منتديات أنيدرا

منتديات أنيدرا (http://www.an-dr.com/vb/index.php)
-   ملتقى الابداع الادبي (http://www.an-dr.com/vb/forumdisplay.php?f=16)
-   -   [نقاش] مقالة:شكاوى طالباتنا يا تعليمنا العالي.. (http://www.an-dr.com/vb/showthread.php?t=45519)

Hoωαγoηg 09-04-2011 01:27 PM

[نقاش] مقالة:شكاوى طالباتنا يا تعليمنا العالي..
 




بسم الله الرحمن الرحيم ..
السلام عليكم ورحمة الله وبركاته ||~



كيفكم ؟! ان شاء الله تكونون بأحسن حـال ..



بداية .. مشكلة الوظايف مستمرة وشكلها مالها نهاية :mixed-smiles-257:

لكن من وجهة نظري الوظايف نصيب ، لكن مو لدرجة انه مايكون لبعض التخصصات مسمى وظيفي :mixed-smiles-251:



فـ راح أبدا الموضوع بمقالة شاركت فيها صديقتي ومجموعة من صديقاتها بجامعة الملك عبد العزيز - بجدة




شكاوى طالباتنا يا تعليمنا العالي




فتحي حلواني/عكاظ



من يوم ما نشرت مشكلة طلاب وطالبات الانتساب وتلفون مكتبي ولا هجد ما في إلا شكاوى في شكاوى وكل واحد يتصل أو وحدة تتصل وأنا أقولهم حاضر طيب حنكتب في المشكلة اللي عندكم وربنا يسهل هدا غير الرسايل اللي جتني على الإيميل واللي اخترت منها هادي المشكلتين عشان كده بتمنى من تعليمنا العالي إنه يشوف حل لهادي المشاكل ويحاول قد ما يقدر إنه يحلها وتعالوا دحين ياحبايب نشوف إيش بتقول هادي المشكلتين: الأولى بتقول: «نحن طالبات جامعة الملك عبد العزيز نناشد الدكتور خالد العنقري أن يقف معنا وينظر لحالنا تقدمنا بطلب التحويل الداخلي بين كليات جامعة الملك عبد العزيز، من كلياتنا المختلفة إلى كلية الاقتصاد والإدارة وكان المعدل المطلوب للتحويل لكلية الاقتصاد 3.75، وعند ظهور نتائج التحويل الداخلي ظهرت نتائج التحويل للكليات المختلفة ما عدا كلية الاقتصاد والإدارة وعند مراجعتنا للكلية أخبرونا بأنه لا توجد أماكن شاغرة في الكلية ثم بعد ذلك قالوا لنا إن المعدل المطلوب لقبول التحويل لها هو 5 وهذا هو المعدل الكامل التي تمنحه جامعة الملك عبد العزيز للطلبة ومن المجحف اعتماده لقبول الطلب وبهذا لم تقبل أي طالبة رغم معدلاتهن العالية مما أشعرهن بخذلان الجامعة لهن وعدم الشعور بالمسؤولية من قبل الكلية بمطالبتها بمعدل يعجز الطالب عن تحقيقه في ظل الظلم الذي نشهده من قبل الدكاترة لذا نطالب المسؤولين في التعليم العالي بتوجيه المسؤولين في جامعة الملك عبدالعزيز أن يتم تحويلنا فورا لكلية الاقتصاد والإدارة.».

