[To♥oma} ...]

الموضوع جدا رائع ...
فيه تشارك للآم والاحزان والافراح بين الاعضاء ...
قريت لك موقفينك يا قلبي وأثر هالشيء كثير علي ... مريتي بتجربه مو بيسطه وصحيح مستحيل الواحد ينساها ....

انا لي موقف مع اهلي كلنا توقعنا من بعد ذاك اليوم اننا راح نموت ومستحيل ننجى ...
هذا الشيء حصل في عام 1428 هـ وبالتحديد شهر 3 .... يوم الخميس
كان يوم خميس وكان الجو اخطر من الخطير في الرياض ....

صورة توضيحيه ::



فقررنا اننا نطلع للبر واخترنا شعيب حريملا ( محافضة قريبه من الرياض ) ... وتواعدنا مع خالي وزوج اختي .. وتكون الطلعه شبه عائليه ....
انطلقنا من الساعه 10 الصباح ووصلنا هناك ورحنا للسد وفي ذاك اليوم اول مره اشوف في حياتي الشعيب مليان حده .... الناس كأنهم معزومين من كثرهم ... تفرجنا على السد و قلنا بروح نجلس عشان نتغدا ... كان فيه زحمه على مطعم المثلوثه المعروف هناك ....فقال لنا رجل اختي انه بيروح وياخذ سرا لين يجي وقت الغدا ......
جلسنا نتقهوا ونشوف الجو ما كأننا الظهر ... غيم كثيف وجو اول مره اشوفه في حياتي كلها ....
شوي بدت تنزل رش مطر خفيف لطف علينا الجو ...
قلن فتره وبيروح لا نقوم ......
وبعد نص ساعه جاء رجل اختي وجاب معه الغدا وخلاه في السياره عشان يتقهوا ثم نتغدا ...
هو ما بعد شاف الجو وكان يشرب وابوي يقول له ... الجو اليوم غريب ما كأننا ظهر كأنه حول المغرب ...
رفع راسه وشاف الجو وانهبل .....
قال ان هذا الغيم مو غيم مطر ....... هذا غيم برد ... وما امداه يكمل كلمته ....
الا وشوي تطيح علينا بردات صغيره متناثره ....
في البدايه كنا مستانسين بها وكل وحده تلحق لها وحده وتقول هنا اكبر هنا اكبر ......
بعدا بدو الناس يصارخون ويقولون جاكم الموت .....
بدا البرد يكبر حجمه اكثر واكثر وبدا يكثر ..
كل العالم قامو بيركبون سياراتهم والمشكله الاكبر اننا قلنا بنجلس مؤقت جنب السد يعني ناوين نغير مكاننا ....
ركبنا ولا قدرنا نتحرك لان البرد كان في اتجاه معاكس لسيرنا ...
وقفنا وكل واحد بدا يدعي ان ربي يكف عننا هالعذاب ......
والله ما جاء في بالي غير غير آية ( ترميهم بحجارة من سجيل ) الفيل : 4
والله من كبر البرده الوحده والله بلا مبالغه كبر البرتقال او اكبر

وهنا صوره توضيحيه :::



تكسرت السيارات .. وإصابة 30 شخص ..
سيارتنا صارت ولا شيء القزاز يدخل علينا وكل واحد يدعي ان ربي يكف هالجيش المرسول علينا .....
هذا الشيء اللي حصل والله ما تعدا 10 دقايق ودمر الدنيا بكبرها ....
الصوت كان مرعب بشكل عجيب يضرب بك من كل النواحي ...

خف شوي وسمعنا يقول لنا واحد ان السد بينزل علينا
هنا المصيبه الكبرا .... يعني بيجينا شيء مثل تسونامي ......
حاولنا نمشي ونهرب من السد باللي نقدر بعدان شوي وبدينا ندق على خالي واختي ورجلها .... الشبكه كان زحمه كل الناس بيون يطمنون على اهاليهم .....
قلنا بنرجع للرياض ويجون لنا ناس يقولون لا ترحون للرياض لان البرد ماشي لها ......
قلقنا اكثر على اهالينا وربعنا في الرياض وبدو الناس يحذرون اهاليهم في الرياض .....
رحنا باتجاه معاكس واتجهنا لمزرعتنا في ملهم ....
الجبال شلالات والحاله صعبه عند كل الناس .... الارض بيضاء .....

صوره توضيحيه ::







والحمد لله ما حصل مع اي مننا اصابات بالغه وفي نفس الوقت اكتشفنا بعد ان خالتي كانت جايه ....
اجتمعنا في مزرعتنا كلنا وتغدينا وبعدين سمعنا انه وقف ولا وصل الرياض وبعدها قلنا خلاص نرجع وتم يونا برعب استمر لاكثر من 3 ساعات .......
كتبو عننا في الجرايد وقالو انه اقوا عاضفه نزلت على السعوديه ....
ولو استمرت اكثر من كذا بدقايق كان الناس هناك توفو ....

وهنا بعض المقاطع جبتها من اليوتيوب ::






والحمد لله الذي انجانا ..... من هذا الكرب الكبير ......
:: في امان الله ورحمته ::