[~Thats Me~]

{..البارت الثاني


نشيـــت من الرقــآد .. سرت الحمآم " أكرمكم الله " .. تسبحـت ولبست ..
ظهرت فالصآلــة ..! غريبــة !! مآشي ريــوق اليــوم ؟! اممم يمكن عفآري تعبـآنة ..!
بسير المكتب وخلـآف بيي بتطمن عليهــآ ..!
سرت المكتب " مكتب المحـآمـآة" .. وانغمست في هالـأورآق .. يالله قضــآيــا النـآس وآيدة .. والقضـآيا اللي تعور القلب هي اللي بين الأخوآن والا بين الولد وأبوه ..!
يالله ترحمنـآ برحمتك !
عقب مرور سآعتين ..
وأخييييرا خلصت من هالقضية !
بعدين عفآري بتي وبتسآعدني ! .. بجآيلهـآ فالبيت واهنه !!!!!!
امممم .. إن شآء الله خيير ! ماعرف هل بتحمل والاا ! الله يعين ..

ظهرت من المكتـب ., سآير الشقة .. بودي الشيخة عفآري السوق ! ملجـة ربيعة حصوه أختي عقب 5 أيآم ! مـآعرف ليش هـآي بتسير ! اممم أنـآ أباها تسير أحسن ! تتعرف على بنآت ، شي غرييب ع شخصيتها الروعة ولا عندها ربيعة ! بس حصوه أختي هالعيوز خخخ
برمسكم عن حصوه .. هـآي أصغر عني بسنة 27 سنة ,, مآخذنها ولد خالتـي " عمر " .. مآنشوفها الا فالمنآسبـآت والا فالعزآيم وفالشهر مرة والآ مرتين ! .. أهل ريلهـآ ماعرف كيف ! مآ يعيبهم يوم تزورنـآ .. الله يهديهم ..
وصلت الشفة .. صخة !
وينهـا هالدبة ؟
دقيت بآب حجرتهـآ !
مــآترد ..!
ترييت طشونة ! ، ولــآ ردت !
فتحت البـــآب .. شفت الحبيــبة منخمــدة في ســـــآبع نوومة !
شوفوا الهرمة ! مخلتنــي أنش من الغبشة وأخلص أشغالي بسرعة عسب أوديهآ السووق ! وهي منخمدة ..!
تجربت صوبهـآ .. وأنـآ ابتسم بكل شر ..
شفتهآ تتجلب .. وقفــت .. أتأمل ملامحهـآ .. ملــآك ,, سبحــآن من خلقج يآ بنت عمــي !
آآه مآلي نصيب فيج ولـآ لج نصيب فينـي !!!
خفت يوم شفتهـآ تهآذي وتتدلع ! هههه شكلهآ " كيــوت " ..
زاااعجت بأعلــــى صوتي : عفاااااااااااااااااااااااااااااااااااااري ..

عفــدت وحضنتني من الزيغــة .. مسكت ضحكتــي وأنآ أشوف ويههآ اللي ميت من الزيآغ ! هههه ، مآرمت أيود عمري يوم هدتني وقــآلت : يالسباااااااااااااااال ..