* والمشكلة التانية بتقول من فين راح أبدا وإلا إيش أقول مشكلة كلية العلوم دي من زماااان مو من دحيين يعني مو شي جديد تصدق إنو (مامتي) درست في الجامعة في نفس القسم اللي أنا بدرس فية دحين (كيمياء حيوية) قبل 12 سنة من وقتها والقسم هادا مالو أي تعريف في مجال العمل يعني أمي و أغلب زميلاتها من نفس الدفعة اتعلقت شهادتهم ع باب التلاجه..!! معروف إنو جميع المتخرجين من كلية العلوم يا بيلجأوا للتدريس أو إنهم بيشتغلو في مهنة بعيدة جدا عن الشي اللي درسوه. قلة قليلة جدا هما اللي بيلاقو وظائف بنفس التخصص وبعد ما يدوخوا السبع دوخات .. حرام إنو أنا أدرس في تخصص جدا جميل وممتع بس ما أنجز فيه لأنو ما في أي دافع بيخليني أتحمس في تكملة الدراسه في نفس القسم.. عشان في النهايه أنا كمان راح أعلق الشهادة على باب التلاجة زي اللي قبلي إحنا ما ننكر إنو الكلية لها كتير مزايا جيدة أولا نفس التخصصات جدا رائعة كمادة يعني (احفظ وفرغ على على ورقة الامتحان..).. غير كدا إنه كلية العلوم صارت تقبل كل من هب ودب إنه يدخلوا كلية العلوم حتى لو كانت معدلاتهم منخفضة بس الأمل دا بسرعة راح ينتهي لمن نتخرج وما نلاقي وظيفة وحجتهم قال إيش ما لكم مسمى وظيفي في سلم الوظايف ياسبحان الله في كل دول العالم المتقدمة بيعتبروا خريج كلية العلوم عالم أو عبقري إلا هنا ما له قيمة؟ طيب على كده قفلوا كلية العلوم وريحونا من وجع الدماغ إذا ما في مخرجات لكلية العلوم ويقولولك كمان إنو طلاب الكلية العلمية التطبيقية لهم الأولوية في التوظيف!! ونحنا نروح نبلط البحر ولاحظ معايا إنو كلية العلوم التطبيقية وناخد منها مثال قسم المختبرات هادول اللي في قسم المختبرات بيدرسوا نفس المواد اللي قسم الكيمياء الحيوية بيدرسها في كلية العلوم يعني طلاب القسمين بيدرسوا أربع سنين نفس المواد اللهم إنو قسم المختبرات عندهم سنة زيادة إجبارية ياخدوا فيها تطبيق في أي جهة عمل يرغبوا فيها وإحنا طلاب الكيمياء الحيوي العمل الميداني مو إجباري هما سنة كاملة وإحنا شهر شهرين إذا كتر يعني هادا الفرق البسيط جدا خلى المئات والمئات من الطلاب في كم دفعة متخرجة مايلاقوا أي وظيفة يشتغلوا فيها ويقولوا كمان إنو إذا تبغوا وظيفة في أي مستشفى لازم تكون من حملة شهادة الماجستير.. يعني بالبلدي كده إنو شهادتنا بعد الماجستير راح تكون أقوى من شهادة طلاب البكالوريوس (مختبرات) حلوة هادي أقولك شي يرفع الضغط ويجيب السكر ويفقع المرارة .. وبعدين مو الكل يقدر يكمل دراسة إلين يوصل لدرجة الماجستير. وغير كده فين العدل إنو أنا اللي حاصلة على درجة الماجستير يساووني مع وحدة تانية حاملة للبكالوريوس في الوظيفة؟؟!! بالعقل أنا لازم وظيفتي ومرتبتي تختلف عنها وبكثير كمان. إيش أقول وإيش أعيد نحنا ما نبغى إلا شي واحد الله يستر عليكم اعترفوا بشهادتنا بلاش من التحطيم هادا .. أنا أدرس واشقى واتعب وفي النهايه أنطق في البيت زيي زي اللي مادرست .. من دحين قولوا لنا إذا مش راح نلاقي وظائف نروح نسحب ملفاتنا ونجلس في بيوتنا وبلاش من الهم والغم ووجع القلب اللي نحنا عايشين فيه.. إيش رأيكم يا تعليمنا العالي وعيشوا كتيييييير تشوفوا كتيييييير.

مثل حجازي: رضينا بالهم والهم ما رضي بينا.


=> المقالة باللهجة الحجازية :mixed-smiles-145:



ما أعرف اذا فعلا راح تنحل المشكلة او لأ ، أو حد راح يطالع بالمشكلة ويعطيها أهمية :mixed-smiles-251:

والأمّر من كيذا أن طالبات جامعات حكومية بـ مناطق ثانية يعانوا نفس المشكلة


ربي يكون بالعون ..


المهم .. حبيت اشارككم المقالة وأعرف رأيكم في الموضوع !!


بس ..




دمتم برعاية الله وحفظه ||~









دودي سان 09-04-2011 01:40 PM

رد: [نقاش] مقالة:شكاوى طالباتنا يا تعليمنا العالي..
 




