السلام عليكم اولاً : شكراً لكم من الاعماق على جهدكم وترجمتكم الجميلة لهذه الدراما اذا فيه شيء فوق الشكر لقدمناه لكم بس ما نقدر نقول الا هونتوني اريقاتو قوزايماس " " انا شفت هذه الدراما وخلصتها رأيي في الدراما : الدراما بشكل عام جميلة وفيها برود نوعاً ما بأول الحلقات ؛ لأنها طبعاً تمهيد لكن الي جلطني من قلب بهذي الدراما كلها هاروكا-تشان هالبنت حبيتها من اعماق اعماق قلبي من جد يعني ما توقعتها ابداً انها كذا ما بان عليهااا ابداً بس والله صدقوووو من هالناحية كثير ناس كذا ساكتين وما يندرى وش وراهم بس اذا ماتوا بان خيرهم والله هذه الدراما استفدت واجد يعني طلعت بشي موب تمضية وقت وبس " استفدت منها حسن الظن //ترك اثر بعد الموت// مو احكم على الناس من مظهرهم فيها شعور جميل ودقاتها تجننننننن والتصوووير ما قهرني فيها الا بالنهاية اخر لقطة البطل والبطلة بس سلكت لهم ماله داعي يحبها ولا لا؟ ياخي ارس ع بر وقهرتني يوم قامت تلحقه وتقول احبك ومدري ايش وتمثيلها ما يستحق انها تكون بطلة تنفع تاخذ ادوار ثانوية البنت مظهرها جميل وحلو تمثيلها ما قلنا فيه شيء بس ما ينفع لها دور بطولة ما فيها ملامح وتقهر حركاتها الولد الي خاقة عليه في هالمسلسل ياناي سينباي هالولد كوومة جممال ورزة وكل شي خلونا نبدى شوي شوي ..اصلاً من شفته وهو مع صديقه ومايعطي البنات وجه وانا رايحة فيها وبعدين لما هاشت عليه هذيك السطحية الي تقول انت ماتكلمني ولاتراسلني ومدري ايش من زينك انتي وخشتك عشان يجي معك سطحية سطحية متفرغ لوجهك عشان يقعد معك ي سطحية قاهرتني هي وخشتها يوم قالت انت مظهر فقط شوي واكسر الاب وهو ماله ذنب .. يوم راحت قلت رووووووحة بلا ردة ي سطحية ي غبية وهو عنده ذوق يوم حب هاروكا يعني سبحان الله باختصار الطيبون للطيبات ي حياتي بالنهاية ضاق صدره لأنه ما طلب يطلع معها بموعد راحت عليه مع اخو البطل ي ثقل دمه على طاري البطل وتمثيله دورين كان ضااابط مررره من اول لقطة طلع فيها بالدور الثاني ماحسيت فيه لخبطة او تشابه بالاسلوب ابداً ابدع ابدع مررره وعليه نظررات بطلة " " المسلسل فيه فقرات واجد اعجبتني وفقرات ماكان لها داعي بس عموماً جدير بالمشااهدة خاصة الرسالة الي فيه والابطال ابدعو واتقنوا ادوارهم ماعدا البطلة نوعاً ما " " في الاخير شكراً لكم مره ثانية وثالثة ورابعه وخامسة والى ما لانهاية على ترجمتكم وجهدكم بالرغم من صعوبتها والصعوبات الثانية تبع الحقوق وكذا وكونوا على يقين ان اعمالكم ما راحت هدر وجمهور الدراما اليابانية كبيررر وربي يسعدكم ويخليكم ويوفقكم دوم ي رب " " جانآ مينا