[JohnnysJUMP]

SUMMER 2010

JULY5.-JULY31

سافرت هال صيف الى : كندا و الاسكا
و هذي هي الصور ههه :

اول شي وصلت الى مدينة فانكوفر !
بس كان وايد تعب ! من دبي الى لندن ٧ ساعات ، بعدين من لندن لين فانكوفر ٩ ساعات !!
افف يوم وصلت الفندق هناك كنت متكسره ههههه



هاي الصورة من برع المطار كنا نتريا السيارة تي !
بس تخيلوا ! كنا سبعة ، عاد هناك يوم سمعوا عائلة كبيرة ، استغربوا ، الأن عوائلهم صغيرة ، خخخخخخ يابوانا باص مال ١٨ شخص ههه بس للإسف ما صورته ، الريال ما خلاني ، ما اعرف ليش ههه

و بعدين ف الفندق رقدت الساعة ٤ العصر و نشيت الساعة ١٠ الصبح اليوم اللي عقبه ههه ماشاءالله.
و بعدين سرناVancouver Aquarium.



هال الصورة خذتها بل دس ههه ممنوع كان كاميرات و ما ادري شو ، زين انه الريال ما جافني



و هذا يوم مال الدلافين ، بس خيبة كان وايد زحمة ، ما رمت اجوف شي ، هال صورة خذتها بسرعة و طلعت من الزحمة

و بعدييييييين اليوم اللي عوقبه لا لا اليوم اللي عوقوب عوقبه سرنا مدينة وايد صغيرة اسمها Whilster ، كلها مال تزلج ، ف سرنا فوق الجبل ، و هاذي هي الصور :






بعدين تمينا ، ١٠ ايام ف فانكوفر ، بعدين سرنا في سفينة الى الاسكا

و هذي هي السفينة :



ههه الصورة خذتها ف قرية وايد وايد صغيرة اسمها Icy Strait.



و هذا جفنا يوم ف السفينة ،، اختي صورته الانه انا كنت راقدة ههه ما جفته للاسف



هههه اخس شي يوم كنت ف الغرفة روحي ، و الALARM مال السفينة اشتغل ، تحريت منغزق ، انا تخبلط ههه كنت لابسه بنطلون مال البجامة و جاكيت ، و القميص الطويل تحت الركبة ، و سرت و طلعت برع ، ما اعرف وين امي و ابوية و اخواني و انا قريب بصيح ،، و نسيت كرتي و موبايلي داخل الغرفة ، و الناس كلها اطالعني ب طرف عينها و الريال اللي يشتغل ناقع من الضحك عليه ههه ،، و فتحلي الغرفة ،، ف الاخير ، طلع تدريب حق اللي يشتغلون ، يعني لو استوا شي ، اففففففف تميت متفشله طول الوقت ههههههههه

و هذي صور مال الاسكا مالت ثلاث مدن ( كتكيشين - جونوو - ايسي ستريت ) :

JUNEAU :

ههههه هال الصورة اول ما طلعنا من السفينة



هااال شيبة ميت !! ، كان قاهرني ههه سنة لين ما يمشي ، و لا بعد يشرب كوفي خخ



هااااهاهاهاها ! هايلة يضحكون كانو ، اول ما واحد يركب ، يعقونه برع هههه



ICY STRAIT :

هناك ودونا ف باص صغير ، افف اربع هنود جدامي ازعاااااااااااااج
و ورايا عائلة فرنسية وحدة حرمة تضحك جنها ساحرة ، اتخرع ههه







KETCHIKAIN :



هناك كله سلمون ، نسور ، و مجوهرات ، ه العايشين عليه ههه



PIIIRATES !!



ههههههههههه

وبعدين بعد الاسكا سرنا ب الطيارة الى مدينة تورونتو ،
هاي فيها عرب ههه مب نفس الاسكا ههههه

هذا يوم كنا ف اطول شارع ف العالم .






و ها عدال فندقنا تقريباَ
اففف اللي ف الفندق عدالنا ، شواب مسوين كارايوكي ، يغنون و يشربون و اشكالهم سكرانين ،، انا و اختي ما نروم نرقد ههه نيلس نظرب اليدار ، ههه ما ادري شو الفايدة و في وحدة تيلس تضحك جنها ساحرة خخ ،، اشتكينا عليهم ف الاخير ههههه


و هذه الCN TOWER



المتحف .....


هههه ما ادري شو هال الشي اللي شكله غبي مصورتنه



و اخر مدينة مكان كان Niagara Falls
اكبر شلالات ف العالم

هي تتكون من قسم كندي و قسم امريكي ،، نحن كنا ف الكندي ، الاكبر،، و يوم نوقف في الكندي نجوف الامريكي جدامنا ، و العكس !

هذا من تحت :


و هذا من فوق


الازرق هو مال كندا ههه انا كنت ازرق



الاصفر مال امريكا ! بسس انا كنت ابا اصفر ، الانه احلى !!




خخخخ اوكي ه كله اللي عندي ، الصورة اللي باقية انا فيها ، ف ما اقدر احطها

يلا باي باي هههه