|
انواع التماسيح عند اشارة المرور<<لاتفوتكم>>>
السلام عليكم ورحمة الله وبركاته ..
كيفكم اليوم جايب موضوع إنشاء الله يعجبكم..ولكي لا يزعلوا السحالي ويقولون مستقصدنا هههههه اغلبيه الرجال لهم طريقتهم الخاصه في شغل اوقات فراغهم لما يكونو واقفين عند الاشاره !!!!!! ** النوع الاول...... وهو الي يستغل وقته ويرتب سيارته ويفتح دروج سيارته ويعفط في هالفواتيرويرميها في الشارع وفجاءه ماتدري الاوهو ناقز في المرتبه الي ورا يرتبها ولا تستغرب اذا شفته ناط في شنطه السياره (الرجال مرتب)وتنفتح الاشاره والاخ مشغول في التنظيف!! **النوع الثاني..... وهوالي تقول توه يكتشف ان وجهه محتاج تنظيف ويسحب في المنديل وعلى خشمه واذا خلص طفى السياره علشان ينظف اذنه بالمفتاح (قصده شريف) وشوي ويقص اظافريده وماتدري الاوهو مرفع رجله يقصها هذا اذا كان معاه مقص اظافر واذا ماكن موجود فالحل موجود طبعا يقص اظافره بواسطه اسنانه (قمه النظافه)!! **النوع الثالث...... وهو اكثر واحد يفرح اذا وقف عند الاشاره علشان يبداء يستعرض ويرقص ويردح هو واخوياه ويرقصون السياره معهم !! **النوع الرابع...... وهو عكس الي قبله وهوالي يشغل شريط خالد عبدالرحمن (ومغلدم)وانواع التغلق والحزن وطبعا الاغنيه من كثر ماهي قديمه تشك انه مغنيها قبل توحيد المملكه ويكون وجهه مورم من الصياح!! **النوع الخامس...... وهو الي تقول توه مكتشف انه ابو وماتسمع غير هواشه وتلعينه على بزرانه الي مالين سيارته وماتدري الا وهو ساحب العقال ومخرب التشخيصه(يستعمل اساليب التربيه الحديثه)ويرجمهم بكرتون المناديل الي ماليه السياره والفضل يعود للمحطه البنزين لو تمر جنبهم عطوك منديل هديه!! **النوع السادس..... وهو الي يستغل الوقت ويجلس يشخص ويرش عطر وشوي لايحط روج ومعلق الايرفون في اذنه ومشغل شريط (سيلين ديون)مسوي جو اجنبي وانواع القز في السيارات الي جنبه!! **النوع السابع....... وهو الي اذا شفته ترحمه وتقول ميت من الجوع وتشك انه جالس في مطعم مو في سياره الرجال ماسك الهمبرجر بيد والببسي والبطاطس بيد والشورما في حضنه والفطاير جنبه والبيتزا في المرتبه الي وراه ولا تستغرب لو شفته داب في مفطح!! **النوع الثامن...... وهو الي تحس انه ماعنده وقت ابد ودايم بزي ولابس نظاره وخاتم ومبحلق في الجريد ومسوي زحمه في الشارع والي جنبه طفشان ومشتغل مسجات بالجوال !! **النوع التاسع والأخير...... وهوالي سيارته زحمه مو ناس لا ماخلى ثوب ولا شماغ ولا بدله ولاجزمه حتى الشراب الا ومركبها (الله يكرمكم))معه عشان يكون تبديل الملابس اسرع عند الاشاره حتى البطانيه جايبه وماخذها معاه تعرفون الجو متقلب!! يلا شباب كل واحد يقول هو من أي نوع...لا تستحون ما حد غريب... الجدير بذكر اني مريت في جميع المواقف ههههههه |
ههههههههههههههههههه
الله ياخذ بليسك مت من الضحك **النوع الثالث...... وهو اكثر واحد يفرح اذا وقف عند الاشاره علشان يبداء يستعرض ويرقص ويردح هو واخوياه ويرقصون السياره معهم !! ياكثر مانشوفهم.. مشكــــــووور ع الموضوع ^^..~ |
اقتباس:
|
نورتوا موضوعي crazy in love_cloud اهم شي عجبكم الموضوع تقبلوا مروري |
خخخخخخخخخخخخخخخخخخ هههههههههههههههههه هوهوهوهوهوهوهوهوهو والله يعينهم على مابتلاهم اتخيل لو البنت بتسوق وش كان بصير خخخخ تسلم الأيادي ^ـــــــــ^ |
| الساعة الآن 08:39 PM. |