[حوريةٌ وسيف~]

يسلمو قلبو جنو على التنيبه؛

أنا شفت الموضوع من أول ما حطيتيه؛ بس اللي خلاني أرد الآن بالذات هو حوار دار بيني وبين وحدة من صاحباتي قبل كم ليلة ،،

كانت البنت تقول لي عندي هذا الأنيمي، وهذا وهذا، وتعدد الأنيميات اللي عندها، وأنا ما خبري بالبنت تحمّل شي من النت، فسألتها من وين لك؟ قلت إذا طايحة على كنز (متعرفة على وحدة تتابع، بسرق من عندهم)، قالت إخواني يشترونهم لي من الأسواق المتنقلة !!

أنا اللي أستغرب منه، إذا عندك نت، وعندك المنتدى أو الموقع اللي منزّله فيه الدراما أو الأنيمي، ليه تخسر نفسك فلوس ومصاريف وتشتريه ؟؟؟

قلت للبنت، بس حرآم، الناس تتعب وتترجم وتجي ناس بكل سهولة تبيع تعب غيرها!! هذا شي، الشي الثاني، ما تحسي نفسك مخدوعة وانتي تشتري شي اللي يبيعه جابه بـ بلاش؟!!

أنا كنت أشتري أنيميات من الأسواق هذي، بس كانت بترجمة انجليزية، ما وصلت للمرحلة اللي صاروا يبيعون فيها أشياء مترجمة للعربية !

للأسف احنا كـ عرب ، ما عندنا الذمة اللي عند الأجانب؛

الأجانب أكثر شي يكرهونه في الحياة هو سرقة الحقوق،،

كانت تدرسنا English writing أستاذة كندية، ولما طلبت منا نكتب مقال، حذرتنا مليوووون مرة من السرقة، قالت إذا بتقتبس عبارة أذكر اسم قائلها أو كاتبها، قالت اقتبسوا قد ما تبغوا، بس لازم تذكروا كاتب الكلام الأصلي، أو اسم الكتاب أو المجلة ...الخ.. وتقدروا تقتبسوا حتى من خطاب شفهي لشخصية معروفة، المهم تذكروا اسم القائل، وتعطوه حقوقه،،

الحقوق الفكرية شي جداً ثمين بالنسبة للغرب، وسارق الحقوق الفكرية يحاسب وترفع عليه قضايا،،

واحنا عندنا ، حدّث ولا حرج !!!

الله يهدي الجميع ~

يمكن طلعت من الموضوع، جومينيه !

يعطيكِ العافية مره ثانية قلبو، الله يوفقك ~