|.. عــام جديــد ،، بـ درامــات أنقـى ..| صفحة الطباعة

|.. السلام عليكم ورحمة الله وبركــاته ..|

| .. المقدمــه ..|

هـا أنــا اكتب لكم من بعد إذن بو خليل .. ومشاورته في الموضوع ( من مدة طويله ، يمكن حتى انه يأس اني اكتبه :mixed-smiles-267:) واقترح علي اني كتب اقتراحي في هذا القسم وان شاء الله ألقــى استجابه

|.. الموضوع مثل ما يقولون باين من عنوانه ..|

الكل بالتأكــيد تابع ولو على الأقل درامــا واحده من هالموقع .. بالنسبه لي .. شاهدت الكثير و مازلت أشاهد ولكن واجهتني مشكله المشاهد الغير اللائقــة في درامتين على الأقل .. من بعدها صار عندي خوف إني أحمل كل الدراما وبعدين أنصدم فـ صرت أحمل الحلقه الأولـى فقط وأشاهدها وغير كذا .. أقرأ التقرير أكثـر من مرة وصرت أتفادى مشاهدة الدرامات الرومانسيه ( مع اني اصلا ما احبها ) بس في دراما يكون موضوعها الاساسي كوميدي مثلا ولكن يتخللها بعض الرومانسيه على ما يقولون..

المهم حبيت أوضح وجهه نظري لكم .. واقتراحي اللي في نظري ايضا مهم جدا وحساس ان المترجمين يحاولون حذف المشاهد اللي في أغلب الأحيان لا تؤثر على قصة الدراما بل هي مجرد مشاهد إضافيه وتطول علينا الحلقة على الفاضي :mixed-smiles-278:

وأنــا متأكد أن الأغلبيه سمع ببرامج يـا انها تحذف المشاهد الغير مرغوب بها .. أو .. تظهر مثل صورة سودا على المشهد لين ما يخلص ( بس وش نسوي اذا كان طويل :mixed-smiles-139: ) .. أو بتغطية بعض الأجزاء اللي مالها داعي

أنــا حبيت أ أجل كتابة الموضوع لين تجي السنه الجديده عشان تكون بصمه لي وتكون بدايتكم مع درامــات نظيفه :mixed-smiles-235: .. و أبصم بالعشرة إن الكل بيكون مرتاح وبيطالع اللي يباه وهو واثق ان مافي شي بيعكر مزاجــه وبيقدر يخلي أي حد يطالع معاه بكــل أريحيه .

أختــم موضوعي بلــستة برامج تؤدي غرض هذه المهمــه << عشان لحد يجي ويقول وين نلاقيها .. مع ان قوقل ما يقصر:mixed-smiles-160:

هذي بعض المواضيع اللي تناولت نفس محور موضوعي

http://www.an-dr.com/vb/showthread.php?t=24428

فيه موضوع آخر وضعت صاحبته رابط لبرنامج شامل للتقطيع والحذف والترجمه وكل شي بس للأسف مدري وينه .. إذا لقيته باذن الله بضيفه.

و مثل ما قلت دورو في الانترنت وبتلاقون برامج كثيرة ومختلفه .. منها :-

VirtualDubMod

أهم مميزاته :-
* لصق الترجمة على الفيديو
* سحب ملفاتالترجمة من الفيديو
* تحويل و ضغط الفيديو
* أخذ مقاطع + تقطيع الفيديو
* التحكم و أخراج الفيديو بالمظهر الذي تريده , وغيرها ....

وهذا رابط التحميل ..http://www.mediafire.com/?elmbummod40
واذا ما اشتغل حطو اسم البرنامج في قوقل وحملوه من أي موقع.

للأمــانه نقلت لكم هذا البرنامج والرابط من موقع .. لأني اعرف انه غير مسموح بأضافة روابط لمنتديات أخرى.. و مدري اذا ذكر اسم الموقع ممنوع بعد و إلا لاء .. بس احتياطا ما بقول اسمه ..بس جزاه الله خير صاحب الموضوع.

ممكن حد يقولي ان الموضوع مكرر .. لكـــن أبــا أوجه له سؤال : بما انه تكرر أكثـر من مرة في نفس المنتدى لماذا لم نجد تجاوب :66_asmilies-com:... وايضا كنت قد وضحت هدفي من اعاده كتابه الموضوع " لمن استعجل في الرد قبل قراءة الموضوع"

|.. في الختــام ..|

أحــب أشكركم .. و أهنيكم بـ السنـة الجديـده والله يمد أعمارنــا على الطــاعه .. وأنــا في انتظار أرائكم وانتقاداتكم بحـكم انه هذا أول موضوع لـي .. وبإذن الله تنحل هالمشكله و نستمتع بمشـــاهده نظيفه..

* أنــا بصدد عمل بانر للموضوع .. فإذا كان عنوان الموضوع مناسب فراح اعتمده اللي هو ( عام جديد ، بـ درامات أنقى) أو ( استمتع بمشاهده نظيفه ) واللي عنده اقتراح يتفضل به.. يكون مناسب لمضمون الرساله.. وإذا فيه حد حاب انه يشاركني ويسوي البانر أنـا ما عندي مانع .. وعلى فكره .. فكره عمل البانر من اقتراح بوخليل لي.. لأن الموضوع هذا صار يؤرق الكثيرين منا.

منتديات أنيدرا An-Dr للدراما الآسيوية و الأنمي