[فتـــاة الهند]

معلومة مهمة لسمحتوا ياحلوين مقاطع اليوتوب لاتقعدوا تبحثوا في الصفحات اللي حأحط روابطها عشان ماتخرب عليكم القصة وحتى الصور اوكي ..
أيوة أنا في القصة كل شخصية لها لون محدد والأحاسيس وبعض كلام النفس سماوي فاتح اوكي

غلاف القصة

موضوعها

نوعها : دراما رومنسية

الأحداث : دارت بعضها حقيقية .

الشخصيات

تومو :

البطل العاشق الأسطوري الممثل يامشتا تومشتا ( يامابي . بي ) مغني صوتوا يجنن ممن فرقة نيوز .

فنو :

أنا فتاة الهند البطلة الأساسية للأسطورة وكاتبة القصة يأتي التعريف في القصة .

سيمو :

(سمير ) ممثل هندي شاب وسيم يأتي التعريف في القصة .

ريو :

نيشكيدو ريو صديق يامابي المقرب وله أحداث في هذه الأسطورة .

جين :

صديق يامابي أيضا وشخص خدوم جدا .

وشخصيات ثانوية مثل : اهلي وتاكي وتوما وفرقة نيوز كلهم .

القــصـــة

بدأت أسطورة حبي ..لمن كنت في الرابع الإبتدائي وعند بابا وخالي مؤتمر في اليابان ورحت أنا وأختي وولد خالي ولمن وصلنا اليابان استأجرنا فندق جنب الفندق في مدرسة ابتدائي فأنا أخذت الدباب حقي ورحت وقفت قريب من المدرسة حب إستطلاع وانا وافقة بالدباب جو اولاد يتكلموا معايا وانا عادي أجاوب ببراءة وبدأو يلعبوا بالمفتاح حق الدباب وعرفت إنهم أشرار وأنا خايفة لأني ماأعرف أحد لقيت واحد كاوااااااااااااااااااي يجننننننننننن جاي يجري من بعيد ...

وجا جنبي وقال أتركوها دي صديقتي
وبعدوا عني قلت في نفسي شكلوا دا الكاواي راعي مشاكل
ولمن راحوا ,,
انا : اريقاتواااااااا قوزيمشتا هونتوني اريقاتوا .
الولد الكاواي : لا عادي هدول الأولاد أصحاب مشاكل حبيت أساعدك شكلك جديدة عالمدرسة.
انا : لا أنا مني في المدرسة انا من الهند جيت أمس ويومين ومسافرة .
مد يدوا اوهايوااا انا تومو
انا مديت يدي وماأبغى أقول اسمي الحقيقي قلت خليني أكذب
انا : إلينا
تومو : إيش تبغي جيتي هنا ؟؟
انا : قلت أدور وأشوف اليابان بس شفت مدرسة قلت أشوف العالم وهية تخرج بس المشكلة إنوا اتعطل الدباب
تومو : عادي يتصل حمو مشكلة .. طيب إنتي مشغولة دحين
انا : لا ماعندي شي
تومو : خلاص أنا أكون اليوم دليلك السياحي إيشرايك ؟؟
ومررررة فرحت قمة الأكشن
قلت اوكي
واتمشينا أنا وياه أماكن كثيرة ورحنا السينما وطبعا كان الفلم كرتون آآآآآآآخ عالبراءة
وكانت النهاية حزينة هههـ وبكيت طبعا وقاعد يسكت فية وبعدين مرينا على مكان الصور التذكارية واتصورنا ودي الصورة

وجا المغرب والمشكلة إننا تهنا ومننا عارفين إيش نسوي وأنا كنت خايفة بس قرب بي مني ومسك يدي وقتها حسيت براحة ماحد يتخيلها ونسيت فين أنا وجلسنا وقت طويييييييييييييل نمشي ومننا عارفين على فين رايحييين وبعدها رحنا للقطار اللي يودي على منطقة شيبا
واحنا في القطار برضوا كان ماسك يدي ماتركها وانا فرحاااااااانة وسألنا عن بعض كل شي وقلي إنوا ناوي يدخل شركة الجونين ويسير مغني وممثل وجلسنا نتكلم .
إلين وصلني الفندق وودعنا بعض وفي اليوم التاني الصبح كانت طيارتنا وأنا خارجة من الفندق الساعة عشرة تقريبا أشوف حبيبي تومو باللبس المدرسي ينتظرني من الصبح ولمن شفتوا من جد كأني روحي رجعتلي وأحسوا كأنوا شخص أعرفوا من زمان
تومو : اوهايوا
انا : سلام
تومو : نمتي أمس
انا : لا قاعدة أحكي أختي وولد خالتي عنك وجلسنا نلعب وجلست أفكر فيك وأن يوم من حياتك كان لأجلي أنا من جد أشكرك
تومو : أنا مانمت قاعد أفكر فيك وفي دفا يدك أمس تصدقي إني حأ فتقدك ...
وأعطاني نسخة من الصورة اللي اتصورناها أنا وهوة وقال دي الصورة حتكون معانا طول العمر هيا نتواعد حتى لو رحتي في آخر العالم إني أنتظرك وتنتظريني ياكسوكوااا .
انا : ياكسوكوا
وحطينا أصابيع يديننا الصغيرة مع بعض واتواعدنا .

