[WijdAn GhraM]

كيف حال الجميع ان شاء الله الكل بخير وسلامه؟! عادات اهل الحجاز ايام رمضان المبارك من اعلان رمضان تختلف من كل بيت لبيت من كل مدينه لمدينه راح اتكلم على الاشياء المتفقه بيننا ايام رمضان الكريم راح اتكلم في ثلاث نقاط ( اكلات رمضان - البسطات الرمضانية - والعادات الرمضانية ) يوم الشعبانية طبعا هدا تكون في اخر ليله او قبلها من شعبان جتمعون فيه مع الأهل والأصدقاء ومره الاحيان الحي كله بنات الحي وشباب الحي والامهات وهات ضحك ومزح وفرح من يوم ما يتم اعلان رمضان بعد صلاة المغرب في مناطق الحجاز تبدأ اجواء رمضان ورمضان عند أهل الحجاز له طعم خاص ومميز، ما يحس بحلاوته إلا اللي عاش في الحجاز او جلس في اخر يوم في شعبان ,تزدحم الشوارع الدنيا كلها واللى يحتفل برمضان ويعلق الفوانيس عند الباب >>هذا السنه سويتها في البيت وبعض البيوت تتجهز وتشيك على اغراض رمضان . وتبدا الام تفكر ايش تسوي على السحور وبعض البيوت تسوي عزومه وتجمع العايله ويتسحرون في بيت العائله ( المقصود في بيت العائله = بيت الجد والجده ) صباح رمضان .... اول يوم في رمضان بعد صلاة الظهر تعد الامهات وبنات البيت المأكولات الحجازية التي لا غنى عنها على أي سفرة حجازية. من اكلات اهل الحجاز عبارة عن عجينه الحشوة بتكون لحم و بقدونس وبيض مسلوق بالنسبه للبف .. ام السمبوسه بيكون فيها بصل و لحم و شبث شربة الحب من الأصناف الرئيسية في فطور رمضان و هي تنطبخ بالحَبْ الأمريكي و اللحم هي نوعين الاحمر والابيض الون الاحمر بسبب الطماطم ^^ هي عبارة عن عجين يتم قليها بالزيت وتنحط مباشرة على الشيره عشان تاخد نكهة الحلوى فيها تكون لذيذه وهي حاره الفول والتميس من اهم الاشياء بعد الشربه تكون موجوده في السفرة ومافي بيت في الحجاز مايكون الفول والتميس فيها خبز الشريك يكون موجود دائما على سفرة الحرم وكمان في بيوت تفضل الشريك عن التميس وهو عبارة عن خبز يكون بشكل دائري مرشوش فوقه سمسم ويفضل اكل الشريك مع البن الزبادي قبل المغرب تتجهز السفرة الرمضانيه والكل البيت يجلس قبل المغرب بفترة عند السفره اللى يتكلم مع امه واللى تتكلم مع اختها واللى تشوف اولادها الصغار واللى تدعي واللى ينقد في اكل هدا ايش وليش مسوي دا >اكره شي عندي وبعد صلاة المغرب الكل يفطر وينتهى الحمد لله يجي دور الشاهى المغربي او الحساوي ( انواع النعناع الخاص بالشاهي الاحمر ).كانو يقولو فنجان شاهي عليك اشكي غزال بالود كاويني والكل يشرب ويهرج عن اللى صار معه خلال اليوم ...قبل صلاة العشاء الكل يجهز للذهاب الى الحرم المكي والحرم النبوي لاقامت صلاة العشاء والتروايح بعد صلاة التراويح الكل يرجع البيت او يخرجوا مع الاصحاب والجيران او الاسواق بسطات المشروبات الرمضانية مثل السوبيه ( البيضاء والاحمر ) والحمر والقمر دين ومافي بيت اللى وفي هذا المشروبات بالاضافه اللى الفيمتو والتانج احلى شي في ليل رمضان بسطات البليلة ولابد من دي البسطات ايام رمضان مافي حي اللى وفيه هذا البسطات وكثير نشوفها في الاسواق يتم ببيعها بكميات بطريقة ممتعة وسط تعالي أصوات وأهازيج البائعين بطريقة غنائية فريدة. السحور .. مسحراتي جده ومكه : مازال المسحراتي الجداوي والمكاوي من التقاليد القديمة، والتي لازالت موجودة في أحياء جدة ومكة القديمة، فقط هو المسحراتي، وهو الرجل الذي يطوف ليلاً بالبيوت ليوقظ الناس لتناول وجبة السحور. يستخدم "المسحراتي" في عمله طبلة تعرف بـ "البازة. بعض الجمل التراثية التي يقولها المسحراتي: "قو م يا نائم وحد الدائم" و"السحور يا عباد الله". طبعا اعتقد مسحراتي في دا الزمن مش موجود بكدا ينتهى اليوم اتمني انو العادات تكون عجبتكم تحياتي : وجدان الغرام

الموضوع الأصلي : عادات اهل الحجاز ايام رمضان المبارك || الكاتب : WijdAn GhraM || المصدر : منتديات أنيدرا