هاي مينا مره اخرى مع يوميه غير شكل
عنوان اليوميه : بعد 8 سنوات من الانتظار ..!!
ضيفة الشرف: ساني ومطعمها لوووول هع
ضيف الشرف : نيكون اهو مغني في فرقه كوريه اسمها (تو بي ام )
ان كنتو تبون تعرفون عنه معلومات اهو وفرقته
دوزو اللينك >>>> http://en.wikipedia.org/wiki/2PM
اوكي ارجو انكم تستمتعون فيها ^^
دوزو:
في يوم من الايام
وفي مطعم ساني تحديدا
وفي فترة العصر
الي هالفتره ما يجي احد لساني الا الي يبون يتقهون ونادرا
طبعا انا ذاك الوقت انا ويامابي كنا في مطعم ساني قاعدين نوسع صدرنا عندهم
ساني: اسمع يامابي الله يعافيك ورا ما تطس انت وحرمتك
انا: افااااااا وش هالطرده يا ساني
ساني: موب مشكلتي ان كان زوجك مشهور ومن قواة الوجه جايني مو متنكر والله ان صار زحمة
معجبات هنا لأحرمكم تطبون مطعمي
انا: هوني عليك يا ساني وبعدين انتي خذتي توبي وريما مننا ما صار البيت يوسع الصدر
كانت ريما ماسكه المجله وتقلب فيها
وتوبي قاعد على الكرسي ومعاه جواله وقاعد يرسل مسجات لليلي
ونيني قاعد في حضن ريما ويناظر معها المجله
ساني: بالله يعني هذولي ناس توسع الصدر الحين
يامابي: يختي وجودهم في البيت كفايه يوسع الصدر
ساني:وش يوسعون الصدر واهم كذا كل يوم
ريما: يعني وش تبين نسولف عنه خالتو ساني ؟ يعني في الفتره الاخيره ما سوينا لك اكشنات؟
ساني: الا سويتو لي
ريما: في البيت كذا حنا نسوي اكشنات لماما وبابا هع
وبعدين يعني لو طردتينا من الشغل ولا حنا استقلنا ما راح تفقدينا ؟
ساني: الا راح افقدكم يا الوعين
ريما: خلاص لييه تقولين اجل ان حنا قاعدين ولا نسوي شي
ساني: لا قصدي في الاسبوع الاخير مطفشيني
ريما: عاد تبين اربع وعشرين ساعه سعة صدر
ساني:المهم بروح اشوف الطباخ يمكن يحتاج شي او ناقص شي اروح اشتريه للمطعم
وراحت ساني للمطبخ تشوف وش الي ناقص عشان تشتريه للمطعم
فجأه يدخل رجال للمطعم
ريما في نفسها : (غريب ما في احد يجي هالوقت )
قربت ريما منه
ريما: اهلن وسهلن
الرجال: هلا امممم هذا مطعم ايطالي
ريما: ايه تفضل
الرجال: شكرا
وراح جلس الرجال واعطى ظهره لنا انا ويامابي
المهم انا شكيت وحسيت ان هالرجال مو غريب علي
وقعدت ابغى اتذكر وين شفته في مكان ولا بصوره ولا بتلفزيون ولا بوشو ما قدرت اتذكر
راحت ريما تاخذ طلبه وكالعاده اعطته للطباخ
رجعت ساني من المطبخ ومعها صحن فيه اكل كانت تبي تعطيه لنيني
وساني ما انتبهت للرجال الي موجود لانه معطينا ظهره
المهم اعطت ساني نيني الصحن وراحت تكتب الاشياء الناقصه الي يحتاجها المطعم
المهم بعد عشر دقايق راحت ريما تاخذ الطلب من الطباخ
بس نيني الفاهي واهو ياكل مدري وش سوا وقام الاكل الي في الصحن انكب عليه
نيني: وااااااااااااااااااااااااااااااااااااء حااار حااااااار
قربت ريما منه كانت تبي تمسح الاكل بس المشكله يدينها مشغوله
وساني قربت من نيني تشوف
نيني واهو يصيح : ماااماا حاار حااار
ساني: خلاص نيني حبيبي ما صار لك شي
ريما: خالتو ساني خذي هالاكل و وديه لهذاك الرجال و انا راح انظف نيني
ساني: شكرا ريما
خذت ساني الطلب وقربت من الرجال
ساني: انت طلبت .....نـ ..نيكون
الرجال لف عليها ووقف من الصدمه
الرجال: ســ .. ساني اخيرا لقيتك !
