|
{ موقف اثر في حياتك .. ~
السلام علييكم يااندراويين وانيدراوياات ..
شلونكم ,, شخبااااااااركم !! اليوم حبيت اشاركم في موضوووع حبيت اطرحه ع الجمييييييع ,, واذا كان ناجح ووقيم اتمنى انه يتثبت ^^ .. واايد من النااااس يتعرضوون لمواقف تنرسخ في مخيلاتهم ,, مواقف حزيينه ,, سعييييده .. طبعا في بعد الناس مثلي توهم في مرحله المرااهقه (( الثانويه )) مامرووا بتجاارب او مواقف مثل الي اكبر منا ^^ .. فشيء طبيعي انه الي تعدى ال20 يكوون عنده تجارب وومواقف اكثر منا ,, ^_* فالسنه الماضيه حدثت لي بعض المواقف الي خلتي اخاف من الاستمراار في هذه الحيااه ,, وتركت اثراا كبييييييراا في نفسي ,, وحبيت اشاركم فييهاا ويااريييت لو تشاركوونيي فييييييها ,, وانشالله مايكون الموضوع متكرر ^^ .. الموقف الاول ,, العام يوم كنت في اول ثانوي ,, كنت دايماا ارووح مع اهلي للعزب (( البر والتخييم )) والمزارع ,, وكنت احب اشب الناار واشوي للاهل اللحم للعشى ,, ويوم صارت الساعه 8 قلت بروح انا وولد خالي نشوي لكم ’’ فقالت امي : صبري شوي حبيبتي مب احيين لما تيي الساعه 9 رووحوا ’’ وياريت سمعت كلام امي ,, فرحت انا وولد خالي نشب الناار ,, وهو كبري مب اكبر مني ,, فصب البترول ع الخشب وانكت شوي على جاكيته ,, وولعنا النار ,, قعدت انا وهو مجابلين بعض والنص الناار ,, شوي الا اجوف جاكيته اشتعل وياه ,, وقلتله افطخ الجاكييت لاتحترق ,, وهو جاكيت بدون جراار فاذا يبي يفصخخه لازم يرفع من فوق ,, اعتقد فهمتوا قصدي .. وهو يفصخه النار صادت ويـهـه ولما فصخ الجاكيت شل ويهه معاه ,, تخيلتوا الموقف معااي ,, فخفت وااايد يعني انا كنت السبب انه ويهه يحترق لو ماخليته يشب النار جان ماصار الي صااار ,, فمن هذاك اليوم وانا مستحييييييل اشب النار للشوي ,, ولين اليوم وانا اجوفه واتذكر الي صار والوم نفسي اني كنت السبب في هالشي ,, كنت شخص مايخاف ابد من النار وكنت دايما اروح اش النار واشوي لكن من بعد الي صااااار السنه كلش ولا اقرب من الشوي ,, وغير هااي كل ماجوف حد يفصخ قميصه من فوق احس انه ويهه بينشال وياه مثل ماصار لولد خاالي >< ,, فهالموقف ماانسااه طوول حياااااااااتي وترك اثر كبييييييير في حيااااااااتي ,, اولا : اسمع كلام امي لان امي خذرتي اني مااولع النار ,, يمكن قلب الام حس انه في شي بيصير ,, ثانياا : صرت اخاف اولع الناار او افصخ قميصيي من فوق وكل ماابي اشتري جاكيت ماله جرار اتذكر الي صااار .. ياريت لو تعلمتوا من تجربتي .. الموقف الثاني ,, كان عندي شخص غاالي وعزيييز ع قلبي ,, وكان عندي واايد من الاشيااااء الي ابي اقووله لها ,, ووكل مره اقول مره ثانيه بقوول ,, ومرت الايام ع هالحال ,, الا ان توفى هالشخص ,, وتحسفت ع الايام الي راحت ,, كنت اقدر اقول لها في الايام الي راحت لكن ماتجرات ,, فلو عندك\ج شخص غالي علييج قولي له\ا الي في خاطرج\ك قبل لا يفوت الاوااان ,, انا حسيت انه هاي اهم مواقف عشتها ومااقدر انساها واثرت في حياااتي ,,, وانا بنت قليله المواقف وعندي الحياه الي راح تعيشني اكثر ,, فقلت افتح هالموضوع عشان نتشارك بواقف تاثرنا فييييييها ونخلي غيرنا يتاثر فيييييييها ,, انشالله اقرى مواقفكم وانشالله تعجبكم مواقفي ووتعلمووون منها ,, ولا تبخلووون في دروودكم ياحلويين :love_1: .. |