ورحت الهند
ومررررررت السنين وانا أشوف وأعتقد إن الأمر منسي بالنسبه له لكن أنا عالوعد وكنت متابعة لأخبار نيوز كلها خاصة أخبار يامابي
.........................................
التعريف لية
أنا فنو المعروفة بفتاة الهند
مصممة إعلانية وليه خبرة واسعة في هذا المجال لأني بدأت في سن مبكر هذا الفن وسويت تصاميم لإعلانات كثير من الأفلام والمنتجات وكانت أفكاري تأخذ المراتب الأولى في الهند لأني كثير من إعلاناتي مثل المانجا تحكي قصة أو مرحلة من حياه الناس وأل ظهور ليه في إعلان سيارات وكنت انا البطلة .
موضوع الإعلان
( الإختيار بالقلب م بالعين )

وكانت حياتي مليئه بالأحلام اليامابية من جد كنت أعرف كل شي عنو ا وفي يوم من الأيام نزلت أغنية الحب لتومو وعرفت إنها من تأليفوا ومن حياتوا الشخصية وحسيت كأنها ليه

++++++++++
وفي دي الأيام رئيس الشركة حقتي قلي إنوا في إنتاج جديد نبغا نعطي الإنتاج إسم ياباني ويكون بطل الإعلان ياباني فطلب أشوف أحد يروح اليابان فعلطول قلت أنا

وكنت مرررررة متحمسة ورحت اليابان وأنا طلبت تفرغ لمدة شهرين ونقلت اوراقي على جامعة اليابان لأني ليسع بأدرس ولمن وصلت رحت شركة الجونين ..

وكنت متشوقة أشوف تومو حبيبي هوة محا يعرفني أبدا ولمن دخلت شفت جين واااااااااو حماااااس سلمت علية وسألتوا عن مدرير الجونين ووداني له .
وقلت للرئيس إيش اللي جابني إني أبغا واحد من رئيس الجونين لإعلان يمثل بلدة اليابان مع الهند فوافق ووصى جين عليه إنو يساعدني و يشرحلي ويكون دليلي ..
وانا كنت مستعجلة عشان أبغا اودي الأوراق للجامعة وقلت لجين أبغا الجامعة وجينا خارجين
لكن وإحنا ماشيين ...
آآآآآآآآآآآآآآآآآآآآخ شفتوااااااااااااا ياكل .. اللي أنتظرتوا سنين أخيرا عيني شافتوا عالطبيعة ..
وأنا أطل فيه رفع راسوا وطل فيه بإستغراب !!


قلبي سار يدق بقوة بقوة وجسمي كلواا يرجف وعيوني تدمع لحالها وأنا مبلمة مكاني ولا حركة ولاحس واقفه مكاني وجين يتكلم بس أنا ماأسمع حاجة غير دقات قلبي إلين سمعت جين يقول : تعرفي يامابي ؟؟
وقتها فقت وقلت هيا نخرج ومشيت بسرعة وكان يامابي يطل فيه مستغرب وجين مستغرب يقولي تعرفية أنا ماجاوبت .
بعدين قولتلوا:وديني البيت وتعالي العصر
ورجعت البيت أداوي قلبي وأمرنوا على شوفت تومو حبيبي عشان مايتعب ويتعبني معاه ..
وجاني جين العصر ورحت الجامعة وسويت أوراقي وانا كنت جالسة أنتظر جين يكمل الأوراق
جا تومو حبيبي وقعد في نفس الكرسي وجالس يطل فيه مانزل عيوني وأنا أحاول أتمالك نفسي من إني أقوم أحضنوا وأقولوا الحقيقة خلااااااص مني قادرة تعبتني النظرات بعدين قام شويه ..

>>>> يتبع في الغد