بس ساني حطت الطلب على الطاوله منصدمه وراحت تركض للحمام وقفلت عليها
نيكون : ساني !!
قربت انا من الرجال ابي اعرف من هو واخيرا عرفت بعد عناء طويل من التفكير
انا رافعه يدي وأأشر له : انت !!
نيكون: انا؟
انا: اييه انت عرفتك الحين
نيكون : ؟؟؟
انا: انت قد شفت صور لك مع ساني .. انت زوج ساني !
يامابي و توبي : أيييييش ؟؟!!!
انا: الا الا هو زوج ساني
جت ريما مع نيني بعد ما نظفت ملابسه
وسمعتني وانا اقول انت زوج ساني وكذا
قربت ريما اكثر مننا وكانت ماسكه نيني
ريما: انت .. انت زوج خالتو ساني !
نيكون :ا..ايـــه
انا: واخيرا عرفتك توك تجي توك تحس على دمك ها..المهم انا بروح اشوف ساني في الحمام
و رحت لساني اطق عليها الباب واحاول اطلعها من الحمام بس اهي رافضه
قام نيكون مسك راسه ومنقهر من الشي الي صار
قرب توبي من عنده
توبي: لو سمحت
ناظر نيكون توبي
توبي:اجلس وريح وتبي مويه ؟
نيكون : اييه الله يخليك
وراح توبي يجيب له مويه وعطاه اياه
نيكون : شكرا
قرب توبي من ريما
توبي: لوووول بتكون المويه على حساب ساني
ريما: يا الغبي المويه ببلاش هنا
توبي: اييه والله اني غبي ياليتني قلت تبي قهوه ><
يامابي:توبي رح اقفل باب المطعم مو لازم يجي احد يشوف المشكله الي صايره هنا
توبي: طيب
سحب يامابي كرسي وقعد جنب نيكون
يامابي:قلي الحين وش سالفتك انت ؟
نيكون واهو يناظر كاس المويه :وش سالفتي .. سالفتي الله يسلمك ان كان عندي زوجه واهملتها
ريما:يعني ساني زوجتك ؟
نيكون: ايه لما ساني جت تدرس في أمريكا تعرفنا على بعض هناك وحبينا بعض
وكانت ايام جدا حلوه معها فققرنا اننا نتزوج فتزوجنا بأمريكا وكل شي كان تمام بس يوم من الايام اصحابي قالو لي ان في اوديشون (تجربة اداء)
المهم رح وسع صدرك وجرب شف بيقبلونك تصير مغني ولا لا كنت رافض الفكره بالبدايه بس لما ألحو اصحابي علي
صرت افكر بالشهره والفلوس وسعة الصدر واهملت كل شي ورحت للأوديشون وقبلوني وقالو لي اني راح اروح كوريا وراح اسكن هناك ورحت معهم بكل بساطه
وتركت ساني لحالها وكنت عارف انها حامل بعد بس الطمع شين ..من بعد ما رحت كوريا ما قدرت اتصل فيها
وانا سمعت انها رجعت لليابان بس محد عملني وين القى عنوانها او شي لها كنت مره مشتاق لها بعد كل هالسنين .. عاد بما انا وفرقتي عندنا حفله هنا
قررت اني ادورها.... ولقيتها بس شكلها ما راح تسامحني
ريما : تدري لو اني مكان خالتو ساني كان شفت الطلب الي كانت ماسكته بيدها كان رميته في خشتك ومسكت شعرك ونتفته
نزل نيكون راسه وحط يدينه فوق راسه
قرب نيني من نيكون وحط يده على راس نيكون
قام رفع نيكون راسه وناظر نيني
نيني: يعني انت الحين بابا ؟
نيكون: يعني انت ولدي؟
ريما: اييه ولدك
ابتسم نيكون لنيني
نيكون : ايه انا ابوك
نيني: ومسوي نفسك حلو هااا ؟
نيكون : وشــ..وشو ؟ وش دخل اني مسوي نفسي حلو بالسالفه ؟!
