[بــو خــلــيــل]

هلا وسهلا بكم ...


عرضت إلى الآن، أهم الأخبار الرسمية التي تتطرق إلى موضوع البلاك بيري مع قرار حجبه أو البدائل الجديدة من مقدمي الخدمة في الامارات ...

وننتظر ما سيحدث لاحقاً ..

بس شكله من الخاطر طاح سوق البلاك بيري طيحة قوية، من بعد الخقة اللي كانت من جميع الناس اللي عندهم هالجوال، مع استحقار النوكيا وربعهم ... ودارت الدنيا يا البيبي



ERI


زين والله ما عرفتيه، لأنه عصره انتهى حالياً !! وبيرجع جوال عادي حاله حال اي شيء ثاني ..

مع انه يمكن الحين، كل أصحاب الـ iPhone بيستانسون من الخبر، لأنهم ما اضطروا لتجربة البلاك بيري، ولا تركوا جوالاتهم الخاصة والمتميزة بحق ..




ĐĀνĺċҢŀ


همممم، هذا الشيء يبالي أتأكد منه لما تنقطع الخدمة ...
هل بنقدر نشغل الخدمة باستخدام شبكة الـ WiFi ، أو لنقل: Hot Spot !؟

وطالما الخدمة مقطوعة عندكم قبلنا، خبرينا بالنتيجة ...



Hoωαγoηg

ههههههههههه
شكلك متعقدة من البلاك بيري مرررررررررة
ايه كذا احسن، لأنه السواقة مع استخدام الجوال تعد من أسوأ الأشياء ..

صحيح كنت انا اسويها بعد من قبل .. لكن كان هالشيء باستخدام الـ Nokia، وعدد ازراره قليلة
فما احتاج اشوف الجوال وانا اكتب...

بس الحين، ماشاء الله مليون فص والثاني، يباله قعدة لين اكتب شيء !




بالنسبة للـآيفون، فالأمر يتعلق بانه سيرفرات البلاك بيري موجودة بكندا
واصحابنا ما يبغون السيرفرات تكون برع الدولة لدواعي امنية !
ارجعي فوق اقري الخبر بتعرفين ...

تحيتي وتقديري للجميع ...


ونبغي مشاركة شوية ...