[رامـآ]

الفصل الثآني ~


وقف و هوا يطالع المكان اللي وقفت فيه منار و البنات ماتوا من الغيرة
استأذن من الأستاذ و طلع
شاف منار لحالها راح عندها و كانت ملامحه لينه و جذاب بطريقه مو متوقعه منار كانت منزله راسها بين يدينها و تحسب انها حلا أو وحده من صحباتها جات تكلمها فقالت و هيا تصيح : بليز إبعدي عني مو رايقه لشيء دحين
وقف على ركبته عندها و قال و هو ما يدري ليش مهتم فيها : فيك شيء ؟

منار طالعته على طول و دموعها على خدها لسبب هيا بنفسها ما تعرفه ليش تحس بتبكي لمن تشوفه مع انها ما تعرفه
بدأ يمسح على شعرها و يقول : ايش بك ؟
لفت منار وجهها على الجهةة الثانية و هيا خايفه منه و هوا بعد يده عنها
: ليش تخافين ؟
منار : ...............
: طيب قولي لي ايش إسمك ؟
منار بصوت متقطع بين شهقاتها : مـــ ... ـــنـــ ... ـــآر
: طيب منـار ايش بك ؟ تراني ألاحظ بسرعه و لاحظت انك من شفتيني تبكين ايش بك ؟
منار : انا بنفسي ما أدري ليش
ابتسم انها بدأت تاخذ و تعطي معاه : طيب يا منار يمديكي تناديني فيصل
منار : فيصل ؟
فيصل : ليش يعني مو عاجبك اسمي ؟ ترا ما عندي مانع أغيره
منار : لآ بس ..........
فيصل و هوا يكتب على ورقه و يمدها لها : خذي هذا رقمي دقي عليا متى ما حبيتي
منار حست في حركته كثير المشاعر المختلطه بس ما قدرت غير انها تاخذ الورقة و قالت : أوكي
قامت و هيا راجعه للقاعه جاها فيصل : ايش يدلعونك ؟
منار : موني
فيصل : أوكي موني وين رايحه ؟
منار : القاعه !
فيصل مسكها من إيدها بكل جرأه و هوا يقول : تعالي حياتي خلينا نتمشى في الجامعه بدل المحاضرات اللي ما لها معنى
منار طالعت فيه لفتره و بعدها سابت يده و راحت جهة القاعه و هوا كان يمشي جنبها

~~~~~~~~~~~~~~~~~~~~~~~~~~~~~~~~~~~

في نهاية آخر محاضره

الأستاذ : انتبهوا على أنفسكم و انتوا رايحين لبيوتكم فأمان الله
فيصل بصوت عالي سمعه كل من في القاعه : مووووووووووووووني

منار التفتت على مصدر الصوت و هيا عارفه مين هوا و البنات ما عدا صحباتها أكيد غيرتهم إشتعلت و كلهم راحوا لفيصل بس المفاجأة لمن فيصل بعدهم عنه و راح عند منار و صحباتها

فيصل : هـــــآي
حلا × غلا × سجى .. يطالعون في بعض مستغربين و آخر شيء صاروا يطالعون في منار اللي رجعت للمحاضره مع فيصل
منار : هلوو
فيصل : سؤال ! انتي ليش ما تفرحين لمن تكونين معايا ؟
منار : إكسيوزمي !
