[فتـــاة الهند]

أول شي حبيبتي ميرل :: أاانا اليوم يومي في إنزال القصة وانت أحجزي مكان للتعليق وعلقي على كيفك بس أنا لازم أزل اليوم عشان لبكرة يكون التعليق لقصتي اوكي

بدات الصحافة والإعلام كل مانمشي أحد يجي قلق صراحة وبعد كم يوم استضافوني أنا و تومو ونيوز في شونون كلوب . وسوا لقاءات وألعاب ..

وغنى تومو أغنية جديدة من كلماتوا

لاتقلقي

لمن خلص البرنامج خرجنا من الإستديوا وجا يبغى يوصلني

قلي : إشرايك نمشي اليوم مانركب سيارة .

قلت: أوكي

واحنا ماشيين جلسنا نهرج عن أشياء كثيرة وصبت مطرة وسار الجو قمة في الرومنسية وااااااااااو واحنا ماشيين شفت كلب ومررررررة خفت مسك يدي بقوة وقتها أنا وقفت مكاني وهوة وقف ونسيت الكلب والخوف بس قلبي سار زي الزلزال خلاص ماني قادرة أتحمل دا الإحساس

وكان تومو يطل في يدي ونظرتوا غريبة مني فاهمتها !!

__إحساس تومو __ قلبي سار دافئ بنفس دفئ يدها إيش هذا الإحساس _

ولمن طل فيه طل بنظرة زلزلت كياني وسرت مني قادرة أنزل حتى عيني وأتربكت و جيت بأبعد يدي مسكها بقوة ومشينا وركبنا القطار وكان ماسك يدي كمان وانا كأني في حلم ووصلنا البيت وكان الوقت بدري مرة يعني المغرب فدخل البيت وشربنا الشاي وقلي : أبغا أعرف كل حاجة عنك ممكن ؟؟

وجلسنا نتكلم عن نفسنا واحنا جالسين شاف سلسلتي القلب المسكر اللي أقدر أحوط في صورة لمن جا يبغى يشوفوا أنا شلتوا .

فقال ليش ؟؟

قلت : فيه صورتي أنا وحبيبي فتغير وجهوا مرررررررررررررة .

قال : خليني أشوفوا

قلت : هوة مايفتكرني إلين دحين لمن يفتكرني أوريك هوة . طبعا قصدي عليه

تومو : أمممم طيب

وجلس يدور في أغراضي لقا شريطي الخاص اللي فيه كل إعلاناتي ولقى صورة عالغلاف لشخص عزيز

وسألني : مين هذا اللي إنتي وياه صوركم عالغلاف

قلت : ممثل في الهند وماحبيت أتكلم في الموضوع وقفلت الهرجة

بعد كم يوم استضافوا نيوز في برنامج ميوزك وسألوا تومو عن حبوا الأول شوفوا المقابلة

أنا لمن شفت المقابلة سرت أبكي زي المجنونة من فرحتي إنو مانسيني وقال للعالم كلوا إني حبوا الأول فقلت خلاص حأقلوا الحقيقة بكرة .

بعد المقابلة جالس تومو لحالوا وجالوا

ريو وقالوا: مين دي الحب الأول تتوقع حتلقاها ؟؟

تومو : ماأدري بس أحاسيسي مرررة ملخبطة دي الأيام

ريو : قصدك فنو ؟؟

تومو : ماأدري ..

فسرح تومو وسار يضرب قلبوا بيدوا ويتأوه .. و مو سامع ريو وهوة يتكلم فضحك ريو

وقال : أسمع لقلبك حيوصلك لحبك أكيد "" وتركوا لحالوا ورراح ..

_ أحاسيس يامابي _ أنا سرت أحب فنو بس أخاف أكون خاين ؟؟ طيب لمن مسكت يدها جاني نفس الدفء القديم ؟؟ أحس إن الله رسلي فنو عشان أحبها آآآآآآآآآآآآآخ أانا أسألها عنها أول أحسن ..

بعدين دق جوالي طبعا نغمتي أغنية الحب لبي

هلا

تومو : فنو تعرفي وحدة إسمها ألينا جات اليابان وهية صغيرة

انا : أمممم لا

تومو : طيب أنتظرك على الساحل تعالي أبغاكي ضروري

يتبع في الرد الجاي >>>>