.....................
البارت السادس
في صباح جديد ويوم جديد لابطالنا في السعودية
لمى بكسل : ما (تتثاوب) ماما ابغى اغيب
ام رعد بطفش
: يا بنت قومي البنات الجدد انتي لازم تستقبليهم ... لمى : بنا....هاااااااااااه نسييييييت يلا يلا خلاص قمت ... خرجت ام رعد ولمى لبست بسرعة البرق ونزلت وسحبت فطورها وودعتهم وراحت المدرسة وبسرعة نزلت وراحت على الفصل وبصوت عالي وابتسامة : اوووووهاااااااااايوووو >> صباح الخير باليابانية ... كل البنات : اوهايو ... ونطت عند البنت الجديدة ومدت لها يدها وقالت : انا اسمي ... : لمى سعود عبد الله جميل شرف ال...... لمى فاتحة عينها وفمها ع الاخر : كيف عرفتي ...... البنت الجديدة : انا اسمي ريما واشرت على وحدة قصيرة ونحيفة .... وهادي ريم توأمي واشرت على وحدة جنبها .... وهادي ريناد .... والمتفردة ديك ام كتاب اسمها سمية احنا صحبات من الطفولة و.....ترررررن >رن جرس الحصة << سكتت ريما ودخلت الاستاذة وكانتت حصة سبورت:اوهايو الفصل كلو وقف وانحنو انحناء بسيط : اوهايو
.................. راح اوصفلكم كل شي في المدرسة هادي المرة...................
طبعا غيييييييير عن كل المدارس اغلبية البنات يعيشو في سكن الطالبات الا لمى وصحباتها وهما خلاص وصلهم انذار بالفصل المؤقت>>لاانهم لاحظو بنات يغيبو بدون سبب او يتاخرو عشان كدا سار سكن الطالبات اجباري<< اذا ما راحو لغرفهم لمى وروان وصحباتهم من مرتبة اللوسيا >> دحين افهمكم نظام المدرسة << دخل المدرسة 90 الف ريال >>لا تستغربو لانو كل بنت تتخرج منها تطلع انسة تليق بالمجتمع << اربعة مراتب.... المرتبة الاخيرة وهي اول ما الطالبة تبات في المدرسة وهي : سندريلا ... والتالتة : اللوسيا ... والتانية >وهم اللي يتحكمو بالمدرسة< : ستيلا ... والاولى واهم واصعب وحدة وما انتقلت لمرحلة الروز >> اللقب المخصص للي في مرحلة الروز<< غير طالبتين اللي هم : روز والمديرة .. راح اعرفكم على روز بعدين .. نظام المراحل : اول مرحلة وهي سندريلا راح تجمع 7 مجوهرات صغيرة لونها اخضر وتركبهم في علبة خاصة بيها تفتحها بعد ما تتخرج > > يعني اللي يفتحها قبل ما يتخرج ينفصل < < طبعا ليش ينفصل ؟؟ عشان يعلموهم الصبر ... بعدين المرحلة التانية وهي اللوسيا : وهم طالبات ممتازات واغلبية المدرسة في هادي المرحلة ونفس الشي تتجمع 7 مجوهرات تانية باللون الازرق اما في مرحلة الستيلا لون المجوهرات احمر وهم اللي يتحكمو في المدرسة ومافي غير 4 طالبات 3 منهم ما يدرسو الا في فصول خاصة والرابعة تدرس في فصل البنات العاديين اما مرتبة الروز فهي تجمع 7 مجوهرات شفافة وبعدها تتخرج من المدرسة يا انو تسير مديرة المدرسة او انو تخرج وتقدر تشتغل في اي شي تبغاه ومع خروجها من المدرسة يعطوها 500 الف دولار >> دولار مو ريال عاد انتو احسبوها << المهم وفترة البقاء في المدرسة بكيف الطالبة واهلها اذا كانو يتحملو التكاليف دي كلها واذا تبغا تخرج يحددو وقت التخرج طبعا هادي المدرسة>> ترى حتى الجامعة نفس النظام << ما فيها نظام اولى ولا تانية طبعا لا وما في اي وحدة في الابتدائي (لانو لاحظو انو بنات الابتدائي كسولات وسوو اختبار ذكاء) وما احد من طالبات الابتدائي نجح الا وحدة بسبب ذكائهاا وعمرها 10 سنين << كيوووت >> .....نرجع لروايتنا .....
الابلة : يلا ننزل
للمعلومية >> في كلمات يابانية وانجليزية لااازم تكون متبادلة بين الطالبات والمعلمات في دي المدرسة عشان تثبت اللغة << المهم نرجع لروايتنا .......
ابلة السبورت اسمها سماح >> راح نتعرف عليها لاحقا <<
أ/ سماح : اليوم راح نلعب تنس او ريشة > تشبه التنس <
البنات كلهم : تنس
سماح: اوكي براحتكم ... سكتت شوية وكملت كلامها ... راح تلعب الطالبة الجديدة ريما مع بطلة الاولومبيات المدرسية لمى ... الكل شهق .. سيهام وهي فاتحة عينها ع الاخر : مستحيل والله صعب البنت جديدة .. سماح : انا قررت خلاص .. سيهام باستياء : عنيدة ... واتقدمت ريما بهدووء ... وبداية الضربة كانت مع لمى وناولتها >> طبعا لمى مستحيل احد يصد ضرببتها ابداا مؤبدا << ريما صدتها الكل اندهش ولمى ابتسمت لانها تعرف تلعب وكملو لعبهم وكان الفوز كالاتي : لمى و ريما 5-2 , سيهام وريهام 5-5 , وبقية البنات ما لعبو لانهم يخافو من سوزان تختارهم مع لمى ف راحو يسبحو ... لمى وهيا تمسح وجهها وقالت بابتسامة لريما : انتي قوية .. ريما اكتفت بابتسامة .. خديجة داخلة غلط وبثقة : المرة الجية انا وانتي .. لمى ضحكت وقالت : اوكي
............الطائرة متجهة الى امريكا..............
