ورحت بسرعة لقيتوا راسملي قلب عالساحل
وقف وطل فيه وابتسم وقرب مني
تومو : أنا أحبك ما أقدر أكذب مشاعري وماأقدر أقاوم حبك وأخاف أكون خاين لشخص لكن حبك طغى على كل شئ سرت أشوفك في كل مكان واتمنى إننا نكون كيدة للأبد
أنا ماقدرت أقاوم المشاعر وجلست أبكي وقلتلوا:أنا أحبك بس أبغاك تحكيني عن حبك الأول .قال : أنا ألتقيت معاها لمن كنت سادس إبتدائي واتواعدنا إننا نبحث عن بعض بس بحثت عنها في كل مكان بس شكلها مابحثت عني ونسيت الوعد فما أدري أنا قاعد أخونها أو أنتظر سراب ,
وفي عيونوا نظرة حزن أنا ماقدرت أستحمل دي النظرة و حطيت يدي على قلبوا
أنا : مافي شي مستحيل !!
أنا : ومدام إنت أنتظرت حبك مهما كان لازم تلقاه ..
تومو :بس دحين أنا أعتبر خاين ..
انا : لا حبيبي أوريك صورة حبي الأول اللي افتكرني اليوم وما جيت اليابان إلا عشان الياكسو ( الوعد ) اللي بيني وبينوا .
وقتها وقف وطل فيه وقال !! مني فاهم ايت وعد ؟؟
قلت : وعد الطفولة انا وياك .
وكنت لابسة السلسلة ووريتوا الصورة القديمة و منوا مصدق بيتسم ويبلم وعيونوا سارت تلمع من الدموع وقرب مني ومسك يدي وسوى حركة الوعد ومعايا بأصابيعنا وقال بصوت راخي ياكسوكوا وحضني .
تومو : إنتي حبي الحقيقي حتى وانتي بإسم آخر قلبي أتعرف على قلبك بس أنا ماكنت متوقع تكوني نفس الشخص اللي انتظرتوا سنين طيب ليه ماقلتي ؟؟
أنا : أنتظرتك تتعرف علية بس ماعرفتني إلا اليوم قلبك عرفني؟؟
تومو : لأنك أجمل بكثير وسار شكلك غير عن الصورة وماقلتي إسمك إلينا .
أنا : تتخيل إني أقول إسمي لك وأنا ماكنت أعرفك وحتى بعدين لمن عرفتك في نفس اليوم من المشاعر الحلوة اللي أعطيتني هية نستني كل شي .
وقعدنا على الشاطئ ولعبنا بالأمواج وكان طول الوقت ماسك يدي كأنوا خايف إني أكون حلم وأختفي وقعدنا يومها لين الساعة عشرة الليل ووصلني البيت وقلي: أبغا أصدقائي المقربين يتعرفوا عليكي بكرة اجيكي امرلك بكرة بدري اوكي
في اليوم التاني جاني وعرفني على توما وتاكي وطبعا كانوا موجودين جين وريو
وأنا جلست بس توموا ماجلس وقال تومو حبيبي: هذه الإنسانه اللي أنتظرتها طول عمري وسويت معاها وعد من سادس إبتدائي الحب الأول تتذكرا لمن حكيتكم عن البنت اللي زي الحلم هادي هية أخيرا ظهرت وجاني وعدي ماخانني أبدا وشوفوا دي الصورة وبأرسلها لكل المجلات عشان ينشروا قصة الحب الأبدية .. خلااااااص أنا حأعطيها قلبي ومافي أحد في العالم يقدر يوقفني .
وكان جين وتومو وريو يفكروا وكأنوا مو عاجبهم خاصة ريو كأنوا معصب أما تاكي قاعد يضحك
تاكي : سرت متهور يامابي وتسوي كل حاجة بتهور بس حلو التهور في الحب ههههـ.
كلهم ساروا يصفقوا حمااااااااااااااس وانا مررررررررة خجلت لأنوا قالها بصوت عالي وكل اللي في المطعم سمع وكلهم شجعوا .
ووقتها جاتني رسالة عالموبايل من شخص عزيز عليه وهوه سمير إنوا وصل اليابان ويبغاني أقابلوا وإني مستنيني بس ماقدرت أعتذر منهم وخليتوا يستنى .. إلين خرجنا من المطعم جا تومو و قدملي الورد قدام الكل وقلي : تقبلي تكوني حبيبيتي للأبد
أنا قبلت أكيد وسرت أبكي .
بعدين رحت للمكان اللي قلي يستناني فيه لقيتوا ينتظر له ساعة وشكلوا معصب كمان
وأول ماشافني أتغيرت ملامحوا ولأ كأني سويت حاجة ولا كأني أتأخرت يختي عليه هههـ
وأول شي سألني عنو سيمو : لقيتي الشخص اللي وعدتيه
أنا : ايوة وخلاص عرفني وسرنا نحب بعض.
سيمو:مين هوة ؟؟
انا : اللي سويت الإعلان معاه
سيمو : طبعا محا تتركيني لوحدي دي اليومين حتكوني دليلي مو عشان لقيتيه سامعة ؟؟
أنا : امممم طيب .
ومشيتوا في كل اليابان وطبعا الإعلام ماقصروا قاعدين ياخذوا صور وجلست يومين أعتذر لتومو حبيبي عشان أشغال سيمو وماكنت اقدر اقابلوا ولا أتكلم معاه مضبوط بس شكلوا زعل مني بس أقدر أراضيه.
يتبع >>>