[رامـآ]

رواية صديقآت في الحب و لكن ~ بدون ردود

جبت لكم اليوم روآيةة صديقآت في الحب و لكن

الردود ممنوعة ل سهولة القراءه الا بعد نهاية الرواية

يلا نبدأ في الروآية

الفصل الأول ~

على الصبـاح ,,
: يووووه و بعدين يا دلخه بتخلصين و لآ أروح أنخمد
: نوو بليز بيبي استنى شويةة بس ما أعرف ايش أسوي بشعري
: بيبي هـآ ؟ يا حبك للتصريف ! ترا عندي اسم و أفخر فيه يا مخ
: أوكي أوكي ماي برذر ناصر إستنى شوية و تلقاني مخلصة
نـاصر : إيش تقرقرين انتي ؟ بأي لغة تتفلسفين ؟ اقول منـار ترا راسي راس حمـار أبغى أنــآآآم اخلصي
منار : أخيييراً خلصصصت وآآي ونآسةة أول يوم في الجآمعه
ناصر : ههههه ذكرتيني باول يوم ليا في الإبتدائي و آخر يوم في الجامعه يلا يلا بس خلينا نمشي
منار : الا ناصر عندي سؤال يحوم في الأفق البعيد
ناصر : لا منك و لا من الأفق البعيد و بالله إيش سؤالك القوي جدا
منار : انت كيف تخرجت من الجامعه و ما عندك ما عند جدي في الإنجليزي
ناصر : إحلفي ؟ أبشرك عندي لغة فرنسية يا حلوه
منار : لآ !!! من متى ؟ أجل قول كلمة فرنسية وحده بس
ناصر : هيا مو كلمة هيا في الأساس جملة " اما أنك تمشين أو بتلقين الكوتش في نص وجهك "
منار : أقول going going and not a lot " يلا يلا و لا يكثر "
ناصر : ما فهمت و لا شيء بس يلا

~~~~~~~~~~~~~~~~~~~~

: حلا يلا بسرعة
حلا : اوكي غلا انا تقريباً مخلصة
غلا : واااي حدي مستانسه موني بتكون ويانا
حلا : يا لبيه هَـ المنار خطييييره لا صارت السالفة مع الإدارات أو الأبلات
غلا : احلفي ؟ أقول لك حبيبتي انسي أبلات و الحصص و الخرابيط ذي دحين جامعه يعني ناس متحضرة و واعية و منطقية
حلا : انتي إيش كثر وحده منطقية و ضروري عندك الحياة مع الحب
غلا : شيء طبيعي , دحين انتي ناوية تجين و لا أروح ؟
حلا : أوكي أنا مخلصة بس ! المصيبه صار لي ساعه أدق على نور و ما ترد
غلا : لحووول خليكي منها ما رح ترد لو بعد سنة تلقينها نايمه هذا اذا ما سحبت على اليوم الأول كعادتها
حلا : عندي لك مفاجأة
غلا : جد ؟ ايش هيا ؟
حلا : يا حبك للمفاجآت بس ! عَ العموم بس رح تشوفين المفاجأة بنفسك في الجامعه
غلا : وجع هذا و انا متحمسه
حلا : هههه اوكي يلا خلينا نمشي
~~~~~~~~~~~~~~~~~~~~~~~~
: رامي يلا قوم
رامي : اوكي اوكي يَ أمي بليز 10 دقايق بس الواحد يعني ما ينام
أم رامي : و الله عاد أنا عجزت منك ما تداوم في السنة غير 3 أيام و غير كذا لا
رامي : حاضر يا أم رامي و هذا أنا قمت , الا رائد وين ؟
أم رامي : رائد جاهز من أول و يستناك قوم إلبس و وديه مدرسته و روح الجامعه و فكنا
رامي : حاضر يالغالية و انا عندي أغلى منك
أم رامي : طبعاً
رامي : ايش قصدك ؟
أم رامي : زوجة المستقبل
رامي : أمي ! انا كم مره اتفاهم معاك في هذا الموضوع قلت لك زواج ما رح أتزوج ترا تعبت من ذي السالفة اللي صكت راسي
أم رامي : الا بتتزوج تهاني غصباً عنك بنت خالتك أولى من أي شخص فيك
رامي : أجلي ذا الموضوع ورايا جامعه و كورس و زهق يلا باي
أم رامي : مع السلامه
~~~~~~~~~~~~~~~~~~~~~~~
في السيارة

ريان : وااااااااو دعسه خطيييييييره , و ربي إني رهيب
أشواق : لا يا شيخ ! كل يوم نفس الجمله و عمرك ما إستطلفتني و وديتني مول أو عند وحده من صحباتي بس فالح توديني المدرسة عشان أتنكد زياده

ريان : أختي الحبيبه هذا من خوفي و حرصي عليك و على المدرسة لا تختفي و تنقلب اليوم ظلام و أسود بدونك
أشواق : دام هذا حرصك وفره لنفسك و لا تعطف على أحد
ريان : أقول يلا يلا انزلي بس ورآيا جامعه
أشواق : الله يعين اللي معاك بالمحاضرات
ريان : بتنزلين و لا أنادي لك حارس مدرستكم
أشواق : لالالالا و اللي يسلمك كل شيء الا حارس المدرسة ما عنده الا انه يجري بذي الخيزرانه يحسسك الفارس المغوار فوق فرسه و يلوح بالسيف
ريان : ان ما نزلتي جد بناديه
أشواق : أوكي يلا تشاو
ريان : بـآي يا مخ