لجين بعبط : لااااا مووو كدا .... سليمان بعصبية : يا بنت الناس كدا ... لجين بطفولية : ياغبي شوف ورمت الكتاب في وجهو ... سليمان شاف الكتاب واتفشل لانو اكبر منها وسكت وسار وجهو احممر .. لجين بطفولية جذبت سليمان : شفت انتة غبي مدري ليش مخلينني مع واحد اكبر مني وفاشل ..... سليمان انفجر ضحك وخلصت المحاضرة وراحت على الغرفة في نفس طريق سليمان ودخلت وفجأة بينما هي تعبي اغراضها >> كيف بس اللغة << دق جوالها لقتو رقم غريب مدت بوزها بطفولية >> حتتطفشو من الكلمة << ومدت الجوال لسليمان .. سليمان باستغراب : خير مو جوالي .. هزت راسها بايوة وقالت : انا ما ارد على ارقام غريبة ... هز راسه باسف وسحب الجوال بسرعة لدرجة انها حسبتو طاح وشهقت وطالعت فيه وبعصبية : حسبي الله عليك ..ومد الجوال ليها : مكالمة ليكي .. لجين باستغراب : انا .. وسحبت الجوال e .. اهلا .. من الطرف التاني : هل انتي الانسة لجين المتخفية باسم جيني ؟ .. لجين : نعم انها انا .. : اتمنى ان تكوني هادئة لكن اهلك تعرضو لحادث ادى الى وفاتهم ... طاح الجوال من يد لجين وطاحت على ركبها والدموع متحجرة في عينها مو قادرة تحرك شي في جسمها وفجاة دخلت سارة وقالت بعصبية : خيرر يا ست لجين دا كلو تعبي الشن.. اتصدمت من حالتها وتوتر سليمان .. سارة بعصبية : وش سويتلها .. سليمان بتوتر : اقسم بجلال الله ما قربت منها .. سارة بتوتر شدييد وقلق : وش سار .. سليمان : جاها اتصال واتوقع من المستشفى .. سارة نزلت لمستوى لجين وتهزها بقوة وتقول بخوف : لجين لجين وش صار وش فيك كذا .. وتكمل هزها لكن بدون فايدة الين ما نزلت دموعها وبصوت متقطع ومرتجف : امي وابوي وببكى شديد : ماتو ... سارة اللي سارت منهارة في الارض اما سليمان انفجع وخرج بسرعة وهو ماعنده غير لا حول ولا قوة الا بالله ورجع للغرفة وسحب لجين من حضن سارة اللي اثنينهم متقطعين بكى وقال بهدوء وحزن لحالتها : البسي .. لجين وهي تبكي وتشهق بصوت عالي هزت راسها بالموافقة وبحركة لا ارادية منها حضنتو وسارت تبكي اما هو سار يربت على راسها وحزن عليها الين ماحسها نامت سارة ما سوت شي لانها كانت متوقعة بما انو سحبها كدا فاكيد راح تكمل عنده وساعد سارة الين ما وصلوها عالسرير وطلب منها من يوم متصحى تلبسها وكل شي وتجهز شنطتتها لانو راح يكتبلهم اجازة ويوديهم شقتو سارة ما قدرت تسوي شي غير الموافقة ....... نرجع لبلادنا الحبيبة.........
رجع الكل منهااااااار لكن فرحانين خلاص هادا اخر يوم وفي اجازة اسبوعين لكن غير بما انو الكل في بيت ابو رعد فالتوتر والحماس الممزوج بخوف وهم ينتظرون ابوهم يبدأ الشي المهم اللي مغيرله معالم وجهو : انا اول شي يا اخواني واخواتي واولادي وبناتي وكل المجتمعين هنا من عايلتنا انا حابب اقلكم شي خصوصا لكم انتو ياصغار > > يقصد الشباب بشكل عام < < في عندكم عم اسمه ..................
عند رزان اللي طردتها لمى لانو اجتماع عائلي طبعا رزان مقهوووووووورة الا تبغا تعرف ايش هو وفجأة دق جوالها وشافت الاسم وابتسمت وردت بدلع مااااصخ يقطع المصران : هااي حبيبي كيف حالك ... : بخير والله بعد ما سمعت هالصوت ... رزان بدلع مااصخ ومياعة : ههههه حبيبي انتة كدا تحرجني الا اقول سوسو كيفك مررة وحشتني ... : ههههه فديت سوسو على لسانك الحلو دا .... رزان : سعوديي لا تحرجني زيادة بعدين اقفل ... سعود : لاا يا بعد قلبي انتي لا تقفلي عاد كيف لو قفلتي انا ازعل منك ... رزان بزعل مصطنع : تزعل مني !! .. سعود بصوت يذوب الصخر : لا ي بعد قلب سعود انتي انا انا ازعل منك كيف ........ رزان ضحكت بمياعة : اكيد انا رزانو مستحيل تزعل مني ... سعود بزعل : ايش سار على خطيبك ..... رزان بزعل >> قصدي تتصنع الزعل << : لا تجيب سيرت دا الحيوان على لسانك انتة احسن منو ..... وما حست الا وجوالها مسحوب ويترمي بقوة على الجدار ويتكسر ومسكتها روان من شعرها وسحبتها كانها حيوان( اكرمكم الله ) وضربتها في الجدار وقالت بعصبية والشر ينطنط في عيونها اللي بدأ عدسات عينها تتحول للاحمر اللي خلى رزان تنتفض من الخوف واخيرا اتكلمت روان وبحدة وغضب وعصبية الكون كله : اقسم بجلال الله وعظمته انك محا تشوفي خير اذا كلمتي غير اخوي فاهمة يا حقيرة يا b#### .. شهقت رزان وسارت تبكي وتنتفض من الخوف : والله ...اهئ اهئ اهئ ... والله م م م م ماعد اعي اعيدها ... روان خفت عصبيتها ورجعت عيونها للونها الطبيعي وقالت : لو شفتك تكلمي احد حتى لو بوية يا ويلك يا ويلك يا ويلك وراح افتش جوالك كل يوم وهادي اخر واول مرة حاسامحك فيها عشان اختك مو عشانك لانو بصراحة ااحس امك جابت البنت الغلط في عايلة زي دي المفروض اختك الحين في عايلة تانية معززة مكرمة مو ف عايلة مثلك .. ورمت رزان بقوة ع الارض ومشيت وحقرتها .. اما رزان اتولد حقد وكره اكبر لاختها ولروان ولعايلة روان وقررت انها تنهيهم بنفسها ... وقامت وعدلت شكلها وشعرها ومشيت ولا كانو شي سار وتضحك وتقعد عااااااادي ولا كانو شي اما روان اللي فورها دا الشي واستفزها لبس رزان وقالت بقرف : روحي غيري .. رزان بدلع : اوكي .. وراحت غرفتها وطلعت فستان احمر قصييييييييييييييير مرررة وبدون كم وبوت كعب جلد اسود وحطت روج احمر صارخ خلاها تجنن >> المكياج وما يفعله من فوتوشوب << ونزلت روان فتحت عينها ع الاخر وقالت بصراخ : انا قلت غيري عشان تلبسي كذا ... رزان بمياعة وهيا رافعة حاجب : اذا اتكلمتي كلنا في الهوا سوا عشان كدا سوي نفسك ما سمعتي وانا ما سويت شي وقربت منها وضربتها كف خفيف > حركة استهزاء < كل البنات شهقو مصدومين وش تقول ذي تهدد مين تهدد روان ّ!!
