|
عادات اهل الحجاز ايام رمضان المبارك
|
رد: عادات اهل الحجاز ايام رمضان المبارك
صباح السعادة ياالغالية
كيفك و كيف الجميع ؟ يارب يكون الكل بخير و بسعادة و بصحة و راحت بال بإذن الله الموضوع ياوجدانتي رائع بجد يعني و أنا أقرى حسينت كانك وحدة مكاوية بعمامة وجات تحكي زي الحكواتي الي عمر جدتي ما شفتو بس وناسة وربي و العادات وربي شي جميل ومتاصل فينا حتي نحن حقون أهل المنطقة الغربية بس طبعا جدودنا متاصلين بدي العادات حقون أهل البلد و نقلوها لابائنا وربي أيامهم حلوة و طيبة قلوبهم و تعاملهم كان شي يميزهم اتمني أعيش في زمن زي زمنهم وربي حماس بس تعرفي مازالت دي العادات موجودة فينا للان طبعا الموضوع مافية فوانيس بس الوالد كان يقول كانو وهماصغار يحطو اتريك، طبعا أنا انصدمت لمن شفت شكلو قلتلو لا لا والله يقولو فانوس فقلي هذا بعد ما اتطور في ايامكم فأحمد ربي انة أتطور ولا عسى عمري محاطيت اتريك و قد ايش جميلة لحظة تجمع الأهل بحماس علي السفرة قبل الأذان تلاقي قبل الأذان الأصوات والكلام و بعد الأذان مافي غير صوت الملاعق و الصحون و مع هذا فلا و يبغالهم صورة جماعية ومع هذا رمضان له روحانية خاصة و الجمعات حلوة فيها و الأكل طعم فيه و الكرف له أكثر وجه وبكل الأنواع ومافي فكة إلا وانت سلمتي أمرك لله ورحتي نمتي والسمبوسك ماشاء الله رفيقة الدرب طول الشهر و الشوربة بأنواعها بس زي ماقلتي اشهرها شوربة حب و كويكر أما القيمات و الكنافة فحدث ولا حرج و الفول عاد عمدة السفرة هو و الكعك طبعا أنا مااحب الكعك وافضل التميس بس مني عارفة وين ينقرض برمضان أما السوبيا بحب الحمرا منها و الولد بيجهزها بنفسة كل رمضان الهي مايعدمنا من وجودة الوالد بيعملها بلعنب الأحمر و النتيجة ممتازة و خصوص مع الحر .. يم يم الهم اني صايمة البسطات حلوة وبتدي جو رمضاني مميز وطبعا فية البليلة و المقلية و البطاطس وأشياء كتير طعمة وربي نحن فلا و عايش رمضان بطول والعرض بس تعرفي أحسها قليلة في جدة هذي العادات وما بحس فيها اكتر إلا عند أهل الولدة بمكة كدا أشوف الرجال أبو عمامة و اسمع كلامهم المكاوي و كذا أحس حالي كأني في مسلسل أبو غبرة حق أيام زمان ممتع وربي واحب تقلد كلامهم بس مرة من جنبها اللهجة الجداوية تنط فجاءة وتخرب الهرجة كلها شكلي طولت .. بس اهم شي قلت اللي عندي ألف شكر لك ياوجدان .. فديتك وربي |
رد: عادات اهل الحجاز ايام رمضان المبارك
|
رد: عادات اهل الحجاز ايام رمضان المبارك
ماشاء الله على هادي العادات"
ودي اكون بينهم:mixed-smiles-261: يسلمو على الموضوع |
رد: عادات اهل الحجاز ايام رمضان المبارك
وعليكم السلام ورحمة الله وبركاته ~ رمضان مبارك عـلى الجميع :mixed-smiles-307: جميلةٌ هي العادات التي تمتاز وتنفرد بها ليالي شهر رمضان المبارك :mixed-smiles-056: أحببت كثيراً عادة الفوانيس وتمنيت لو أرى بيوت حينا تزدهي بها يبدو أن السمبوسة، الجبنية، اللقيمات، والشوربة من المأكولات المشتركة بين كل المناطق ! الفيمتو والتانج أيضاً قاسم مشترك آخر ! أما البسطات الرمضانية الليلية، فلدينا بسطاتٌ من نوعٍ مختلف تكثر عندنا في الأحياء بسطات بيع المشويات << قبل بضعة أعوام نصبَ أخي بسطةً من هذا النوع على باب بيتنا، وكانت مشوياته لذييييذة جداً ! من أجمل الأشياء التي أنعمَ الله بها على أهل مكة والمدينة، الحرمين الشريفين، لا بد أن ليالي الشهر الفضيل تكون مختلفة ومميزة جداً لمن جاورهما.. طوبى لكم :mixed-smiles-056: سَلِمَت يداكِ عزيزتي وجدان على تنسيق وإعداد هذا الموضوع الممتع،، تقبّل الله صيامكِ وقيامكِ وباركَ لكِ في شهر رمضان :mixed-smiles-056::mixed-smiles-307: |
| الساعة الآن 11:59 PM. |