رد: { موقف اثر في حياتك .. ~
اريقاتو حبي ع الموضوع الرائع^^
يعطيك العافيه ويشرفني اني اول من يرد عليك^^ بصراحه مواقفك اثرت فيني خصوصا الموقف الثاني... لي عوده باذن الله لانو حاليا لايحضرني اي موقف.. موضوع رائع يستحق التثبيت^^ جانى حبي.. |
رد: { موقف اثر في حياتك .. ~
وعليكم السلام ورحمة الله وبركاته ماشاء الله موضوع مميز ورائع وان شاء الله الجميع يكتب مواقفه .. الموقفين اللي ذكرتيهم اثروا فيني حتى >< واكيد له عبر .. موقفي انا لم يحصل لي شخصيا ولكنه لولد عمي اصغر مني بسنة .. في احد الايام خرج بسيارته مع صديقه وفي الفجر حصل حادث شنيع فظيع >< والسيارة لم تعد سيارة .. للاسف الشديد لم يربطوا الحزام >< وتوفي الصديق .. رحمة الله عليه وادخله ربي فسيح جناته وهو الولد الوحيد بين 4 بنات >< اما ولد عمي حصلت له كسور في الحوض وبعض المناطق .. والحمدلله الان بصحة ممتازة .. الجميع تأثر تأثرا شديدا تخيلوا لو حصل هذا لعزيز مااا !! العبره هنا ان الشرطة قالت الحزام يقي من الاصابات بنسبة 50 % وبالفعل من ذلك اليوم جميعا اصبحنا نربط هذا الحزام .. وانا انصح الجميع بذلك :msn-wink: .. وربي يلطف علينا ويستر .. هذه احد المواقف التي أثرت فيني فكل ماركبت السيارة اتذكر وفورا واربط الحزام مودتي وتقديري .. |
رد: { موقف اثر في حياتك .. ~
اقتباس:
اقتباس:
والله لي الشرف انه انتي من اول الردوووووووود :Onion_cawaii: وانشالله استفدتي من الموااااااقف الي صارتلي :happy_1: ولاتنسين كلمتج انه لج رجعه :Onion_hah: انشالله يحصلج موقف يترك اثر ايجاابي في حياتج :please_1: اقتباس:
اقتباس:
الحمدلله استفدتي من تجااربي :happy_1: والصراااااااحه موقفج يترك اثر سلبي وايجااابي في نفس الوقت :aca_deprest: سلبي في فقدان العزيييييييييز :Onion_cry3: واييجااااااااابي في السلامه :happy_1: والحمدلله انه اعتبرتي :please_1: |
رد: { موقف اثر في حياتك .. ~
الموضوع جدا رائع ... فيه تشارك للآم والاحزان والافراح بين الاعضاء ... قريت لك موقفينك يا قلبي وأثر هالشيء كثير علي ... مريتي بتجربه مو بيسطه وصحيح مستحيل الواحد ينساها .... انا لي موقف مع اهلي كلنا توقعنا من بعد ذاك اليوم اننا راح نموت ومستحيل ننجى ... هذا الشيء حصل في عام 1428 هـ وبالتحديد شهر 3 .... يوم الخميس كان يوم خميس وكان الجو اخطر من الخطير في الرياض .... صورة توضيحيه :: http://www.mekshat.com/pix/upload/im..._ssssssde6.jpg فقررنا اننا نطلع للبر واخترنا شعيب حريملا ( محافضة قريبه من الرياض ) ... وتواعدنا مع خالي وزوج اختي .. وتكون الطلعه شبه عائليه .... انطلقنا من الساعه 10 الصباح ووصلنا هناك ورحنا للسد وفي ذاك اليوم اول مره اشوف في حياتي الشعيب مليان حده .... الناس كأنهم معزومين من كثرهم ... تفرجنا على السد و قلنا بروح نجلس عشان نتغدا ... كان فيه زحمه على مطعم المثلوثه المعروف هناك ....