أممم ..<<موقف حزين بعد..
أذكر يوم نقلنا من بيتنا طبعا نقلت من المدرسة كمان.. المهم اني بالمدرسة الجديدة ماتعرفت على أحد إلا على الي جالسة جنبي...
وتقريبا مع مرور كم أسبوع بالمدرسة تعرفت على الي جالسة خلفي .. وكانت في وحدة جالسة جنبها بصراحة البنت شكلها يعني (مش ولابد) المهم الي اتأقلمت مع البنتين وصرنا نجلس مع بعض ... ومرت بعدها أسابيع كمان وجات الاختبارات والبنت الي(مش ولابد) بس تتغيب كثير عن المدرسة وصحبتها ماعلى لسانها الا ذكرها عشان كذا نحنا كمان تنبهنا لأمر غيابها الكثير ..
ومرة في بداية أحد الأسابيع جيت المدرسة لقيتهم غايبين(الي متعرفة عليهم طبعا بس) قضيت اليوم لوحدي وخططت أهزئهم بكرة ....
جو اليوم الثاني<<أنا كنت أجي ع المدرسة متأخر لأن بيتنا بعيد ... وأنا كنت جاية على بداية الحصة الثانيه دخلت الفصل وجلست ولا كلمت أحد .. طبعا بما اني في وسطهم فمتعودة دايما الكلام أول حاجة أنا أسمعه والأوراق أول شئ تجيني ... بس ديك الحصة كان الهدوء يعمهم الثلاثة.... طبعا استغربت ولما خلصت الحصة التفت عليهم الثلاثة وهاتك ياتهزيييييئ وانتوا قليلات أدب والخ الخ...
طبعا بعد ماهدوني قالولي أمس كنا في بيت البنت الي ماتعجبني ... قمت أنا بهباله قلت:ليه طيب ماقلتولي بعدين ايش الزيارات في بداية الأسبوع.؟؟
قالولي:كنا بعزا في بيتها..أمها اتوفت.. وأنتوا ماعندكم تلفون في البيت عشان كذا ماخبرناك...!
طبعا أنا تلونت ألوان الطيف كلها واعتذرت من البنت وقدمت التعازي ...
ومن بعدها حسيت اني مقدر احط عيني بعينها..............للآن........