فيصل : ما علينا يلا شيلي دفاترك و خلينا نروح للكافي
غلا تشاور منار : روحي يالغبيه وين تلقين أحد يعطيكي وجه ! لا و هذا أشقر و عيونه الخضراء يخخخبل انقلعي قبل لا أرميك للكلاب
فيصل : يلا موني
منار : بأي صفة أمشي معاك ؟
حلا : معليش ما نقدر نخليها تروح معاك
غلا و هيا تقوم منار و تشيل كتبها : لآلآ عادي إيش دعوه , موني أنا رح آخذ أغراضك و أوديها بيتكم إنتبهي على نفسك
و صارت تبعد حلا و سجى عن المكان
منار توترت من بعد حركة غلا
فيصل مسكها من يدها : يلا موني
و قرب من أذنها و هوا يهمس لها : اخذتي قلبي مني
منار توترت زياده و قالت و هيا ترتجف : إكسيوزمي ! يدي
فيصل ضغط على يدها زياده بدل ما انه يفلتها و إبتسم لها و وداها للكافي الخاص بالجامعه
~~~~~~~~~~~~~~~~~~~~~~~~~~~~~~~
غلا : واااااااااو ونااااسه موني سوف تقع في الحب
حلا : ايش هَـ التخاريف و الحركة البايخه اللي سويتيها و احنا حتى ما نعرف مين هوا
سجـى : تتوقعون تكلموا و تعرفوا لمن خرجوا من القاعه ؟
حلا : مستحييييييل هذي موني و أعرفها لا جات تبكي تكون في عالمها الخاص و ما تاخذ و تعطي مع أحد
غلا : لا يا شيخه ؟ أجل كيف بالله عرف إسمها و دلعها كمان الله يشفيكي
سجى : واااااااااااو من جد
حلا : موني الدلخه ذي ناوية تضيع نفسها
: حلا
حلا التفتت للصوت و لقيت ريان
غلا صارت تطالع في أختها بعدين ترجع بنظرها على ريان
و سجى و هيا تشاور حلا : حلاوي مين هذا ؟
حلا : عن اذنكم قيرلز
غلا : سجى ممكن تستنيني ؟ بروح الكافيتيريا شويتين و أرجع
سجى : أوكي
~~~~~~~~~~~~~~~~~~~~~~~~~~~~~
: و بعدين معاك يا سامج يا غبي يا دلخ يا ورع ؟
: رامي هدي هدي شويتين ماله داعي كل العصبيه
رامي : ايش قصدك ؟ خالد بليز افهمني كيف أتزوج وحده انا ما أعرفها و لا قد شفتها في حياتي و فوق هذا انا أساساً ما أحبها
خالد : دام أمك قالت لك تاخذ تهاني فإنت مضظر تاخذها
رامي : اقول لك شيء ؟ بروح اجيب عصير باااااااااارد أبرد قلبي قبل لا أقوم عليك بالمتفجرات و القنابل النووية
خالد : هههههههه اوكي
~~~~~~~~~~~~~~~~~~~~~~~~~~~~~~
غلا : لو سمحت انا من أول هنا
صاحب الكافيتيريا : اوكي شويتين بس ما عم بتشوفي هَـ الزحمه
غلا : اوكي اوكي اوكي , إففففففففف
: ههههههههه تبغيني أشتري لك بسرعه ؟
غلا التفتت وراها لقيت شاب باين عليه انه كلاس و كيوت
غلا : ..............
: اسمي رامي
غلا : و انا اسمي غلا تشرفنا يا رامي
رامي : ايش بغيتي تشترين ؟
غلا : اورانج جوس
رامي : أوكي حتى أنا أبغى اصبري بس شوية و بتلقين البرتقال عندك
غلا : أوكي ثآنكيو
~~~~~~~~~~~~~~~~~~~~~~~~~~~~~

: إيش بك يا موني ؟
منار : لا بس إنت فاجئتني
" خلينا نرجع ل ورا شوية و نشوف ايش صار "
------------------------------------------------
فيصل : قولي لي شيء عن حياتك ؟
منار : زي ايش مثلا ؟
فيصل : أي شيء
منار : لا انت قول لي
فيصل : امممممممم اوكي .. انا أعيش لحالي في البيت
منار : لحااالك ؟؟؟
فيصل : يس , كان في زوجين ربوني الين ما دخلت الثانوية و ماتو و كنت أحسب اني ولدهم
منار : كيف يعني تحسب ؟
فيصل : بعد ما ماتوا الله يرحمهم كنت أحاول اني أشيائهم عشان لا أتذكرهم و أتضايق و انا على بالي انهم أهلي
منار : و ايش صار بعد هذا ؟
فيصل : لقيت كرت العائلة الخاص فيهم و اسمي ما كان موجود استغربت اني أنا كمان عمري ما قد شفت كرت عائلتنا و لمن رحت للمكان الخاص بكروت العوائل قالو انه مستحيل يكتبون اسم ولد لقيط في كرت عائلة
-----------------------------------------------------------------------------------
فيصل : بس الحمد لله أنا حالياً غني
منار : بس كيف قدرت تتعايش مع ظروفك ان كنت لقيط ؟
فيصل : أوف كورس وذ ذا ديز " طبعاً مع الأيام "
منار : ...............
