لويخون الكون ..حبك.. نذر علي مااخون؟؟
لو يخون الكون حبك
وماتحس احد((ن)) يحبك
غير شخص ((ن)) عاش قربك
صاحبك ورفيق دربك
صار روحك
صار نبضك
صار قلبك
لاتصدق لو حلف لك
مايحبك
ترتمي باحضان همك
تنثر محد((ن)) يلمك
ولو تموت بغيض همك
مافيه شخص يمك
ولاحدِ فكر فهمك
إلا أمك
امك اللي من ولاها
مهما تبعد عن سماها
شوقها راح وخذاها
صوب زولك ياضناها
تخشى لوهو الموت جاها
وانت غايب منت معاها
موتها جاها لعلمك
موتها لوجاك همك
وهي ماتقدر تضمك
لوهوالعالم يضمك
مايحرك بعض همك
مايطفي نار ضيقك
مايزيح جبال غمك
إلاأمك
امك اللي من تقول: أمي
يطير قلبها الخطأ يمك يسير
فضلها لو بوصفه بحر((ن)) غزير
ماعطيته كل حقه ومايصير
اوصف الدنيا بها لشيءِ يسير
ياخي لوتسأل طرف ذاك السرير
اللي ياما اسهرتها عنده كثير
كان صاح وقال: أمك
كان صاح وقال: أمك
كان صاح وقال: أمك
ياما سهرت وهي تحوفك
وهي تروفك
وهي تشوفك
تلمس يدينك وتشفى
تحضنك ويزول خوفك
هذي أمك
في المساء والصبح يمك
تمشي وتدعي وانا أمك
ليت فيني كل هم كل عله
ولاتجي في يوم يمك
ومن غلاة وفضل أمك
حتى خير خلق الله لعلمك
قال : (( امك..أمك.. ثم أمك))
ياعساك يمه دوم لي تسلمين