منتديات أنيدرا

منتديات أنيدرا (http://www.an-dr.com/vb/index.php)
-   حـكايـا أنـيـدرا .. قصص وروايات (http://www.an-dr.com/vb/forumdisplay.php?f=136)
-   -   تهي تهي قصة التيس قرنبع (http://www.an-dr.com/vb/showthread.php?t=16603)

Reefa 26-02-2009 09:53 AM

تهي تهي قصة التيس قرنبع
 
كان فيه تيس اسمه (قرنبع ).. تخرج من الكليه الوطنيه لتربية التيوس بتقدير مقبول..

اخذ الشهاده .. وطار فيها لبيت عمه ( ابو جميله ) ... فرحان وفي نفس الوقت زعلان ..

فرحان لانه ناجح .. وزعلان لانه بيقابل عمه ....

اول ماوصل للخيمه ... جلس يدور عليها ... ويدور الجرس ...

سمعت العنز جميله ... صوت ولد عمها .. طلعت

له .. مستحيه .. وحاطه فوق راسها جلال .. يوم شافها .. صار وجهه .. برتقالي من الخجل ..

وقال لها .. مباااع ..

قالت : تهي تهي الله يرجك توني باقولها ..

نزل ( قرنبع ) من فوق البلكه .. اللي كان حاطها ... لانه مايطول الجرس (قزوم )



... وقرب عند (جميله ) وعطاها الشهاده .. ومن الدلاخه والرفاله .. اكلت العنز جميله الشهاده
<= غبنه صح
قال قرنبع ..: يقطع شيطانك ياعنز...

قالت جميله : عن الغلط عاد ترى بازعل بعدين اهون عن الخطبه

وهو يكلمها .. وصل عمه ابو جميله ... يوم جا (قرنبع ) يحب راس عمه .. ويرفسه على اذنه ...

.. قال عمه .. وش عندك واقف مع بنتي ؟؟...

قال : لاتفهمني غلط ياعمي انا نجحت وجاي اتقدم لبنتك ..

قال عمه : نجحت ؟ وين الشهاده ؟

قال قرنبع : في بطن بنتك ياعمي

قال عمه : يلوموني بخفة دمك ياولد اخوي ... يالله انقلع .. واذا جبت الشهاده ازوجك بنتي ..

راح التيس قرنبع وهو يدعي على العنز جميله ..

وفي اليوم الثاني ... كان قرنبع جالس على البحر .. ويفكر .. فجأه نزلت دمعته ( رومانسي )

في نفس الوقت .. وصل عمه .. شاف الدموع اربع اربع

قال : سلامات ياولد اخوي عسى ابوك ما اندعس ولا توطته تريلا ؟ << تفاول عليه

قال : احبها ياعمي احبها ... تهي تهي تهي
قال : ايه .. الحين فهمت ... انا موافق بس بشرط !

قال : والله ياعمي موافق ؟ قل اللي تبي ..

قال : شرطي . انك ماتفصل بنتي من عملها وتفتح لها عشه لحالها .. ولا تزعلها ..

قال قرنبع: .... مواااافق

ويطير قرنبع من الفرحه ... ويروح الحلاق يجهز نفسه ...ويحدد شنبه ويسوي حمام مغربي

وفي ليلة الزواج ... جتهم عنز .. وحاستهم ..

اول ماجلست .. صارت تمقل بالعروس .. والعريس ..

قالت : مايصيررررر.. باعلى صوت .. يوم وقفوا الطقاقات عن الطق ..

قالت العجوز : الزواج هذا باطل باطل باطل لاني مرضعتهم اثنينهم .. يعني هم اخوااان .. فهمتوا

سوتها عجوز قريح ....

ويركض التيس ( قرنبع ) للدايري بينتحر ..

واول ماشاف ونيت نط فيه ..

وقال للسواق .. يرحم والديك اقرب مسلخ.. لابوها حاله ..


YuTo-Love 26-02-2009 12:51 PM

هههههههههههههههه
اما القصة شي يا
حليلة قرنبع رومانسي
مشكووووووورة على القصة الروعة
تحياتي : يوتو

Reefa 26-02-2009 11:48 PM

منوره يالغلا بتواجدك الرائع

ودووووووووم الضحكه ان شاء الله

الله يعطيك العافيه

Cornelia 27-02-2009 12:44 AM

هههههههههههههههههههههههههههههههههههه
والله أنه قرنبع بالفعل
ياله من تيس أرعن
عاش حياة مليئة بالأحزان
ثكلته أمه أقصد عنزه...... أقول أعقلي يالزير سالم
تسلمين حبيبتي على القصة

Miss U-know 24-11-2009 10:48 PM

رد: تهي تهي قصة التيس قرنبع
 
الله يرج بليسك
صراحه تجنن مرررررررررررره تفطس من الضحك

سانكيواااااا


الساعة الآن 04:30 PM.
Powered by vBulletin® Copyright ©2000 - 2024, Jelsoft Enterprises Ltd

منتديات أنيدرا An-Dr للدراما الآسيوية و الأنمي