فيصل : أوكي موني دقي عليا متى ما حبيتي يلا بـآي
منار : باي
~~~~~~~~~~~~~~~~~~~~~~~~~~~~~~~~~~~~~~~~~~~~~
: تفضلي
غلا : ثانكيو رامي
رامي : أممممم يمديكي تناديني " روميو "
غلا : ههههههه روميو مره وحده ! ليش انت هاو نيم " كم اسم " عندك ؟
رامي : ههههههه 348
غلا : اوكي ثآنكيو , بآي
رامي : وين لسآ بدري
غلا : عَ العكس تأخرت على صحبآتي يلا سي يو
رامي : بـآي
~~~~~~~~~~~~~~~~~~~~~~~~~~~~~~~~~~~~~~~~~~~~~
: ماله داعي هَـ الموقف السخيف اللي حطيتني فيه يا ريان
ريان : بس يا حلا
قاطعته حلا : انت ايش تصير لي عشان تاخذ و تعطي معايا ؟
ريان : الشخص اللي يحبك
حلا : ريان اكسيوزمي انا ما أخون أقرب الناس لي حتى لو في القبر
ريان : يعني حياتنا توقف عند شخص ميت
حلا : انت مو فاهم شيء
ريان : يعني انتي اللي فاهمه ؟
حلا : آي دونت نو [ لا أعلم ]
ريان : أجل خلينا نتفاهم عَ الأقل
حلا : بـآي
ريان : حلا الدنيا ما توقف عند جنى
حلا و بدأت دموعها تنزل : انت ما تفهم ؟ أقرب الناس لي انت ما تفهم و لا تستهبل
ريان : حلا طيب اسمعيني لا تظلميني
حلا : انت اللي ظلمت جنى و انا مالي فيك أي صلة , باي
~~~~~~~~~~~~~~~~~~~~~~~~~~~~~~~~~~~~~~~
: سوري تأخرت عليك
سجى : موني ! لآ عآدي , قولي لي ايش صآر ؟
منار : مدري يا سجى مدري ! كنت أحسب انه الحب كل شيء بس ....
سجى : لا تقولين لي انك حبيتي هذا اللي اسمه فيصل
منار : آي دونت نو
سجى : لآ أمبيه موني خليكي قوية لا يغرك شكله
منار : أوكي تعالوا بيتي بعد العصر و نتفاهم كلنا
سجى : طيب استني حلا و غلا
منار : ما عليه حاسة بتعب بروح البيت يلا باي
سجى : باي
~~~~~~~~~~~~~~~~~~~~~~~~~~~~~~~~~~~~~~~~
: لا يكون بس تأخرنا على سجآوي
غلا : لا ما عليك كلها 10 دقايق وين بتطير يعني
حلا : هـــــــــــآآآي سجى
سجى : لا ؟ كان خليتوني زياده هنا ! اسمعوا انا مستنيتكم عشان أقول لكم شيء
حلا : ايش ؟
غلا : تعرفون عندي عرق اللقافه اشتغل قولوا لي قبل لا أقطعكم تقطيع أبو كلب
سجى : موني ! راحت بيتها و باين عليها متضايقه
غلا : أعراض بداية الحب
حلا : غلا ترا مو وقتك ! ايوا و بعدين
سجى : بس ! قالت نروح لها بعد العصر نتناقش في كل اللي صار هَـ اليوم
غلا : وناااااااسه يعني بسلم على نويصر
حلا : عمى بعينك لأقول لأمي الحين
غلا : اصلا مين ناصر ؟
سجى : ايوا ايوا صرفيها على غير سنع ما علينا أنا بروح و أشوفكم بعد العصر في بيت موني يلا باي
حلا : لحظة سجاوي مين بيوديك ؟
سجى : اي و الله ما خطرت في بالي
غلا : ههههههه أوكي روحي بيتكم معانا و روحي لبيت موني معانا بإختصار مصيرنا وااااااحد
سجى : ارحمينا يا أم المصير أوكي يلا خلينا نمشي قبل لا يسوون لي أهلي سالفة