سآلم : هههههههههه كشخــة ردة فعلج بنت العم !
عفآري ( محتشرة ) : شو مدخلنك حجرتـي ؟ .. يــلأآآ فــآرج !
سآلم : أوووكيه .. هب منج ..! مني أنآ يآي بوديج السوق عسب
قطعت رمستي يوم نقزت عليه ويودتني وهي تقول : تسلم لي والله ..
تبون الصرآحة ! مآ بغيتهـآ تودرني !
بـس .. تذكرت شي ! خلآني أبتعد عنهاا .. وأدزهـآ بعييييييد عني ..
شفت ملامحهـآ اللي تحولت لرهبـة وعيونها اللي قطرت حزن ..!
مــا هانت عليه ! بس دواااااااها تستاااهل اللي بييهااا مني !
نافخت وقلت بصوت حـآد : 10 دقـآيق إن ما انقفظتي ما بوديج السوق ..
تغيرت نظرتهآ بسررعة وردت لنظرتهـآ القوية اللي فيها شموخ عمي الله يرحمه ..
شفتها وبكل بروود ردت وانسدحت ع شبريتها وتلحفت !
عصبت عليها .. وانقهرت من أسلوبها الخآيس ..
متــى بتتأدب هـــآي !! موول مآ فـآدهـآ الضرب اللي سآعات تآكله والسبة اعنآدهـآ !
عفدت عليهــآ .. تمت تقآوم وتدزني .. وأنآ منقهر منهـآ قلت لها : برقد ويااااج !!
بطلت عيونها منصدمة ! لمحــت خجل فويهها بس سرعآن ما اتحول لملامح عصبية .. نشت من الشبرية وقالت : بسير برقد فحجرتك ..
تلحفت وقلت لهـآ : انجلعــــــــي !
غمضت عيوني .. ياااه فرآشهـآ دآفي والحجرة بآردة ..شكلي برقد رقآد غآوي اهنه ..
فجــــــأة ..
حسيـت بمــاي بااارد ينصب ع ويهي ..
بطلت عيوني وأنــآ أشــآهق ,, تطالعتهــا بعصبيــة !
وهي تترقص جدآمي أونها فـآزت !!
نشيت ! ( كالعآدة دووم ضرآيب )
ركضت وسآرت حجرتي .. قفلت البآب ..!!

عنزززززززززززز ..
سرت حمآمها " أكرمكم الله " .. وتغسلت ويلست في حجرتها ..
أنبش !
أووه كيفي ..
شفت دفتر غآوي ، فتحته وقريت .. أووه خآطرة ..! وااو رووعة كلامها .. بس منو هذا !
فــآرس أحلامهــآ ؟ آآه ليتنـــي أنــآ فــآرس أحــلامج بنت العم !
أففففففففففف هاااي وينهاا ليكون صدق رقدت !
صكيت الدفتر وسرت دقيت باب حجرتي .. : عفااري يلاا بوديج السوق
لــآ يوجد رد !
سآلم : عفااااااااري حبووبة يلا بنت عمي نسير السوق ..
عفرا : قول والله ما بضربج !
سآلم : أفف والله مآ بضربج يـلأـآ اظهري ..
عفرا : انزيين بس لا تضربني .. أوكيه ؟
سآلم بنفاذ صبر : انزين يلااااااااااااا ..
ظهرت من الحجرة وربعت حجرتهآ .. هههههههههه عبيطة هالبنت ..
تعرفون أحب قربهـا وأكرهه فنفس الوقــت !
الله يســـامحج يــا عفــاري انتي سبب عيشتنــا هــآي !
يلست فالصــآلة .. أتريــا الحبيبة تظهــر ..
ظهـــرت ..
عفرا : يلااا ..
فجيت حلجيـه أتطالعهــآ ..!
عفرآ : شوووو ؟ بلااااااااك ؟
سآلم : وين نقآبج حبوبة ؟
عفرا : سلوووووووووووم خل عنك ! مــابــا ..!
ســالم : سلوم في عينج .. يلآ سيري البسي نقآبج ..
برطمت وسآرت تلبسه ..!
تتدلــع بعد ! أكفخهــا ع رآسهــآ ..
سرنـا السوق والحلوة لوعت جبدي من محل لمحل ..!
حشى ما يعيبها شي .. آخر شي تنقت لهآ فستـآن .. وأخيرا خلصت .. حشى ما بغت ..
عفرا : سـالم .. طلبتك ؟
من غير تفكير قلت لهـآ : آمري فديتــج ..
سكتت اشويـه ..! تندمــت ! بس أووه عادي يعني الأخو ما يرمس أخته جذه !!
عفرا : ما يـامر عليك عدو الغـالي .. شو رآيك نتغدا اهنه ؟
تميت أفكر : امممم انزين يلآ نسير جدا المطـآعم ..
سرنـا يلسنا فمكان منعزل تقريبا لأن الشيخة تبا تفصخ نقـابها !
جابلتهــا عددل عسب محد يشوفها غيري ..
فصخــت نقــابهـا .. فديت هالويه أنـآ !
سآلم : شو تبيــن حبـ أأ عفآري ؟.
عفرا : امم مـآعرف أي شي ع ذوقـك ..
سالم : أوكي بسير بطلب وبيي .. اتنقبي !
عفرا : انزين انزين .. حشــى منوو بيي صووبي أصلاااااااا
لبستهـا وسرت أطلب ..
ويوم رديــت شفت واحد يالس مكــاني والعزيـزة يالسة وداقتنها سوالف وشــاقة الحلج !
سرت معصصصب بذبحهااا ,,
وصلت : خير يالـأخوو ؟
.........: هلـآ بو غنيـم .. اشحــآلك يــآ ريــآل ؟ زين شفنــآك ..
ســالم : بخير وسهالة .. منو الريــال ؟
عفرا : هههههـ .. منو الريآل ؟ ( تعيّب عليّه ) .. ويـــاك الشيــخ راشد فدييته .. ولد يرانــآ ..
بطلت عيوني خلااااااااص طفح الكيييل ..
رآشد : هههههههههه غربلات ابليسج يا عفروه ! كملي انزين تبين الريال يذبحني .. أنا الله يسلمك راشد ولد أم راشد اللي رضعة هالخدية حرمتك .. يعني أخوها بالرضـاعة .. ولا تعصب ان شفت وياها شلة شباب هههههههه كلهم أخواني ..
عفرا : بسم الله عليهم .. عن ترشهم بعين !
راشد : ههه لا عيوني باارردة ثللج هب شراتج أم سعيد ,,
عفرا : جب جب انزيين ..
راشد : خلاص بنطب وبسير عند الربع يتريوني ..
أبداا ما عيبني الموقف .. داقينها سوالف وهالزفتة واايد مستانسة أشوفهاا ! يوم تشوفني ما تستانس جذه ! هههه منو أنا أصلا ! الله يسامحج عفروه ..
راشد : خلاص سالم بخليكم عيل .. فداعة الله وخلنا نشوفك ..
سالم : إن شـاء الله .. فداعة الرحمن ..
يلست وأنـا اتطالعها بعصبيـة ! : وأخوانج بالرضااعة ما بغوا يظهرون الا الحينه !
عفرا : انزيين شووو أسوي ! اففف منك ..
مرة وحدة يانا واحد شكله معصب ! محتشر .. يرمس عفاري ويصارخ عليها : وأنـا أقول ليش رفضتيني عشان هذا الخاااابيس يالخاااااااااايسة ؟ والله لأدبج !


