احم احم
السلام عليكم ورحمة الله وبركاته
شلونكم وشخباركم..
قصتي.. الاولى في عالم النت.. اهداء لكل معجبين SS501..
نبذة عن القصة:
بعد محاولات عديدة مني لمدير أعمال الدبل اس أن يسمح للفرقة بالقدوم للكويت.. وبعد مناقشات عدة.. وافق المدير..
شوفو مغامراتي معاهم..
نوعية القصة:
كومييييدي- خيااااااااالي- رومنسي بنسبة اقل من قليلة
عدد الصفحات في الوورد:
103
بسم الله نبدي..
الكل يندمج معاااااااي..
بسم الله الرحمن الرحيم
السلام عليكم ورحمة الله وبركاته..
اسمي سلمى.. عمري 17.. انا كويتية.. بدت قصة حبي للدبل اس من سنة تقريبا.. بس حبي يزيد يوميا زيادة هبلية ومو صاحية.. كل صورة اشوفها لهم.. كل فيديو اشوفه.. كل اغنية اسمعها.. يخليني احس اني احبهم لدرجة لا تصدق.. بس يعلم الله اني افكر فيهم بطريقة محترمة.. وتفكيرات ما تتعدى اني قاعدة معاهم واسولف واضحك.. ودي اصير مثل اختهم الصغيرة.. بس محد راضي يصدق ان هذي حقيقة تفاكيري.. خصوصا صديقاتي اللي كانو يظنون اني افكر فيهم بطريقة مخلة بالآداب خخخخخخخخخخخخخخخ..
بس المشكلة الحين مو بحبهم.. المشكلة ان الاحلام والخيالات زادت.. وصار حلمي اللي دايما افكر فيه.. انهم ييون الكويت ويستانسون معاي ونطلع مع بعض ونفصل مع بعض.. حتى ان أي مكان اروحله.. اتخيلهم معاي.. واتخيل اني قاعدة اتمشى واسولف معاهم.. بس كل مرة ارجع واقول لنفسي.. سلمى انتي ليش تقصين على عمرج؟؟؟.. انتي تدرين ان هالشي من سابع المستحيلات يصير!!..
بس اللي صار ان اليوم وانا بالسيارة.. طمرت ونقزت في بالي فكرة وكان على وشك انها تطيح بس الحمدلله اني مسكتها وعدت سليمة.. اني أألف قصة واتخيل على كيف كيفي.. واسوي اشاعة عليهم انهم يو الكويت كااااااااك.. عادي هذا مو جذب (كذب).. لأن الكل يدري انهم ما راح ييون الكويت كلش ملش بلش طلش.. وحطو ببالكم انكم الحين قاعدين تقروووون احسن قصة انكتبت في التاريخ..هع هع.. يمكن اقدر ابين شوية من حبي لهم..
<<كل ما ذكرته حقيقي 100%..
قبل لا تبدون القراءة..
1- الحوارات اللي بالقصة اغلبها انجليزي..بس لا تخافون.. الانجليزي البسيط والسهل..
2- الكل يدري ان الدبل اس اوبا كلهم ما يعرفون انجليزي عدل.. بس لو كنت بكتب قصة.. شلون بتكلم معاهم؟؟.. الانجليزي اهيه اللغة الوحيدة اللي نقدر نتفاهم فيها.. فخلونا نفترض انهم يعرفون انجليزي..
3- القصة مبنية على الخيال.. فلا تصدقون شي من اللي راح تقرونه.. لأنه كله من خيالي لا غير.. الا من بعض الاشياء اللي الكل يعرفها.. مثل حقيقة ان هيون جونغ اوبا يحب النوم ويحب الصيد..
4- اممممممم.. شنو بعد؟؟.. بس خلاص.. توكلوا على الله..
الموضوع الأصلي :
Seven days with the Super Stars || الكاتب :
princess Triple S || المصدر :
منتديات أنيدرا