[أنهار]

ياهلا اختي ورمضان كريم علينا وعليكم ..

نبدأ وعلى بركه الله ..

* متى بدأتوا تشترون مقاضي رمضان .. ؟

في الاسبوع الاخير من رمضان ..

* شعوركم واحنا الحين بـ رمضان ..؟

شعور جميل ورائع واجواء روحانيه وتتمنى طول السنة انه يكون رمضان ..

* حلوهـ الاجازهـ في رمضان والا ايام الدوآم احسن ؟
[ رحمة حالهم الموظفين ]

اكيد حلوووه .. بس لو هي مدارس افتك من اخوااني خخخخ

* للبنات ] .. تحبينَ المطبخ ؟
شو اكثر طبخة تفضلين تسوينهآ او تضبطينهآ بالاصح .. ؟

اكيد احبه .. واحب اتعلم كثير .. في رمضان اعمل السمبوسه ..
وامس عملت الشوربه اول مرة خخخ
واعمل الكيك .. وهذا غير القلي .. فانا اقوم به ..

* هل أمج من النوع اللي لازم ادخلج المطبخ بـ رمضان
وبعد مطاق وهواش تروحين "مكسورة الجناح" ؟

لالالا احيانا ماتكلمني .. سبحان الله احسها تحب تعمل الاشياء لوحدها
يعني هي تقوم بعمليه الطبخ من و الى .. ولكن تناديني في غسيل الصحون
وااااه على غسيل الصحون ..

* اأكثر أكله تفضلونها ع السفرهـ ,.. ؟
يعني لو ماشفتوهـآ تحسون الفطور ناقص ,..

الشوربه ..

* عاداتكم بالفطور كيف .,.؟
اذا أذن شو تقدمون ؟ وعقب الصلاة بعد شو تقدمون.. ؟
ولا كله خلط بلط مرة وحدة ؟ --> ما تقصد نفسها

بصراحة مرة واحده خخخخخ
يعني التمر المويه العصير .. الشوربه ..
بعدها حبه سمبوسه .. وبعدها الشاااي لزوم الصداااع ..

* إذا انتم راعين عزايم بـ رمضان .. شرايكم بـ حوسة العزيمة ؟

لاماعندنا عزائم .. كل واحد في بيته خخخخخ

* صلاة التراويح
تحبون تصلونهآ بالمسجد او البيت [ للبنات
الاولاد .. هل تدآمون عليها ؟

في البيت .. زماان على ايام المتوسطه كنت اروح مع جدتي ..

سقط سهواً مافي رقم<--*شو اكثر مسلسل متخبلين عليه واتابعونه كل يوم ؟

مااتابع شيء معين ..
فقط اتابع مسلسل اسمه شعبان في رمضان ..
بعد الفطور ..

* قراءة القران لها نصيب كبير بهالشهر
كم مرة ناويين تختمون القران هالسنة ؟ ومتى تحبون تقرون قرءان

حتى لو مرة واحدة .. اهم شيء اختمه ان شاء الله ..
واحب اقرأ .. قبل السحور .. وقبل الفطور ..

* جدولكم بعد صلاة التراويح كيف ؟

امشي لمدة نصف ساعة تقريبا ..
بعدها على النت الى الساعة 1 تقريبا ..
بعدين اقرا .. اعمل لي شغله .. مااقعد فاضيه ..

* زيارات الاقارب هل لها نكهه ثانيه في رمضان ؟

لا ارى احدا في رمضان .. ربما مرة واحدة ازور فيها جدتي ..

*سحوركم .. شو عادات الاكل فيه .. وشو شعوركم ؟

احيانا مااتسحر .. امس وقبله ماتسحرت ..
ماكان لي نفس خخ

*موقف عبيط صارلكم اليوم ؟ --> سؤال مدري وش يبي

وانا اغسل الصحووون .. طفح المويه عليه ..
قلت والله مو ناقصه .. زعلت كثييير .. وحسيته
نكد علي يوومي ..

* نصيحة أخيرة من قلبكم لأعضائنا وزوارنا الحلوين بمناسبة شهر رمضان ؟

ربنا يتقبل منا ومنكم جميعا صالح الاعمال ..
وعلينا قراءة القران وختمه .. واداء العبادة على اكمل وجه ممكن
وصلة الرحمه .. والصدقه ..

واحب اشكرك على هذا الموضوع الجميل والخفيف ..
وكل عام وانت والجميع بخير ..