بدايةً
اعرفي انه الكلام ينقسم لـ 3 لأنواع ..
سواليف ( كلامنا كل يوم )
نقاش ( موضوع او مشكلة وآراء مختلفة ) ,
أسرار ( مشاكلك الخاصة , مشاعرك و أسرارك وماتطلع إلا لشخص قريب ) .
:
الانطباع الأول عن أي شخص راح تاخذيه من أسلوب كلامه .. كان همجي , كان محترم وهادي ,كان ملسون
يعني من أول 5 دقائق بتكوني لمحة عنه وعن شخصيته .بتعرفي اذا انتي مرتاحتله أو مو مرتاحتله
.
فـ من الأفضل انك تحرصي على سواليفك لأنها جزء من تقديمك لنفسك في أي مكان
.
مره كنا طالعين انا وبنات عمي .. ووحده منهم واعدت صاحبتها ومررة متحمسه تورينا اياها وتعرفنا عليها
..
جت صاحبتها وسلمنا عليها .. قعدنا مع بعض .. شوية أسمعها تقولها انتي هيــه F***u وين جوالك
احنا افجعنا ..
.. مشيناها اوكي غلط مطبعي
نسيت انها معانا ..
شوية تنادي بنت عمي نوف .. ياحماارة تعاالي احناا هنااا
..
نوف جت مقهورة.. هذي من متى تعرفني ؟
علطول ياحمارة مامداني اجلس معاها كم دقيقة !
بعد هالموقفين .. وهي طايحة من عيننا
.. كل مرة بنت عمي تحاول فيني ..
كلميها تراها تسلم عليك والله انها طيبه انتي ماتعرفينها زين ..
إنطباعي اللي اخذته عنها عــدم !
بعد فترة طويلة .. كانت بنت عمي نايمة عندي وكلمتها صاحبتها وحطت عالسبيكر
قالت ألووووو هونيييي يالشييينه يالمخييسة وش ذا الخياس اللي انتي عايشة فييه ؟
( الكلام اقوى من كذاا ماقدر اكتبه )
انا :
.. ألووووووو وييينك .. أنا : عيــــب يااابنت
هاهاهاهاها من زماان عنك وش اخباارك
.. أنا : الحمدلله طيبه . أسمعي لاعاااد &^$%#%! مره ثانية
ايه ان شاء الله
( قال حبوبه قال !
)
الخلاصة
اذا ناس بتقابليهم اول مرة لازم تبعدي عن السب والحش . والمواضيع الخادشة للحياء ( عاد هذي تخصص الحريـم >_< ) ..
الناس ماراح تقول اوووه ايش البنت الكوول الفلله هذي .. علطول بياخذو انطباع عنك ومهما سويتي مستحيـل يتعدل ..
إكسبي اللي يتكلم ..
أعطي المتحدث إهتمام بكلامه .. إسأليه عشان يحس انك معاه .. حتى هو بتحسيه ارتاحلك اكثر وبيتكلم زيادة
.
لاتقاطعيه لو بتضيفي شي انتظري الين مايخلص كلامه .
اذا السالفة أو هو مو عاجبك جااملي للأخير وبعدين غيري مكانك عشان تتجنبي هالشخص
.
اعطيه انتبااهك .. لااااتسرررحي بعيـد لما احد يكلمك .. تراه شعووور يقهررر ..
أحياناً اشك إني Invisible اذا سووها فيني !-_- اذا قاطعتي كلامه وانشغلتي بشي ارجعيله خليه يكمل ..
في النقاشات تكثر المشاكل ..
كل واحد بيقنع الثاني بوجهة نظره , كل واحد يبغى يطلَع نفسه الفاهم , وكله بالغصب .. طيب ليه ؟
لما تدخلي مناقشة فيه أشياء مهمه حطيها في بالك عشان ماتسوي مشكلة وعشان كمان ماتخربي مظهرك.
1- لاتتكلمي عن موضوع ماتعرفيه .
اذا كانوا يتكلموا عن موضوع ماعندك خلفية عنه , وماتبغي تسكتي عشان محد يحس انك مو في الدنيا
..الأحسن انك تقعدي زي ما إنتي ( ساااكته ) .
2- أعطي مجال للآراء .
اتبعي المقوله ( رأيي صواب يحتمل الخطأ . ورأيك خطأ يحتمل الصواب ) .
لاتكوني متعصبه لرأي واحد تقبلي الآراء واحترميها .. ممكن تكون صح ..
ولا تفكري بإنه لما تقتنعي برأي غير رأيك معناته ( ماعندك شخصية ومالك كلمة ) بالعكس هذا دليل على وعيك وثقافتك .
3- ابعدي عن الغلط !
عوَدي نفسك ماتغلطي على أحد بكلامك سواءً كان شخص , قبيلة , أو جنسية ثانية .
مثلاً : (يااكرهي لهالمصاريه يختي) ( يااربي ياشييينهم أهل الجنوب ) بعدين تكتشفي انه في وحده جالسة معاكم مصريه ولا جنوبية .... الخ وتسير كاااارثه .
وكمان ابعدي عن الدق بالكلام وحركات الحريم
.. اذا في نفسك شي قوليه بصراحة
مو قدام الناس ( إياك أعني واسمعي ياجارة
) مرره تنزل من قدرك هالأشياء
.
4- إنهي المناقشة على خير .
اذا حسيتي انه اشتد الكلام بين الأطراف وبتسير مضاربة . حاولي تنهي الحوار بأي جملة ..
( اختلاف الرأي لايفسد للود قضية ) .. ( خلاااص ياهوه صلوا عالنبي ترا السالفة ماتسوى )
بالذات اذا كانت عزيمتك .. حاولي تديري الحوار , وتحافظي على الجو من التكهرب
. :