حابة أناقش اليوم موضوع وياريت نخلي الحوار لإخواننا خليهم ياخدو راحتهم وفي نهاية الحوار ليا أسئلة للبنات
شكلكم حتقولو اشبها دي في صف الذكور اليومين دي حأقولكم إنو الذكور هما يكملونا سواء كان أب أخ أو زوج حبيب تخيلو احنا بدونهم مح نقدر نعيش
موضوعي هنا والسؤال الي حابه إني أناقشه ليش دايما الرجل مهمل ؟ليش مشاعره واهتمامته وأحاسيسه لاتؤخذ في عين الإعتبار
من أول مايتولد طبعن هوا الشي الوحيد الي يمبسطو الناس بيه لمن يجي أكتر من البنت
يقولو لإنو يكون سند لأبوه ويشيل اسمو ومايضيع حق الورث ودا أهم شي
يكبر حبتين يدخل المدرسة الدنيا الي تعلمو هناك يشوف أشكال وألوان حتى البنات مو بس الأولاد
لكن ممكن الي يشوفوه الأولاد من مصايب الدونيا أكتر لاااااازم يكون يعرف يدافع عن نفسو
وقوي عشان يقدر يعيش
يوصل لمرحلة التخر الثانوية العااامة لااازم يجيب نسبة عااالية عشان يدخل قسم حلو يتخرج من الجامعة لااازم يلاقي وظيفة عشان يبني حياته الجديدة ويتزوج
يتزوج يحاول جاهدا في لقمة العيش يجيلو أطفال لاازم يربيهم كويس ... ويزوجهم ويخرجهم
ودورة الحياة مستمرة حتقولولي دي أشياء مفروغ منها ولابد نعملها ولا مانقدر نعيش
ما أختلفت لكن اش خرج بايه من دي الدونيا هوا حس إنو عاش لنفسو ولا لأ هل حقق ذاته
ولا لازم يعيش طول عمرو في كفاح وعمل وشغل
أتمنى ما أكون طولت وياريت الحوار يكون لإخواننا ويبدو آرائهم
سؤالي للبنات مادورك انتي كإبنه أو أخت أو زوجة أو أم لمساعدة الرجل ومؤازرته وجدانيا وعاطفيا
السؤال التاني هل توافقي هادي النظرية الي الكل عايش عليها وماهي أفكارك لتقدير
واحترام مشاعر الرجل ونظرته في الحياة
أتمنى التفاعل
مشكوورين ,,