ضحكت لمى بسخرية واشرت بيدها كانها تعد وقالت بهمس : 1 2 3 .. الا وسوزان مسكت يدها ودفتها وطالعت فيها باحتقار وقالت : مو انتي اللي تلمسيها وسابت يدها بقرف اما روان ضحكت عليها اما رزان اللي ما اهتمت وكملت قعدتها مع شلة المياعة التانية بس على اخف رشا و دلال اخوات >جيران لمى وروان<
لمى اللي كانت مو معاااااهم ابدا وتفكر في كل حرف قالو ابوها .. عندكم عم اسمو عبد الله وصلني انو اتوفى هو وزوجته وما بقي غير بنته اما عن ولدهم فهو مثل ما يقولون شكله ميت يعني ما بقي غير بنته وراح تجي وتعيش عندهم .... الكل مصدوم وخصوصا لمى اللي قبل ما يجمعهم ابوهم كانت تفكر اذا كان عندهم عم وهم ما يدرو وسبحان الله ولا خمس دقايق الا وتسمع الخبر المصدم
......... هناك حالة طوارئ في المستشفى.........
لجين اغمى عليها من قوة الصدمة ووداها سليمان للمستشفى ........... دخل سليمان على سارة ولجين اللي غايبة عن الوعي وقال باسف وحزن: انا بعد بكرا مسافر انتبهي عليها مثل عيونك .. سارة وهي تقرأ القران هزت راسها بالموافقة وقالت في نفسها : والله يا سليمان مع انك غني وما في شهرة مثل شهرك انت واخوانك وامك وابوك لكنك مرررة طيب ومتواضع والله يشهد انك رجال متربي واتمنى انو كل عايلتك كدا ... وبعد يوم متعب ماحست سارة الا احد يهزها قامت مفجوعة لكن الدموع اتجمعت في عينها وهيا تشوف لجين تتحرك وفاتحة عينها وتاشرلها على الموية وصبت لها وهيا تحمد ربها الف مرة وجات بتشربها لكن جهاز التنفس يعيقها ودقت على النيرس اللي جات تجريي وقالت what's wrong : ( ما المشكلة ) ... سارة: no thing this just she is thirsty ( لا شيء انهو فقط هي عطشانة) .... الممرضة بفرح: she woke up ......... وشربتها الموية وقاست الضغط والسكر وحالتها النفسية وكانت النتايج جيدة لكن نفسيتها سييئة وبعد عدة اسابيع اتشافت وسارت نفسيتها جيدة لكن ما يمنع الحزن اللي يجيها اذا جات سيرت اهلها لكنها قررت انها تعتبرهم شهداء ورضيت بالواقع اللي كان مر وطلبت من سارة انها توديها البيت دخلت وهيا مبتسمة واخذت نفس عميق واتوجهت للصالة واتفاجئت بوجود احد واشرت لسارة توقف وسحبت سكينة وقالت بغضب : who are you واللي لفت حولينها وسارت تقول بهدوء وصدمة : هادا مو بابا مو بابا .. حست انو عربي وانها تعرفو وقالت بهدوء وصدمة : مين انتة .. لا جواب اشرلها تجلس جنبو اما هيا اللي اتقدمت بجرأ خلت سارة تخاف عليها مررة وجلست جمب الرجال وقالت بثقة : مين انتة ؟ .. الرجال : عمك ... لجين وهيا مادة بوزها : حسيت ... العم : كيف .. لجين : لانك نسخة من بابا لكن الفرق في الجرح اللي كان في وجه بابا .. العم ابتسم لذكائها : انتي راح تاخدي كل شي تحتاجيه وتروحي معايا .. لجين : فين ؟ ... العم سعود (ابو رعد) : لبيتي لانك ما تقدري تعيشي لحالك وانتي مطاردة من قبل عصابات المافيا .. لجين نزلت راسها وقالت : طيب .. لكن ... سعود : لكن ايش ؟ لجين وهيا تاخد ننفس عميق : عندك اولاد ؟ .. ابتسم سعود وقال : من دي الناحية اتطمني عندي ثلاث اولاد لكنهم اوعدك انهم محا يسوولك شي .. واتلفت انتباهه انها لسا حاطة الحجاب وابتسم وقال : انا عمك لاتخافي .. اما لجين ما فهمت عليه وفجاة رفعت عينها لقت انها لابسة الطرحة لسا وانحرجت وفكتها بسرعة ... ضحك سعود على برائتها واتبهر بجمالها وابتسم بحزن : ما تشبهين ابوكي . اما هيا ابتسمت بدل الدموع : اممم انا ما اشبه بابا انا اشبه ماما لكن اخوية يشبه بابا ... ابتسم : تقدرين تبكين .. ابتسمت : الله يرحمهم لكن خلاص انا راضية بقدري ...
