تم وبحمد الله الانتهاء من النسخة الثانية
وافتتاح النسخة الثالثة
اتمنى تكون هالنسخة حلوووة ونشيطة
مثل ماراح تكون هالسنة حلوة ونشيطة ان شاء الله
Happy New Year
وكل عام وانتوا بخير
وحاولوا تنسون الاشيا اللي ماتحبونها في سنة 2009
وتصنعون لكم ذكريات حلوة في 2010
حبيت أغير في كتابة الموضوع ولكن راح الطش من النسخة اللي قبل
ولو عندكم افكار للنسخ القادمة قولها لي علشان نسوي تغير بين فترة والثانية
كتابة اليوميات.....
تعتبر الطريقة الأولى للتعبير عن النفس
فيها الواحد يقدر يطلع اللي محبوس في قلبه من دون مااحد يعاتبه
يتكلم عن حياته الخاصة همومه ومتاعبه ويومياته في المدرسة وكل شي في خاطره
علشان مايتم شي في خاطره ويتم مهموم لفترة طويلة
واحنا كمجتمع عربي أحس ماعندنا مذكرات يومية
يمكن البعض عندهم بس مو كلهم مثلاً أنا ماعندي مذكرات ولا شي
وهذا هو هدفي من الموضوع
مانبي أي شي يتم في خاطرنا نبي نطلع كل شي ومانبقى مقهورين على شي من هالحياة
نكتب يومياتنا هنا .........
رحلات عائلية من سفر وكشتات ........الخ
وأي شي تبون تكتبونه
نرحب به هنا، نشارككم يومياتكم ونسولف معاكم عنها
نشجع بعض في حل المشاكل اذا كان عندنا
والأهم نشجع طالبات وطلاب المدارس
والموضوع راح يكون مفتوووح للجميع في أي وقت
بنات وأولاد طلاب جامعيين وطلاب ثانوية ومتوسطة وابتدائية
وماراح نلتزم بقوانين ولاشي يعني اخذوا راحتكم وتنفسوا وتفسحوا
واعتبروا هالموضوع متنفس لكم ولهمومكم ومتاعبكم
والحين تفضلوا قولوا اللي تبون
الموضوع الأصلي :
Happy Birthday My Teacher كوادح ~3~ || الكاتب :
ERI || المصدر :
منتديات أنيدرا