[judeath]

الســــــــــــــ عليكم ــــــــــــــــــــــــلام

كيفكم يا حلوين

هذا الموضوع يتكلم عن المواقف المحرجه الي تصير للانسان وتظل ذكرى ماينساها

طبعا كل واحد يدخل هنا يقول موقف محرج صاارله

وكذا نتشارك مواقفنا المحرجه مع بعض

ومنها تهون مواقفنا عن مواقف غيرنا

وطبعا الدعوه للضحك والوناسه

وانا بقول موقف محرج صارلي من مليون موقف غيره وكل ما صارتلي فرصه بحطلكم موقف ثااني بس ابغى تفاعل اوكيه

يالله نبدااااااااااااااااااااااء

.

.

.

.

.

.
.
.
.
.

.
.
.
.
.
.
.
.
.
.
.
.
.
.
.
.

بســـــــــــم الله

وبقولكم على هالموقف بالتفصيل عشان تندمجون

طبعا هذا الموقف صارلي اياام الثانوية العامه

وكان ايام الاختبارات النهائيه الفصل الدراسي الثاني الي الاسئله تجي من الرئاسه العامه

في الاسبوع الاول من الاختبارت الثلاث الايام الاولى طالبات القسم الادبي كانت تتسرب لهم الاسئله وطالبات العلمي ياحسره ولا ماده

<<<< طالبة علمي

وبمغرب يوم الاثنين وحده من البنات دقت علينا قالتلنا انها تعرف وحده من الرئاسه وبتجيبلنا الاسئله وكانت علينا مادة الكيمياء

وحنا طبعا استانسنا واخيرا بيجينا شي متسرب نعوض فيه عن المواد الي فااتت الي راح تخسف معدلنا

وطبعا ماصدقنا سمعنا الخبر وجلسنا ننتظر الاسئله الين تجي

بس كان عندي ضمير في نص الليل على السااعه 12 الليل قمت اذاكر أي شي الين تجي الاسئله

طبعا ذاكرتلي كم شغله وطبعا من الدروس الاولى يعني الوسط والاخير في البايباي

وعلى السااعه 5 الصباح جاني الاتصال واخذت الاسئله وجاوبنا عليها ويالله معاي سااعه اقعد اذاكر فيها قبل مااروح للمدرسه

رحت للمدرسه وجلست مع البنات اراجع وباقي 10 دقايق على الاختبار الا الموجها قالتلنا ترى الاسئله تغيرت ذاكرولكم أي شي قبل ماتدخلوا وراحت


وهي تقول ويلا ما تقول طبعا كل وحده فينا زرقت معتمدين على الاسئله الي تسربت وبالاخير اكتشفوا وغيروها وطبعا مايمدينا نحفظ أي شي بالــ 10 دقايق وحتى الادبي غيرولهم الاسئله كان عليهم جغرافيا

المهم دخلنا القاعات كل وحده يدها على قلبها متوكلين على الله وبس ننتظر الاسئله

ووزعوا الاوراق و ونقراء الاسئله

لمى شفت الاسئله حاولت اهدي نفسي عشاان اعرف احل

اقراء السؤال الاول كان اكتبي المصطلح واقراء السؤال الثاني كان ارسمي مع كتابة البيانات واقراء السؤال الثالث اكتبي المعادلات التاليه واقراء السؤال الرابع رتبي المعادلات حسب الترتيب الصحيح واقراء السؤال الخامس مو مذكره يمكن صح او خطا

المهم وانا اقراء لاحياة لمن تنادي طاير عقلي ومرتبكه وخاايفه ولا سؤال عارفه احله ايش اسوي

طبعا من الهدوء في القاعه اسمع اصوات الاقلام لمى يحلون البنات يعني العالم تحل الا اناا

وفجــــــــأه انفجر من البكااااء

وجوني المراقبتين الي يراقبوا علينا وتجي الموجها ويهدوني خلاص اهدي وتعوذي من الشيطان ومن هالكلام وجابولي مااء ومنديل

طبعا انا اذكر اني كنت اسمع اصوات الاقلام صرت ما اسمعها البنات وقفوا الكتابه وجلسوا يطالعوا فيني خايفين وربكتهم زيااده

المهم بعد ماهديت جلست اقراء سؤال سؤال حليت كم مصطلح والرسم عرفت احلها لانها الرسم الوحيده الي ذاكرتها مو من الشطاره بس لانها اول رسمه في الكتاب ورتبت المعادلات على كيفي اعد من 1_ 10 او اقراء قران الين اوقف عند الرقم وصح وغلط ضربت حظ وكذااا

طبعا مقعدي كان اول مقعد يعني وجهي على الجدار وعلى يساري الشبااك

وبنص الوقت اسمع من الشباك اصوات بنات الابتدائي يلعبون حريم ( اين انتي لماذا لاتتغدين عندنا ... الخ)<< كلامهم

طبعا انا اسمع ويلا ما اسمع فجــــــــأ انفجر من الضحك

والمراقبات وصديقاتي الي بالقاعه ضحكوا معي خاايفين مو عارفين ايش السالفه ايش فيني قبل شوي ابكي بصوت عالي والحين اضحك بصوت عالي قالوووا البنت انجنت

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههه:Snipe R (99):

وخلصنا اختبارنا ولمى طلعت علمت البنات ايش السالفه لايفكروني مجنونه بس كانوا خايفين مني قالوا شكلها ترقع


وهـــــــــــــذا موقف ما انساااه طول عمري

اتمنى يكوون عجبكم


يالله انتظر ردودكم ومواقفكم المحرجه

ومثل ماقلت اذا لقيت تفاعل ابحطلكم موقف ثااني

SEE YOU

الموضوع الأصلي : مواقف لاتنســـــــــــــى || الكاتب : judeath || المصدر : منتديات أنيدرا