ابتسم وقال : انتي قوية .. قالت بثقة : اكيد طال ما هو ابوي عبد الله اكييد اكيد راح اكون قوية .. سعود بهمس لكن سمعته لجين : الله يعين عزوز عليكي اذا انتي كذا واثقة من نفسك .. لجين بفضول : مين عزوز ؟ .. سعود بابتسامة : ولدي .. قالت وهيا مميلة راسها على جمب : كم عمره ؟ .... سعود : 17 سنة ... لجين : اها ممكن تقلي اسامي اولادك واعمارهم .. ابتسمم : ما طلبتي شي عبد العزيز 17 سنة سليمان 20 سنة ورعد 25 سنة .. اما هيا اللي فهت من يوم ماقال سليمان لكنها قالت في نفسها مستحيل هههه اكيد مستحيل سليمان مو هو اللي في بالي اكيد ههه غبية كيف فكرت بشي زي كدا
نرجع للسعودية لكن باختصار
ابو رعد سافر عشان يجيب لجين
سليمان من يوم مارجع حابس نفسه في الغرفة ويفكر في لجين وايش سار لها
لمى وروان سارو هادئات وما يتكلمو كتير سرحانين في بنت عمهم المجهولة لكن برضو ما يمنع انهم يتحمسو علشان يشوفوها
سوزان سارت متحمسة زيهم وكل يوم يجتمعو ويتخيلوها
ام رعد بدأت تجهز البيت والغرفة وقررت تسوي حفلة استقبال لبنت العم وسليمان في يوم واحد
اه صح سليمان ما يدري عن الموضوع لانه حابس نفسه
اما عن ام رعد كانت خايفة انها تواجه مشاكل معاها مثل انها ممكن ما تغطي شعرها وهادا الشي راح يخلي رعد وسليمان يثورو ويتجننو
رعد قرر يرجع للبيت لانو الايجار مررررة ارتفع
نرجع لامريكا
طلبت لجين من العم يروح ويرجعلها بعد ثلاثة ايام عشان تجهز وكل شي وتودع بيتها كانت في دي الايام يا في غرفة اخوها او امها وابوها ومادخلت غرفتها الا عشا تفضيها طبعا ما كان في شي في غرفتها ما سابتو وراحت اخدت عطور اخوها كلها وبعض الملابس اللي كانت تحببها عليه واللي ككانت تتمنى انها تلبسها وكانت نصها حقت الرقص لانه كان مشترك في نادي رقص
واخدت الفساتين ملابس امها وكل علب المكياج حقتها والعطور واخدت كل اشرطة الفيديو حقتها وحقت اخوها اللي كانت تتعلم منها الرقص والحفلات وكل الالبومات ومافي شي ما سابتو في حاله وطبعا دا كلو اخد 17 شنطة اللي استغرب عمها لانها ثقيلة مرة وكانها معبيتها حجر وككان في 6 كراتين الواضح انه فيها اشياء قزاز ولحف ومخدات البيت عشان كدا اضطر ياخد الطيارة الخاصة عشان تتحمل كل دا .. وبعد عدة ساعات اللي كانت كل شوية تسال عمها عن اولاده وبناته وكيف اذا هم راضيين بوجودها اما هو اللي كان يجاوب وهو مبسوط لانها متحمسة ومتجاوبة مع الوضع ومو خايفة او متوترة
لكن فجأة قال : ترى في بنات جيراننا وخطيبة سليمان .. تنحت لكن رجعت قالت لا مستحيل مو سليمان اللي في بالي واصلا حتى لو هو ايش يعني بكيفو يخطب اللي يبغاه وفجأة هزها عمها وقال وهو مبتسسم : سمعتيني ؟ لجين اتحرجت : وقالت لا اسفه بس سرحت فجأة ... سعود ضحك وقال : انا كنت بقولك انو في عيال عمانك وعماتك وخالك وخالاتك وبنات جيراننا وخطيبة سليمان ..ابتسمت وقالت : كويس مررة ممتاز منها اتعرف عليهم مرة وحدة سعود : حلو شكلك ابدا مو خايفة ولا متوترة .. هزت راسها بلا وقالت : مستحيل اخلي التوتر والخوف يخربو عليا اليوم .. ابتسم لانها متقبلة الوضع تماما وشكلو ما في شي معكر مزاجها ....... وبعد عدة ساعات وصلو لاراضي السعودية .. ومن يوم ما نزلت رجولها اخدت نفس عمييييييييييييييييييق وهيا تقول : ها أنا اقف عندك ايتها البلاد الحبيبة ... ضحك عمها عليها وقال : حركات والله تعرفي تتكلمين عربي ابتسمت وهزت راسها : اجل من اول وش كنا نبربر هندي ضحكو وركبو السيارة اللي فتحلها السواق الباب واتذكرت سارة اللي دايما تحلم انها تدخل سيارة فخمة ويفتحلها السواق الباب وشهقت .. سعود اتفجع ولف وبخوف : وش فيك .. قالت والدموع في عينها : نسيت اودع صديقتي الوحيدة ونسيت اشكرها واهلها على عنايتهم بيا وسارت تبكي اما سعود ابتسم بعد: ما تنامي وتسعيدي نشاطك كلميها .. وكبرت في عين عمها انسانة جدا محترمة ومنظمة لكن فجأة طرأ في باله سؤال : ليش كل ذي الكراتين و الشنط .. حكت راسها باحراج وقالت جبت اشياء لامي وابوي واشيائي كلها واشياء في البيت عجبتني .. عمها ضحك عليها وعلى برائتها ووجهها الاحمر الطفولي وبعد نص ساعة سعود قال : يلا ... ابتسمت وعجبها البيت كبيييييييييييييييير مررة وقالت في نفسها : هادي واجهة البيت اجل كيف الحوش والبيت من جوة .. شافها عمها وسالها : عجبك البيت ؟ هزت راسها بايوة : امم حلو بس مو زي بيتنا ... سعود بتحدي وابتسامة : نشوف .. ابتسمت وقالت : تحدي يعني .. هز راسه بايوة ..... ودخلت البيت عجبها لكن حديقة بيتهم احلى وقالت : من برا احلى لكن من جوة الحديقة تفتقر لاشياء كتيرة ومنها النافورة وممكن تحطو شلال صناعي في دي المنطقة الفاضية هادا الشي اللي يعيب حديقتكم ..وسكتت شوية وهيا تطالع في الحديقة وقالت : اوه كمان الورود مو حلو انها تكون نفس الشكل والاشجار نفس الشي .. ابتسم عمها على ملاحظتها الذكية والمقبولة وقال : اوكي فزتي في الاول خلينا نشوف من جوة كيف .. ابتسمت وقالت : اوكي ... ودخلت عجبها البيت من جوة بس لمن شافت ما في ممطبخ استغربت وسالت : انتو حاطين المطبخ برا صح .. عمها هز راسه بايوة ... ردت : المفروض يكون فيه في البيت مطبخ فرضا صحي احد في اخر الليل والطباخ والخدم نايمين وهو جيعان المفروض يكون في مطبخ صغير ... ابتسم لانو كل ملاحظاتها مقبولة وقوية وهو كمان كان يفكر فيها وراحت تاخد لفة عالدور الاول وقالت : الدرج بسيط بالنسبة لبيت زي كدا وكمان بيتكم مررة كبير والدرج طويل المفروض تحطو مصعد للكبار والحوامل راح يكون متعب انهم يطلعو للدرج اما عن الدرج حقكم فاحلى لو سويتوه حلزوني حيطلع له منظر حلو ويدي انطباع جيد بدل دا المنظر الممل ... ابتسم عمها وقال : طيب انتي فزتي بالتحدي .. ابتسمت وسارت ترمش بعينها وقالت : ماما كانت تعلمني عن الديكور والمناظر الخارجية والداخلية للبيوت لانها مصممت ديكور وكمان مصممة ازياء مشهورة في امريكا .. ابتسم عمها وقال : اكيد بينتظرونك راح اقدمك انا بنفسي ... وطلعو للدور التاني والكل اتبهر مع انها مغطية شعرها ومو حاطة نقطة مكياج في وجهها قامت نطت عندها لمى ومدت يدها وقالت : انا لمى بنت عمك وهاذا اللي جنبك ابوية وانتي شريكتي بالغرفة الين ما تجهز غرفتك .. ابتسمت وقالت : اهلا انا جيني ... وسكتت تحاول تستوعب ايش قالت وردت بسرعة : ااه قصدي لجين سوري بس انا كنت هناك مضطرة اتنكر واغير اسمي وابتسمت .. قالت لمى :فرحة راح اعرفك على الموجودين .. ردت لجين بسرعة : ممكن اتوقعهم ؟ .. لمى هزت كتفها وقالت : عادي نشوف قد ايش انتي ذكية ... لجين : اممم ... واشرت على رزان وقالت : المياعة والدلع اللي مالو داعي بالاضافة للملابس الملفتة شكلك خطيبة سليمان رزان صح ؟ طبعاا رزاااااان فارت وانقهرت وقلبت عينها بغرور ... ابتسمت لجين وقالت : كلامي صح .. اوكي اللي بعدها واشرت على روان .. وقالت : الملامح الحادة والذكاء والملابس البسيطة لكن مع دا كلو حلوة عليكي لابد انك اخت لمى روان .. ابتسمت روان وهزت راسها .. وطالعت واشرت على رشا ودلال .. امم المياعة والدلع لكن اقل من رزان والغرور والشبه اكيد رشا ودلال .. ابتسمو الاتنين وقالو : مين رشا ومين دلال ؟؟ رشا ودلال توائم عمرو ماحد فرق بينهم نفس اللبس والتسريحة والمكياج والجلسة لكن الاختلاف طريقة الكلام .. امم انتي اللي على اليسار متأكدة 100% انك رشا واللي على اليسار دلال صح ؟ الاثنين فتحو عينهم على الاخر او مرة احد يفرق بينهم لكن دلال قالت بابتسامة :الايام بيننا
ابتسمت وهزت راسها بالموافقة على التحدي ... وقالت : اما الباقين بصراحة ما فيا اتوقعكم لانكم كتار مسكتها لمى واشرت على غادة وقالت : هادي ... لجين : غادة .. لمى :اممم صح وهادي واشرت على سارة وكملت : مين تتوقعي ... لجين : امم الهدوء وغمضت عينها بالقوة وفتحتها : اه انتي سارة .. ابتسمت سارة ... واشرت لمى على سهى .. لجين : عربجية مررة عندها غمازة على اليمين ومليانة شوية اكيد سهى ... ابتسمت سهى ليها .. لمى : وهادي واشرت على سعاد .. لجين تطالعها من فوق لتحت ومدت بوزها وقالت : الهدوء والعقل اكيد سعاد .. ابتسمت سعاد وهزت راسها .. واشرت على سهيلة وقالت للجين : تتوقعي مين دي .. لجين باختصار : سهيلة .. الكل استغرب انها ما وصفتها وسالتها لمى : كيف عرفتي بدون ما تطلع صوت او حتى تصدر حركة ؟ لجين : تسريحة شعر غريبة ما وصفلي عمي احد بانو عندو شعر غريب الا سهيلة ومافي احد بينكم شعره غريب غيرها وكمان حلو .. ابتسمت لمى واشرت على سمر .. لجين باختصار : سمر .. واللي جنبها عبد العزيز .. ابتسمت لمى وقالت : اذكى مني المهم خلينا نروح عند العمات والعمان لانو خالاتي وخيلاني راحو من فترة .. وراحو ودخلت واشرت على عمانها وقالت :