{..أحداث من البارت الثالث

سكت اشويه وهو يتطـآالعني .. عقب قال : وانتي ليش معترضة ع ييتها ؟
بطلت عيوني آآي شو أقووله أغــآر ؟ بقوله واللي فيها فيهااا .. : أغااااااااااااار ..
تم يتطالعني ما فهمت نظرآته وفجأة ضحك : ههههههههههههههههههه والله يآ بنت عمي انت فنانة تعرفين تمثلين .. كفج كفج ..

--------------------------------------------------------------


سـآلم : أفففففف انتي بتسكتين والآ ؟ بتسمعين كلامي وبتسوين اللي أبـاه غصبن عن خشمج .. سمعتيييييييييي ؟
وهـأي السالفة أبـاج تنسينهاااااااااااااااا لا تيبين طااااااريهااااااا والا صدقيني بضررررربج ضررررررررب ..

--------------------------------------------------------------

سلوووم يالغبــي افهمني يااااا سااااااالم أنا أحبك أحبك .. من زماااااااان أحبك .. شكلك ما بتحس فينــي طوول حيــاتك ما بتحس فيني .. لييييييش يا ولد عمي لييييييييييييييش ..!
فجــأة سمعت صوت برع ! جنه شي طــآح !! تميت سآكتة أتصوخ وأنـآ ميودة صيــاحي .. أوييه ليكون سآلم يآ ! لا ما با أبين له ضعفي ! .. مـاسمعت شي !

---------------------------------------------------------------------