته في التحكم بجو الحديث تبهرني جدًا .. بالنسبة لصوته في الغناء فممكن تشوفي حتى الكوهاي يضحكوا على صوته ، بالنسبة لي فمقارنة بالسابق فالآن صوته أفضل بكثييير و ما يستاهل إنه ينضحك عليه زي زمان بل أحسه حلو ، هذا بالنسبة لناكاي و أكيد تعرفين كيف يخلي الواحد يفجع من الضحك في أي برنامج أو مكان يطلع له ^^ ..

كيمورا تاكويا >> معروف أيضًا بإسم كيموتاكو
مشهووووووووووووووور بدرجة كبيرة و أكيد تعرفين هذا الشيء ، تمثيله و دراماته دائمًا تبهر الكل ، فأول واحد عرفته من سماب كان كيمورا من دراماته Long Vacation سنة 1996 و MR Brain سنة 2009 أتوقع .. لونج فاكيشين كانت أول مرة في عمري أشوف فيها دراما قديمة و عجبتني بشكل كبير جدًا .. كيمورا معروف إنه كوول جدًا ، حتى الأعضاء يقولون عنه كووول ففي العادة ما تشوفي عضو يكون لعضو آخر معه بنفس الفرقة إنه كووول مرررة حتى في حياتهم العادية يفكروا نفس الشيء ..
في البداية ما كنت أعرف كونه متزوج و صعقت أيضًا بكونه عنده بنتين و المذهل إن شهرته ما قلت أبدًا حتى بكونه متزوج ، شخصيته حاليًا عكس ناكاي فكيمورا عنده أصحاب كثيرين جدًا و يتحدث كثير مع الممثلين و غيرهم من الناس أم ناكاي فإنه ما يكون أصحاب كثير مقارنه بكيمورا ، هذا بالنسبة لكيمورا ..

إيناغاكي غورو

من شكله يبدو واحد هادئ و ما يتكلم كثير بس الظاهر ما يكشف إلي بالداخل فهو أكثر واحد يتكلم من بين سماب ... في البداية كنت أفكر إنه واحد هادئ و ما عليه حركات بس طلعت البلاوي بمشاهدتي لبرامجهم ^^" .. مشهور بخوفه من الأماكن المرتفعه بس أحس إنه إلحين متعود على الإرتفاعات القليلة لأنه في الكونسرت يركبوا على أشياء عالية و يطلعوا فجأة من أماكن عالية ^0^ .. غورو طيب مع كل واحد من سماب ، و حاليًا نشوفه مع كيمورا أصحاب مع بعض و كمان تسويوشي فهو و غورو أحس العلاقة بينهم قوية إشوي ..
فغورو و تسويوشي دائمًا الثلاثة الباقيين يهجموا عليهم في الكلام بس تسويوشي أكثر شيء يحصل عليه هذا الشيء ، أحب الجو إلي بين هذولا الإثنين جدًا ، أحسه جو سلام ^^
هذا بالنسبة لغورو ..

كوساناغي تسويوشي >> دلعه تسويوبون
هذا بعد أحب تمثيله جدددددًا .. يعجني دراماته ، معروف بحبه الكبير لكوريا حتى إنه تعلم لغة كوريا و كان له أعمال كثير هناك زمان .. ومعروف جدًا هناك بإسم شونانكان .. بدأ بدراسة اللغة الكورية أتوقع سنة 2000 أو 2001 و حتى الآن .. فلم يحضر في بيسترو واحد كوري تشوفيه متحمس إشوي و ينسى بيسترو و يتكلم كوري مع إلي قدامه ..
معروف إنه لطيف للغاية وهو من جد أحسه لطيف مقارنة بالباقين .. و كثير يحصل إنه لم يسألوا من تبغي يكون حبيبك فيقولوا كيمورا و لم يقولوا من تبغي تتزوجي يقولوا تسويوشي .. ^^
و كمان معروف بحبه الشديد لبناطيل الجنيز ، فلو جبتي له بنطلون جينز حيقدر يقول لك هل هو قديم و لا جديد و في أي سنة مصنوعة و حيطول الكلام كثير بس يحمس .. شفت حماسه لم يتكلم عن الجينز كم مرة في البرامج ^^ ومرة كان يضحك .. وكمان تسويوشي مثل في العديد من الدرامات و كانت أغنيتها من أغاني سماب و الأغاني إلي كانت تصير في درامات تسويوشي دائمًا كانت تصير مشهورة جدًا ... حتى الأعضاء قالوا هذا الشيء بأن الأغاني إلي يغنوها في درامات تسويوشي تصير مشهورة زي Lion Heat و Sekai no hitotso deka no hana و Sotto Kyotto .. عنده حظ حلو ..

كاتوري شينغو

الصغير في سماب فهو سماب من يوم كان عمره 10 سنوات ..و أغلب عمره قضاه مع سماب .. فكونه الصغير تعلم الكثير من رؤيته للكبار إلي قدامهم من سماب و إكتسب الكثير من الخبرات .. هو كمان زي ناكاي في التلفزيون تشوفينه واحد ملئ بالحيوية و يضحك طول اليوم لكن في الحقيقة إنه ما يتكلم مع الناس إلي ما يعرفهم مرة كثير خصوصًا في المسلسلات فزمان كان له فترة إنه لم يمثل في الدرامات فإنه يرفض يعطي لأي أحد يمثل معه رقم تلفونه أو يطلع يتغدوا مع بعض .. ما كان يكون صداقات أبد ، حتى الآن ما عنده أصدقاء كثيرين .. يعني مو منفتح ، بس قل مررررة هذا الشيء مؤخرًا فتقدري تسمعيه يقول بعض الأوقات إني طلعت مع فلان إلي أمثل معه و تكلمنا مع بعض ... ألخ ..، و أفضل صديق له هو كوساناغي تسويوشي ، فهذا الإثنين مرررررررررررررررررة قريبين من بعض مرة أصحاب من لم كانوا صغيرين في سماب ..
وهذا كان لكاتوري شينغو ..

أتمنى إنك فهمتي شرحي لكل واحد منهم ^^" .. كتبت هذا قبل لأنام ، يعني عيني نص مفتوحة و مسكرة
في أمان الله ..

تسلمي على التشجيع ^^
و ترقبي قريب فديوات جديدة لهم ^0^
أنا حأستمر بالترجمة لكن على حسب مقدرتي و توافر الوقت لذلك .. توني أمس ترجمت حلقة بيسترو و أخذ مني اليوم كامل .. طبعًا مو متواصل لكنه يأخذ وقت كثير إشوي ^^" ..
و طبعًا تقدري تسألي مني إلي تبغين ..
وحقًا هذي الفرقة ما نالت إلي تستحقها من الترجمات .. حأبذل جهدي على مقدرتي ..
و شكرًا على تواصلك معي
في أمان الله ..

السلام عليكم

حلقه في آس أراشي راو حمليها من هنا ..


001 . 002 . 003 . 004 . 005 . 006

وبأذن الله هذي المره مافي ترجمه انجليزيه ,, ^^

اقووووول ..!~

مرحبا كادي

حتى انا بعد مشتااااقه لكم كثيررررررررر


تدرين امس والله طريتي على بالي
القلوب عند بعضها

تسلمين ياقمر على السؤال
ماننحرمش منك