~~~~~~~~~~~~~~~~~~~~~~~

في الجامعه

حلا : هييييين و ربي ان كشتت فينا هَـ المنار و ما حضرت لأوريها نجوم الليل بعز الظهر
غلا : ...........
حلا : غريبه العاده تعلقين يالدلخه
غلا : ما دلخ غيرك , مدري كيف إحنا توأم و المصيبه اننا نختلف في التفكير 180 درجه
و ربي انك دلخه من جد شوفي الشباب ايش زينهم كل واحد يقول الزين عندي و انتي تسألين عن موني الحمدلله و الشكر
: أفآآ يعني همآ أحسن مني ؟
التفتوا حلا × غلا للصوت و شافو ..
حلا : موووووووووووووووووووني
غلا : يا فديتك لك وحشه
منار : وآآآي بنآت غبرتو شلونكم ؟
حلا : زي كل يوم مضاربة حتى وقت النوم
غلا : كنتم مع التعريف بفرقة استخف و إستهبل
منار : أوكي حلا سويت لك اللي تبغين
غلا : عفواً لا تخلوني زي الأطرش في الزفه
حلا : رح تعرفين كل شيء بس أهجدي
~~~~~~~~~~~~~~~~~~~~~~~~~
ريان : هواريو ؟
فهد : آيآم فآين , هواريو ؟
ريان : قوود , المهم وين الشباب
فهد : نستناك يا شيخ المحاضرات بعد شوية بتبدأ و انت لسا
ريان : يبغون يسلمون عليا و ربي داري أنا الوحيد اللي أوحشكم
فهد : أوكي أوكي امشي يالخكري
ريان : خكري في عينك يلا بس استناني شوية بروح الحمام أسوي شكلي و أرجع لك
~~~~~~~~~~~~~~~~~~~~
حلا : بنات شوية بروح البآث عن إذنكم
غلا : ترا عندي مرايا اذا تبغين تعدلين في شكلك
حلا : ما أحب المرايات الصغيره يلا عن إذنكم بس شويتــ......
وقفت حلا عن الكلام و طاحت عينها على ريان يتكلم مع فهد و قالت في نفسها " ريان ؟ "
غلا : حلا فيك شيء ؟
منار : حلا ايش بك ؟
حلا انتبهت على نفسها لمن شافت ريان يبعد عن فهد
و قالت بسرعه و بتردد واضح : آآ لآ لآلآ ولا شيء عن اذنكم
و راحت و قلبها ناوي يوقف من شوفة ريان و رح تعرفون السبب مع الأحداث
~~~~~~~~~~~~~~~~~~~~~
ريان : لو سمحت أخوي وين الحمامات ؟
: امشي من ذي الجهة " و هوا يأشر له " و على آخر الممر رح تلقى حمامات الرجال و النساء
ريان : أوكي مشكور أخوي
و هوا يمشي و يلمح وحده وآقفه قدامه و باين عليها ترتجف و خايفه و بحكم " 1- لقافته , 2- حبه للبنات " و فوق هذا كان شكلها يجذبه مع انه مو شايفها الى من ورا و حس انه قد شافها ف راح عندها و مسكها من كتفها و حس انها صارت ترتجف لدرجة انه توقع انها تموت بين يدينه على طول بعد يده و قال : آسفه اختي محتاجه شيء ؟