هاذا عمي صالح .. وهاذا عمي صقر ( ابو سعاد) .. وهاذا جدي وفي عمي المتوفي عادل .. لجين اها وسلمت عليهم ورجعت مكانها واشرت لمى على عماتها وقالت هادي عمتي عادلة (ام فهد) وهادي .. عمتي صالحة (ام سيف) .. ودي عمتي صفية (ام عبد العزيز) .. والمخبولة اللي هناك عمتي نورة ... استحت لجين من كلمة لمى وضربتها في راسها من ورا وقالت : عيب عليكي استحي هاذي عمتك .. نورة : الحمد لله احد يدافع عني اخيرا .. قالت لجين : شكلك مظلومة معاهم ههههه
ابتسمت نورة : يب يب .. لجين في نفسها شكلها شبابية .. وابتسمت وقالت : اعذروني بس انا دايخة وتعبانة مررة .. وطلبت من لمى توديها الغرفة ... وصلتها لمى وفجأة شهقت لجين اما لمى اتفشلت لانو غرفتها مررة معفسة وحالتها حالة وقالت باحرااج : اسفة يا لجين ما كان في وقت اقدر ارتب غرفتي فيه .. لجين ابتسمت : لا ترتبيها مو لازم بس نسيت اتصل على صحبتي .. لمى : طيب اتصلي عليها .. قالت لجين وهي مكسوفة : ما عندي جوال بابا ما سمحلي لانو يخاف عليا من ماضايقات الشباب ابتسمت لمى واعطت جوالها للجين وقالت لما تصحي بنشتريلك .. لجين : طيب شكرا .. وطلعت من الشنطة دفتر ارقام وكان مليان مررة مع انو ما عندها جوال واتصلت على سارة وردت : الوو .. لجين والدموع في عينها : سارة كيفك .. ابتسمت سارة .. : انا بخير من سمعت صوتك بس بصراحة ملل بدونك .. لجين : حتى انا والله مررررررررررررة اشتقتلك ليش ما تجين السعودية ... سارة وهي تضحك : خربتي مفاجئتي ... شهقت لجين بفرحة : حتجي ؟؟ سارة :امم لانو مررة مافي سبب انو نقعد في امريكا .. لجين وهي تبكي : سلميلي ع الكل وكمان مررررة شكرا لاهتامكم فيا .. سارة بتوتر ِ: حتكملي الجامعة ولا حيرجعوكي للمدرسة ؟؟ لجين بتوتر : ما اعرف محد يدري .. سارة : اها بس انتي خلاص في السعودية يعني هويتك وكل شي راح ينكشف والكل حيعرف انو عمرك مو 20 سنة ... خلوني اعرفكم على لجين :
لجين : 16 سنة لكن العصابات اللي تلاحقها خلاها تتضطر تسوي هوية مزيفة وتغير شكلها شعرها بوي لانها كانت مصابة بالسرطان وطول شعرها شوية الين ما سار بوي منحوت واسود وعيونها سودة لكنها تلبس العدسات الزرقة دايما وكانت تلبس باروكة شعر طويلة علشان محد يعرفها اما هيا تكره احد يتحداها ولازم تثبت نفسها ومرجوجة وعربجية ونادرا ما تستحي انها تتكلم مع احد ...
لجين : انا 16 سنة اتوقع كمان معد احتاج للهوية المزيفة االا في امريكا .. لمى تسمع ومو فاهمة شي.. سارة : اوكي قلبو مع السلامة وان شاء الله ترتاحي بين اهلك وتنبسطي واحنا جيين بعد ثلاثة ايام وفي نفس الشارع حقكم وجمب بيتكم لانو صاحب البيت يبغا يبيعو وبابا اشتراه واحنا جييين نعيش في السعودية جمبكم .... لجين فرحانة ومبسوطة ع الاخر لدرجة انها نامت بملابسها وخرجت لمى وتركتها وعلى صلاة العشا صحيت لجين ووقفت قدام المراية وشالت الباروكة وفصخت العدسات واخدت نفس عميق وغيرت ملابسها وسارت زي البويات لكن باين فيها انها بنت ... ونزلت طبعا الكل استغرب كيف شعرها قصير قد كدا .. لمى باستغراب : ليش شعرك قصير واسود اذكر انو اشقر وطويل .. ولقت عمها يطالع فيها باستغراب .. وقالت بابتسامة : انا كان عندي السرطان والحمد لله اتشافيت منه لكن شعري ما طول اكتر من كذا لكن انا كنت لابسة باروكة وعدسات زرقة طوال الطريق عشاني ملاحقة من عصابات مافيا فأنا اضطريت ازيف هويتي واغير شكلي .. وجات بتطلع لكن اتذكرت ولفت لعمها : اه صح انا كمان 16 سنة مو 20 .. وطلعت والكل مصدوم الا لمى اللي اعجبت تماما ببنت عمها وطلعت لها لقتها تشرب موية .. ولفت لها لجين : لمى متى تجهز غرفتي .. لمى سحبتها وودتها غرفتها وطلعت كتالوجات للبوية والغرف .. وقالت : يلا اختاري وانا حاساعدك قامت لجين للغرفة اللي حط فيها عمها الملابس حقت امها واخوها وابوها والعفش وسارت تطالع فيه كان كله من الصالة وغرفتها وبالصدفة كان كلو اسود وابيض وطالعت في لمى وسالتها : جبتي الكتالوج معاكي ؟ لمى : اممم ...... واعطته لجين : ولجين سارت تطالع في الغرف والبويات الين ما اختارت تصميم يناسب الاشياء اللي جابتها اللي خلا لمى تندهش ذوقها