توبي: مدري عن ولدك ياخي كل من شاف له واحد حلو قاله هالكلام
نيني:طيب انا ما ابيك تصير بابا
نيكون : ليه ؟!
نيني: عشان مسوي نفسك حلو
نيكون: بس مو بيدي !
نيني: امزح ..انا ابيك بابا عشانك حلو
قرب نيني من نيكون وحضنه
نيني: اوكايري ^^
نيكون ابتسم وحضن نيني بقوه
.....
انا كنت وما زلت اطق الباب على ساني تفتح بس رافضه
انا: يختي اطلعي خلاص !
ساني: ما ابي هالانسان مو نيكون انا اتخيل قولي لي تكفين
انا: الا نيكون بشحمه ولحمه يا شيخه اطلعي ما يجوز احاكيك كذا ورا البااب !!
قامت اقتنعت اخيرا ساني وطلعت من الحمام
واول ما طلعت راحت وحضنتني
انا: اعرف انتي ما راح تسامحينه على هالشي السقيم الي سواه لك بس انتي الى الان تحبينه صح
ساني: ....
انا: شوفي السواره الي لابستها مو اهي منه ؟ ولا فصختيها يوم هذا دليل انك تحبينه بس انتي تبين تسامحينه بس ما تدرين كيف..
ساني: بس مو مستعده الحين اني اسامحه
انا: طيب تظاهري او مثلي انك تسامحينه بس عشان نيني لان تو اشوفه يحضن ابوه مو مصدق ان له ابو
ساني: راح احاول
انا: طيب امشي خلينا نروح عندهم
.......
نيني : يعني بابا انت تغني وترقص زي يامابي
نيكون : ايه
نيني: يسسسسسسس مو بس انتو يا توبي وريما عندكم ابو يغني ويرقص انا بعد
ريما: يا حظك صرت زينا اجل
نيني: اييه يعني يصلح اتزوجك ريما
ريما: وشو .. وش دخل الزواج ؟!
نيني: انا ابوي يغني ويرقص والي تحبينه هذاك تيشي الوع ابوه ما يغني ويرقص
قام الكل يضحك على نيني
المهم جيت انا وساني عندهم كان نيكون يضحك بس يوم شاف ساني وقف على طول
قام صرخ نيني فجأه
نيني: ماما !! انتي مسامحه بابا صح !! ان ما سامحتيه ترا ما احبك
ساني واهي تتغصب الابتسامه : الا الا يا ماما انا مسامحه بابا
نيكون : نيني ما يصلح تقول هالكلام لماما فهمت
نيني: بس بس اهي ما تبي تسامحك !
نيكون :عشاني انا استاهل لو ما سامحتني ما الومها ..نيني انا اب مو كفو لك
نيني: بابا لا تقول هالكلام لو انك مو كفو لي ما كان دورتنا انا وماما صح !
ريما: نيني .. تعال ابغاك شوي خل ماما وبابا يتكلمون مع بعض
راح نيني مسك يد ريما وجو بيطلعون من المطعم لفت ريما على توبي
ريما: امش انت بعد موب لازم تسمع الحكي الي بينهم
توبي: اااه اوكي
وطلعو الثلاثه برا المطعم
انا ويامابي قمنا نناظر بعض نطلع ولا لا
نيكون:اممم عادي خليكم هنا اهو مو شي خاص بقوله
بس بقولك ساني اني مره اشتقت لي كنت اتمنى بس اشوف لو نص وجهك وابيك تسماحيني لو سمحتي
ساني: ....
فجأه دق جوال نيكون
نيكون : الو ..ايه ايه راح اجي الحين
ساني:ميين ..فرقتك؟
نيكون: ايه انا لازم اروح الحين لهم لان بكره عندنا حفله هنا ولازم اروح اتدرب
ساني:رح رح واذا ما رجعت لي ترا عادي لاني تعودت
نيكون ناظر ساني ولا عرف يرد طلع من المطعم وشاف ريما و توبي ونيني عند الباب
نيني: بتروح !