عرفت صوته ! الا الا أكيييييد هذا ريان و مافي أي نوع من الشك قررت انها ما تلف له و لا ترد عليه و من خوفها ما إنتبهت الا و هيا صادمه بوحده من البنات و طاحت على الأرض
البنت : آسفه و ربي ما كان قصدي آسفه
حلآ : لآ عادي
البنت : أعطيني يدك
حلا جات بتتكلم بس قاطعهم ريان و هوا يقول : عادي عادي هذي أختي .. يلا قومي
البنت راحت و بقي حلا و ريان بس عند الحمامات بحكم انه المحاضرات بدأت
ريان : آسف اني قلت انك اختي بس آآآ ...
حلا قامت و صارت تجري لجهة حمامات النساء
ريان على طول لحقها و مسك يدها و حس بخوفها بس لفها عليه يبغى يشوف مين هذي ؟
ريان : مين إ ن ت ي ؟
صار كلامه متقطع اول ما شافها معقولة تكون هذي حلا ؟ لالالالا مو معقول بس نفس الشكل مو طبيعي تكون غلا لأنه غلا قوية و تاخذ حقها و هيا ما تعرف شكل ريان تمام

حلا صارت تطالع في عينه و ودها تبكي دموعها تجمعت في عينها و انتبهت على انه يده لسا ماسكه يدها بعدت يده بسرعه و قالت : آسفه
ريآن : انتي حلا صح ؟
حلا : ..........
ريآن : حلا أنا ريان تتذكريني ؟
حلا بلآ رد
ريآن : حلا ! لآ جد مو مصدق عيني !
حلا نزلت راسها : انا مو حلا
ريان : متأكد انك مو غلا , و مستحيل أكون غلطت لأني ..........
حلا رفعت راسها له تستناه يكمل بس خاب أملها لمن وقف كلامه
ريان : حلا دحين عندي محاضرة أعطيني رقمك أو ايميلك ضروري أتكلم معاك
حلا : ليش فجأة طلعت لي في حياتي ؟ ليش لازم تجرحني و انا اللي ما أبغى أكون مجروحه أكثر من جرح الماضي اللي إلى الآن ما رآح ؟ ليش ؟ قول لي ليش ؟ للهدرجة تكرهني ؟
ريآن : انا ما أكرهك على العكس تماما أنا ........
حلا : ريان ما بيننا كلام يلا بآي
و راحت حلا و خلت قلب ريان ينبض من جديد لها
دخلت حلا عند المغاسل و بدأت تبكي من قلب
~~~~~~~~~~~~~~~~~~~~~~~~~~~~~
: هــــــــآآي
غلا : سجججججججججججى ؟
سجى : يا بعدي و ربي اللي تتذكرني ~
غلا نطت عند سجى و حضنتها بقوووووووووووووه
" سجى × غـلا × منـار × حـلا " صحبات من أيام الإبتدائيه كأن معاهم صحبه كمان اسمها " جنى " بس ماتت لأسباب رح تعرفونها خلال القراءة

