|
تبون تضحكون؟؟؟
هلا وغلا بكل من دخل موضوعي ونورة البارحة فاليل جنا انا واختي العودة يالسين نتذكر مواقف تضحك صارت لنا وحبيت اقولها لكم عشان تضحكون في مرة جنا مسافرين النمسا تعرفنا على بنات كبار تقريبن عمارهم 24 و23 وجي بس اشكالهم جنهم صغار هع واختي قالت تبي تسير الصالون تقص شعرها وتسوي شغلات والكل يالس يتضارب يبون يدفعون(قصدي البنات) ويوم اختي خلصت جان يطلع الحساب وايد وكلهم طلعو واختي يحليها ماتعرف كانت بتطلع بس راعت الصالون قالت دفعي الحساب اختي قالت والبنات مادفعو قالت لا كلهم روحو ههههههههههههههههههههههههه وضحكنا عليهم ***************************** في مرة يوم جان عمري 9 سنوات كنت فالمدرسة جان علينا حصت دين الأبلة سالتنا ليش سمو موسى عليه السلام كليم الله وعاد نحن جنا يهال مانعرف شي عقب ربيعتي قالت ابلة ابلة انا اعرف عشان هوه يتكلم وايد (استغفر الله) وعاد نحن خلااااااص ميتين من الضحك والبنت تطالعنا مستغربة والأبله يالسه تضحك معانا *************************************** وفي مرة كنت مامولودة كانت اختي العودة تقريبن عمرها 10 سنوات كانو مسافرين الكويت ويوم ردو اختي كانت فرحانه ويالسة تركض عسب تدخل الصاله وبوووووف ضربت راسها من السرعة مانتبهت للباب هههههههههههههه ******************************* وفي مرة كنت صف خامس ابتدائي وانا طبيعتي مااحب الغش وفي مرة ربيعتي قالت لي شرايج نغش عاد اهيه غشاشة بالقو قلت لها لا لا اخاف بعدين الأبله تشوفنا قالت لا ماعليج انا مجربة ويوم يا وقت الأمتحان جنا ماخذين درس مراقبة الله فالأبلة قالت انا ببطلع وانتو كل وحدة وربها يعني اعتمد عليكم محد يغش واحنا كلنا قلنا انشاء الله وعاد ربيعتي استانست قالت بتسهل علينا وبعدين بدت حركات الغش انا حليت كل شي بس جان في اساله ماعرفتها لاني شاطرة فالتربية الأسلامية وربيعتي تقول اساعدج اقول لا قالت ترا مابكلمج اذا قلتي لا وانا خلاص ماعرفه شسوي قلت انزين عطيني الإجابة وعطتني وكنت مره خيفانة حييييل عقب يت الأبلة ووقفت قالت ......شفيج واقفة وقلت انا انا وربعتي تقول يلسي وشوي وصحت الأبلة قالت شفيج قلت انا انا شفت ورقة ...... ويلست تضحك الأبلة والبنات كلهم يضحكون بعدين نازعت ربيعتي ومن هذا اليوم مااغش ولا اغشش ابداً لو شو ماصار هع اتمنى تعيبكم المواقف في وايد بس على قولت اختي انا ام سلوم كله انسى |
رد: تبون تضحكون؟؟؟
هههههههههههههههههههه
ههههههههههههههههه والله المواقف مضحكه خاصة قصة موسى عليه السلام .. هههههههه اإنشاءالله يارب دووم المواقف مضحكه لكم .. يعطيكي العافيه .. تحياتي |
رد: تبون تضحكون؟؟؟
ههههههههههههههههههههههههههههههههههههههه مااااااااارة تضحك يثلموووووووو
|
رد: تبون تضحكون؟؟؟
شكرا على المرضوع الله يعطيكي العافيه
|
رد: تبون تضحكون؟؟؟
اقتباس:
الله يعافيج وتسلمي على المرور اقتباس:
العفو الله يعافيج منورة بردج |
| الساعة الآن 11:36 AM. |