أنيووووووه^^^
أيآآم بآآك <~~ موضوع أبوهآ كأنو ×_~"
بالنسبة للبنات الي أهاليهم مايخلوهم يروحوا عند صحباتهم لوحدهم لآزم معآهم أحد كبير
أنآ عن نفسي أشوف هذا هو عين العقل يعني لآ حرمان ولا فلتآن
وبعدين في بنات توصل عندهم الوقاحة لما يجوا يعزموكي يقوللك :[ تعالي بسسسس إنتي ،
نبغى نخليها جلسة بنات بسِِِ !!!!! ] ..والله هذي أول ما اسمعها أعطي الحكاية بكبرهآ طناش
( دع ما يريبك ، إلى ما لا يريبك )
أمآ البنات إلي أهاليهم مايخلوهم يروحوا عند صحباتهم خير شر
فعآد هذا نصيبهم ايش يسواا ، وترى الحكاية مو مستآهلة ..
وبعدين الجوالات والتليفونات والمسن يكفوا ويوفوآ
.
.
وبعدين لفتني مصطلح ( لوحة فنية)
تدري كثر الله خيرهم لو أتعاملت المرأة حالياً كلوحة فنية
على القليلة اللو حة الفنية تتعلق ويخافوا عليها من نسمة الهوى ، أما حواء عليها كل الكرف
والتعب يوماتي وإذا ارتاحتلها ساعتين صآرت الحرمة العويلة ....... إلخ
اللوحة الفنية بتتمسح الغبرة الي عليها كل فترةوفترة
أمآ حواء ياعيني ممكن تعيش عمرها كلو وما تلاقي أحد يهتم فيها أو يعطيها جزء من وقتو
اللوحة بيطلع عليها كلام حلو وكلام و سلبي ، بس حواء لو أيش ماعملت ماتسمع غير الكلام السلبي
أمآ الكلام الحلو قلما تسمعو و يمكن في حريم ماسمعوهـ غير وهما في قبورهم >_>"
برضو يرجع العتب على حواء كمان ،
ليش البنت لما تشوف امهآ تعبآنة ماتحط يدهآ وتساعدها بلي تقدرعليه
وتقلها كلمتين تحسسها إنها مقدرة تعبها وتفرحها بيها
ليش نآدراً مآ تلاقي وحدة تسمعك وتكون أمينة أسرارك
وليش أصلاً الأم تحوج بنتها تروح تشكي لوحدة غريبة وهيا موجودة
ليش حارمتها من الحنان إلي يعزز شخصيتها ويحميها من الضلال
.. يعني إحنا كان يمدينا نكمل نفسنا بنفسنا بس ياحسرة على العقل الصغير
تلآقي أغلبية الأمهات ولا شعوريا يبآلغوا بتدليع عيالهم الأولاد
ولما تسمع هالشيء تنكره وتنفيه. . . طيب ماعلينا نقول البنات يدلعهم ابوهم هذا الشيء الطبيعي
طيب إذا الأب كآن رجال موحايط عن البيت طول وقتو في الشغل ومع اصحابو
لمين تروح البنت ؟ حتى لو صرف عليها دم قلبو ( من غير مآيعطيها جزء من وقتو )
هذا الدلع كلو مافيه فايدة .البنت صدقت نفسها دلوعة أبوها والي تبغاه ييجيها + علاقتها مع امها غير جيدة
أنآ أشوف أنو الأب لوكان قدوة حسنة لعيالوا راح يحل جزء من مشكلتنا
البنت لوكانت تحب أبوهآ وشايفتو احسن رجال في الدنيا وتقتدي بيه بكل شي
ماراح تمشي بطريق غير بعد ما تاخذ كلمة أبوها ، وحتى لو أبوها كان ما ينفذلها كل طلباتها
وتحس بالتمييز .، فالنهاية راح تعذر أبوها حتى لو ماأعطاها تفسير
والله عن نفسي علاقة البنت مع أبوهآآآآآ من أهم العلاقات في حياتها
بس مين يسمع ×_×"
بس خلااص أحس إني طولت
السموووحة منكم =_="