[nonnah]

صبااااااح الخير عالناس الحلوة كيفك كلكم إن شاء الله تمام..





اممم اليوم حابة أناقش موضوعين مع بعض .. بس كلو تقريبن يدور حول موضوع مهم وهوا الأهل..




دايمن لمن نبا نفلها ونبا ننبسط نتجه لصاحباتنا والبنات الي في عمرنا وكدا أنا كمان يعني زيكم..




لمن نكون مع أهالينا ماننبسط.. بعضكم يقولو كل شي عندهم قوانين يطفشو.. تفكيرهم قديم..

ورسمي ..ويبونا نسوي أشياء مفيدة..ونقرأ ويدونا مواعظ .. ما أختلفنا كلنا بنعاني من دا الشي..


يمكن أنا أكتر وحدة لإني ماعندي ولااااااااا بني آدم قدي.. أنا في الجامعة وبعدي..ابتدائي على طول


وأصغر..كم مرا أجي أتكلم مع ماما وكدا أباها تكون زي صاحبتي وكدا وأكون متحممسة أوريها أشياء


أقولها والله مرررا فللة .. وفلة لو رحنا وفلة لو سوينا.. بس هيا ماتديني اهتمام مرا تقولي ايوه صح


امم..اها..ولا تجلس تكلمني على أهل بابا ومشاكلهم .. صح فارق العمر .. برضو يختلف وكدا..

بس برضو نفسي أنا وأكيد نفسكم كلكم .. تفلوها مع أهاليهم وتمبسطو معاهم تلاقي ..الولد


راح مع أصحابو الشباب وساب جمعة العيلة أي نعم دا عمرنا واحلى وفلة معاهم بس لازم نخصص ولو يوم واحد نفلها


مع أهالينا.. كل واحد يدخل ويكتب مقترحاتو ,,عشان نتقرب من أهالينا ونفلها معاهم ..مولازم


نسيب أصحابنا ..بس برضو حلو نوازن..



سووووركن ..

دمتم بود



أختكم نونة..

الموضوع الأصلي : نبا الفلة مع أهالينا مو بس مع أصحابنا.. || الكاتب : nonnah || المصدر : منتديات أنيدرا