وعليكم السلام ورحمه الله وبركاته

الحمدلله تمآآم بس أتوقع من هذهـ المشكله مو تمام :mixed-smiles-088:
وأنا معآكي إنو الوظآيف نصيب .. بس لما تكون بالواسطه هذا مو نصيب
هذآ يسمونو غشششش :mixed-smiles-034:

اقتباس:

بمعدل يعجز الطالب عن تحقيقه في ظل الظلم الذي نشهده من قبل الدكاترة


الدكآتره وربي ظآلمين بشكل مو طبيعي
دكتوره أختي مصريه ودايما تكلمها تقول الدكاتره وخاصه الرجال عندهم قانون :
الدكتوره اللي عندو طلاب يخذون العلامه الكامله هذا فآآشل
يعني حتى لو طالب أو طالبه جابت العلامه الكامله ينقصها حتى يصير دكتور ممتآز
بالله هذه مو سخآآفه كيف صارو دكاتره وعقولهم كدآ
بالعكس هذا يدل على إنك وصلت الملعومه صح لما يا خدو العلامه الكامله بس بجد الحمدلله ع نعمه العقل


اقتباس:

اتعلقت شهادتهم ع باب التلاجه..!!


و أختي معآآكم شهادتها ع باب التلاجه و تخصصها كيمياء
:mixed-smiles-314:

اقتباس:

إذا تبغوا وظيفة في أي مستشفى لازم تكون من حملة شهادة الماجستير.


وللمعلوميه بجامعه طيبه اللي أعرفو كل دفعه 5 طالبات بس يكملو ماجستير لكل سنه
يعني دفعه الكيمياء مثلاآ تلاقو عددهم 70 طالبه ما يكمل ماجستير غير 5 :mixed-smiles-186:

أمممم مآ أعتقد رح يكون فيه حل أبدآآ :mixed-smiles-293:
تعرفت ع وحده مصريه بتحفيظ القرآن وسألتني عن صحبتي إيش تشتغل
قلت لها مدرسه قآلت إيوآ إنتو السعوديه كلكم مدرسآآت :mixed-smiles-154::mixed-smiles-154:
ع بآلها زيهم بمصر مدرسه مهندسه طبيبه .....إلخ


رأيي بالموضوع صآحبه الشكوى معآهآ حق بكل كلمه :mixed-smiles-269:
بس المشكله دي من زمان ودحين فيه تغيير بسيط وأتوقع رح تتغير كتير مع مرور الوقت
وأنا ملاحظه هذا الشي
بس مو معنآه إنو المشكله حتنحل لكن تزيد الوظائف نوعآ مآآ
:mixed-smiles-257:

مشكووره هوآيونق ع الموضوع :mixed-smiles-056::mixed-smiles-056:

<< أنا ما طلعت كل اللي بقلبي بس بعدين أكمل لك الباقي :mixed-smiles-077:


أنهار 09-04-2011 01:43 PM

رد: [نقاش] مقالة:شكاوى طالباتنا يا تعليمنا العالي..
 
صادقة دودي :mixed-smiles-077:

لي عودة ان شاء الله :mixed-smiles-010:

لحن الألم 12-04-2011 06:00 PM

رد: [نقاش] مقالة:شكاوى طالباتنا يا تعليمنا العالي..
 
ياقلبي ياهدوا بناقش الموضوع دا معاكي فيس تو فيس:mixed-smiles-092:

لي رجعه لموضوعك تمام ..

.. تقبلي مروري..

بـــڪتيريـــا 12-04-2011 08:31 PM

رد: [نقاش] مقالة:شكاوى طالباتنا يا تعليمنا العالي..
 
مووووضوووع يرفع الضغط والسكر وكل شئ :mixed-smiles-084:

وأنا أختي نفس الحالة تخرج إدارة واقتصاد متخرجة بكالوريس وللحين ما شافت لها وظيفة

وأنا عن نفسي عارفة مستقبلي الباهر من الانجازات والإبداعات والوظيفة المرموقة وما إلى ذلك >> والعكس طبعا صحيح

حاليا عندك واسطة تتوظف :mixed-smiles-319:. ما عندك عطنا عرض اكتافك واللي بعده يتقدم :mixed-smiles-116:

والمشكلة الأكبر ناس حتى ما عندهم مؤهلات دراسية لكن عشان الواسطة يتوظفون

والله قهرر

يعطيك العافية عالموضوع
وياليت التعليم العالي يسمع ندائنا المئووس منه
تحياتي ....




الساعة الآن 03:03 AM.
Powered by vBulletin® Copyright ©2000 - 2024, Jelsoft Enterprises Ltd

منتديات أنيدرا An-Dr للدراما الآسيوية و الأنمي