منار : هذي هديتك يا غلا
غلا : و ربي أحلى هدية في حياتي و أخيرا يا سجى شفتك من بعد طول غياب يالقاطعه
سجى : هههههههه الموضوع مو كذا السالفة و ما فيها البنات حبو انهم يسون لك سبرايز بمناسبه خطبتك الفاشله
غلا : أقول لا تتحرشين فيني انتي الثانية
سجى : هههههههه لا من جد مر عليكي أسبوع كامل من الرفض ف حبوا يحتفلون فيكي
منار : و الله اننا على نياتنا
غلا : لا وااااااااااضح
سجى : الا غلا يا مخ ليش رفضتي المعرس ؟ غني و ولد ناس و خلوق و يحترمكي و يقدرك و رومانسي ايش تبغين أكثر من كذا
غلا و منار : ههههههههههههههههه
سجى : لا ؟ قايله نكته و انا ما أدري
غلا : يو آر كريزي ؟ " انتي مجنونه ؟ " نوو نوو نوو نوو ما توقعتك كذا صراحه اقول لك انا ما وقعت في حبه و الحب أهم من أي شيء باختصار رح تكون تجربة فاشله
منار : عفيه و الله على غلويتي بالله ليش تبغينها تتزوج واحد ما حبته ؟ الحب هوا أهم شيء و على أساسه رح تكون سعيده او لا
سجى : الحمد لله و الشكر الله يشفيكم
غلا × منار : آمييييييييييييين
حـلآ دخلت عليهم : ها غلا ايش رايك بالمفاجأة
غلا : رجعيها وين ما كانت يا زينها و هيا بعيده ههههههه تبغاني أتزوج بدون حب الله يشفيها
منار : هههههههه قصدك المفاجأة حلوة بس المناسبه نفسيه بقووووه
حلا × سجى : الله يشفيهم
حلا : موني عندي موضوع مهم أبغى أقول لك هوا ضروري اليوم
منار : من عيوني يالحلا كله
سجى : لا و الله ؟ انسي موني و غلاوي دام سجآوي عندك ~
غلا : اقول اذلفوا انا توأمها و لازم أعرفها قبلكم
~~~~~~~~~~~~~~~~~~~~~~~~~~~~~~~~~~~~
في نفس القاعه دخل شخص و الشباب التموا حوله و أغلب البنات راحوا عنده
سجى : وآآآآي نفسيه كل هذا عشان غلام
غلا : قصدك فلان
حلا : مع نفسه كل هذي الرجه عشان وآحد
منار : ما عليكم فيه بكسر لكم خشمه هَـ المغرور
سجى : بس لو كآنت بنت ؟
غلا : استخفيتي ؟ كل البنات عند الباب يسلمون أكيد ذكر يالسامجه
حلا : مهما كان ما يهم يلا يلا بس عن الدلاخه و كل وحده تنثبر مكانها

بدأ الشخص يتحرك و كلهم حوله و يصفقون من أول ما دخل و يغنون له و البنات يصيحون عنده أول ما دخل الأستاذ كلهم حاولوا يقعدون جنب هذا الشخص لكن مع كثرهم ما قدروا الكل أول ما شافته منار دق قلبها فجأة و مسكت مكان قلبها بقوه و تحس بخوف ما تدري ايش معناه و نزلت راسها و صحباتها إنتبهوا لها و الأستاذ ما تكلم بس قعد على طاولته و قاعد يرتب أوراق يعني على الفاضي موجود

غلا : بي بي موني فيك شيء ؟
سجى : موني حياتي ايش بك ؟
منار قامت و جرت للباب و كلهم يطالعونها و حتى الشخص كان يطالعها لمن وصلت التفتت له و هوا كان يبتسم بس لمن شافها صار بملامح غير مفهومه أو بالأحرى " بدون ملامح "

منار خرجت على طول و هوا وقف من مكانه كلهم استغربوا من حركته و أصحابه يسألونه ليه وقف و هوا يطالع المكان اللي وقفت فيه منار و البنات ماتوا من الغيرة
استأذن من الأستاذ و طلع

1- مين هذا الشخص ؟
2- ليش خافت منه منار ؟
3- إيش قصة خلاف ريان مع حلا ؟
4- كيف رح يكون هَـ اليوم مع البنات ؟
5- كيف رح يكون تأثير كلام حلا على ريان ؟

أشوفكم في الفصل الثآني

الموضوع الأصلي : رواية صديقات في الحب و لكـن ~ رامـآ || الكاتب : رامـآ || المصدر : منتديات أنيدرا