[Mr_Misery]

و الان حبيبنا توداي

أهلا بكل الموجودين هنا منورين بجد
انا تأخرت عليكم فعلا بس متابع كل ردودكم وتفاعلكم الكبير والمشجع

ألف أهلا و مليون مرحبًا بيك يا توداي ، وحشتنا و الله في اليومين اللي فاتوا
و سعيدين و ربنا بمتابعتك معانا ، و تفاعلك كمان اسعدنا و الله

تسلم اديك ياميسيري يا ابو الكرم كل مره جايب لينا معاك القهوة والشاي
والحلو كمان تسلم بجد

ربنا يسلمك و يخليك يا حبيبي و تستاهلوا اكثر و الله
الا حق يا توداي ، انتي من نادي القهوة و لا الشاي ؟
عشان نعرف نضيفك كويس المرات الجاية باذن الله

انا ناوي ان شاء الله استغل فرصة معرض القاهره للكتاب واشتري مجموعة
كتب معينه وكمان اشتري كام سلسله من روايات الجيب
لان المعرض فرصه حلوه اقدر الاقي كل اللي انا عايزه موجود هناك وهو مقام من يوم
22 يناير لحد 4 فبراير يعني في وقت بس ربنا يسهل الحال يااااااارب

وكمان الروايات موجوده في المكتبات بس المشكله مش كل الاعداد متوفره

ياااه .. معرض الكتاب
تعرف يا توداي من زمان بسمع عن المعرض دا ، و كنت دائما بتاع الكتب و الاصدارات
اللي حتنزل فيه في واحد من المنتديات المخصصة للروايات فقط ..

بس ما جانيش نصيب احضروا خالص .. و حتى زيارتي الاخيرة لمصر جت في الصيف
^^"""

بخصوص فترة المعرض ، فانا فاهم قصدك ..
و ربنا يعدي الفترة دي على خير يا رب ، و تكون فترة امن و امان لمصر ..
الناس تعبت ، و ما اظنش حد مستعد يعيش الفوض تاني ..

بخصوص الروايات و المكاتب .. فاسمع مني و انا اخوك يا توداي ..
حمل من المواقع الاون لاين .. و اقرأ على اللاب توب او على النقال بتاعك و حتنبسط ، و
حتلاقي كل الاعداد كاملة و ببلاش كمان يا عم
(بالذمة في عروض مغرية اكثر من كدا )

على كل حال انا موافق جداااااا على الاقتراح وهبدأ من النهارده من
سلسلة ماوراء الطبيعه وفعلا نزلت العدد الاول منها وهبدأ فيه ان شاء الله

ممتاااااز الف مليووووون ممتاز
و انا كمان باذن الله بعد ما اكمل الرد هنا ، حلقكم و اكمل العدد ..
و لو اني عارف ان شوكو كملتوا قبل شوية (و انا بكتب لك الرد دا ، اديت المنتدى طلة ،
و لقيتها كاتبة انها كملت في مدونتها هنا)

و هي الآن هنا في الموضوع فاحتمال كبير تكون قاعدة تكتب تعليقها و انا قاعد اكتب الرد
دا

المهم ، كنت بقول لك ايه يا توداي ؟

اه ..

سعيد جدا ان ميسيري وحوريه وشوكو وجيو هيسترجعوا الذكريات معانا
تاني والله
شئ جميل

يب يب يا صاحبي ، و صدقني .. انت كمان بعد زمن حتجرب حكاية استرجاع الذكريات دي
و حتنبسط و تفتكر الايام دي (انا لحد الان بفتكر مواقف و لحظات في نادي روايات القديم
هنا)

و اتوقع ان النادي دا حيكون اجمد بكثــــر باذن الله بفضل التفاعل الجميل اللي هنا

موقع جود ريدز اللي اتكلمت عنه حوريه موقع ممتاز انا فعلا متعود دايما
قبل ماقرأ اي كتاب اشوف التقيم واراء القراء واعمال الكتاب فهو فعلا موقع ممتاز انصح
الكل فعلا بيه

يب يب ، الريفيوز اللي فيه جميلة فعلا (قريت منها كذا واحدة)
و احتمال .. احتمال لو لقيت وقت و مزاج اعمل ريفو لكل رواية اقرأها هنا تبع النادي ..

و الحاجة الجميلة الثانية في الموقع هي الاقتباسات ..
انا بحب الاقتباسات بشكل مش طبيعي ، و عادة لما افتش عن اقتباسات معينة في الجوجل
.. يطلع لي الموقع دا ضمن النتائج

بالنسبه لكلام حوريه ومسيري عن الكتب الورقيه
فعلا الكتاب علشان تجيب نسخه ورقيه منه بقى شئ متعب
يعني محتاج تنزل لاماكن معينه رغم انه في السنوات اللي فاتت انتشرت بشكل كويس
فكرة معرض الكتاب بحيث بتكون موجوده في المدراس والجامعات وكنت فعلا بلاقي إقبال
من الطلبه كبير
افتكرت مره واحد صاحبي كان بيقول لي لازم يكون الكتب ورق في ايدي علشان انام عليه
واتني الصفحه واعلم على الصفحه اللي وقفت عندها واحس بيه ويحس بيا الله يمسيه
بالخير
ولكن كان بيكون المعرض مرتين او تلاته في السنه ففعلا الكتب الالكترونيه حلت أزمه
كبيره جدا واصبحت متاحه لللجميع وفي كل وقت وبأسهل الطرق

يب يب ..
الحكاية متعبة فعلا ، و افتكر انا لما نزلت القاهرة .. طلعت عيني عشان اوصل لمكان
تتباع فيه الكتب و الروايات دي (برغم اني كنت متصور انها موجودة في كل مكان)

بخصوص متعة الكتاب الورقي ، فدي حاجة ما اقدرش اخالفك فيها ابدا يا توداي ..
انا شخصيا من الناس اللي بيحبوا الورق و ملمس الورق و ريحة الورق ، و حكاية الثني
دي كمان عندي بشكل مش طبيعي (بس بديت استعمل كروت شحن الموبايل عشان اعلم
بيها الصفحات في السنوات الاخيرة)

بس زي ما بيقول المثل : مكره اخاك لا بطل
(اقصد بخصوص الكتب الالكترونية)

تعرف .. في فترة كنت اتمن انزل مصر و معاي شنطة كبيرة و اشتري كل الاعداد بتاعت
كم سلسلة و ارجع بيهم لليبيا ..

لكن مع الوقت راحت الامنية دي .. و تقريبا الحاجة الوحيدة اللي نفسي في كتب منها هي
روايات هاري بوتر (قريتها على الكمبيوتر بالعربي و الانجليزي ، بس شفت عرض في
واحد من المواقع للمجموعة الكاملة ورقية و باغلفة سميكة و تمنيت اشتريها لو لقيت
فرصة)

سعيد بتواجد الكل هنا وسعيد بتواجدي معاكم
وهرجع ان شاء الله بعد قرأة مصاص الدماء واسطورة الرجل الذئب يلا شدوا حيلكم
ياشباب

و نحن و الله اسعد بتواجد معانا يا توداي
و باذن الله نكمل بسرعة و نلحق معاك يا صاحبي