حلا : أوكي بدق على السايق
~~~~~~~~~~~~~~~~~~~~~~~~~~~~~~~~~~~~~~~~~~
: ريان ايش بك ؟ ترا حدك مو طبيعي هَـ اليوم
ريان : فهد بالله مالي خلق
فهد : أوكي أوكي لا تعصب بس , يا شباب شوفوا لكم حل مع هَـ الدلخ
سامي : ما عليك فيه هَـ الورع تلقاه ما قدر يشبك بنت هَـ اليوم
ريان و بعصبيه : لا تتكلمون عن البنات اليوم
كامل : أوكي أوكي لا تعصب خذ لك ريلاكس
ريان : الهرجة معاكم ما تنفع خليني أطس آخذ أختي و أنقلع للبيت
تركي : زين ما تسوي و تفكنا من حرتك
ريان : أقول باي يا مخ
الكل : بااااي
~~~~~~~~~~~~~~~~~~~~~~~~~~~~~~~~~~~~~~~~
: انا قلت لك تتزوج يعني تتزوج
رامي : امي مالك حق تزوجيني اللي تختارينها و بعدين انا ما أفكر بالزواج هَـ الحين
أم رامي : اصلاً انا كلمت أختي و فرحت بالسالفة مو انت تبغى تحرجني معاها آخر عمري
رامي : لحووول الكلام ما ينفع معاكي هَـ الحين يلا باي
رائد : قلب قلب وين وين غايب عليا يومين ..
رامي : إن ما إنطميت بصكك كف ترا
رائد : إسئل نفسك اللي يشوفك يقول وقع في الحب الأبدي يا أستاذ رامي
أم رامي : خلاص انت و هوا الموضوع صار و مافيه أي نوع من النقاش
~~~~~~~~~~~~~~~~~~~~~~~~~~~~~~~~~~~~~~~~~
: يلا حبيبتي سجآوي انا عند الباب
سجى : أوكي حلا هَـ الحين بنزل ,, بآي
~~~~~~~~~~~~~~~~~~~~~~~~~~~~~~~~~~~~~~~~~
في السياره

سجى : ممكن ليش لا حسب اللي شفته في وجهها يمكن من جد حبته
حلا : فال الله و لا فالك قوية هذي حبته
غلا : عادي عادي الأهم تكون قصة حب ناجحة مو زي اللي صار ل جنى
سجى : ......................
حلا : .....................
غلا : ........................
محد يتكلم من جابت غلا طاري " جنى " ~
~~~~~~~~~~~~~~~~~~~~~~~~~~~~~~~~~~~~~~~~~
: موني ترا ما صارت من رجعتي و انتي متضايقه أحد ضايقك يا حبيبتي ؟
منار : لا مامي ما في شيء
ام ناصر : كيف مافي شيء حبيبتي موني صح انه صار لنا سنتين في لندن و تونا نرجع بس هذا ما يعني اختلاف عاداتنا و تقاليدنا , أورايت " إتفقنا " ؟
منار : أوكي مامي
أم ناصر : طيب الحين قولي ايش صاير ؟
منار : نو مامي مافي شيء بس صحباتي بيجون بعد شوية
أم ناصر : طيب بقول لهم يجهزون جناحك الخاص و البوفيه تآمرين على شيء ثاني موني ؟
منار : نو ثانكيو مامي
أم ناصر : أوكي حبيبتي باي
منار : باي
~~~~~~~~~~~~~~~~~~~~~~~~~~~~~~~~~~~~~~

1- إيش قصة جنى ؟
2- هل بيتزوج رامي من بنت خالته " تهآني " ؟
3- هل رح يكون لِ غلا دور في حياة رامي ؟
4- هل رح يكون لِ فيصل دور في حياة منار ؟
5- ليش فيصل يعامل منار بِ هَـ الطريقة ؟
6- كيف رح تكون جَمعة البنات ؟

أشوفكم في الفصل الثآلث ~