نيكون : اييه
نيني: اكيد قالت لك ماما كلام مو حلو
نيكون : نيني وش قلنا عيب تقول عن امك كذا ..انا عندي تدريب عشان عندي حفله بكره
نيني: طيب اول ما تخلص تعال طيب حنا بالمطعم
نيكون : اوكي
وراح نيكون عنهم
دخلو توبي وريما ونيني للمطعم
وشافو ساني قاعده عادي وانا ويامابي نناظر في بعض
ريما: انوووووو ماما خلاص روحي انتي وابوي ورانا شغل
انا: طرده اهي !
ريما:الحين بيجون ناس ولا هذا لازم نرجع لشغلنا
انا: طيب طيب لا تدفين
يامابي: خلاص يا بنت الحلال بنطلع
وطلعنا من المطعم بعد تدفيف ريما لنا وطردنا لوول
لفت ريما على ساني
ريما: خالتو يلا يلا قومي الشغل شغل لا يضيق صدرك
ابتسمت ساني لريما
ريما: وبعااااد مسويه نفسك وذا طالعه زي امي متزوجه مغني ولا يخقق بعد خالتو لا تستبعدين اسرق نيكون منك
ساني: اصلن ما راح اخليك
ريما: لوووووووول يا حبيلك ايه ارجعي استهبلي معنا .. اجل تحبين نيكون ؟
ساني: ااه ريما لو تدرين بس مو احبه وبس
ريما: يا حبييلك وانا اقول ولدك من وين جاب هالملح ..لان ابوه يخقق
ساني:لووووووووول الحين صار ولدي مملوح هاا
ريما: يوم دريت عن ابوه انه هالملح كله فييه خقيت على ولدك زياده
ساني:هههههه روحي بس شوفي في زباين دخلو
ريما : لوووول طيب
لما جا الليل طبعا ريما وتوبي خلصو من شغلهم
و طلعو من المطعم واهم في الطريق قاعدين يفكرون بساني و نيكون
ريما: اقول ورا ما اليوم نسوي شغله انا وياك نخلي خالتو ساني ونيكون مع بعض
توبي: كيف ؟
ريما: اممممممممم ان نخلي نيكون غصبن عنه يجي لبيت خالتو ساني
توبي: طيب؟
وكملت ريما الخطه لتوبي
وتوبي تحمس الاخ مع خطة ريما
توبي: يا العقل المدبر والله انك ذكيه طيب وش رايك نعلم امي وابوي بعد
ريما: لييه ؟
توبي: يساعدونا مو معقول حنا بس الي راح نسوي الخطه
ريما: اوكي راح نعلمهم بس عساهم ياخي يوافقون
المهم رجعو توبي وريما للبيت
وشافوني انا وابوهم ننتظرهم في الصاله
انا: اخيرا وصلتو يلا تعالو نتعشى
ريما: ماما ما ابي عشاء انا وتوبي نبي نقولكم شي ولو سمحتو أيدو فكرتنا بليييييييييز
يامابي:وشو اهي
توبي: عن نيكون و ساني
انا:لييه تبون تحشرون نفسكم في المشكله
ريما: حنا حشرنا نفسنا عشان نيني اولن وعشان خالتو ساني ثانيا
توبي: بليييز أيدو فكرتنا
يامابي: قولو طيب
قالت لنا ريما عن الخطه الي فكرت فيها
انا: لاااااااا
يامابي و توبي و يامابي: لييييييه ؟!!
انا: يامابي انت بعد تبي تسوي الخطه هاذي ؟!!
يامابي : يختي والله تغيير جو وش ورانا
انا: اخاف ساني تكرهني
توبي: الا بتجيك وتحب راسك
ريما: يلا ماما وافقي بلييييييييز
انا: يا ربيه منكم خلاص موافقه ترا موب عشانكم ولا عشان ساني ولا عشان نيني ولا عشان نيكون
ريما : اجل عشان مين ؟
انا: عشات خشة بي تو تخقق واهو يترجااني كيااااااا <<<براااا
توبي: ماما لا عاد تخقين قدامنا الله يعافيك
انا :وش هالتحطييم ..
