[nonnah]

كيفكم يا حلوين والوحشين كمان كيف حالهم >>أمزح ترى كلكم هنا حلوين

مع تطور الدنيا وتغير مفاهيم الجياة لدينا >> مو كلها أقصد نظرتنا لبعض الأمور

وصار مافي فرق بين الرجل والمرأة كلو يمشي الرجال يشتغلو شغل الحريم والحريم


يشتغلو شغل الرجال وعاتي كدا الدنيا حلوة


الموضوع الي أبا أناقشه ترضى أختك تصير مذيعة ؟وإزا لأ ليش وإزا سمحتلها اش القوانين الي


تحطلها هيا ؟

سؤالي للبنوتات نفس الشي ترضي تشتغلي مذيعة ؟تخافي من كلام الناس ونظرة المجتمع

أنا ما أقول شي لكن قليل الي يتقبلو الفكرة باعتبار عاداتنا وتقاليدنا ؟حترضي تشاركي في


أي شي برنامج ترفيهي حق أطفال ؟ولا في الأخبار ولا مع يلا شباب >>منى عيني


أهم شي أحقق حلمي الي نفسي فيه أنا كاتبه في نبذه عنو في يلا شباب بنوتة

تبا تسوي شي زي المعجزة في حياتها ويرسلولي على الخاص اش هيا المعجزة وانا


>>أبا أصير رئيسة أمريكا >>خخ أمزح مو دا


معجزتي هيا إني بعد ما أموت >> بعد عمر طويل إن شاء الله أسيب أثر وشي يغير الناس

للأفضل أبا أسوي شي غير ..


داك اليوم كنت أشوف فلم كان دوبو بادئ في البحرين ولد صغير يبا يغير العالم كيف؟

جاهم أستاز وهما أطفال في الإبتدائي أو أولى متوسط قالهم انتا العالم اش حيقول عنك؟

قالو ولا شي ..

قال انتا اش سويت للعالم ..

جاوبو نفس السؤال .. راح دا الولد قال انا طفل مح أقدر أسوي

شي خلاصة الموضوع إنو كلفهم بعمل يسوو يغير العالم .. الولد قالو لواحد والواحد حيقولو تلاتة

والتلاتة يقولوه لتسعة.. بس خسارة ماشفت النهاية


المهم انا ما خرجت عن الموضوع كتير أرجع للبنات من الكلام الي فوق اش حيكون هدفك


واش حتوصلي للعالم إزا كنتي مذيعة أو فكرتي في دا الشي


وهل حتنزعي حجابك ؟ حتلتزمي بالملابس المناسبة والمحتشمة؟


تخافي على نفسك من الفساد ؟


الحوار مفتوح للجميع وإزا عندكم إضافات أسئلة من عندكم قولوها وجاوبو عليها



ثانكس


أختكم نونة,,



ملاحظة انا ما أبا أصير مذيعة ولا شي.. حبيت آخد أرائكم بس إزا كان في شي يخدم أمتي مح أقصر


ملاحظة تانيه أتمنى ما يكون في مضاربات ويكون الحوار راقي أنا حأحترم وجهة نظر كل أحد بس لا تنفعلو

الموضوع الأصلي : نقاش..أبا أصير مذيعة يجي || الكاتب : nonnah || المصدر : منتديات أنيدرا