مررة روعة ورفيع وطالعت فيها وبدهشة : ذوقك مرررة روووعة ما شاء الله علميني .. ابتسمت لجين وما ردت وراحت لمى توري امها وابوها اللي عجبهم الاختيار وما خلصت ثلاث ايام الا وكل شي جاهز بس بقي ترتب الاثاث وتختار المكان وطلبت من عمها يستنى وشافت قياس الغرفة ورسمت رسمة مصغرة لترتيب الغرفة واعطتها عمها اللي خلا سليمان يوريها للرجال عشان يخرج من الكآبة اللي عايش فيها من ما رجع وبعد ما انتهوو نادو لجين اللي اخدت معاها الطرحة احتياط لكن ما غطت لانو على بالها عمها اللي مسوي الغرفة ودخلت وعجبها كل شي ولفت وفتحت عينها ع الاخر وشهقت وسارت تمشي على ورى الين ما طاحت وقالت وهي تاشر بصدمة ودهشة : انتة .. سليمان ماعرفها لانو شعرها كان قصير واسود وعيونها سودة لكنها مو غريبة عليه سار يركز ويضيق عينه الين ما عرفها وقال بصوت مصدوم : جيني ؟؟؟؟ انتي بنت عمي عبد الله ؟؟؟ لجين في نفسها يعني انتة مخطوب لذيك المايعة اوكي الله يهنيكم .. اما هو قال : ما اذكر شعرك قصير واسود حتى عيونك اذكر انها زرقا اما هيا استغربت شلون عرف انو شعري قصير ورفعت يدها وحطتها على راسها وشهقت بقوة ودا كلو كان تحت نظر رزان اللي فارت واتقهرت ودخلت وبمياعة : هاي سليمان الحمد لله ع السلامة وقربت منو الين ما بغت تدخل فيه .. اما سليمان اتضايق من لبسها كان شورت اسود وبلوزة كت الين نص البطن لونها احمر واتقرف من المكياج اللي حاطته ونزل عينه ولكن اتفاجئ بلجين وهي تضحك بصوت عالي : ههههههههههه رزان ههههههههههههههه روحي الله يهديكي ههههههه غيري الولد مو طايقك كذا ههههههههههههه ... سليمان اللي انفجر ضحك وبدون ما يقصد قال : هههه من هههههه منجد ...... اما رزان اللي اتفقعت مرارتها وضربتها كف اما هيا اللي ثارت وعصبت ومسكت يدها ولوتها وضربتها في بطنها برجولها وقالت ببرود والبؤبؤ اتحول لاسود قااااااتم مافي نقطة لمعان وكانها منومة مغناطسي : مو انتي اللي تمدي يدك عليا ... اما رزان اللي اتظاهرت بالالم الشديد وحست انها فرصة تجذب سليمان لها واتظاهرت بالبكا : سليمان شوف هالمتوحشة وش سوت فيني طبعا سليمان ما سوا شي غير انو مسك يد لجين وقال بهدوء : اصحي .. وفاقت لجين وسحبت يدهها بعصبية ولفت له وببرود : شكرا ... ابتسم سليمان : صحتك اهم .. وراح اما هيا ابتسمت ولفت لقت رزان تطالع فيها مصدومة وباحتقار : مين انتي عشان تتكلمين مع سليمان ؟ .. لجين ببرود : انا بنت عمه ويلا لو سمحتي اخرجي غرفتي ما تستقبلك .. رزان فارت وضربت الارض بقوة بكعبها اللي انكس وفتحت عينها ع لاخير وفصختو وطالعت فيه : لااااااااااااا لاااااا كان جديد اول مرة البسو .. لجين بسخرية : هه يلا اخرجي .. وخرجت رزان مقهورة وميتة قهر وراحت عند شلتها .. رشا : وش فيك اهجدي لا تموتين علينا ... ولفت لها رزان : الحقيرة بنت الكلب .. رشا باستغراب : مين ؟ رزان : اكيد الحقيرة بنت الساحرة لجين .. رشا اتضايقت ودفت رزان وقالت : لو سمحتي لا تغلطي عليها وراحت هيا ودلال .. اما رزان اتقهرت وقالت بصوت عالي :اكيد سحرتكم ذي الساحرة ... رشا وقفت ولفت عليها باحتقار : وليش ايش شايفتها وش سوتلك لايكون عشان ذا السبب .. ورمت الجوال لها ومسكتو رزان وفتحت الفيديو اللي تفشلت تماما .. وراحت رشا عندها وخرجت المموري والشريحة ورمت الجوال عليها وقالت بقرف : يع خدي الجوال ما احتاجه ... ومشيت طبعا رزان مصدوووووومة تماما كل شي قلب عليها فجأة واتصلت على امها وقالت انها رراجعة وارسلت لها السواق لكن غادة رفضت تروح وقعدت عندهم ... بعد ايام سار سليمان يخرج وسار طبيعي وخلصت الاسبوعين ورجعت المدرسة ... لمى : مالك غير مدرستنا هع هع هع .. لجين تطالعها من طرف عينها : هه ومين قال اني افكر باي مدرسة تانية .. لمى وهيا تحرك شفايفها : هه مغرورة ..لجين ولمى يطالعو بعض بقوة ويلفو وجيههم كانهم مو متقلبين بعض .. ام رعد باستغراب : في الاسبوعين اللي راحت كنتو زي العسل وش صار ؟ لمى ببرود وغرور : ولاشي .. راحت لجين ولبست بنطلون رقص كان البنطلون كدا http://i01.i.aliimg.com/img/pb/636/812/361/361812636_131.jpg وبلوزة كت بيضا ساادة ولبست العباية وراحت هيا ولمى للمدرسة >> على فكرة لمى ولجين والشلة مجهزين الاغراض حقت غرف السكن << لجين بعناد : ابعدي انا باجلس قدام .. لمى اللي وصلت معاها : كيف تجلسين قدام مع سليمان .. لجين بطريقة مستفزة : محسستني اني ميتة عليه .. سليمان عصب وصرخ : خلااااااااااااااااااااااااااااااااااااااص بس رجيتوني وانتي يا لمى انطقي خليها قدام مني مسويلها شي .. لمى من القهر دمعت عينها وجلست ورا اما لجين حست بالذنب ونطت ورا وقالت للمى تروح قدام ولمى ما صدقت خبر وراحت قدام .... بعد ربع ساعة .... دخلت لمى وما مداها حتى تفك الطرحة الا والبنات زي الحشرات متلمين ع الاكل لجين باستغراب : خير ايش عندهم متلمين عليكي وعلى روان .. لمى بابتسامة : انتي لاحقتنا .. لجين اكتفت بانها تهز كتفها وسحبت لمى بسرعة وخرجو من وسط البنات اللي استغربو . وحدة من المعجبات : اممم ممكن تقبلي هديتي ؟ .. لمى ابتسمت : اكيد ومسكت الهدية وبالغلط مسكت يد البنت واخدت الهدية وشكرتها ومشيت .. عند روان .. وحدة من المعجبات : هادي الكيكة انا سويتها بنفسي ممكن تقبليها ومدت الكيكة طالعت في روان وحست انو في شي في الكيكة وابتسمت بخبث : انتي كلي منها اول شي .. البنت اتوترت وقالت بتوتر : هيا حقتك مو ليا انا روان قلبت عينها بغرور وضحكت بسخرية وسحبت الكيكة من يدها وحطتها في وجه المعجبة وقالت بسخرية : مو انا اللي يتلعب عليا ودورت على منديل وما لقت وسحبت منديل وحدة بنت من جيبها ومسحت يدها ومسكت يد البنت وحطتو في يدها ومشيت طبعا البنت في حالة صدمة مو طبيعية اول مرة تمسك روان يد بنت .. والبنات كلهم متجمعين عليها الا يبغو المنديل والبنت رااافضة تماما .. وبدأت الزحمة تخف الين ما راحو البنات وكانت روان وعبير واروى في غرفهم الخاصة >> هيا اصلا فصولهم لانهم اغنياء لكنهم رفضو وخلوها زي الغرف اللي اذا تعبت ولا ما عندهم شي يجتمعو فيها << وفي غرفة لمى كان موجود ريهام وابتسام وسيهام وريم وريما وسمية وريناد >> كل الدنيا في غرفتها << ريهام بقهر : وينها ذي بنت عمك ؟؟ لمى وهيا تاكل حلاوة مصاص هزت كتفها يعني ما ادري ابتسام مقهورة : وجع ولا كأنها تقربلك .. لمى عصبت : مااااا اددري فينها شكلها في غرفة الرقص
سمية وهي مادة بوزها وتحوس فيه : خلونا نروح نشوف ابغا اشوف تعرف ترقص ولا لاء .. البنات كلهم : اوكي .. وراحو يتسحبو لغرفة الرقص وشافو 3 بنات استغربو ولمن قربو لقوهم روان وعبير واروى ريم : وش فيكم هنا .. عبير واروى اشرولها تسكت .. ريم هزت كتفها واشرت بيدها انها حتسكت وسارو يطالعو كلهم وكان رقصها مرررررة خطيير فجأة بالمراية انتبهت لظلهم وبسرعة محد لمحها فتحت الباب الا وكلهم طايحين فوق بعض ولمى رفعت راسها وابتسمت لجين هزت براسها كانها تقول الحمد لله والشكر وراحت قفلت الاغنية ونزلت لمستوى البنات وباستغراب : كان دخلتو بدل ما انتو مترصين كانكم فيران .. سمية باحراج : اسفين كنا نحسب حنزعجك .. لجين ابتسمت وطالعت في سمية استغربت سمية : وش فيه في حاجة غلط ؟؟ لجين فاقت : هاه لا ما في شي بس شكلك تعرفي ترقصي .. لمى : ول ول انتي ما في احد ما سبتيه في حاله >> تقصد انها تعرفهم من نظرة وحدة << لجين اكتفت بنظرات نارية تسكت لمى ورجعت طالعت في سمية : ها تتحديني ؟؟ سمية : طيب بس انا احط الاغنية .. ابتسمت لجين ووافقت : اوكي اختاري اللي تبغيه .. راحت للراديو واختارت اغنية
BoA eat you up وبدأو وكانت لجين احسن من سمية .. سمية باستغراب : كيف انا احسن وحدة في مدرستي القديمة وحتى دي المدرسة .. لجين ابتسمت : اتدربي وحتسيري احسن مني .. سمية مدت بوزها وسارت تتمتم بكلمات مو مفهومة فجأة لجين صرخت ارخو راسكم اتفجعو البنات ورخو راسهم اما هيا اتشقلبت على ورا >> خطيرة البنت << ومسكت السكينة قبل ما تقرب من وجهها .. البنات كلهم فاتحين فمهم ع الاخر ومستغربين الا ريما وسمية وريناد اماا ريما اللي كل شوية متلصقة فيها وتسألها كيف سوتها كيف شافت السكينة وكل شوية قاطتلها بسؤال الين ما ريما عصبت : خلاااااااااااااص يا ريم اهدئي .. ريم سكتت ونزلت راسها ودمعت عينها رحمتها لجين وطالعت في ريما وقالت وهيا مقهور من تصرف ريما المتهور : ليش كدا هيا ما بتكلمك لو انا قلتلها اسكتي وما سكتت ديك الساعة ادخلي اما كدا تصرخي في وجهها وهيا تكلمني لا تدخلي لو سمحتي .. ريما ببرود : اتوقع ريم فاهمتني لكن انتي محا تفهمي ... ريم بقهر وهيا تبكي : انا مستحيل اعترف فيكي الا لمن ترجعي ريما اللي اعرفها .. لانت ملامح ريما وهدأت وسكتت .. الكل مستغرب ومو فاهم اي شي من اللي يسير
والله انا مرررررررررررررررررة اسفة لاني اتاخرت لاني بصراحة اتقهرت ما في اي تشجيع لاني اكمل الرواية عشان كدا ما كان في عندي حماس او افكار عشان كدا انا اعتذر
التوقعات :
وش قصدها ريم لمن قالت : ما راح اعترف فيكي الا لمن ترجعي ريما اللي اعرفها
ريما وسمية وريناد وريم اللي تتجنبهم بشكل كبير وش السبب اللي يخليهم يدخلو دي المدرسة
رزان هل من الممكن انها ترجع لوقاحتها وحقارتها وتكلم شباب مرة تانية
كل دا ان شاء الله تعرفو في البارتات الجية اذا لقيت حماس وتشجيع لانو افكاري تنحصر على تشجيعكم ليا