|
مواقف تموت من الضحك
السلام عليكم ورحمة الله وبركاته انا االيوم قريت مقالب تموت من الضحك فحبيت اني اجيبها لكم وانشاء الله تعجبكم يسولفلي واحد من الربع يقولي الله يطولي بعماركم يقول في يوم رحنا نصلي صلاة العشاء دخلنا المسجد على اقامة الصلاة وطبعا كالعادة يلتفت الامام قبل اقامة الصلاه يمين ويسار ويقول استقيمو اعتدلو تراصو قام التفت لواحد متقدم من الصف الامامي شوي قام الامام اشر له بيده ( انه يتأخر شوي ) مع مساواة الصف تأخر صاحبنا شوي رد مره ثانية التفت له الإمام واشر له في يده انه يقدم شوي وعينك ما تشوف الا النور بعدها عصب صاحبنا وفجر القنبله وقــــــال ( ياخي انت داير تصلي فينا والا داير تشووت فاول )ـ طبعا الصلاه تأخرت 5 دقايق تعرفون ليش لان المصلين كلهم طاحوا من الضحــــــــــك -------------------------------------------------------------- --------------------------------------------------- يوم من الأيام جاءت جدتي عندنا وفي واجهة صالتنا مرآيه كبيرة دخلت جدتي الصالة وهي واقفه تحسب صورتها في المرآيه وحده ثانيه قامت تبي تحب وجهها في المرايه وتصدم فيها وتكسرها --------------------------------------------------------------- --------------------------------------------------- كان فيه ثلاثة من الشباب مسافرين على احد الخطوط وكان الخط زحمه بشكل غير طبيعي واغلبه من الشحنات ..المهم الشباب وقفوا يصلون وخلوا واحد منهم يصير إمام ولما انتهت الصلاة الإمام شاف الأرض حلوه وكلها رمله ...بعد ما سلم تشقلب على قدام علشان يواجه أخوياه وكانت المفاجأة إن وراه صفين من المصلين ماسمعهم لما وقفوا من أزعاج الشاحنات .. طبعا أخوياه تبطحوا من الضحك وبعض المصلي أعاد صلاته لأنه شك بعقله ... وهو طبعا طاااح وجهه ..... ـ ---------------------------------------------------------- ------------------------------------------------ هذا الموقف حصل لواحد من الشباب يقول القصة وما فيها .. هذي شغالتنا الله يجبر في خاطرها ملقوفة مررره وتحب تستعمل اي شيء ما خلت اشياء خواتي كلما شافت دهان عود قامت ودهنت به .. وكلما شافت عطر تعطرت به .. علتنا الله يعلها .. ـ ههههههه في مره من المراررريرات دخلت غرفتي وشافت مزيل الشعر ( نير) طبعاً عصار .. هههههه المره خذته تحسبه دهان للوجه راحت وخبصت وجهها كله وبعد فتره راحت وغسلت وجهها ويوم شافته في المرايه خافت من شكلها .. ههههه عاد طلعت علينا في الصاله وهي تقول : ـ ماما .. ماما شعر روح ما فيه شعر .. ويوم شفنا الوجه بدون حواجب ولا رموش كل إخواني وأخواتي تبطحوا من الضحك عليها ههههههههه انا قمت ازحف في الصاله وماسك بطني لا ينفجر ضحك .. والدموع تخرخر تقول ناطلين مسيل الدموع علينا ..عاد تخيلوا وجه مستطيل ابيضاني ما فيه ولا شعرة املط ههههههه وتعابير الوجه خوف مع واحد ما يدري وش يسوي (( اه يا بطني )) بصراحة كلما تذكرت السالفة قمت افطس ضحك .. جلسنا على هذا الحال أسبوعين ضحك كلما تذكرنا السالفة .....هههههههههههههههههه ------------------------------------------------------------- -------------------------------------------------- القصه هاذي صحيحه والله مره وأنا صغير عورني سني شافني أبوي أصيح قال وش فيك قلت سني يعورني قال لأختي روحي جيبي لأخوك مسمار(عويدي) ( قرنفل )وأختي ها الخبله راحت وجابت لي مسمار حديد مصدي من الشارع وأنا يا الضعيف حطيته في سني يوم جاء أبوي وشاف طرف المسمار طالع من فمي قال وش أنت مسوي قلت جابت أختي لي ها المسمار قام أبوي واغشى عليه من الضحك ؟؟؟؟؟؟!!!!!!!!! ----------------------------------------------------------- -------------------------------------------------- عندي اخواتي وحده منهم بالمدرسه والثانيه صغيره بعدها ماتروح للمدرسة مره راحت هذي اللي بالمدرسه لابوي وقالت له يبه اشتر لي معجون صلصال قال لها حاضر وجات الصغيره وقالت وانا بعد اشتر لي المهم ابوي ما عطاها وجه قامت اختها الكبيره تضحك عليها شمتانه قالت لاتضحكين ولاتفرحين ترى ماهو لك لحالك حتى انا بفرش به أسناني ----------------------------------------------------------- ------------------------------------------------ فيه وحده بنت ((صبية )) في عمر الزهور ,, وكانت نايمة وقرب يأذن المغرب وهي ما قامت فجت امها علشان تقومها ..