يامابي: شلون نلقى نيكون طيب ؟
ريما: هاذي اهي المشكله الي ما لقينا لها حل
انا: ايه ايه لقيتها !! يامابي مو تو وحنا نقلب بالقنوات كان في وحده من القنوات جايبين فرقة تو بي ام ومعهم نيكون مسوين معهم مقابله
عشان الحفله الي بيسوونه هنا بكره
يامابي: الا الا وكان لايف بعد بس لحظه وش كانت القنااة
انا:بي اي تي !!<<تأليف القنوات جاهز لوول هع
يامابي: اييه ظنك يمدينا نلحق ونروح للأستديو حق القناة
انا: يمكن نلقاه خلنا بسرعه نروح
ريما: اوكي ان لقيتوه علمونا حنا بنروح لمطعم ساني
......
في مطعم ساني
ساني: هااو وش جابكم ؟
ريما: ماما و بابا رايحين ديتو وما نبي نقعد لحالنا بالبيت
ساني :اهااا
توبي: خالتو وش رايك ناخذ نيني ونروح لبيتك ننومه ونقعد عنده
ساني: تسوون فيني خير كبير لاني في اشياء بالمطعم لسى ما كملتها واشياء لسى ما شريتها وغسل الصحون لسى ما خلصت منه
ريما: اوكي
راحت ريما تدور نيني لقته قاعد على الارض وقاعد يرسم
ريما: نيني
نيني: ريما انتي هنااا !!
ريما: ايه بوديك للبيت
نيني:و وتنومين عندنا
ريما: مدري لووول
قام نيني ينطط من الفرحه
المهم طلعو توبي وريما ومعهم نيني وراحو لبيت ساني
.......
انا وبي وصلنا للأستديو حق القناة
وكان في حارس عند الباب ولا خلانا ندخل
ونترجاه ونحاول فيه بس اهو رافض -_-
يامابي: تعرف مين انا
الحارس :انت .. انت يامابي
يامابي: اييه انا يامابي
الحارس:والله ودي ادخلك بس ما أقدر
انا:طيب فرقة تو بي ام الي قابلوها اليوم طلعو من الاستديو
الحارس: اييه تقريبا من 10 دقايق او ربع ساعه
انا:طيب تعرف وين راحو ؟
الحارس : والله ما اتذكر
قام يامابي طلع من محفظته ما يقارب ال 100 دولار
يامابي: ان تذكرت زين فهي لك
الحارس: كأني سمعت احد منهم يقول خلونا نروح للبار نشرب ونوسع صدرنا
يامابي: اي باار ؟
الحارس: اممممم بار التشي ..التشي شي زي كذا
يامابي: يمكن قصده بار التشيلي .. لان اغلب المشاهير يروحون له ويوسعون صدورهم
انا: وانت يقالك مو منهم هاا -__-
يامابي: المهم خلينا نمشي الحين نروح نشوفه
انا: يلا
ركبنا السياره انا و يامابي ورحنا لبار التشيلي
.........
في بيت ساني
في غرفة نيني
نيني: يلا ريما اقري لي قصه عشان انووووووم
ريما: نيني اصبر شوي
توبي: شكلهم الى الان ما لقوه
ريما: والله مشكله لو ما لقوه خالتو ساني يمكن تخلص في اي لحظه وتجي
نيني: يلاااااااااااا اقري لييييي
ريما: نيني حبيبي اصبر
توبي: نيني وش رايك نخلي ابوك الي يجي ويقرا لك القصه
نيني: والله !!
توبي: ايه ..تبي ؟
نيني: اييه
توبي: اجل انطم لأنك ازعجتنا
نيني:انت بعد اسكت مسوي نفسك حلو
توبي: انا ان مت يا ريما ترا بسبب هالكلمه الي منرفزتني
ريما: لوووووووووووووول
..........
وصلنا لبار التشيلي ودخلناه
ولحسن حظنا لقيناه مع الفرقه قاعد
بس لسوء حظنا ان الاخ سكران لحد الثماله هع <<<برااااااااا بسرعه
في تكمله لا احد يرد