فقال لنا رجل اختي انه بيروح وياخذ سرا لين يجي وقت الغدا ...... جلسنا نتقهوا ونشوف الجو ما كأننا الظهر ... غيم كثيف وجو اول مره اشوفه في حياتي كلها .... شوي بدت تنزل رش مطر خفيف لطف علينا الجو ... قلن فتره وبيروح لا نقوم ...... وبعد نص ساعه جاء رجل اختي وجاب معه الغدا وخلاه في السياره عشان يتقهوا ثم نتغدا ... هو ما بعد شاف الجو وكان يشرب وابوي يقول له ... الجو اليوم غريب ما كأننا ظهر كأنه حول المغرب ... رفع راسه وشاف الجو وانهبل ..... قال ان هذا الغيم مو غيم مطر ....... هذا غيم برد ... وما امداه يكمل كلمته .... الا وشوي تطيح علينا بردات صغيره متناثره .... في البدايه كنا مستانسين بها وكل وحده تلحق لها وحده وتقول هنا اكبر هنا اكبر ...... بعدا بدو الناس يصارخون ويقولون جاكم الموت ..... بدا البرد يكبر حجمه اكثر واكثر وبدا يكثر .. كل العالم قامو بيركبون سياراتهم والمشكله الاكبر اننا قلنا بنجلس مؤقت جنب السد يعني ناوين نغير مكاننا .... ركبنا ولا قدرنا نتحرك لان البرد كان في اتجاه معاكس لسيرنا ... وقفنا وكل واحد بدا يدعي ان ربي يكف عننا هالعذاب ...... والله ما جاء في بالي غير غير آية ( ترميهم بحجارة من سجيل ) الفيل : 4 والله من كبر البرده الوحده والله بلا مبالغه كبر البرتقال او اكبر وهنا صوره توضيحيه ::: http://www.zmzm.net/upload/upzmzm/wh_382696832.jpg تكسرت السيارات .. وإصابة 30 شخص .. سيارتنا صارت ولا شيء القزاز يدخل علينا وكل واحد يدعي ان ربي يكف هالجيش المرسول علينا ..... هذا الشيء اللي حصل والله ما تعدا 10 دقايق ودمر الدنيا بكبرها .... الصوت كان مرعب بشكل عجيب يضرب بك من كل النواحي ... خف شوي وسمعنا يقول لنا واحد ان السد بينزل علينا هنا المصيبه الكبرا .... يعني بيجينا شيء مثل تسونامي ...... حاولنا نمشي ونهرب من السد باللي نقدر بعدان شوي وبدينا ندق على خالي واختي ورجلها .... الشبكه كان زحمه كل الناس بيون يطمنون على اهاليهم ..... قلنا بنرجع للرياض ويجون لنا ناس يقولون لا ترحون للرياض لان البرد ماشي لها ...... قلقنا اكثر على اهالينا وربعنا في الرياض وبدو الناس يحذرون اهاليهم في الرياض ..... رحنا باتجاه معاكس واتجهنا لمزرعتنا في ملهم .... الجبال شلالات والحاله صعبه عند كل الناس .... الارض بيضاء ..... صوره توضيحيه :: http://www.mekshat.com/pix/upload/images31/mk9426_4.jpg http://www.mekshat.com/pix/upload/images31/mk9426_8.jpg http://www.mekshat.com/pix/upload/im...mk7253_nas.jpg والحمد لله ما حصل مع اي مننا اصابات بالغه وفي نفس الوقت اكتشفنا بعد ان خالتي كانت جايه .... اجتمعنا في مزرعتنا كلنا وتغدينا وبعدين سمعنا انه وقف ولا وصل الرياض وبعدها قلنا خلاص نرجع وتم يونا برعب استمر لاكثر من 3 ساعات ....... كتبو عننا في الجرايد وقالو انه اقوا عاضفه نزلت على السعوديه .... ولو استمرت اكثر من كذا بدقايق كان الناس هناك توفو .... وهنا بعض المقاطع جبتها من اليوتيوب :: http://www.youtube.com/watch?v=gzDqdaysTWM http://www.youtube.com/watch?v=wrN5nOAzjCU والحمد لله الذي انجانا ..... من هذا الكرب الكبير ...... :: في امان الله ورحمته :: |
| الساعة الآن 07:35 AM. |