لولي وكازويا عائدان إلى الفندق وقد تشققت وجوههم من الوناسه والضحك
>>> لووولـ
كانوا جايين من الشارع الضيق خلف الفندق
لولي : ـههههههههههههههههههـ يقطع سوالفك يا خي ..
>>> والله لو إنه من الشله !!
كازويا : لااا وتصدقين حتى لما خرجنا للبر .. ربيعنا هذا جاب وياه السمكه في حوضها ..
لولي : ـهههههههههـ طيب حرام لا تحشونه .. يمكن صدق هالسمكه عزيزة عليه ..
وقبل ان تاخذ لولي اللفه خلف الفندق .. امسك بها كازويا فجأة
لولي : مـ .. مـا الأمر ؟!
كازويا مابعد ايده عنها
كازويا : لولي .. أنا ... انا احبك ..
شهقت لولي من الخجل
>>> اتحدى .. والله إن ترتكب فيه جريمه !!
كازويا : انا حقا احبك .. واريدك أن اخرج معك .. وأن تعودين معي إلى اليابان ..
لولي بدون ماتطالعه حتى : آآ .........
كازو : كفي عن النظر إلى الارض .. طالعيني انا !!
رفعت لولي عيونها الدامعه من الخجل وجهها انواع الألوان
ابتسم كازويا بلطف : تبدين جميله ..
ثم نعست عيناه وهو يقترب بوجهه منها ..
جنون : لـــوووووووووووووووولـــــيييييييييييييييييييييييي ييييييييييييييييييييييييييييييي
فزعت لولي وابتعد كازويا عنها قليلا
جنون تجري من بعيد
جنون : لوووليييييييييي أيتها البااااكاااااااااااااا
اخذت لولي نفس عميق وهي تحاول تمنع نفسها لا تتهور وتقوم تكفخ جنون قدام كازويا
وصلت لهم جنون
جنون : لولي .. بسألك سؤال واحد ..
لولي : اللهم طولك ياروح .. خير ؟؟
جنون : لولي ....... اشتريتي تذاكر للحفله ؟!
شهقت لولي وهي تحط يدها على فمها ..
عصبت جنون
جنون : يالهبلاااااااااااااااه .. وانا احسبك اشتريتها من اول .. الحفله بكره والتذاكر مخلصه من زمان ..
لولي شوي وتبكي
لولي : والله العظيم مادري كيف راحت عن بالي .. كنت مهتمه بتجهيزات السفر ونسييييت ..
جنون : نسيتي ؟!!!!! نسيتي !!!!!
ونطت تكفخها وتشد شعرها وتصفقها
جنون : كيف تنسين سبب سفرتنا ؟!!!!! هاااه ( وتصفقها كفوف ) كللله هين بس الحفله ماسامحك عليه ..
تدخل كازو وسحب جنون الي كانت جالسه فوق لولي على الارض وتكفخها
كازويا : قووومي يالعفشه .. قوومي لا تذبحين فتاتي !!
دفع جنون بعيدا ثم ساعد لولي على الوقوف
كازويا : دايجوبو ديس كا ؟!
صاحت لولي ولفت على كازويا الي اخذها بين ذراعيه
>>> اتوقع منك تحسنين اخلاقك معاي بعد هالبارت !!
جنون تصرخ : ايييي صيحي صيحي يالدعله !! وربي لأاكلك تبن على هالعمله السودا ..
لم يستحمل كازويا رؤية لولي تبكي بهذه الحاله بينما جنون تهددها بأن تأكلها تبن ..
كازويا : انطمـــي انتي خلااص .. ماتشوفينها تبكي ؟!
جنون زادت عصبيه وهي تحس إنها وحيده قدام هالاثنين
جنون تصرخ : هاااااااااي انت يالمعصقل لا تلعب عليك هالخبله تراها حراميه سارقه فلوس ابوهااا النذله ..
>>> ماكنها كانت فكرتي انا ؟!!
وصل غضب كازويا ذروته فترك لولي وهمّ أن يصفع جنون على وجهها إلا أن يدا قويه منعته ..
كازويا : جين !!
ابعد جين يد كازويا وقد بدا عليه الغضب
جين : اخرتها تضرب البنات يالرجال ؟؟!!
كازويا عورته الكلمه : رجااال غصبا عنك وإذا انت فعلا رجال خذ الخبله هذي من هنا وعلمها كيف تحترم نفسها ..
>>> كلام ماقبل معارك الشباب في المولات !!
نطت لولي : ايييي .. طبت فجأة تكفخ وتضرب وتسب ومابقت كلمه ماقالتها ..
جين : وانتي مو مسويه شيء يا مسوده الويه ؟!! شدخلك تروحين تقولين لها عن سالفه توتي ؟!!
لولي : انا قلت الحقيقه ..
جين معصب : انتي ماااتعرفين شيء عن الحقيقه اصلا ..
كازويا : جييين .. لا تـ ..
جنون : بسسس .. خلاص
التفتوا عليها وشافوها تصيح ..
جنون : خلاص لا تسوون مشكله عشاني .. انا بكلم ابويه وبرجع عند اهلي .. اصلا مالي مكان هنا ..
جين : لااا .. لا تقولين كذا .. انا احطك بعيوني الثنتين ..
جنون تبكي : آسفة جين .. ماكنت ادري إن عندك صديقة من قبل .. لا تهتم لي وعد إليها ..
ثم غادرت المكان إلى الفندق
في الأعلى
من احدى نوافذ الفندق الخلفيه
كانت هناك .. بنوته .. تشاهد ماحدث
..++..
عندما وصلت جنون إلى الغرفه فوجئت بـ بنوته تخرج من الغرفه المقابله ..
جنون مصدومه : كيتاغاوا سان ؟!! شتسوين هناا ؟؟
بنوته : أنا في زيارة تفقدية اشيك على الفرقه
>>> ماكنها جايه زعلانه من بيت زوجها ..
بنوته : أأ .. هل رأيتي كازويا وجين ؟!
جنون مبرطمه : لا اعلم ..
ورقعت بالباب في وجه بنوته