>> هادي صورة سطوح أحد المدارس البعيييد كل البعد عن سطووح مدرستي السابقهـ
يحكى أن ~
في يوم من أيام الصف التانيهـ ثانوي كنت أنا و my best خارجين من كلاس الحاسب
الواقع في الدور الأخير ,,
( مدرستنا كان الدور الأخير مقسم قسمين قسم فصول وقسم سطوح
ويفصل بينهم باآآب مفتاآآحهـ دايمن مع مديرتنا )
المهم ,, الا وتقع عيني
ع مفتاآآآآآآآآآح باب السطووح معلق فيهـ
وبكل براآآآآآآآآآآآآءهـ في الحياهـ أقرب من الباب وأسحب المفتاح وأمشي
>> ولا كأني عملت شي
وفي الفسحهـ قمت أنا و my best و sleeping beauty و شموخ أنثى
>> ما ادري ايش نحس بالألقاب هادي !! 
,, صحباآتي وربي أحببببببكم ووشحتوني مووووت 
نرجع لحكايتنا قمنا أنا وصحباتي السالف ذكرهم طلعنا ع السطوووووح وسرنا شايفين الساحهـ
الي مليانهـ بناآآت ,,
جلسنا ندوووور ولقطنا باقي شلتنا
الا ونصرررررررررررررخ بصوتناآآآآ
بناآآآآآآآآآآآآآآآآآآآت ,, وناآآآآآآآآآآآآسهـ ,, نحنا في السطووووووووووووح
>> تقولوا ما شفنا خييير ابدددن
وسرنا نجري في السطووح ونصررررخ ,, ليش ما أدري 
وبعدين نزلنا ولا كأننا عملنا شي ورحنا عند شلتنا
( يا مجانين ,, كيف عملتوها ؟؟ .. واآآآآآآآهـ ,, سرقتي المفتاآآآح ,, والله انكـ رهيييييبة )
>> ترى شلتي مجنونة زيي ,, مني مآخدهـ الهبال من بعييييد
الا تجي مفقوشهـ ونحكيها الحكايهـ
( واآآآآآآآآآآآآهـ ,, انا كمان أبى أطللللع )
ويرفضوا الرباعي المرح انهم يطلعوا تاني بحجة " مو كل مرة تسلم الجرة "
ومافي غير حضرة جنابي عنترة بن شداد أطلع معاها
وبالفعل طلعنا وكان ما بقي ع الفسحة الا شوية
طلعنا السطووووح ووصلنا الين الأخير
لقينا طاولات قمنا شلناها وحطيناها على سور السطوح وطلعنا فوقها ,,
يعني سرنا شايفين الشاآآآآرع
وجلسناآآآ نصررررررخ ,, كان احساس لا يوصف الصراآآآحهـ
الا ويقطع متعتنا دقة الجرس
ومن الربكة نبى نجررري ولا ايش نسوي محنا عارفيييين
ونحنا طالعين من السطوح يشوفنا بناآآت تالتهـ ثانوي
وبصووووتهم ( بنتين منحرفين خارجين من السطوووووح )
كويس انهم ما حفظوا وجيهنا مزبوووط
لأننا كنا جالسين نجررررري
وفي الصرفة تعالوا أسمعوا الاشاعات
( ايوة ,, كل الفسحة كانوا جالسينها فوق .. ما أدري ايش يسووا .. مين هما ؟؟ ما أدري )
وانا وصحباآآآتي ضحكـ لممممن ماآآآفي ~
بعد اليوم الوناسي هادا قررنا نرجع مفتاح السطوح
وبالفعل رجعناهـ مكان مالقيناهـ
ويادار ما دخلكـ شر
ولا كأننا سوينا شي اببببببببدن 
>> شايفين كيف أنا وشلتي اللطيفين 
^^