وقالت (( قومي يا بنيتي بيصير المغرب وأنتي ما قمتي قومي الله يهديتس ))ـ قالت البنت (( يووووووه يمة ابي انااام خلوني انااااام ...لالالا أنا لازم القى لي مكان ثاني أنام فيه ما يصير كذا ..)) ـ فاخذت الوسادة والبطانية وطلعت من الغرفة وراحت لمجلس الرجال وكان بمجلس الرجال ولد عمها يلعب البلايستيشن ... بس هي كانت تحسبه اخوها ... فجت وقالت له (( هيييييييه انت اسمع ... أنا بنام هش اش ولا نفس )) معذورة نصها نوم ولا تدري شالسالفه خخخخخخخخ وترمي وسادتها على الكنب وتتغطى ببطانيتها وتروح بسابع نومة )) طبعا هنا ولد عمها ...مبتلش ما هو مصدق للي يصير بس كان مؤدب ما التفت ولا شي بس مبقق عيونة بهالبلايستيشن و يدخل أخوها المجلس ويلقى أخته نايمة تشاخر وولد عمه تقولون احد مصفقه ما يدري وش يسوي مسيكين خخخخخخخخ و يجي أخوها (( فلانه ...قومي عمى ان شاء الله ياللي ما تستحين )) وياخذها من شعرها ويقطها على أمها بالصالة ويقول (( يمة ...شوفي بنتس هاللي ما تستحي دخلت المجلس ونامت وولد عمي موجود )) هنا البنت ....طووووووول اليوم وهي بس تصيح من الفشيلة خخخخخخخخخخخخخخخ ------------------------------------------------------ ------------------------------------------ مره أنا و الوالد رايحين السوبر ماركت وكان كبير ومشهور وكان أنا عمري تقريبا 13سنه المهم أنا والوالد ماشين وكان في نفسي حاجه اشتريها ومستحي من ابوي يوم مرينا من عنده وقفت أنا عند الحاجة اللي أنا ابغاها والوالد ماشي ابتعد عني وأنا قاعد اهوجس وأنا احسب انه واقف معي وكان جنبي واحد هو وحرمته التفت فجأه وتعلقت في الرجال احسب انه أبوي قلت وبصوت عالي يبه ابي هذا يوم رد علي ماني أبوك يوم قالها اسود وجهي واستحيت قاموا الناس يضحكون علي ثم جاء أبوي يوم درى بالسالفة تدرون وش سوى راح شراها لي ------------------------------------------------------- --------------------------------------- |
هههههههههه تصدق بعضها صارت لي بقولك وحده ---------------------------------------- مرة كنت بالسوق انا واختي الصغيره هي مشاء الله عليها مستحيل توقف بالمكان اكثر من ثانيه وقفت تتفرج على الالعاب وانا جالس اتلفت<<تعرف لحالي ولازم اللقافه, ولما طولت الاخت وهي تتفرج مديت يدي ومسكت اللي قدامي ومشيت شوي ألا والله اليد كانت لواحد كبير واختي صغيره ونحيفه فلما التفت الا انا ماسك حرمه واسحبها معي. يووووه الفشيله واتركها بسرعه وانا اقولها:آسف آسف حسبتك اختي آسف. واسمع احد يناديني سلاي سلاي انا هينا والتفت عليها وانا ودي اذبحها. الحين اذا صرت بروح معها للمحل هذا ما افك يدها ابد اخاف اتفشل مره ثانيه. |
ههههههههههههه
والله النكت حلوة ومنو اختك اللي يابت لك المسمار لاتكون انا مشكور على الموضوع |
وعليكم السلام والرحمه
هذا الموقف حصل لواحد من الشباب يقول القصة وما فيها .. هذي شغالتنا الله يجبر في خاطرها ملقوفة مررره وتحب تستعمل اي شيء ما خلت اشياء خواتي كلما شافت دهان عود قامت ودهنت به .. وكلما شافت عطر تعطرت به .. علتنا الله يعلها .. ـ ههههههه في مره من المراررريرات دخلت غرفتي وشافت مزيل الشعر ( نير) طبعاً عصار .. هههههه المره خذته تحسبه دهان للوجه راحت وخبصت وجهها كله وبعد فتره راحت وغسلت وجهها ويوم شافته في المرايه خافت من شكلها .. ههههه عاد طلعت علينا في الصاله وهي تقول : ـ ماما .. ماما شعر روح ما فيه شعر .. ويوم شفنا الوجه بدون حواجب ولا رموش كل إخواني وأخواتي تبطحوا من الضحك عليها ههههههههه انا قمت ازحف في الصاله وماسك بطني لا ينفجر ضحك .. والدموع تخرخر تقول ناطلين مسيل الدموع علينا ..عاد تخيلوا وجه مستطيل ابيضاني ما فيه ولا شعرة املط ههههههه وتعابير الوجه خوف مع واحد ما يدري وش يسوي (( اه يا بطني )) بصراحة كلما تذكرت السالفة قمت افطس ضحك .. جلسنا على هذا الحال أسبوعين ضحك كلما تذكرنا السالفة .....هههههههههههههههههه هههههههههههههههههههههههه تاز الله يلعن بليسك وربي فطست من الضحك مشكوووووووووور(تاز) الله يعطيك الف عافيه تقبل مرووري |
مشكووووورين على المرور
سلاي موقفك مرررررررررره فشله الله لايبلانا هههههههههههههههههههههههههههههههه |
| الساعة الآن 07:14 PM. |