رن تيلفوني .. أمـآية متصـلة !!
ســالم : هلا الغــالية ..
أم ســآلم وهي تصيح : شو صاابهاا بنتيــه ؟ شووو صااابهاااا ؟
ســالم : أمـآية بلاج ؟ خير؟
أم سـالم : وينهـآ عفــآري؟ شو مستوي؟
أخخخخخخخخيج هآي حصوه محّد غيرهـــآ !! : مافيها شي بس ارهـآق ,, وعفآري فديتها تتدلع طشونة ..
أم ســالم : يــا ولديه لا اتعب البنيــة .. يتيــمة يتييمة ولا تنسى انها بنت الغااالي أخو الغااالي الله يرحمهم .. ثره ما قصّر وياكم انت واخوآنك ..
ســالم : أماية لا تقولين هالرمسة أفاا عليج .. عفرا فعيوني ..
أم سـالم : هيه جذه أباك هذا ولدي .. يوم بتسير لها مر عليه .. الدريول مآدريبه وين ؟!!
ســالم : إن شآء الله أمــآية نص ســاعة وأكون عندج .. يلـآ فمان الله ..
أم سـالم : فمان الكريم أبويه ..
بندت عنهاا .. حيهم ! بيلوموني الحيينه ! كيف بتكون ردة فعلها يوم بتشوفني !
سرت ومريت ع الوالدة وطوول الدرب نصآيح وإرشــآدات !
هييه ياعفاري ثرج غالية عندهم .. وعندي أنــآ أغلى يا أغلى النـآس ..
وصلنـآ المستشفى ودخلنـآ الحجرة ..
أم سالم : السلام عليكم ..
حصـة : وعليكم السلام .. مرحبا الغالية ..
ونشت بتوايه أمـآية واللي بدورهـآ دزت حصـة وقالت : قومي قومي عني .. حشى ما تنشدين عن أمج؟ ما تزوينهاا ؟ ما تقولين عندي أخوان بزورهم .. الكل ينشد عنج وانتي ولـآ عند خبر
حسيت الجو تكهرب ! هذا وقتج أماية الله يهديج ..
شفت حصة توخي .. وجنها بتصيح .. فقلت : أمــاية انتي تعرفين ظرووف بنتج عدل ويا أهلهاا اللي هم أهلج .. فلا تقسين عليهاا .. أدريبج متولهه عليها واتحبينها والتشره ما يكون الا للغالي بس قدري ظروفها فديتج ..
حصـة ابتسمت لي جنها تشكرني .. وأمــآية صـاحت ولوت ع حصة !
مسوين فلم هندي اهنه !
اشويه سمعنا حس .. واايه فديتهاا عفااري كلنا سرنا جداهاا ..
شفناها تغمض عيونها بألم .. وتخربط .. وآخر شي صــاحت وهي تقول : ساالم ساالم .. لا تودرني !
شقييييييت حلجيييييه .. فدييييييييتج الله .. شفتهم كلهم يتطالعوني وخلاص بنكفخ شكليه ! يتحسبوني قلت لها شي !
سارت جداها أمـآية ويودتها وتمت تمسح ع رآسها وتقرآ عليهــآ .. يلسنــآ حولهــآ ..
فتحت عيونها بصعبوبة اتطالعت أمــآية واتطالعت حصوه عقب يت عيونها فعيوني وتبدلت نظرتهااا آآخ نظرتها اللي تعتبر الضربة الصااعقة ! حشى !! هدي أعصآبج انزييين !
وأخيرا نطقت : وين أنــآ ؟ وشو استوى ؟
أم ســالم : انتي فالمستشفى فديتج .. وشو استوى ! انتي بتخبرينا شو استوى ..
سكتت وكنها تتذكر .. غمضت عيونها متألمة وكأنها شافت شي ما عيبهاا .. تنهدت وقالت : أمــاية أنــآ أبــا أيي عندكم .. أبا أسكن عندكم ..
بطتل عيوني ورديت بسرعة : لـآ طبعا ما بخليج ..
شفت أماية تطالعني وجنها اتقولي انت انطب واسكت ..وردت تطالع عفرا بحنية وقالت لها : ليش فديتج ؟ سـالم سوابج شي؟
اتطالعتني وعقب ابتسمت .. قلت فخآطريه لاااااااا برووح فيهااا ..
قـالت : لا أماية .. سالم ما سوالي شي .. بس فخآطريه أغير جو قلت أيي عندكم كمن يوم بس اشتقت لحشرة سعيد
حصــة : ههههههههه .. عاده سعيد بروحه قصة .. تحيدين يوم يقولج بخطبج ؟
عفرا تضحك بس بكسل : هيه ماقدر أنسى هذاك اليوم هههه ..
اندووكم متى الشيخ سعيد عرض عليها الزواج ! اسمييه سعّود ! هب سهل الهررم !
أم ســالم : سااااالم وين سرت أبوويه !
سالم : هلا أمـآية ..
أم ســالم : سير شوف الدكتور متى بيظهرونها ..
سالم : سألته قالي بيخلونها يومين عندهم وخلاف إن شافوها تحسنت بيظهرونها ..
عفرآ : انزين انا ما فيني شي بظههر .. دخيلك رمسهم ..!
ســالم : لا .. تمي فالمستشفى بيعتنون فيج وان شافوج اتحسنتي بيظهرونج ..
سكتت وحـآست بوزهـآ .. هب عايبنها خخخخ ..
أم سـالم : خلاص انا بتم عندج بنتيــه ..
حصــة : لا أماية لا اتعبين عمرج أنا بتم عندهـآ ..
سالم : لا انتي ولا هي .. أنا بتم ..
كانت بتفتح حلجها .. لكني قلتلها بعيوني ياااااااااا ويييييييييلج ! هههه صخت وحليلهاا ..
اشويه وانفتح البــاب شفــت واحد داش ابآقة ورد ووايد مستاانس .. وحالته لله !
...........: فدييتج عفااري سلامااااات ما تشوفيـن شر ..
عفرآ وهي شااااقة الحلج ولاجنها تعبآنه : هلا والله بالغااااالي متى رديت من السفرر؟